Ka Nupepa Kuokoa, Volume LXI, Number 11, 17 March 1922 — Loaa ke Kino Ua Make Ma Puuloa Ae Nei Ha'oha'oia he Haole o ka Oihana Kaua a Loaa ke Kino i ka Lana i ke Kai KOHOIA NO KA ONA KE KUMU O KA MAKE Loaa Aku no na Dala he Hookahi Haneri Maluna o Kona 9 Kino Aole i Lilo [ARTICLE]

Loaa ke Kino Ua Make Ma Puuloa Ae Nei

Ha'oha'oia he Haole o ka Oihana Kaua a Loaa ke Kino i ka Lana i ke Kai

KOHOIA NO KA ONA KE KUMU O KA MAKE

Loaa Aku no na Dala he Hookahi Haneri Maluna o Kona 9 Kino Aole i Lilo

Mahope o ka haohaoia ana o Paul Kikanski, ke kokoolua o ke kanaka ki pu o ka mokukaua Ingram e ku mai la maloko o ke awa o Puuloa no kekahi mau la ua loaa aku la kona kino make e lana mai ana iluna o ka ilikai ma ka hora 4:30 o ka auwina la Poaono aku la i hala maloko o ke awa o Puuloa, ma kahi kokoko i ke awapae o na mokulele. I kulike me ka hoakaka a ka moolelo e pili ana nona ua hookuuia mai oia e hele e holoholo ma ka po 0 ka Poalua aku, a i kona hoi ole ana aku ma ke kakahiaka Poakolu mai ua haohaoia oia a ua hoomakaia ka huli ana nona. Ma ka nianawa 1 loaa ai o kona kino, elike me ia a na lunn nui ame na kauka o ka halema'i ma Puuloa o ka hoike ana ae, ma ko lakou mana<Jio me he mea la he mau la ekolu a eha paha ka waiho ana o kona kino iloko o ke kai. No na makahiki he 1S ka noho hana ana o nei koa me ka oihana, kaua. Ma kela Poalua i hookuuia mai ai oia e holoholo he $450 me ia ma ia la, he mau dnla manualii i loaa mai iaia mai ka mokuaina mai o Wisconsin, eia nae, i ka manawa o kona kino i loaa aku ai he $100 wale no i koe ma kona pakeke. He mea keia o hoike maopopo ana aole oia i make mamuli o ka powaia ana, me he la ua ona oia ma kona manawa i lioi aku ai, a no ke kupouli loa o kona noonoo i ka waiona ua haule oia iloko o ke kai a make,.