Ka Nupepa Kuokoa, Volume LXI, Number 12, 24 March 1922 — HE MAU HOAKAKA KAKOO NO H. A. BALDWIN. [ARTICLE]

HE MAU HOAKAKA KAKOO NO H. A. BALDWIN.

Mr. Solomon Hanohano, Lunahooponopono o ke Kuokoa; Aloha: — Owau kekahi Wahine-kanemake a ka ohana Baldwin i kokua. ai. Oiai eia au ke hana nei malalo o ko aupuni, a o ka hoi a Eliwai kekahi o ko'u mau haku, noloila, e oluolu mai hoi i keia mau wahi manao e komo maloko o ka kaua ahailono, me ka hoike ole ae i ko'u inoa, o poino hoi au ma ka'u wahi apana haua e paa nei i kahi oko 'u mau haku.' Mamuli o kekahi mau olelo i hoopukaia, e hoino, a e hapala wale ana i ka iuoa^aikai 0 ka makou keiki i luhi ai, a makou no hoi i aloha ai no kana mau hana maikai ia makou o Maui, me ko na wahi like ole no hoi o keia paeaina, nolaila au e waiho aku nei i keia wahi puolo, nau e hoolaha aē i ike mai ai ka lehulehu i ka maikai o ka Hale Balawina mau hana no ka pono o na Hawaii. - Ua hoike ao o Meia Wilson, o ke kanu ko a halakahiki, ke kupono ia Hale Balawiria, a ua kupono ole ka no ka hana kaukanawai. He wahine au i loaa ole na hoonaauao ana olike me ko Meia Wilson, eia nae, ke hoomaopopo nei au, o ka mea i ' holomua loa ma kana mau hana ponoi, ko pookela loa o ke kupono no ka lawelawo i na hana pili ( i ka Ua holomua ka H. A. Baldwin" mau lawelawe ana i ka oihana kanu ko me halakahiki, a ua [ holomua no hoi oia ma kana mau j hana kaukanawai, kuloko, iloko o ! kona mau kau iho nei, iloko o ka Aha Senate i oi aku i ko Eliwai kau Senatoa i kona wa e Repubalik>i ana. Ua haawi aku o Hale Balaw:na i n:i kokua palena ole, me ke aloha oiaio i na wahinekane-make, a owau pu iloko o kekahi o ia znau haawina a ka puuwai lokomaikai me ke kokua. Hc lehulehu o na ohana me ! na wahine-kanemake e malam#ia mal nei e Hale, me ka uku hoomau I (pensions), me ka hoonaauao pu i na keiki makua ole. Ke malamaia mai nei na elemakule i noho hana ma na n\ahikt> o ka ohana Baldwin, ma kekahi home nani i kukuluia maluna aku o Kahaukapila, kokoke i Maunaolu hou. j Aia keia wahi i Makawao. Aia 1 Kula e ku mai la he Haukapila j no ka poe ma'i a na kauka i hōo-j iloilo ai, a he mau kokua nui ka' ka ohana Bolowina e haawi nei no ka pono me ka pomaikai o ka lehu-' lehu—o na Hawaii pu kekahi. Aia j i . Kalawao me Kalaupapa, Molokai, kekahi kokua nui e haawiia nei ao ( ke ola me ka oliiolu o na oiwi Hawaii malaila. Ua hamama mau ka ipuka o ka homo pumehana i ke aloha o Hale Bolawina me kana wahine, a he ohaoha na hookipa ana i ka Hawaii. Aole mep, iloko o ka pilikia i nele ke kipa aku imua o s Hale me kana wahine. Oka oiaio keia a'ue hoike nei. He ikemaka ko'u. Mai ko Hale Bolowina wa opiopio mai, kona lawelawe a kokua ana i keia "mau hana ku i ko aloha, a i ka loaa ana o kana wahine, loaa pu no hoi kona kakoo ikaika iloko o keia hana maikai. I Maui no hoi o Meia Wilson i noho hana ai nd kekahi mau makahiki, a ua ikemaka no hoi i keia mau huna a Hale Bolowina, pehea iho la oia i hoole ai i ko Hale Bolowina kupono i elelel

E ka Meia Wilaon hoi —keiki a makou i luhi ai; heaha ka olua me Eliwai i hana ai no ka pono o na Hawaii me na lahui e iloko o ka hune ame ka popilikia o keia noho honua ana? He mau keiki anei ka olua e hoonaauao neil Ke kokua nei anei olua i na wahine-kanema-ke me na keiki makua ole, a i na elemakule no hoi? Nolaila, e na.makamaka heluhelu: Ina i Maui kahi i hoopue mai ai, E eu ae a koho pololei ia Hale Bolowina. E na Demo'karata malihini ia Hale Bolowina, • E alawa aku—aia o Haleakala ke ku mai la. Ke hoike mai la ka la i Kumukahi, E hali mai ana i ka lono hoohauoli lahui. He lei lehua ka Hawaii-nui-a-Keawe No ke kama a Pele aliiwahine o ka *Lua O Hale Bolowina ka elele. Aia Lahaina i ka Mālu Ulu o Lele, 0 Lahainaluna ipukukui pio ole ' Aia o Mala la ua maikaukau • Pela hoi me Kahakuloa e kiei ae la i ka lae Ke puapuai mai la ka wai kapu o Kapuna Wai kamehai i ka malihini Aia o Eleile ke waiho mai la Ka wai kaulana i ka hoihoi lau-i E na Wai-eha el Ua malu oe i ka Hekuawa, E kalele mai la i Kapali-o-Kakae Palanehe ka holona i ke one ihaaheo 1 ke kai holuholu o Kahului Aia ika ulukukui o Lilikoi la e, me ! Piiholo I ka huina o na Haikū I ka o Maui-o--j Kama Eia aku ka opua i Awalau Kahi o na Kupua i noho ai Ikea o Puu-o-Kapuai, Ana a ka menehune Ke lelehune mai la ka Ua Lanihaahaa E kahiko mai la ia Kauiki Ke one hanau o Kaahumanu nui Aia o Kaupo la i ka phu la'i, Ke kiai mai la i ka Heiau Ke ha-lo mai la hoi o Nuu E nana ana i na Puu-huli-lua Aia o Puu-o-lai la E nana ana ia Molokai-nui-a-Hina E na Hono-a-Piilani hoi Ina iho ko iei, J;o Kama O Hale Bolowina ka elele

Eia Oahu Ia ke kakoo nei Pili mai hoi o Kauai Me ka Lei Mokihana onaona Lei Lanakila no Hale Bolowina Ka elele a ka lahui. WAHINE HAWAII KOHO BALOKA (50 Makahiki a Oi.)