Ka Nupepa Kuokoa, Volume LXI, Number 10, 10 March 1922 — Page 6

Page PDF (1.62 MB)

This text was transcribed by:  Kamehameha Schools Gift To Dr. Chun
This work is dedicated to:  Dr. Michael J. Chun

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

Puuwai elua

a i ole

Ka Hewa o ka Wahine He Moolelo i

Owiliia me na Haawina Hoopihoihoi

Noonoo o ke Au o ka Manawa

"Ua lohi loa aku nei au, no ke kakali ahiki i ka holo ana o ke kaaahi, aile no Keaka ua hala aku la oia, a owau aku koe, e hoomakaukau aku ana au i kou mau ukana, no ka ikali aku mahope on a, no Ladana. "Mai hoopoina oe e Ela, no kela hee holoholo  o kaua e makaukau ana au mahope o ko kakou inu ti ana. Malia paha o kea ko kaua hele holoholo pu ana, no ka mea eia he leka iloko o ka pakeke o kuu kula o ka loaa ana mai nei, malia he leka pili oihana paha kela, e kono koke ia mai ai au, e haalele iho i ka noho ana maanei nei." Alawa ae la ke Ela nana ana ia Ivana, alaila kulou hou @o la ke poo ilali, me he mea la, ua olu aku la kona ma@, no ko laua hele i ka holoholo, o ka huli maila no ia o @ana hele no ka hoi ana aku noloko o kona rumi. Ua hele ka helehelena o ua kapena opio nei a lamalama e ole hoi ka lamalama, ua loaa ka mea nana e hapai mau mai i ka lia ame ka iini a ka puuwai, a iaia i hoea, aku ai ma ka puka o kona rumi, puana ae la oia i kela mau olelo: ua maopopo loa iau, ua aloha o Ela iau, ua hili loa ia'u ke ike aku ma kona helehelena, i ka hele a pii ka ula a in a aole kona makuahine me ia, in a ua loihi ko'u ku ana aku nei e makailio pu ai me ia." Iaia i komo aku ai maloko o kona rumi, pani mai la oia i ka puka a paa, me ke ki ana mai maloko, he hookahi paha kumu nui o kona ki ana mai i ka puka, no kona makemake ole e komo mai kekahi mea, a i ole, no kona makemake oia wale no ke noho me ka hokai ole ia aku e kekahi mea. Aole on a kanalua iki, o Miss Kalani maoli no ka mea nana kela leka, oiai oia wale no kana mea i kakau aku ai, a o kekahi no hoi, he limakakau no ka wahine, ka mea nana i kakau i ka inoa mawaho o ka wa-hi, a in a aole na Miss Kalani mai kela leka, alaila mai ka Loio Malo mai. Mahope nae o ka nana ana iho i na mea i kakauia mawaho o ka wa-hi, uhae ae la oia i kekahi kihi, a heluhelu iho la i na manao o ka leka i kakauia, a o keia malalo iho nei ka manao o kela leka: "E kuu Ivana aloha: Ua hoohikilele loa ia mai au i ka wa i heluhelu iho ai i kau leka. I kinohi, o ka manao iloko o'u, na kekahi u'a komohewa, i kakau mai i kela leka, aka ma ka hoohalikelike ana nae i ka limakakau maloko o keia leka, me na leka e ae, a kou mau lima ponoi i kakau ai, ua hoopau loa ia ae la ko'u pohihihi, o ia hoi, aole na kekahi kino wailua i kakau mai ia'u, aka na ka mea no 'u i kamaaina ai, he i'o a he koko iloko on a. "Heaha ke i o keia huna akna ou i kou inoa, me ka makemake ole e ikeia ae e ka Poe i kamaaina mua ia oe? Heaha keia karaima ko'iko'i au i hana ai? No ko'u hopohopo, malia paha aia i'o kekahi meahuna i ppili loa aku ia oe, nolaila ua lawe loa au a kahi kaawale, hookomo i keia leka; a no ka hoike ana aku i ka mea oiaio loa, he keu aku a ko'u piha i ka hauoli, e apo aku ia oe me na manao aloha nou, a hookipa mai maloko o kou home ponoi. "Aohe au  mea e hopohopo ai no'u, aole loa he hookahi huaolelo e puka mailoko aku o kuu waha, e kumakaia ana ia oe, a in a no e konoia mai ana au, e mauna aku i ko'u ola, no ka hoopakele ana ae ia oe, ua makaukau loa au i na manawa apau. "Ua kamaaina no oe i na wahi apau o kou home; a in a no kou manao e hoea mai ma ka po o ka Poaha ae nei, alaila e hele aku no au e hui pu me oe, ma ka hora umi o kela po, ma ka Hale Kahiko. O kela wale no kahi kupono loa a'u i manao ai, aole he poe e ike mai ia oe, oia i ua waiho wale kela hale me ke kanaka ole, no kekahi mau makahiki lehulehu. E pane mai oe ia'u me ka maopopo loa, in a e hoea i'o mai ana oe, a e hoike pu mai no hoi, in a paha aia oe iloko o kekahi pilikia au i hopohopo loa ai!' I ka pau ana o ka leka i heluhelu, akaaka iho la o [vana. a i aie la iaia wale iho no: "Aole au i manao, e lilo ana ka'u mau mea i kakau aku nei, i kumu e komo ai ka hopohopo iloko o Bela, aka e hoopau aku ana nae au i kona mau manao hopohopo." alaila noho iho la oia kakau i ka pane no kela leka, a o keia iho na manao ana o ke kakau ana: "Aohe a'u mea i hana ai a'u e hilahila ai, a e maka'u ai paha no kekahi poino, koe wale no keia, o ia ko'u hoike ole ana ia'u iho imua o ke keena o ka oihana kaua. Ua hooholo au i ko'u manao, aia a mahope aku o keia hui ana o kaua. alaila hoike aku au ia'u iho i ko'u mau poo ma ka oihana. O oe wale no ka'u i hoike aku ai, no ko'u makemake e hele aku e ike i kuu home kahiko, aole he mea e ae mawaho ou, nolaila ke apono aku nei au i kau mau hoakaka, no ko'u hoea aku i ka manawa, ame kahi au i hoike mai ne ia'u, ma kau leka." O ka Poalua keia la a Ivana o ke kakau ana i leka pane ia Bela.. a ke nalu wale la no oia, i kana hana iloko o kekahi mau la mai, ahiki i ka Poaha. Mahope iho nae o kona noonoo ana me ke akahele, kakau iho la oia he leka na ka Loio Malo, e hoike aku ana, no kona hoea aku imua on a, ma kekahi la mai, me ka hoakaka pu ana aku hoi, no kona makemake e aie aku i ka huina o elua kaukani paona. Oiai ke kokoke ae la i ka manawa no ka inu ti, ke ae la o Ivana iln, a iho mai la no ka hale malalo, a iaia i ku aku ai ma ka puka mamua, e nana aku ai iwaho o ke kahua manienie, ike aku la oia ia Ela e hoomakaukau ana i na lako inu ti, malalo o kekahi kumulaau oka, me he mea la @oko o ua o Ivana. o keia kekahi o na hiona, i hooi loa ia ae ai kona hoohoho no Ela, he hiona hoi, e hiki ole ai iaia ke hoopoina. Hele pololei aku la ua o Ivana, a ku ana ma ka aoao o Ela, alila pane aku la: "E hoomanao oe e Ela, no kela hele holoholo o kaua i ka halepule, he nui ana anei kau mau hana o keia auwina la? E holo ana au no Ladana ma ka la apopo, aole he mea nana e hoololi ae i kela huakai a'u." A lawa ino mai la ka Ela uana ana ia Ivana, me he mea la ua hikiele loa aku la oia, i ka lohe ana, e holo koke ana o Ivana no Ladana, a o ia kana o ka pane ana mai: "Ua piha maole au me ka hauole, ma keia hoi ana mai nei o Keaka!" Mamua o ka hiki ana ia Ivana ke kamailio mai, hoea e ma la o Mrs. MBeure, a kaa e aku la ke kamailio ana mai ma kona aoao: "He keu aku ka hoi ko'u hoomanao no Keaka. Aole anei oe i ike aku e Kapena Leonada, i ka loli loa o koa helehelena, iaia i haalele mai ai ia kakou i keia auwina la?" "Ae, ua hoomaopopo aku au i kekahi hoailona, no kona kaumaha; aka auhea nae oe e Mrs. Mehure, o keia ko'u ahiahi hope loa me olua, a ma ka la apopo e huli hoi aku ai au no Landana. No na pule elua a'u i hoohala ai ma ko oukou wahi nei, aole loa e hiki ia'u ke hoopoina, No ka manawa hope loa, e hele pu aku ana maua o Ela i ka holoholo, aole kakou i maopopo, i na ulia o ko kakou ola ana aku, malia paha, aole he manawa hou aku a maua e holoholo like ai" He mea kaumaha maoli ka hoi keia o kou haalele koke mai, aka nae in a e hoea ana oe no Landana, alaila mai hoohala hoi, i ka hele ana aku e hui me kuu keiki." Oiai ua makaukau ke ti, o ko lakou noho iho la no ia inu ti, a i ka pau ana ku ae la o Ela,  a hoi aku la no ke komo ana mai i kekahi lole, i kupono no ka holoholo, pela no hoi o Ivana, i hoi aku ai noloko o kona rumi, no ka hoomakukau ana iaia iho, me he mea la iloko o kona noonoo, o kela kekahi o na manawa ano nui loa o kona ola ana. Hele like aku la laua a hoea i ka puka-ka, alila hemo aku la iwaho, me ke kamailio ole ia o kekahi mau olelo mawaena o laua, aka nae ua kaa ma ka aoao o Kapena Ivana, ke kamailio mua ana aku: E holo i'o aku ana au no Ladana i ka la apopo, a mailaila ae no Kanale Hale, no ka hooponopono ana i kekahi mau mea e pili ana ia Miss Kalanai. O ka leka i loaa mai nei i keia la, he leka ia mai kela wahine opio mai, a ua hiki ole ia'u ke alo ae, mai ka hana ana aku i kekahi mea e pono ai oia."Aohe pane mai o Ela no kela mau olelo, a o ia ka Ivana. o ka pane hou ana aku: "Ua makemake anei oe e ike i kana leka o ka hoouna ana mai nei ia'u? Me he hea la, he leka kela i kakauia e kekahi mea me ka puuwai maemaie." "O, aole o'u kuleana e nana ai i kena leka, i kuleana wale no na kou mau maka e heluhelu!" "No'u ponoi no keia makemake e heluhelu pu oe, no ka mea ke makemake nei au o o e pu kekahi iloko o na mea apau ikuleana ai au, oiai ua aloha au ia oe. Elike me na kukuna wela o ka la, e hoolele ana i ke kau, pela iho la ke ano o ke ola i loaa ia'u i keia manawa, mai kela wa mai a;u ike ai ia oe, a o keia iho la ke kumu nui o ko'u koi okoa ana oaku la ia oe e hele mai kaua i ka holoholo i hoike aku ai au i meahuna iloko o kuu puuwai." Ke ku malie la o Ela me ka pihoihoi ole, me he mea la. uaolu aku la oia i ak lohe ana ke kulike o ka pana ana a kona puuwai me ko Ivana, alaila leha mai la kana nana ana maluna o na maka o ke kapena opio, a pane mai la: "Auhea oe e Ivana," wahi ana me na lehelehe haalulu, "ua aloha aku au ia oe a oi aku mamua o ka mea hiki ia'u ke hoakaka ae ma na huaolelo. O oe e Ivana ka'u aloha imua loa. a o oe no hoi ke aloha hope loa!" I kela manawa a na ipo e ku la, aole o laua noonoo ae i keka@mea i kekahi elemakule, e hele ae ana ma kekahi wahi alanui ololi. I kela lohe pono ana no o Ivana i na olelo maopopo loa mai ia Ela mai no ka nui o kona aloha iaia nei, ia wa oia i hopu mai ai ia Ela a hoopili aku la ma kona umauma, me ka honi ana iho iaia me ka hoomaumau ana no kekahi mau sekona, a iaia i aea ae ai iluna, pane aku la: "Ehaalele iho ana au ma ka la apopo no Landana, aka e huli hoi koke mai ana no au. Auhea oe e Ela, kuu ipo nohea, e lili ana anei ka haulolu i loaa ia kaua i keai la, i mea mau loa?" "Aole he mea nana e hokai ae i ko kaua hauole!" i pane ae ai o Ela me na hoailona o ke aloha oiaio ma kona mau maka. Lalau aku la o Ivana i ka lima o kana aloha, a alakai aku la no kahi o ke alanui akea, o ko laua hele aku la no ia, no kahi o ke alanui akea, o ko laua hele aku la no ia, no kahi i kauia ai o ka pahu leka ma ke kihi o ke alanui, a hookomo aku la i kana leka i kakau ai na Miss Kalani, me ko laua hele ana aku ma ke alanui e moe pololei ana no ka halepule, mawaena o kekahi mau puu elua. "Malia paha e ae mai ana oe e heluhelu i ka leka a Miss Kalani, no ka mea aia iloko o kela leka, kekahi mea i pili aku ia oe." wahi a Ivana, ma ke ano hookolohe i kana aloha. "E piha ana ia kaua ka hora hookahi e hele ai ma keia alanui, alaila hoea aku kaua no ka hale, nolaila ua nui ko koaua manawa e kamailio ai no kaua iho, iloko o kela hora hookahi He hookahi nae a'u mea e ninau aku nei ia oe he lili no anei kou ia Miss Kalanai?"Ua hoopuiwa loa ia ko Ela manao, no kela ninau a kana aloha, a o ia kana a ka pane ana mai: "Heana auanei ke kumu e lili aku ai au iaia? Aole loa he wahi manao lili iki iloko o'u nona, aole loa!" "Malia paha no kou maopopo ole i ke kumu, i ala mai ai o ka;u ninau, pela i komo ole ai ka manao lili iloko ou n@ kela wahine opio. Ua maopopo no anei ia oe e Ela, @ Miss Kalano ka wahine i manaoia ai, e mare mai me a'u?" "Aohe ana koi ana mai ia oe e kuu aloha! E manao ana ka hoi au, ua hoike aku la o kEaka ia oe. i na mea e pili ana ia Miss Kalani, no kona hoopaluia ana me ka Haku Fanadale!" "Akahi no a olokaa ia ae kekahi pohaku nui, mai ko'u alahele ae, no keia ka mua loa o ko'u lohe ana i kena mea ano nui mai ia oe mai. Pehea la i hoike ole ia mai ai keia mea ia'u mamua?" Haawi mai la ua o Ivana i ka leka a Miss Kalani o ke kakau ana mai iaia no ka heluhelu ana iho o Ela a i ka maopopo ana no hoi na manao oloko o kela leka, ia wa i nee ae ai o Ela i ka akaaka, me ke ka-ua ana aku i kana ipo aloha, aole e hoo@o i na mea i makemakeia aku ai oia e hana ma kona aoao. "Ina hoi paha e ae mua ia mai nei e oe e heluhelu i keia leka, inaaole au e hookomo aku nei i ka'u leka pane no ko'u hoea aku ma kela hale kahiki, i ka manawa ana i kauoha mai nei. Ua lohi loa keia no ko;u hoololi ana i ko;u manao. Ileaha ka pilikia au e hopohopo nei e loaa man ana ia'u?" "Ua manao hophopo wale no ko'u nou, no ka mea aole o Miss Kalani he wahine maikai, aka oia kekahi o na wahine ino loa, eia nae aole e hiki ia'u ke hoike aku i na kumu. He maikai na manao o keia leka ke nana iho aka nae, aole kaua i ike aku i ka hana a kela wahine i hoolala ai, malia he pahele keia nou e punihei aku ai iaia, o kou poino no ia. "Ua hele au a piha me na manao hopohopo loa nou e Ivana, aole nae he maopopo iki o ke kumu o keia hopohopo; aka e hoohiki mai nae oe imua o'u, mamua o kou hooko ana aku elike me ka manao o keia leka, e waiho mua aku oe i na mea apau imua o Keaka, a e hooko aku elike me kana i manao ai he pono." "Ina o kou makemake ia e kuu aloha, aoila e hana no au i na mea apau e loaa ai ia oe ka hauoli oiaio. Aia kaua a hoea aku no ka hale, owau ponoi no ka mea nana e hoike aku ana imua o Mrs. Mebure, kou makuahine, ua hoopalauia kaua, a ke makemake nei no hoi au e lohe oe i ko;u manao, aole he hana hoihoi na'u, ka hoopalau ana no kekahi manawa pokole kupono e hooholo like ia ana e kaua." "Ua maopopo no ia oe e Ivana, he kaikamahine nele a ilihune au; aohe a'u mea e haawi aku ai ia oe, o kuu aloha wale no a ke kau mau aku nei ko;u manaolana, malia paha i kekahi la e hoea mai ana, e holopono ana na lua gula a kuu makuakana e hooikaika mai nei ma na aina mamao, o ka loaa no ia o ka waiwai i ko;u ohana a loaa no hoi he mea ma ko;u aoao, e haawi ka ai ia oe""Aohe a kaua noonoo ana i keia manawa, no ka waiwai o kou makuakane, ua hiki loa ia'u ke hookaawale i kekahi haawina dala kaokoa nou, a maluna iho. o;u ke ko'iko'i o ka hana ana aku i na mea apau e loaa i'o ai ia oe ke hauole." wahi a Ivana, me ka honi ana mai ia Ela. (Aole i pau)

 

MOANALUA I KELA AU I HALA, A O MOANALUA I KEIA AU.

(Kakauia e J. K. Mokumaia)

(Hoomauia mai)

Pela no hoi me kekahi kahun pohaku i hoonohonoho maikai ia, koha ano heiau, a pela hoi me kekahi ana mai e lawa ai na kanaka he hookahi haneri ke noho, a pela hoi me kekahi ana uuku i kupono no ke kanaka hookahi e noho ai, ma ke ano kiu, a e huli mai ai a nana ia Moanalua, he ahuwale na en@mi ke hele ae. Ma ka'u koho iho, o kona kiokie mai ka iliwai-kai na elima haneri me hapa kapuni kona kiekie, a o keia awawa kekahi o na aawawa nui o ke kanaka, a i kapaia o Ku@manaiki, a loaa mai ia puu kaulana o Puukapu. Oa oleloia he wahi keia e launa ai na alii ame na kanaka no ke kukakuka ana i kekahi ninau ano nui, a e hiki mai ana i ka maopopo ana i kou meakakou nei, na mea e pili pono aku no keia puu ame kona mea i kaulana ai; oiai ua kokoke loa keia puu mo kahi e hanaia ai na hana kimopo i na kamehele e hele an@. Nolaila e na makamaka heluhelu o kuu Kilohana, ke hoihoi hou ae nei au i ke kakele ana aku i keia wahi hoonanea i ka manawa no ia a Kaleiluhiole e noho ai konohiki ana, ke kumu i @ mai ai nei hookaua ana o keia wahi hoonanea. Ko Kaleiluhiole kulana mana piha, ua hele aku no ia ahiki i Makua, Waianae, a hoi mai, i kona manawa e kaahele ai e hoomaka ana mai Moanalua ake, a noho a hoomaha i Makua he mau anahulu alaila hoi mai. o keia nee kaahele ana ke hele pu la no na kanaka hana. a pela no hoi me ka poe e hoolaulea ana i keia huakai i mea e piha ai ka poe apau me na manaolana mau o ka hoihoi, i waena o kona mau hoahele. Ma keia noho ana o ke konohiki, aia na mea pili kahakai ua hoomakaukauia mai e ua kupa a peia no hoi na meaululu o ka ain, oiai he mana kana olelo, e pono e makukau @iai he mana kana olelo, e pono e makaukau neia @iau mea apau, a o ke kanaka nui no, o ia mau la, a kou meakakau i lohe mai ai, oia no ka mea i kapaia o Kihikihi, he oopa keia keonimana, aka o kona poo ua piha i na noonoo like ole e pono ai oia. He mau mokuku@a kona, a o kona mau kanaka lawelawe, eia no kekahi ke ola mai nei i Waianae, oia o Mr. Hui, a i holoholo pu me ka makuakane o ka maekakau nei, oiai ko'u makua he kapena no na noku o ua e Kihikihi, a kapunakane o ka meakakau nei. O ke kumu i ku ai keia kalaimananao ana, oiaia mamuli o ka noho ana o ua konohiki nei i Makua, he mea maamau he mau le'ale'a ke haawiia ana nona, aia iloko o ia lealea ana. he pa-hula kekahi i noho poohula ia e Mahoe, o keia poohula mai Kauai mai oia a i ka hui ana me ka u'i o Makua, o keia ike hula on a opaia mai ana ke kikala o ua poohula nei e kela u'i o Makua, kaomi malie, oe i ko hanu i ke kai hawanawana, o ua kaha nei, poniuailana ko maka ke ike iho. Aia iloko o keia pa hula o ko'u makua kekahi a i, kela huli hoi ana mai a ke konhohiki, ahiki i kona kahua mau, o ia Moanalua, he mea maamau ia kela, in a e nalowale a loihi, e piha ana na mea apau me ka hauoli , a o ia hauoli, o ia ka mea e ikeia nei a hui ae la na pahula me ko Moanalua no hoi i noho pookumu hula ia e Keonni Paakaula a hui ae la no hoi na ha@nana a loaa ae la kou meakakau nei a o ka mea i ikeia, o ia nee aua mai, ua kahua iho la oia, a ua hooulu mai  oia i kona kihapai a loaa mai la kela makahiki a ka meakakau i hai mua ae nei, ka manawa i loaa ai kahi noonoo. Ma ka nana ana i ka noho ana o ke konohiki anie ua kanaka he piha maoli i ka hauoli he aina kanaka keia ame ka nui o ka pi. (Aole pau)

 

HUI A nA WAHINE HAWAII O MAUI

 

E wehe ana na lele Hawaii o keia hui he ahamele me hulahula ma ka hale aupuni Teritore, Kahua Fair o Kahului, Maui, ma ka ahiahi Poaono, hora 8 p.m. la 18 o Maraki, 1922, no ka hoopuipui ana i ko lakou waihonakokua i ka hoonaaua ana i na keiki Hawaii. O ka Lokahi ka Lanakila ko lakou mota, a o ka makemake e ike ia kakou Hawaii o kipa hewa ke aloha i ka iliio. Ma ma puukani o ka Oihana Makai o Maui, na hooheno ana o ka ahanele. Nolaila e hele nui mai oukou e na Hawaii ponoi, mau ke nui a ka liilii. He hapalua ko ke tikitiki, pepa uku komo.

MAKEE I KA HOLOMUA.

 

HE AHAMELE NO KA WAIHONA HOONAAUAO

 

Maloko o ka Halekeaka Lib@, r hoomaka ana mai ka o pei mai, Poaha, Maraki 9, pela hoi ma  keia po, ame ka po p ka la apopo, e haawi ae ana ke Kalapu Hoeueu o na Hawaii, he ahamele, me ua hana hoohauoli, ka hula Hawaii ame hulahula, no ka imi ana i kekahi waihona, no ka hoonaauao ana i na keiki Hawaii. Ua lili ke kumuhana hoonaauao i na Hawaii, i mea kamailio nui ia e kela kalapu, a no ka hoomahuahua ana ae i kela waihona, pela iho la a i manaoia ai, e malaHalekeaka Liberty. I kulike ai ie ka papa hoonohonoho o na hana himeni, k ahula no hoi ameka hulahula, pela me na hana hoohauoli, o keia kekahi o kna hana i ike mau ole ia ma Honolulu nei a o ka poe e hele ae ana e nana i kela mau hana, e ike ana lakou i hele ai e kakaikai. E hoea ae ana ma kea ahameme, na puukani himeni, o keia kulanakauhale, e nele ole ai ka haawiia o na mahalo kiekie ana ia lakou. e hoea ae ana ma kela ahamele na puukani himeni, o keia kulanakauhala e nele ole ai ka haawiia o na mahalo kiekie ana ia lakou. O na keiki kekahi o ke Kula o Kamehameha e hoea ae aua, me ko lakou paikau ana, halalo o ke alakai ana a ka himeni o keia ka haha, nana i haawi aku i na mahalo kie kie ana i na keiki o Kamehameha, ma ka hookuuanan o na keiki a'o koa mawaho ae nei o Punahou, ma kekahi manawa i hala. E hoikeike mai ana o Duke P. Kahanamoku i ku hulajula no hou loa, no ka hiki i na himeni Hawaii, ke alakai i ka hulahula. E hoikeikeia mai ana no hoi na ano hula Hawaii apau ma keai mau po, e laa ka hula uliuli, hula puili, hula ili, hula pa'i umauma, a me ka hula olapa. Ma kela mau po, e ikeia ai o Mrs. Marion Dowsett Worthington, ke kaikamabine a Kimo Pelekane, he puukani himeni a nana e mele mai ana i kekahi himeni "kuu iini", i hakuia e C.E. King.E hoikeike pu ia mai ana no ano apau i pili i ka oihana lawai'a ma Hawaii nei, e laa ke kamakoi ke kiloi upena, a pela pi hoi me ke ano o ka heenalu. E loheia ana no ano himeni hawaii apau, mai na puukani mai, no lakou na inoa malalo iho nei: Joseph Kamakau Samuel Kaalouahi, Samule Toomey, Fred kahea, Arthur Komomua, George Baker, Sam White, James Whillingworth, George Awai, John Naiwi, Lot Kauwe, David Kamakahi Mossman, Mrs, Rose Tripe, Mrs, Kaipo Kay, Mrs, S Pupuhi, Mrs, F. Lang Akana, Mrs. Stein, Miss J. Wilcox, Miss Lydia Kawainui, Miss Kuualoha Akana, Miss Oriet H. Robinson, Miss Abe Mahoe.

 

KE HALAWAI A KA PAPA LUNAKIAI

 

Ma ka halawai a ka papa o na lunakuau o ka noho ana ma ka po Poalua nei i kauohaia ae ai ke kakauolelo e hoopuka ae i ke kahea no na koho no na kii ame na kuhikuhi no ka haua naa i kekahi luawai hookio poepoe, a e weheia na koho mahope aku 30 la o ka puka ana o ka hoolaha no na koho maloko o na mupepa. elike me ia i koiia ma ke kanawai. Na Mr. Pachecco i waiho ae i keia noi a hooholoia me ka lokahi. Ma ka hoakaka a Mr. Pocheco aohe dala i makaukau no keia haha i hiki e loaa i nei manawa, aka nae, ua hooiaio loa ia i nei naawa ka loaa i ke dala mamuli o ka hookoloia ana o ka olelo hooholo mua e hoamana ana i ka Puuku Kulanakauhale ame Kalana D. L. Conkling, no ka hoopuka ana aku i na hona ao $500,000 ka waiwaiio a mailoko ae o ia huina o na bona o $250,000 ka waiwaiio ke kuaiia aku i mea e hiki ai ke ukuia aku na hoolilo no ka hana ana i ka luawai hookio ame kekahi mau hana hou e ae i makemakeia no ka oihana wai. Me kekahi halawai a ka papa o ka noho ana ma kekahi amanwa kokoke aku nei i hala i hooholoia ai he luawai hookio poepoe ke hanaia a e hoopouia ka noonoo hou ana no ka luawai hookia huinaha, a ma ke kohoia e emi ana no lilo o ka hana ana i ka luawai hookio o ke ano poepoe mamua o ko kaluawai huinaha. He halawai akea ka i malamaia no ka hoolohe ana i na manao o ku poeona aila ma ka alanui Moi e pili ana i ka hana ana i ke alanui Moi mai ke alanui Alapai aku ahiki i ke alanui Punahou. He poe on a aina kakuikahi ka i akoakoa ue ma ka manawa o ka hooloheia ana o ia ninau, a ua kue a e ia poe i ke ano e hanaia aku ana ia wahi o ke alanui Moi mamuli o ka oi loa ahku o na hoolilo. Ua hoopauia ka hoolohe ana a ua luweia malalo o ka noonoo ana a ka papa. Ua hoea ae manua o ia halawai a ka @ kekahu mau elele mai ka ahahui @ na Wahine Housewives League, @ ae no ka hooholo koke ia o ke @ wai e hoakaka ana i na palena puaahi i hooholoia ai ma ka heluhelu ekahi i hooholoia ai ma ka heluhelu ekahi ia ana ma ka halawai mua aku. Ua noiia ae mahope iho e lilo ia hana i hana kuikawa na ka papa e noonooai ma keia halawai ae. He manao kanawai ka i koikeia ae i ka papa mai ka hope loio kalana ae, Harry Hewitt, e hoakaka ana ua koiia ka papa lunakiai ma ke kanawai e hoolako i kekahi dala no ka waihona kookaa aie ame ka ukupanee maluna o na bona i hoopukaia no na oihana wai o ke kulanakauhale; ma keia manao o ka kanawai wahi a kahope loio e pono e kauia kekahi uku auhau i mea e lilo ai ka oihana wai he oihana hiki ke kokua iaia iho i mea e mau au kana hana. Ua hooholoia ka hoopuku ana aku i ma hona o $16,211.98 ka waiwaiio no ka hoolako ana i dala no ka hana hou o ke alanui Liliha mawaena o na alanui Wyllie ame Judd. Ua hookaawale pu ia ka huina o $3000 mau ka waihona auhau alanui ae no na hana @comaemae i ke alanui Kula. He mau noi ka i loaa ae i ka paua no na hana nou o ke alanui Houghtailing, ke alanui Paki mai ke alanui Kapahulu aku ahiki i ke alanui Leahi, a n@i ke alanui Kapahulu aku ahiki i ka hui ana me ke alanui Paki. I kuk@ no ke alanui Guliek ma ke alanui Stanley kekahi i noi pu ia ae. Ua hoike pu ia ae i ka papa ko Thomas Blackwell hookohuie ana uku i enekinia no ka helepaumawai ma ke alanui Beritania ma k@ o George Kopia. O kona uku i haawiia ae $13 no ka mahina. Ua haawiia aku ia H. J. Fernandez ka aelike no ka hoopau ana aku i ka hana o ka halekula Likelike ma kapalanma, a o ka aelike no na paipuwai no ke alanui Kuakini ua haawiia aku ma ke ano hui i ka Honolulu Iron Works ame ka American Factors. O ka laua mau koho pakahi $1,916.10 ame $168.55. Ua kauohaia ae ka luna nui o ka oihana wai Wall e hoomakaukau i kekahi mau kii ame na palapala kuhikuhi no ka laina oaipuwai nui 12 iniha no ke alanui Moi mawana o na alanui Alapai ame Punahou. O na koho no na paipu aua e hoomoeia aku ai iloko o ke kai ua waihoia ae ia Wall ka noonoo ana, ua oi loa aku ka huina dala ma ke koho haahaa loa oia hoi he $18,000 maina o ka huina  kohoia he $15,000 no ia hana.

 

KO MRS. ATOHERLBY KA INOA MUA MA KA BALOKA

 

Ma ka haloka e hoomak@ mai nei e ke Kakauolelo o ke Teritore o Hawaii Raymond C. Brown o ko Mr. Aterherley ka inoa mua a o ko Mrs. Ateherley ka inoa mua a o ko McCandless ka hope loa, i kulike keia me ka hoakaka ma ke kanawai e kauia ma inoa o na mho ma ka baloka elike me na hua pu-n-pa mai ka A aka W. Ma ka hoakaka a ka palapala o ka mua e lilo ana i hope a o ka hope ka lilo ana i mua in a he makemake o Mrs. Aterherley e kaa ma uoia mamua  a o MCCandless ma hope na laua ia e hakaka mawaena iho o laua i ka mea o laua e oi ana ma ka koho haloka e hiki mai ana. Penei ke ano o ka baloka e pa'ii ana: Aterherley Mrs. Mary Haaheo

"Ka Makuahine o Hawaii"

Balwin Harry A.

Jonah Kumalae

McCandless L. L.

"Likekona Eliwai"

I kulike me ka ke Kakauolelo Ravmond o ka hoakaka ana ae ma ka Poakolu iho nei, "aole e hiki i na moho elele ke hoahewa mai ia'u no ke ano o ka hoonohohhoia ana o na inoa e ikeia ana ma ka haloka. Malia paha na makemake kela ame keia moho o konainoa ka mua loa, aka mae, ma ka hoa kaka ma ke kanawai e kauia n inoa o na moho ma ke ano o ka huapalpala nolaila noho hoolahala ana mai a kela ame keia o na moho.

 

MEKUKO, Mar. 6 - Ua olohaui ae ka poe hana hao ame uwila o keia kulanakauhale me ka pau ana o ka holo ana o na mua uwila na hale hoohara uwila, a ua hoopilikia loa ia hoi ke kulanakauhale mamulu o keia mea i ala mai me ka loaa liilii loa o ka wai i Ko ke kulanakauhale poe.