Ka Nupepa Kuokoa, Volume LXI, Number 10, 10 March 1922 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Makalei, ka Laau Pii Ona a ka I’a o Moaula-Nui-Akea i Kaulana

 

He Moolelo Kahiko no ka Huli Koolau o Kailua ame Waimanalo, ka Nanea o ke Au o ka Manawa.

 

 

(Hoomauia mai kela pule mai.)

            Huli ae la o Ahiki, a ninae aia la i ke kahuna:  “Pehea ke ano o kela keiki ehu au i olelo mai nei, i ka hoi wale aohe wahi puolo i ka lima iloko o kela huaka’i?”

            Pane mai la ke kahuna: “O ke ano o keia wahi keiki oloko o ka huaka’i i hala aku la, a’u i ike iho nei, he. wahi, keiki, aole hoi i ka uuku loa, aole no nae i paa kahi humena malo i ka hope; he ano koele kahi helehelena, he mohae” na maka, a he maila kahi ili. Waiho hoi kau ninau e ke lii a nalo ka huaka’i ina la hoi ua ukali aku a kahi e hiki ai i ka hale, a heaha kou manao, e ka punahele, i niuau ai oe no keia keiki!”

            Olelo aku la o Ahiki: “He lele honua wale ae la no, no ko’u hauli, i hoi na kanaka hana o ke alii apau, me ka i’a, a o keia keiki hoi nele iko la, oiai nae, ua kauoha au iaia nei e haawi i ka i’a i ua mea apau, i pa ka lima i ka hana, a o ka poe i noho i kula, aole no e loaa ka lakou, anoai paha, elike me ka nui o na kanaka o’u. o e  konohiki, pela ka nui o ka nele o keia keiki, hoi aku ahiki i ka hale, ninau mai ka makua, i kana wahi i hele ai, o ka olelo a keia keiki, i ka haawiia o ka i’a i na mea apau, a nele hoi oia, ulu ae ka manao iloko o ko ia la ohana, a hookahi. ke ka like ana i ka nelo, a no ia nelo ko’u mea i hele mai nei, e hoike i kuu alii kane.

            “Pehea no la hoi ka hoa aina o maua i nana pono ole ai i na kanaka o ke alii apau pono, aole hoi e loaa ka ohumu, a i la mai paha auanei hoi au i ke konohiki maua, a i ka makama kanaka ole, o ia nae hoi i ka haawi no hoi kekahi, a koe ka hauna i ka lima oiai nae aia no imua o kona alo, hanehane hoi paha keia he pau kalana okoa no, a hala iho la no paha i ka maka o ka hoa aina o ke alii, a o kahi no paha o ke kuia, a ke manao nei au, o keia keiki ke kumu o ka au o ka momona o Kawainui ame Kaelepulu, i ka nalowalo, hookahi no ka hoi la lana ka wai,” a keia aku la ka helehelena o ke kaumaha, e hekau ana iluna o Ahiki.

            Akaka iho la ko alii, a olelo mai la i ke aikane: “Heaha iho la ka mea o ke kaumaha ana e kuu punahele ia mea, ano ai no hoi paha, ua hoohihi mai la no hoi kolaila alii wahine ia oe, i ka ike ma i kou maka malihini, o kou opiopio iho no hoi, ana na pua ka lehua iluna, a o kou mikimiki iho no, pakela ka hoohihi o kamaaina, alaa ka apa la e ke aikane, i ko uhu i ka hele. Ka’u no ia e ka ua aku ana ia oe, e noho iho, aohe i pau ka poke o ka i’o nenue i ka pili mahamaha, iloko o ka ipukai, a kulukulua o ko kaua alo alii nei, lapakku oe i ka hele; eia ka keia uhu i ka hele e ke aikane, ke moemoea nei oe o ka po a kaua e moe nei me ka u’i o ka waihalana.”

            Nana mai la ke kahuina i ke ali me ka ha’oha’o no neia mau olelo, a i mai la: “Mai hoopahene oe i ko panahele, he noonoo nui kona no kou pono ame ko elua alo alii. Ae, e hai aku au ia olua i ke kahoaka o ka wai, aia ke awa o ka loko o olua, ke kuku mai la ke kuala i ka lapa one, aia ka anae ke lelele mai la i ka wai kehau o ka pali, aia ke ahole ke kuku mai la ke kuala, i ke kuahiwi, i malumalu i ka lau o ke uki, nolaila. aohe i’a o au loko o olua ua huna ke akua.”

            Huli mai la ke kahuna a olelo mai la ia Ahiki: “Aia a nui ka ahonui i ka imi ana a loaa ke keiki i mohai oe i ke akua, a i na ka lili, alaila na hoi ola ka loko o olua, a ina aole, e loaa ia oe, he lepo, ka mea nana e hoopiha ia mau loko hiki i ka wa e maleo ai, a lilo i aina paa. Eia ka’u kauoha ia oe, mai noho oe i ka aua a ko aikane aloha, e hoi oe ahiki i ka aina o olua, nau ponoi  no e imi, me he mea ia o keia keiki a’u i ike iho nei iloko o ke kahoaka, ka mea i nalowale ai o ka i’a, aole o’u ike hou i kela huakai ame kela keiki.”

            Olelo mai la o Ahiki: “”E Naluau a pele e, ke kahuna mana o kuu lani alii nei, ka mea nona keia noho ai alii ana, mamuli o kona opu alii, ua pololei kau ike, a ua hoiko mai la ke akua i ke kahoaka ia oe, e hoi i o au a imi aku i ke keiki, owai no hoi ia makua, kuhalahala ole, i ka hoi aku o ke keiki me ka nele, a ike mai i ka i’a a kekahi poe, lilo no hoi paha ia nele i mea eha no ka naau, a i mea hoi e nele like ai, hookahi hoi ke ka ana i ka ula loa, alaa ka nele la, aole no hoi kau o kahi nele ae nei a lohe mai i ke a’o, o ka nele paha auanei ia a ko elike me kau olelo, e lilo kela mau loko i’a piha momona, i aina maloo, maloo no ka wai, he aina wi ia aia.”

            A pau na olelo a ke kahuna a hookuu na hana, makaukau ka papa aia ahiahi o ke aloalkii, hakalia i ka pule a ke kahuna, a amama, hahao kowaho i piha ka lua o ka inaina,

            Apau ka ai ana, haule iho la na le’ale’a o ke alo alii hoonanea na lilo ia i mea houoli na na hoaaeie o Ahiki, ke nana nei  laua ia mau mea apau, me ka manao hoohihi, ua hele no hoi a kokoke, i na hora o ka pili o ke ao, akahi no a hookuu na le’ale’a, a haule aku la na mea apau, no ka aina moeuhane, o hoononolo, i ke ala ana ae o ka hiamoe, o na lii, ua kahiku ka la iluna, a ua makaukau na mea apau o ka papaaina.

            Hakalia i ka hoomaemae ana a pau, noho iho la ke alii me kana punahele, ame na alii o ke alo o Olomana.

            Hakalia no a pau ka ai ana, ka hoeu iho la no ia o Ahiki i kona mau hou e hoi. I ka ike ana mai o Olomana i keia uhu o ke aikane i ka hoi, pane mai la oia:

            “E kuu aikane aloha nui i hookahi no ka hoi wahi po o kaua e moe pu iho ai, uhu no oe i a hoi.”

            “Ae,” wahi a ke aikane, “aole au e noho i ko au’a, no ka mea, aia ka mea nui mamua, e waiho mai la; nolaila, mai au’a oe’ia’u, e hoi au a ike ua huli ke alo o ka aina iluna, alaila hoi mai au, ua lohe pu aku nei no kaua i ka olelo a ke kahuna, aia a na’u ponoi e imi a loaa kela kanaka ou e ko alii i nele, a na’u ponoi no e oli i ke akua imua ona, alaila na ka lili.

            “Auhea mai oe e ik aikane, aia ke akua mana o ko kela keiki, ina no ka loaa ia’u, a oia i’o, lawe au i keiki hookama na kaua.”

            “Heaha la hoi,” wahi a Olomana “ua pono ia, e hoi oe, a hooko aku i na mea apau, a eia ka’u wahi kauoha ia oe, a mai hoohaule hoi oe i ka leo i hoi oe ahiki, i imi oe a loaa, a pau kau hana, alaila lawe mai oe i ua keiki la, i ike aku hoi au i ka hookalakupua o Kailua, a imua nei o’u e lawe ai kaua iaia i keiki hookama na kaua.”

            I ka pau ana o na kuka olelo mawena o ke alii ame kana punahele, eu ao la o Ahiki ame kona mau hoa, a huli mai la ke alo, no ka pali Koolau o Kailua.

            Ia lakou nei e hoi nei i ke alanui, Ahiki: “He keu ka hoi keia o kahi olelo mai la o Nuhi  ia Paku’i ame kanaka hoopunipuni ino.”

            “Owai?” wahi a Paku-“i.

            :O ia nei no hoi,” me ke kuhi ana aku o ka lima ia Nihiele.

            “Heaha kana olelo ia oe?” wahi a Ahiki.

            “Ia kakou no hoi i hele mai ai i nehinei,” wahi a Nuhi, “olelo mai ua oia la, e lawe ana ka oo ia maua e pii i na niu o Kawela, i wai inu no ke lii Olomana, a o ia iho la no ka kawai inu o ke’le o aia wai niu. I ko’u ike ana aku nei, ike iho la au he keu kela a kahi kanaka wahawai.”

            Olelo mai la no hoi o Ahiki: “Aole paha iaia walo no ia mea, he hoopunipuni, i na mea ia pau.”

            Maauci la e haalele ai kaua e ka mea heluhelu, i keia huaka’i, e hoi nei no Kailua, a e nana aku hoi kaua i ka hookalakupua o Makawao, ka mea i oleloia, Unu mai ka aku, puku mai ka hema, i na i’a hoomalu a ke konohiki.

            Ua haalele aku kaua e ka mea heluhelu ia Kahinihiniula, e naue ana i ke alanui, houka o Maunawili, e kali ai i kona mau hoa paani, o ka hoi mai, aia no hoi kona kuku ke hiolani la.

            Ia Kahinihiniula i hiki ai i kekahi ala kahawai e pili ana i ke alanui makai mai o Maunawili, he wahi hoi e ulupo ana i ke kukui, pii ae la keia iluna o ke kumukukui, e pili kokoke aku aha i ke alanui, a noho iho la oia iluna o ka mana o ka lala kukui, ma kahi e uhipuia ana e ka lau, akali aku la i ka hoi mai o ai huakai ame kona mau hoa piani.

            Ua hoihi no ia noho ana a Kahinihiniula, a lohe aku la oia i ka hauwawa mai o ka leo o kona mau hoa paani, e hoi mai ana me ka nui o ka huakai, a kea malalo o kahi a Kahinihiniula e kau nei, lohe aku la oia i ka olelo, i ka waha o kekahi poe.    

            “Nana aku ka hoi oe i ua mea he kupanana o ka i’a o ka loko, i keia la. aohe e loaa ka lua. Eia la ihea keia nui i’a i nalowale honua ai? Manao hoi e loaa ana kahi hoina, eia ka aole, o ka huaka’i paoa paha keia, e oleloia nei.”

            Olelo mai la hoi kekahi: “He okoa ka paoa. he halawai me ka maka kaola (makapaa). o kela hoi imau iho la no o ke alo kahi i kiliopu ai i ka lelele, a i kuu ia aku la ka hana. O ka nele ke loa, aia no ke ola o ka loko, e kahea mai ana ke konohiki ia kakou.”

            Oiai na mea apau e hoi nei me na olelo like ole i ka waha. i ka lohe ana e Kahinihiniula, i ka nele o ka lokoi’a o ke alii i ak i’a, hoomanuo ae la oia i na olelo a kona kupunawahine, ia’a e nana nei i ka hoi o kona mau hoa paani, ka mea hoi apa i pii ai e kali, ua pau honua iho la kona manao hoihoi paani, ke noho nei ole me ka ike ole mai o keia huaka’i e hoi nei, eia ka ihupani o ka loko o Kawainui, ke hoekepue nei i ke kuma kukui o Keawawaula, a i ka hala ana aku o ka huakai, iho iho la ola ilalo a hoi aku ua no ka uluwehi o Makawao.

            Ia Kahinihiniula i hiki aku ai mawaho o ka hale, lohe aku la oia i ka leo akaaka o kona kuku, a lohe pu aku la oia i kona kuku e kamailie ana i kela mau auaolelo:

            “Ae, ke nani ia ua hui iho la kaua a ua hoike mai la no oe ia’u i na mea apau, aohe a’u mea e ke’ake’a aku ai, anoai hoi o ku i’o ko pulapula i ka moku, wahine alii wale hoi ka noho ana i ko lokomaikai.”

            I ka pau ana e na olelo a ke kuku ana e lohe nei, aia ka manao iloko o Kahinihiniula, he kokoelua ko kona kuku e kaanailio nei. Nolaila pili mai la oia mawaho o ka nioku o ka puka, a kiei mai la iloko o ka hale, ike mai la no oia i kona kuku e  moe ana no ma kahi no ana i hiamoe ai, aole no hoi he mea e ae mawaho ona, nolaila, nihi malie aku la oia ahiki ma kahi o ka hu’a moena ana i hoomoemoe ai i kinohi, ame ka awihi iki ana mai i kahi a kona kuku e moe nei.

            Me ka pahaohao nui iloko ona, ike mai la oia i keia wahine u’i opiopio lauoho nu’anu’a uliuli, me ka papahi nei aaihi i ke poo, e noho ana ma ke poo o Niula, me ka nana ana mai ia Kahinihiniula, e noho nei ikina o ka nu’a moena, i ka ike ana mai o Kahinihiniula, i ke kau aku o na maka o keia wahine, i pulokuia kona mau hiohiona e ka u’i pookela, a elike no hoi, me ke ano mau o keiki, he hilahila a maka’u wale, pela no o Kahinihiniula i hou aku ai i kona po iloko o ke kuina kapa, ana i hoomoemoe ai a moe pakii iho la ke alo, me ke ano haalulu.

            Ia Kahinihiniula e pupue nei i ka pu’e uala hua o Kohala, he neenee mai, aia hoi hoopapa ana na lima o ka u’i paloku maluna o ka poohiwi, ia  wa i uwa ae ai o Kahinihiniula a nui ka leo, me ka piha maka’u, i kumu e ala ai o kona inoa me ka nahenahe, a penei na huaolelo:

            “E Kahiniulaokalani e, he uuku wale no kou wahi kino, naue nae ka hakaekaea o Nuumealani ia oe, ka aina i ka pe’a kapu o Kukuluokahiki, hiki mai la au e hoonoa i ke kapu o ke ahelaukanikoie i noho oe a ala ae o Kaulaikawekiu-o-makani, ko kupuaawahine, ha’i aku oe i ka olelo, ao’u kela po, a kakahiaka nona ia, ina aku i anehenehe i ke one o Kahakahakea, he ke’ake’a na ke kaupu, poele ka malama.”

            I ka pau ana o ia mau huaolelo, ka i ae la ka lima e paa ana i ka poohiwi o Kahinihiniula, a pau ae la no hoi kona lohe ana i ka leo, aole nae oia i manao ua hele kela wahine, ke mau la no oia i ka pupue, a no ka pane leo ole, manao iho la o Kahinihiniula ua hele paha ua u’i kipa kauhale nei o ka aluna la.

            Nolaila, papale ae la oia i ke kapa, me ka hoaiki ana, iaia i nana mai ai, aole iho la ka malihini ana i maka’u ai. Iaia i ike ai aohe pueo nana e keu ka aha, o kona wa no ia i lele mai ai mai ka nu’a moena mai, a pahu ana ma ka aoao o ke kuku. a na keia mea pahu i hoaala ae i ka hiamoe o Niula, a ike iho la i ka moopuna e noho ana ma ka aoao, ke ano haalulu.

            Ninau mai la ke kuku:  “E Kahinihiniulaokalani e, heaha keia mea pahu i ko kaua hale a’u i lohe ae nei?”

            “He wahine,”wahi a ka moopuna.”

            “Maihea mai nei?”

            “Aole au i ike, maihea mai la, hoi mai nei au ahiki iloko nei, hoi aku nei no au iluna o ka nu’a, ia huli ana mai nei a’u, ike mai nei au i keia wahine u’i, e noho ana ma ko poo, o ko’u maka’u no ia, a wili au iloko o ke kuina kapa, kahea mai au ia oe, uwa au o nui ka leo, aohe ou mea a walaau ae. Ia’u o pupue ana i ka maka’u, hamohamo ana ak lima o ua wahine la ma kuu poohiwi, a eia na olelo ana i kamailio mai nei nau: Ke ala ae oe i keia po nona, a kakahiaka nou ia. Eia aku ke kii a hoea mai no kaua, a nana ka e lawe a ke one o Kahakahakea, a o ia na olelo ana i kamailio iho nei, me ko’u nana ole aku iaia.”

            Pane mai la ke kupunawahine: “Aume no hoi oe e kuu moopuna e; aia ka hoi a hoike mai ke akua ia oe, o kou maka’u iho la ka ia, apopo, ai oe i ko luhi, au i hele aku nei, elike me ke kauoha ia oe; eia na’e e imiia mai ana kaua, ina na ke akua e huna nalo akua, nolaila noho malie a noa ko waha hewa i ko luhi, alaila nana aku imua, i na mea e hoea mai ana.”

            Olelo aku la o Kahinihiniula i ke kukunawahine:  “Ia oe i hiamoe iho nei, ike au ua moe oo, ko’u ala ae nei no ia, a pii aku nei au iuka o Maunawili, e kali ai i ko’u mau hoapaani o ka aoi mai. Pii aku nei au ahiki i kahi owakukui, makai mai o Maunawili, pii au a luna o ke kukui, noho au kakali i ko’u mau hoa paani o ka hoi mai, ua loihi no ia noho ana a’u, lohe aku au i ka wawa mai o ka leo o ka poe hoi mai, e kamaiio ana ia lakou i hiki mai ai ma kahi o ke kumu kukui a’u e kau nei, lohe ake la au i ka lakou olelo, i ka nalowale honua o ka i’a o ka loko o Kawainui, nana au i kela huakai e hoi nei, aole he wahi puolo i ka lima o na mea apau.

            “I kuu ike ana a lohe hoi i ka lakou mau olelo, aole au i hoike ia’u i kuu mau hoa paani, hakalia no i ka huakai a hala aku o ko’u hoi mai nei no ia e ha’i ia oe, me ko’u hooiaio i kau mau olelo e kuku, me ko’u manao ua ala la oe.

            “Ia’u i hiki mai nei mawaho nei o ka hale, lohe mai la au ia oe e kamailio ana me kekahi mea, a manao au ua ala keu kiamoe. Ia’u nae i kiei mai ai iloko nei, iko mai no au ia oe e moe ana, aole he mea, e ae iloko nei o ke kaua hale, nolaila, nihi malie mai nei ka’u hoi ana, i ole oe e ala, ahiki au maluna o ka nu’a moena o kaua, huli hou mai nei au e nana ia oe, ia wa au i ike mai ai i keia wahine e noho ana ma ko poo:

            “Ia’u i ike ai iaia, ua kau mai la ke ano o ka maka’u ia’u, a hou aku la au i ko’u poo iloko o ke kapa,i ole au e ike iaia, me ka uwa ana i kumu nou e ala ai, o ka wa ia o ka lima o keia wahine i hoopa iho ai ia’u, me ke kamailio ana iho:

            “E Kahinihiniula e, he uuku wale no oe, naue nae o Nuumealani. Heaha ia mea e kuku?”

(Aole i pau.)

 

MEKIKO, Feb. 27.  Elua mau kalaiwa kaa otomobile ame elua mau makai i make a he lehulehu aku ka poe i hoehaia iloko o ka manawa i hakaka ai na kalaiwa kaa otomobile olohani ame na makai maanei ma ka po i hala.

 

            HOOLAHA HUI AINA O KEOPUKA IKI MOLOKAI.

 

            Ua makemakeia na lala apau o ka Hui Aina o Keopukaiki, e akoukoa ae ma Halawa, Molokai, no ka malama ana i ka halawai makahiki kumau ma ka la 31 o Maraki, 1922.

                        ROBERT W. KAMAKAHI,

                                                Kakauolelo Hui Aina.

Hale Uwi Waiu

Mapulehu

Pukoo, Molokai

e hooholo ana i ka

Mokukuna Gasolina

Leleiona

mawaena o na Awa o Honolulu me Molokai

Geo. P. Cooke,

                        Ona.

Papa Na Lako Kukulu Hale

No ka Hoahu Ana i Kou Wai ma na Pahu Wai Papa Ulaula o 5000 a 10000 Galani.

E hoolakoia aku no na kumukuai ame na hoakaka ia oe ke noi mai

Allen and Robinson, LTD.

 

He Ahamele Hulahula ame Tabalo.

 

 

KA MAKE O AMINIA

O Aminia kekahi o na lahui kanaka i ikeia ma kona moolelo i ka hoopilikia wale ia, a pepehi hoomainoino ia no hoi e ua Kuleke, elike me ia i ikeia i na manawa i hala a iloko iho nei o na manawa o ke kaua nui i kala iho nei: aka, ua ahona iki iho nei lakou mamuli. o ka noho kiaiia ana e na pualikoa hoomalu, a iloko no nae o ia kiaiia, aole no i nele ka pepehi ana a na Kuleke ia lakou, a e hoea mai ana “ka make o Aminia,” ina e unuhi io ia aku ana na pualikoa kiai maluhia elike me ia e manaoia nei aka o ko lakou manaolana no ko lakou pono, o ia no ka hoomauia ana aku o ka pualikoa kiai maluhia elike me ia i keia manawa. Nui no na hana hoopilikia a Kuleke ia Aminia, a e hoea mai ana ka hookoia o keia manao “Kamake o Aminia”.

            LOS ANGELES, Feb 27.  Ekolu man limahana o ka Hui Aila Shandand i powaia e kekahi mau kanaka powa i lako me na pu raifern i keia la oiai na kanaka hana ekolu e hele ana i na banako, a lawena mai ia lakou aku he $10,000 ma ke dala mauoli a ho $60,000 ma na bila dala.

 

 

CITY MILL CO.

KEKAHI O NA HUI KAHIKO LOA MA HONOLULU NEI.

            Poe kuai Papa, Pilihale, Pena, no lako Paipu, na Laau Puka Aniani me Panipuka, lako I’ili Hao; na mea no apau no ka home ma ke kumukuai oluolu loa.

            Kukulu makou i na hale ma ka uku liilii ana, me na hookaa liilii.

            O ka oi loa aku no ka poe hookuonoono.

MAI POINA __HELA MAI IA MAKOU.       

Ke Makemake Oukou i na Lako---

E ka Poe Hookuonoono

 

                        no ka home a no ka aina mahiai paha e kipa ae ma ke Keena o na Lako Pilt Hao o ka

AMERICAN FACTORS, LTD.

 

Kapuahi.             Meahana Mahiai.       Uwea Pa Moa me Pa

No na mea elike me

                        keia:

Lako Halekuai me Pa.

Lako Mahiai.

Meahaa Kamana.

Pili Hao a Ano e Ae.

Pena me na Palaki.

 

O ke Kanaka Kuai i na Lako Hana Maikai ua Lanakila e no Oia i ka Hapa o ka Hakaka

           

Aole hiki ia oe ke lawelawe i na hana maikai me na meahana inoino.  O ke kanaka e hoao ana e hana me na meahana inoino, e hoea mai ana i kona wa e kiola ai, a kuai i na mea kupono, ina he noonoo oia. Aka nae ua poho  wale ka manawa ame ke dala ma ka hana ana pela. Ke kuai nei o Lewers & Cooke, Ltd., i na lako hana maikai wale no.

Ke malama nei makou he ahua piha pono laula o na

Lako Mahiai ame na Lako Kukulu Hale

                        He Makemake Paha Kou i

Ko’i, Kipikua, Kopala, Ho, Hamare, Pahiolo, Ko’i Liilii, na Lako Kamana Piha pono, Hoana Hookala, Pakeke.

Papa, na Lako Hao, Pena, Aniani

Kakau mai a i ole kipa mai no na hoakaka. E hookoia no na kauoha apau ma ka leka me ka akahele ame ka hikiwawe.

LEWERS & COOKE. LTD.

  Ka Pipi o ka Aina Hanai Holoholona o Parder

            O keia i’o pipi momona, ka pipi maikai hookahi ma ka makemake, a ke kuai hoolilo nei makou, ma ke kumukuai haahaa, me ka hoopono maoli.

            Eia keia mau kumukuai malalo loa iho o ko na makeke e ae, a hui pu iho me na kulana maemae e hoohanaia nei e makou ma ka lawelawe ame ka hoahu ana i na i’o pipi, he mea pono e lilo ka makou makeke i makeke nou.

 

Pipi Ku Mokupuni............................................................................15c  o ka lb.

Kulana Aoao o ka Pipi......................................................................15c  o ka lb.

Ku’eku’e Pipi..................................................................................12 ½c  o ka lb.

Pipi Palai Iwi Hoehoe.......................................................................15c  o ka lb

Pipi Palai Uha...................................................................................15c  o ka lb.

Kulana Aoao Koala.........................................................................12 1/2 c o ka lb.

I’o Hipa Ku....................................................................................10c  o ka lb.

I’o Hipa Ku’eku’e Wawae.............................................................10c  o ka lb.

I’o Umauma o ka Hipa..................................................................10c  o ka lb.

Waiubaka Maile............................................................................55c  o ka lb.

METROPOLITAN MEAT MARKET

                                                Alanui Moi