Ka Nupepa Kuokoa, Volume LXI, Number 11, 17 March 1922 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUKOA HONOLULU, T. H, POALIMA, MARAKAI 17, 1922

 

Eia Mai Keia Kokua o McCandless

            No ke kokua ana aku ia L. L. McCandless, ma kana hooikaika baloka iloko o keia mau la e nee nei, no ka manao o kekahi mahele nui o na Demokarata e pili ana i kona kulanamoho elel@ lahui; a o ke kum hoi, i konoia aku ai o Jonah Kumalae ame Ms.Mary Atcherley, e holo moho kuokoa, i ka leka a kekahi Demokarata, ke hoopuka aku nei ke Kuokoa, ma ka aoao Demokarata, i hookomo ae ai maloko o ka nuepa Advertiser, o ka la 7 iho nei o keia mahina.

            "Lunahooponopono o ka Advertiser: - Eia oe ke hoakaka nei no na mea e pili ana i ke koho baloka e hoea mai ana, ka ninau kaokoa mai, ana, ka ninau kaokoa mai, o Baldwin vs. McCandless, aole hoi mai ko laua kulana he mau moho no na aoao Repubalika amea Demokarata pakahi. Ua pololei loa oe, ma na mea e pili ana ia McCandless.

            "Aohe he aoao teritore Demokarata maloko nei o Hawaii. Aia wale no he aoao McCandless."

            "Nawai i wae ae ia McCandless? Heaha auanei oia ponoi no ka mea nana i wa@ iaia iho, ma o na waha la o ka poe kakaikahi o kona mau akena e hoikeike ana ma ke ano ke komite Demokarata."

            "Aole i malamaia he koho baloka wae moho a ahaelele paha.

            "He Demokarata au mamua loa aku o kou lohe ana ia McCandless, a aole au i maopopo iki i ke kumu e ae aku ai au iaia e paa mau ma kuu kua, me kou haawi ole ia mai i manawa e kamailio ae ai, in a paha ua makemake, a makemake ole au iaia i moho nau.

            "He hapa keia o kona ano mahaoi, elike me ia i hoikeia ae ai e kona luna hooikaika, ka Meia Wilson, he kau koho keia o ka paee pilikino mawaena o Baldwin ame McCandless.

            "Aole ou makemake e iekia ae, ma ke ano he wahi kawaiapola wale iho no, no ka lupe a McCandless. Ua makemake au e ikeia he Demokarata; aka nae, me he ema la o makou ka McCandless a ua kalapuia oia a paa ma ko makou mau kua, elike me ka elemakule o ke kai.

            "Aole oia kau i makemake ai i moho. Heaha auanei kou kumu e koho akuai iaia?

            "Ke lana nei kou manao, e onouia ana oia a napoo loa ilalo ma keia koho baloka, e hiki hou ole ai ke eliia ae a puka iwaho- i hihi mai ia o keja kau koho baloka ae @ loaa ana ia makou he moho Demokarata oiaio maoli, a makou i wae ponoi ae ai, e koho aku ai iaia!

"Demokarata Opio."

 

Uwoki ke Kalaiaina Lepo!

            Me he mea la, o kekahi o na hana maa loa, i ka poe e hele nei e hooikaika baloka iloko o keia mau la, a mai konohi loa ma no o na hana kalaiaina ma Hawaii nei, o ke kipehi aku ika lepo, maluna o na moho e holo kue ana ma kekahi aoao mai. Heaha la ka mea Kamailio ole maluna o na kuhuahana kalaiaina, i hoopaaia ai na moho, e hana aku a e hooko, ke kohoia a puka, no ka pono laula o keia Teritore?

            Ma na wahi a na moho elele lahui, Demokarata i kaahele ai, me ko lakou mau uakali, aole i nele na haiolelo, e kipehi ana i ka lepo maluna o ka moho, a mau moho o kekahi aoao mai; me ke kamailio pu ia o na mea pilikino; o na hana o keai ano, ua hoike mai ka poe haiolelo, i ko lakou nele, me na kumu maikai e waiho aku ai imua o na mana koho, no ke koho ana mai i ka lakou mau moho.

            Iloko o na kau koho baloka kuloko ae nei i hala, i ka manawa e ku mau ana ke Keikialii Kalanianaole, he mea paahae na ka aoao Repubalika, e kipehi mau ana na Demokrata ame ka moho a kela aoao kalaiaina iaia, me na olelo hoinoino, i kulike ole me ko kakou kulana naauauo o keia la, o ka mea nae i ikeia; mailoko mai o na hoinoia, mailoko mai o na kipehiia; i oili mau mai ai oia, he moho lanakila, ia na kau apau ana i holo elele lahui ai, me ke ku a hoowahawaha maoli o na mana koho, i ke kalaiaina o kela ano.

            Iloko o keia mau la, ke loheia ne no kela ano kalaiaina, mai ka waha mai o na kokua o McCandless; a man ka hoike i laweia mai i keia keena, ua ike na alakai o kela aoao i ka pilikia, mamuli o kela mau hana, a ke hoao mai nei, e akohi i ke kamailioia aku o na olelo hailiili i kekahi moho.

            Ua nele maoli na Demokakata, i na kumu kupono, e kue aku ai ia H.A. Baldwin, ma keia hakoko kalaina, mo ia nele i kii ae ai, i ka moolelo o ka Mr. Baldwin, mau hana maloko o ka ahaolelo kuloko, ma kona ano he hoa no ka aha senate, me ka manao, pela iho la e puni aku ai na mana kolio.

            Aole no ka makemake e paanai aku i ka hana a ka moho Demokarata ame kona mau kokua i hana mai ai iaia, aka no ke kupale ana i kona moolelo, ame kona inoa maikai, a no ka hoopau ana i na pohihi o ka lehulehu, i ku okoa mai ai o Mr. Baldwin. iwaho, me keia mau mea oiaio loa, no na mea oiaio ole i hooiliia aku ai na ahewa ana maluna ona.

            Ma kahi a McCandless ame kona mau hoa hele kalaiaina, i hoike ae ai, no ko Mr. Baldwin, Koho kue ana i ka olelo hooholo a ka ahaolelo e kaoo ana ia Kuhio i kiaaina no a Hawaii ne, ke hoole loa nei oia, aole on a kue ana i ka olelo hooholo a ka ahaolelo kalaiaina; he hana ia i kaa aku iloko o ka lima o ke komite kuwaena teritore, o ka aoao Repubaika.

            O ke kahua a H.A. Baldwin, i ku ai maluna o kela olelo hooholo, kaoo ia Kuhio i kiaaina, he kahua ia e hiki ole ai i na Demokarata nonoo akea apau ke hoole mai i ka moeau ame ke kilakila o ko Mr. Baldwin manao, e pulam mau ia na loina alakai naauao apau, o ka aoao Repubalika; elike me ka hiki ole ia lakou ke haawi mai i na apono ana i ka ahaolelo, maluna o kela olelo hooholo.

            Pehea nae ka mea a kekahi hoa o ka ahaolelo i koho aku ai, alike me kana i ike ai he ponoa pololei; he mea ole ia, i ka poe ia maa i na ano kalaiaina haahaa, e imi mau ana lakou, i na kuu liilii ano ole, i kumu aihemu i ko hai hemahema, pela wale iho la no e loaa ai na olelo e kamailio ai imua o na mana koho.

            Mauna o ka ninau, no ka pono koho baloka o na wahine, o kekahi ia o na kumu aihemu, i hoalaia mai e ka poe hooikaik@, o ka moho Demokarata, e olelo ana i ke koho kue o Mr. Baldwin, i kela bila no ka hooholoia.

            Aole paha he hoaloha oiaaio, no ka pono koho baloka o na wahien, elike la me Mr. Baldwin; aole wale  no ma na olelo i puka mai kon waha mai, aka ma ke ano o kana hana.

            Ke ku n@i ka moolelo o ka ahaolelo, no na mea i haaia no kela bila kanawai no ka pono koho baloka o na wahine, ma ia moolelo auanei e ikeia ai, he mea kakoo o Mr. Baldwin, i ka haawi ana aku i kela pono i na wahine, iloko o ka manawa a ke kanawai, i hoakaka ai , o kana wale no i kue ai, o ia ka manao o ka hapanui o na hoa o ka hale o na lunamakainana, e waiho na wa makaainana kane, e koho ba@oka no ka haawai ame ka haawi ole i ka haawi ana i ka pono koho baloka i na wahine? Ua maopopo i ka lehulehu iloko o kela @@@ @ k@ @haelelo a Mr. Andrews ame Jas. Jarrett, ma mea @ue ino loa i ka loaa ana o kela pono i na wahine, mallo o na kumu, o laua i ike ai, aia iloko o ka lima o na wahine, e kinaiia ai kekahi mau hana, i maa i ka lawlaweia e na alakai o na hana kalaiaina ma Hawaii nei, ua loheia no ke kue o na kane i kela bila, molaila aia ihea ka manaaolana, in a no ke koho baloka ia o kela ninau? Aole loa!

            Uwoki na kalaiaina lepo! Uwoki ke kipehi wale ana, ma ke ano pilikono, i na hemahema liilii ano ole; aka e kukulo mai, i na kumu koiloi, a ku i ka naauao, no ka pono o na moho elele lahui e holo nei, a ma ia mau kumu auanei e haawiia aku ai na kakoo ana, aole ma ka aihemu i ko hai kee, a kamailio ae i na mea oiaio ole.

E Auamo i na Koikoi e Pono Ai

            Ua hoea mai i ka weluwelu liilii ana o ka ikaika ame ka uahoa i manaoia no ka uniona o na Kepani ma Hawaii nei, mamuli o ke ahewaia ana o na Kepani he 15 imua o ka aha hookolokolo kiure, he elua pule ae nei i hala, a i hookauia mai ai hoi ka hoopa'i hoopaahao maluna o lakou, e ka Lunakanawai Banks, ma ka Poalima aku la i hala, e noho hana ma na hana ikaika, aole e emi iho i na makahiki eha, aole hoi e oi aku i na makahiki he umi.

            O ka hana i lawelaweia e kela poe Kepani he 15, he poe lala no ka hui uniona, e hoopoino aku i ka waiwai ame ke ola o kekahi o ko lakou hoa lahui, malalo o ka mana o ka hui uniona, he hana ia i ku-e i ko kakou mau kanawai kuloko; a o ko lakou ahewaia ana, ame ka hoopaia ana, he haawinaao kupono loa ia, aole he hana maalahi , ka haoa ana, mamuli o na hana karaima, ame na hana hoopilikia aku ia hai, e hookoia ai ko lakou mau makemake.

            ua oleoia ae, eia na hoaloha o kela poe Kepani, ke hooikaika nei, e loaa ke aeia mai, no ko lakou uku ana aku i ka hoopai ma ke dala maoli, me ko lakou kipakuia mai Hawaii aku nei, a huli hoi aku no ko lakou kipakuia mai Hawaii aku nei, a huli hoi aku no ko lakou aina makua; o ka oiaio a oiaio ole o kela mau olelo; he mea liilii loa ia, o ka mea nui, aia ke ku mau mai la ke karaima, a lakou i ohumuhumu ai e hooko aku, oia no ka pepehi ana akui kekahi Kepani am kona ohana a make. O ka hoao ana e hoihoi aku i keia poe Kepani no Iapana, e hele lanakila aku, me ko lakou au amo ole i na koikoi o ke karaima, a lakou i hana ai, aole loa e aeia, o lilo no auanei kela poe Kepani, i poe hoomau aku i ka lakou mau hana karaima, me ke alako pu ia aku o ko lakou mau hoa, e kokoua aku i ka lanakila o ka lakou mau hana ku-e a hakihaki kanawai.

            E hoopaaia lakou maloko o ka halepaahao e pono ai, a e lilo lakou, i mea na ke koena iho o ko lakou mau puulu, e nana aku ai, me ka hoomananao mau, o lakou kekahi e ukali aku ana, no na ipuka o ka halepaahao, ke malama ole lakou i na kanawai o ka aina, ame ka maluhia o ka lehulehu.

 

            Ma ka manawa a Jonah Kumalae e holo ana hoa no ka ahaolelo kuloko, aole loheia o na ku-e ana iaia, no kona lilo ana he hoa noloko o ka Hoomana Poaono. Iaia no i holo hou ai i hoa no ka papa lunakiai o ke Kulanakauhale  a Kalana o HOnolulu nei, ua hamau loa na Demokarata, aohe he ohi'uhi'u ae, i ko Kumalae pili ana me ka Hoomana Poaono. No ka holo ku-e ana nae o Kumalae ia McCandles, no ke kulana elele lahui, o ke kiiia aku la ia o kela mea liilii loa, a kaula'iia ae iluna, i maunu kii baloka, keu aku a ke kupaianaha@ Ina i hiki ia Kumalae ke noho i hoa no ka ahaolole kuloko, pela i hoa noka papa lunakiai, me kona hoea mau ma na manawa hana apau, heaha iho la ka like ole, me ka ahaolelo lahui, in a e kohoia ana oia a puka? Mai kipehi wale i ka hoa paio kalaiaina, no ka manao, pela iho la e uhiia ae ai ka epa, nana i kono aku ia Ka@alae, e holo kuokoa!

 

He Mea e Hauoli ai ka Manao

            He mea na ke Kuokoa e hauoli nei, mamuli o na hoike i loaa mai i keia keena, eia na Hawaii ke pii mahuhua loa nei, ma ka hoahu ana, i ka lakou mau kenikeni liilii, i loko o keia mau la, maloko o ka banako, Hawaii Bank od Commerce, he banako hou, o ka wehia ana ae, no na hana hoahu liilii.

            O keia ke keehina hikimua, o ka hoea aku i kahi o ka noho kuonoono ana, he pohaku paepae hoi, nana e hapai ae ia kakou, na Hawaii mai ke kulana nele, a i ke kulana lako, nolaila e hoomau aku i kela hana maikai, e ohi no auanei i na pomaikai mahope aku.

            E hoopau i ka noho uahauha ana, i ka hoomaunauna wale ana i na kenikeni liilii e loaa nei ia oukou e na Hawaii, a e hoomanao mau, o ka mea i loaa he waihona kona maloko o ka banako, oia ke lanakila ana i ka wa o ka piikia e hoea mai ai. Mai hoonawaliwali i keia hana maikai!

            O ka ahamele me na hana hoohauoli, a hoikeike, i haawiia ae e Kalapu Hoeueu Hawaii, maloko o ka Halekealka Liberty, no na po hope ekolu o ka pule aku nei i hala, o kekahi ia o na ahamele ku i ka nani, me ka maikai maoli o na mea apau i hanaia mai, ka mea i haawi aku i na manao mahalo kuio iloko o na malihii ame na kamaaina pu i ike i na hana o kela mau po ekolu.  Ua hoike mai ko ke kulanakauhale nei poe, i ko lakou mau manao kokua, no ka holopono o kela ahamele i haawiia, mamuli o ka manaoio, o ka waihona i makemakeia ai e loaa, ma kela hooikaika ana, no ke kokua ana au ia i ka waihona, hoonaauao o na keiki Hawaii, ka hana hoi, a ka lehulehua i hoike ae ai i ko lakou kokua oiai ma ka hana, aole ma ka olelowaleno.

            Ua ku a hoowahawaha maoli ke komite kuwaena Demokarata, i na hana hailuku a kipehi kalaiaina, a ka poe haiolelo, e kokua nei ia McCandless, no ke kulana elele lahui, pela i haawiiwa ae ai ke kauoha i ka poe haiolelo apau, no ka pono o kela moho, aole e kamailio hou i na olelo hoinoino pilikino, ma na wahi haiolelo akea. Eia ka olelo kaulana ke ku nei: "O na ilio i paoa ka waha i ka ai i ka huamoa, he @ana paakiki ka hoopau ana ia hana."

            Ke hauhili mai nei ka ai a Kawel-a i ka poe hailolelo e kakoo nei ia McCandless i mo elele lahui i Wakinekona. Ma ka halawai malalo o Aala ma ka po o ka Poanno aku nei i hala, i hoike ae ai o George Kekoa Ah Nee, ke kakauolelo a ke komite kuwaena Demokarata, o Kauka Raymond, ka mea nana e kokua nei i ke dala, mo ka uku ana i na hoolilo lalaiaina o Mrs. Mary Atcherley; ke hoole loa mai nei o Kauka Raymond, aole ana wahi keneka iki no na hoolilo o Mrs. Atcherley. a oki loa aku ke kakoo ana iaia ame Kumalae. He haulhili mai hoi kau a koe aku!

            Ke oili aku nei ke Kuokoa, me kona kino hou, o wealu aoao, me ewalu kolamu o ka aoao; me ka lana mau o ko makou manae, e ku mau aku ia, i kukui hoomalamalama no na home Hawaii!

            Nuhou Kuloko

            Eia ka Mea Hanohano Robert Ahuna i ke kulanakauhale nei i keia mau la; oia kekahi mea hooikaika ia McCandless, i elele lahui i Wakinekona.

            O ka ikaika o Jonah Kumale iloko aku nei o na la i hala, ke ikeia aku nei ke emi liilii mai, elike me na hiohiona e hoomaopopoia nei iwaena o na Hawaii.

            Aia na Moho Elele McCandless Mrs. Mary Atcherly ame H. A. Baldwin, me ko lakou mau hoa hooikaika baloka ma ka Mokupuni o Kauai, a ma ke kakahiaka o keia Sabati iho e huli hoi mai ai lakou no Honolulu nei.

            Ma na mea i loheloheia mai iloko o keia mau la, ke hoolala  ,ke hoolala mai nei kekahi poe Demokarata, e hoala i nupepa Hawaii ma keia mua koke iho, i ka manawa e maopopo ai ke kahua onipaa, e ku aku ai kela nupepa.

            I kulike ai me na hoakaka a ka Enekinia Kulanakauhale Fred Ohrt, iloko ae nei o ka mahina o Sepatemaba, e pau ai na hana no na alanui o Kakaako. Ua oi aku i ka hapalua, o na hana o kela mau alanui. ka i pau i keia wa.

            Mamuli o ka make ana o kekahi Pilipino i kiia i ka poka o ka pu panapana, ma ke kakahiaka  o ke Sabati aku nei i hala, i hopuia ae ai o Joe Nibriga, ke kokua luna o ka mahiko Pioneer o Lahaina, ma ke degere ekahi o ke karaima pepehikanaka.

            Ma ka Mauna Loa o ka Poalua nei i huli hoi aku ai ka Mea Hanohano H. L. Holstein o Kohala, no kona home, mahope iho o ka hoohala ana i kekahi mau ia pokole ma keia kulanakauhale.

            Ma ka noho ana o ka halwai a ka papa lunakiai ma ka po o ka Poalua aku la i hala i hooholoia ae ai ke kanawai, e pili ana i na palena pauhi, ma kona heluhelu elua ia ana.

            He kuai laulau ka na lala o ka Ahahui Kokua ame Manawalea o na Poola o na Kane ma ka Makeke Aala, ma keia Poaono iho, e hoomaka ana mai ka hora chiku o ke kakahiaka a ka hora elua o ka auwina la.

            Ke hookokoke loa mai nei ka ia koho baloka, no na moho elele lahui, ma ka Poaono, ka la 25 o keia mahina, a ke ku mai nei ka liki a kea ame keia noao, no ka ikaika o na moho pakahi e ku nei i keia wa.

            Mai kekahi makamaka mai o Hawaii i loaa mai ai ka lohe i keia keena, he elua no ka mau moho ikaika e loheloheia la ma Hawaii, iloko o keia mau la, oia o J. Kumalae ame H. A. Baldwin.

            Ma ka po o keia Poaha ae, ma ke Kuea Magoon, ka haiolelo a na Repubalika,no na mana koho o na mahele ehiku, eiwa, umikumamakahi ame umi-kumamalua, e hoomaka ana ma ka hora ehiku me hapa o kela ahiahi.

            Ke nee mau nei ka hana kukulu kalapu o na wahine imua, ma ka aoao Republika, me ka piha ohohia mali o na wahine, iloko o na hana kalaiaina, ka mea i ike mua ole ia pela, i na kau koho boloka ae nei i hala.

            Eia na aoao Republika me Demokarata, ke malama mai nei i na halawai liilii maloko o na mahele koho like ole, iloko o keia mau po, a malalo ae nei o Aala Paka ka haiolelo hope loa, ma ka po o keia Poalima ae, a ao ae ka la koho baleka.

            Mamuli o ka paa loa o ka meakakau o ka moolelo Makalei i ka hana i keia pule, ua kaohiia ha hoopuka ana aku i kela moolelo a ka manawa kupono, nolaila, e hoomanawanui mai no i ka ono, a oili aku.

            Ma ka Palua iho nei i oili ae ai kekahi lohe, no ka haalele aku o Patrick Gleason i kona noho ana ma ke kulana luna oihana federala, hooko i ke kanawai hookapu waiona maanei, e hoi hou ae ana no oia ma kana hana mua he kokua lunapaahao no ka Makai Kiekie Jarrett.

HALE O NA ALII O HAWAII.

            E malamaia ana ka halawai kumau o ka Ahahui Poo, ma ka Phoenix Hall, ma keia Sabati, Maraki 19, ma ka hora 2 p.m.

            Ma ke kauoha a ka Iku Hai.

            Wm. J. Coelho,

            Ilu, Kau.

 

Nuhou Kuwaho

Nu Ioka, Mar. 13.- Ua luluia e na Kiu Amerika ka huina o $14, - 000,000 no ke kokua ana aku i na Kiu pilikia a hune ma Europea Hikina, elike me ka hoike mai ke keena kikowaena ae ma ka po aku la i hala.

            WAKINEKONA,      Mar. 13.- Ua hoikeia ae e ke komite o na bila haawina o ka Hale ka bila haawina o ka oihana kaua aina, a maloko o ia bila ua hoemiia mai  ka heluna o na koa on a papu ma Oahu mai ka 11,500 koa mai a i ka 5000. Ua hoakaka pu ia maloko o ka bila haawina dala o $150,000 no ka hana ana i kekahi hale kamaa hoahu hau maloko o ka Papu Leilehua.

            TOKIO, Iapana, Mar. 11.- O ke kuhina mua o ka oihaan hoonaauao o Iapana ke Kauka K. Iehihiki, ka i hookohuia aku e ke aupuni i kumukula kaokoa no ke Keikialii Atsunomiya, ke keikikane elua a ka Eemepera ame ka Eemepera ame ka emepera wahine o Iapana. E oo ana ke keikialii ma keia mua koko aku, a e hooikaika ana oia e hoonaauao iaia iho ma na mea e pili ana i ke kumukanawai, ame na kanawai o ke aupuni o Iapana ame ko na lahui e malalo o ke ao ana a kana kumukula.

            KAPALIKIKO, Mar. 13. O ka hoike a ka Hui Hana kopaa Alameda, i hoopukaia ae ma ka po aku la i hala mamua o ka noho ana o kana halwai makahiki, e hoike ana ia he koena aie kona ma ka waihona a ka hui ma ka pau ana o ka 1921, he 104,146 mau eke k@paa.

 

KAKOOIA NO KE KULANA LUNAKANAWAI FEDERALA.

            Ma ka noho ana ae o ka halawai kuikawa, a ka papa loio Hawaii, ma ka Poakolu aku la i hala, i haawi ae ai kela papa, i na kakoo ana, i ka iinoia o ka Lunakanawai John De Bolt, no ke kulana lunakanawai federala, ma kahi o ka Lunakanawai Federala Vaughan, ka mea e pau ana kona hookohu, ma ka la 4 o ka mahina ae nei o Aperila.

            He elua mau inoi i waihoia ae imua o ka papa loio, no kela kulana o ia na inoa o ka Lunakanawai De Bolt me ko William T. Rawlins, ua kaa nae ke kakoo ana a ka hapanui o na ke kakoo ana a ka hapanui o na hoa o kela papa loio, i ka inoa o De Bolt.

            Ua lawe ae ka papa loio, i  ka noonoo ana i kekahi mea kupono no ka hoopiha ana aku i ke kulana lunakanawai federala, mamuli o ka make ana o John W. Catheart, ka inoa a kela papa i kakoo mua ai, nolaila o ka inoa o De Bolt, ka i aponoia no kela kulana.

            Ma na hoike i loaa mai i kela mau la aku nei, mai Wakinekona mai, he manawa wale no e hoounaia au ai na inoa E.C. Peters, e ka Peresidena Harding, i ka aha senate, no ke apono ana mai, no ke kulana lunakanawai, kiekie, ame ka inoa o A. Perry, kokua ekahi o ka aha kiekie.

            Ina no ka hook@huia mai o ka Lunakanawai De Bolt, i lunakanawai no ka aha federala, alaila e waiho hakahaka ana, ekahi noho lunakawai o ka aha haapuni, no kela hakahaka mae, ua haaawi ae ke komite kuwaena Repubalika, i ke kakoo ana i ka inoa o A. L. Atkinson, ma kekahi manawa ae nei i hala, no ia kulana, nolaila ke kalkali aku nei koonei poe, i ke ano o ka hoonee ana mai o na hookohu oihana o keia mua iho.

NA MARE

Robert Kini ia Julia Kinolu,  Mar. 4

Sam Kane ia Kaleinani ia Kaleinanai Holi, Mar. 7.

James K. Akana ia Margaret M. Piltz, Mar. 7.

Ross Taylor ia Mary Kaikaka, Mar. 9.

Henry B. Waioli ia Elizabeth HIpa, Mar. 10.

Marion Vista ia Mary Kanahele, mar. 13.

 

NA HANAU.

Na Mr. ame Mrs. Benjamin Hakaka he keiikane, Mar. 10.

Na Mr. âme Mrs. Douglas MOssman he kaikamahine, Mar. 13.

Na Mr. âme Mrs. Samuel Kipi Paalua he kakamahine, Mar. 14.

NA MAKE.

Helen Mahu Crockett ma ka halemai Moiwahine, Mar. 11,

Mary Crockett, ma ka halemai Moiwahine, Mar. 11,

Rose P. Kaluna, ma ka halemai Moiwahine, Mar 12.

Richard K. Kahue, ma ke alanui Liliha, Mar. 12.

Kanewa Kanika, ma ke alanui Leilani, Mar. 13.

W.K. Kalai, ma ke alanui Leilani, Mar. 14.

Herman Kalani Victor ma ke al@@i, @@@ @@@@@, Mar. 11.

 

KA MANAO O KA MEIA WILSON NO KE NOI A NA WAHINE E PANI I NA ILINA

            "Aole pilikia iki o ka wai o na luawai aniani artesian well, mamuli o na ilina e waiho mai nei maloko o na palena o ke kulanakauhale, " wahi a ka meia Wilson o ka hoike ana ae ma ka Poanono aku nei o ka pule i hala.

            Ma kekahi la o ka pule aku la i hala ua noi ae ka ahahui o na wahine "Housewives League" i ke komisina nana e hoolala na mea e pono ai keia kulanakauhale, e laweia kekahi keehinahana e hookapu koke ia ai ke kanu hou ana i na kine make maloko o na ilina o Kawaiahao, Koula, Makiki ame Pauoa, aohe nae he hoakaka no ka ilina o Nuuanu, no ka ike paha he ilina ia no na haole, o lilo na kino make e kanuia ana maloko o keia mau ilina i mea hoopilikia i ka wai o na luawai aniani a poino ke ola o ka lehulehu.

            "E pau aku ana ka hoohanaia ana o na luawai aniani ma nie mua aku,' wahi a ka meia o ka hoike ana ae, i ka manawa e loaa nui mai ai o ka wai mai ke kuahiwi mai e hoopauia aku ana na luawai aniani hoonui lilo. I nei manawa aneane loa ka oihana wai e hoea aku ma ke kulana e hiki ai iaia ke hoolako aku i ke kulanakauhale holookoa me ka wai mai ke kuahiwi mai i laweia mai ke ma na luapao a ma na kahawai mai ma ka luapao a ma na kahawai mai ke kuahiwi mai.

            "I na manawa aku nei i hala ua nui ka pilikia ma Honolulu nei mamuli o na mai luku, aka nae, i ka huli pono ia ana aku o kahi o ka mai i hiki mai ai, ua ikeia mai na ai@a e mai ia mau mai luka aole mailoko ae ne o Hawaii."   

            O ka ninau no ka lilo o na @@na i mau wahi hooweliweli mai i ke ela kino a a@@ paha, e pono na @a papa ole Terit@re ia e hapai mai, aole na kekahi poe e ae.

            "Ma kekahi mau kulan hauhale mui ma Amerika," wahi ana "he papa no na ilina ko lakou, a na a papa e hoomalu a malal hoi o k@ona mana na ilina apau. No ia papa nae aole waiwai no Hawaii ne@, p@@ kou manao," wahi hou a ka Mea Wilson.

 

HOOPIIA AE NO KA MARE LEHULEHU

            Ma ka Poakahi nei i paa ae ai Mr. Francisca Yabo ame March Andam, he mau Pilipino i @a h@ puia e ka Ilamuku Amerika O. P. Cox, mamuli o kekahi palapala @@ pu i hoopukaia ae mai ke Kom@@@ Amerika ae, no ka mare lehulehu a Mrs. Yabo hewa i hoopiia ae ai, a no ka moekolohe hoi ko Andam.

            Ma ka oleloia no kekahi manawa hoihi i hala aku nei ka noho a han@ a wahine ana o keia man Pilipino me ke kue i ke knawai, ma W@p@hu, a ma ka hoopii e kue ana ia Mrs. Yabo he kanemare no ka mana e noho mai la ma Kahuku o keia m@ kupuni. Ua hoomaopopoia na ke kanemare a Yabo i hookonia ae i ka hoopii no keia mau Pilipino. E @@ lohe mua, i a ana ka hihia o keia ma@ Pilipino mamua o ke Komisina Amerika, a in a no ka maopopo o ka p@ o ka hewa ia laua, ia manawa e waihoia ae ai imua o ke kiure kiekie federala no ka ninaninau po@@, @ ana mai.

 

NEW PALAMA THEATER

"KA HALEKEAKA NANI MAWAHO AKU O HONOLULU"

SABATI- "EXPERIENCE."

POAKAHI- "WHERE IS MY HUSBAND?"

POALUA- "SCRATCH MY BACK."

POAKOLU- "LITTLE ITALY."

UKUKONO: 5& 30 Koneka.

 

EMPIRE THEATER

Elua Hoikeike Sabati, 6;30 âme 3:30

Ke Paani Nei- "PEARL WHITE iloko o "THE THIEF."

HOomaka Sabati- NORMA TALMARGE iloko o "A DAUGHTER OF TWO WORLD."

Hoomaka Poakolu- TOM MIX iloko o "PAIRIE TRAILS."

UKUKOMO: 15, 25, 40 Keneka; Ukuia ka Auhau Kaua.

Hoikeike mau, 12 m. @ 10:15 p.m. Poaono, 10 a.m. a 10:15 p.m.

 

LIBERTY THEATER

Hoikeike i na la apau, koe ke Sabati, hora 2:45. Ahiahi, 7;45.

Elua Hoikeike, Poaono âme Sabati, 6:30 âme 8:30

Hoieke i ke ao- "THE BONNIE BRIER BUSH."

HOomaka Sabati- Betty Compson iloko o "LADIES MUST LIVE."

E Hoea Mai Ana- THE SHEIK."

Ukukono: 25, 40 Keneka. Noho i hookaawaleia, 60 c. Kelepona 5060

 

HAWAII THEATER

KA DICK WILBUR POE PAANI

Ke Paanai Nie- HEAHA KA HANA A KAU KANE?"

A keia pule ae- "e haawi au ana ka Wilbur poe paani i ka lakou mau hoikeike hope loa, me ka hoi hope an ai kekahi o ka lakou mau paani oi aku o ka ohohiai, me ka loli i kela ame keia po. Na kii onioni, ma kela ame keia auwina la koe ke Sabati ame ka Poaono, 12 m. a 5:30 p.m. Ma ka Poaono, 10 a.m. a 2 p.m. Sabati, 6:30 a 8:p.m.

UKU KONO: 15, 25, 40 Keneka, ua ukuia ka auhau kaua.

 

E hoahu i Kau Mau Dala me ka

Banako Holomua

            E loaa no ia oe na kukai oluolu ana in a oe e hoahu me keia Banako hou, a i kaa ka hooponopono ana malalo o na kanaka makaukau kupono o keia  kulanakauhale.

            Mai Hoiliili Kau Mau Dala o ka Luhi Ana Maloko o Kou Home. no ka mea eia ka aihue ke hana mai nei i kana hana i kela ame keia manawa. Ua loaa pu ana hoi ka makahiki.

            ua ikeia ka holomua loa o keia banako ma ka mahina mua loa o ko makou wehe ana i loaa ole aku ka lua i na banako e ae maloko o ke Teritore o Hawaii nei, ma ka nui o ka hana ame na hoahu i komo mai.

 

The Liberty Bank of Honolulu,

Limited.

Keena Kuikawa: Helu 75 Alanui Moi, Mawaena o na Alanui Kamika ame Maunakea.