Ka Nupepa Kuokoa, Volume LXI, Number 12, 24 March 1922 — Haookohuia o Colburn i pani ma Kahi o Gleason [ARTICLE]

Haookohuia o Colburn i pani ma Kahi o Gleason

O John F. Colburn 111, ke kokua ekahi o Pat Gleason. ka i hookohuia ae ma ka Poalua iho nei i pani ma kahi o Patrick Gleason, ka luna alakai mua o na hana hookapu waiona ma Hawaii nei, mamuli o kona wailio ana i ka hana a hoi hou aku la no ma kana hana mua he Hope Makai Nui no ke Teritore, a ma ka hora o ke kakahiaka Poakolu nei i hoomaka aku ai o Colburn i ka lawelawe ana i kana hana. Ma ka Poalua nei ka loaa ana ae o ka nuhou ia Gleason mai Wakinekona mai e kauoha mai ana ia Mr. Gleason e haawi ae i ka hana ma ka hora 9 o ke kakahiaka Poakolu nei ia Colburn. Ua aponoia keia hookohuia ana imai la o Colburn e 'ke komite kuwaena Repubalika a pela hoi me ka ahahui hoole waiona ame na ahahui e ae a na makaainana. Ma ka la 1 o Apenla ae nei e hoi hou aku ai 0 Gleason i kana hana mua. Aole o John F. Colburn he kanaka 1 malihini i keia hana i hookohuia mai la iaia, a no ka mea, he akena oia i hookohuia aku e Gleason i ka manawa e lawelawe ana o Gleason j ia hana ma ke ano he lnnahoohana a he mea alakai no na hana hookapu waiona no Hawaii nei ma ka anahina aku nei o lanuari.