Ka Nupepa Kuokoa, Volume LXI, Number 11, 17 March 1922 — E Auamo i na Ko'iko'i e Pono Ai [ARTICLE]

E Auamo i na Ko'iko'i e Pono Ai

Ua hoea mai i ka weluwelu liilii ana o ka ikaika ame ka uahoa i manaoia no ka hui uniona o na Kepani nia Plawaii nei, mamuli o ke ahewaia ana o na Kepani he 15 imua o ka aha hookolo'kolo kiure, he elua pule ae nei i hala, a i hookauia mai ai hoi ka hoopa'i hoopaahao maluna o lakou, e ka Lunakanawai Banks, ma ka Poalima aku la i hala, e noho hana ma na hana ikaika, aole e emi iho i na makahiki eha, aole hoi e oi aku i na makahiki he umi.

O ka hana i lawelaweia e kela poe Kepani he 15, he poe lala no ka hui uniona, e hoopoino aku i ka waiwai ame ke ola o kekahi o ko lakou hoa lahui, malalo' o ka mana o ka hui uniona, he hana ia i ku-e i ko kakou mau kanawai kuloko; a ko lakou ahewaia ana, ame ka hoopa'iia ana, he haawina a'o kupono loa ia, no ka poe iloko o na ahahui o keia ano, e hoomanao iho ai, aole he 'hana maalahi, ka hoao ana, mamuli o na hana karaima, ame na hana hoopilikia aku ia ha'i, e hookoia ai ko lakou mau makemake.

Ua oleloia ae, eia na hoaloha o kela poe Kepani, ke hooikaika nei, e loaa ka aeia mai, no ko lakou uku ana aku i ka ma ke dala N maoli, me ko lakou kipakuia mai Hawaii aku nei, a huli hoi aku no ko lakou aina makua; o ka oiaio a oiaio ole o kela mau olelo; he mea liilii loa ia, o ka mea nui, aia ke ku mau mai la ke karaima, a lakou i ohumuhumu ai e hooko aku, o ia no ka pepehi ana aku i kekahi Kepani ame kona ohana a make. O ka hoao ana e hoihoi aku i keia poe Kepa.ni no lapana, e hele lanakila aku, 'me ko lakou auamo ole i na ko'iko'i o ke karaima a lakou i hana ai, aole loa e aeia, o lilo no auanei kēla poe Kepani, i poe hoomau aku i ka lakou mau hana karaima, me ;ī ke alako pu ia aku oko lakou mau hoa, e kokua aku i ka lanakila o ka lakou mau hana ku-e a hakihaki kanawai.

E hoopaaia lakou maloko o ka halepaahao e pono k\, a e lilo lakou, i mea na ke koena iho o ko lakou mau puulu, e nana aku ai, me ka hoomanao mau, o lakou kekahi e ukali aku ana, no na ipuka o ka halepaahao, ke malama ole lakou i na kanawai o ka aina, ame ka maluhia o ka lehulehu.

Ma ka manawa a Jonah Kumalae e holo ana he hoa no ka ahaolelo kuloko, aole loheia o na ku-e ana iaia, no kona lilo ana he hoa noloko o ka Hoomana Poaono. laia no i holo hou ai i hoa no ka papa lunakiai o ke Kulaiiakauhale a Kalana o Honolulu nei, ua hamau loa na Demokarata, a6he he ohi'uhi'u ae, i ko Kumalae pili ana me ka Hoomana Poaono. No ka holo ku-e ana nae o Kumalae ia McCandless, no ke kulana elele lahui, o ke kiiia aku la ia o kela mea liilii loa, a kaula'iia ae iluna, i maunu kii haloka, keu aku a ke kupaianahal Ina i hiki ia Kumalae ke s noho i hoa no ka ahaolelo kuloko, pela i hoa no ka papa lunakiai, me kona hoea mau ma na manawa hana apau, heaha iho la ka like ole, me ka ahaolelo lahui, ina e kohoia ana oia a puka? Mai kipehi wale i ka hoa paio kalaiaina, no ka mana'o, pela iho la e uhiia ae ai ka epa, nana i kono aku ia Kumalae, e holo kuokoa!