Ka Nupepa Kuokoa, Volume LXI, Number 12, 24 March 1922 — Houia Kekahi Opio Hawaii i Ka Pahi a Eha Paa Elua Koa Luina me Hookahi Wahine i ka Hopuia Malalo o na Kumu Hoohuoi MA KA HALEAINA KELA HANA HOUPAHI Nui na Koa Luina me na, Wahine Opio i Hoomaopopoia Maloko o ka Haleaina [ARTICLE]

Houia Kekahi Opio Hawaii i Ka Pahi a Eha

Paa Elua Koa Luina me Hookahi Wahine i ka Hopuia Malalo o na Kumu Hoohuoi

MA KA HALEAINA KELA HANA HOUPAHI

Nui na Koa Luina me na, Wahine Opio i Hoomaopopoia Maloko o ka Haleaina

Maloko o ka Haleaina Criterion, ma ke alanui Betela, ma ke aumoe o ka Poakahi aku la i hala, i houia ae ia he opio Hawaii i ka pahi, no ekolu manawa, ma kona aoao hema, nona ka inoa o Henry Philip. me ke kukonukonu loa o ka poino i kau aku maluna ona, a ma na hoike i loaa mai, ma ke kakahiaka ana ae o ka Poalua nei, aole he maopopo o ka palekana mai kona ola. No kela houpahi nae i hanaia. ua hopuia ae he elua mau haole luina nolalo ae nei o Puuloa, no laua na inoa o J. B. Vance ame A. E. Cowling, ame kekahi wahine opio o Helen Wright ka inoa. He poe e ae no kekahi i hoomaapopoia iloko o ika puulu, hookahi me na mea ekolu i hopuia e ka oihana makai, he elua mau wahine opio ame kekahi poe e aku, a maluna 0 kela poe ka oihana makai, i kau aku ai i na maka. no ko lakou paa pu mai i ka hopuia, no ka noii pono ana aku i na mea e pili ana, 1 ke ano o ka loaa ana o ka poino i ke kanaka opio. Ma ka olelo a na kanaka o ke aupuni, me he mea la maloko o kekahi o na rumi oloko o ka Haleaina Criterion. kahi i hanaia ai o kela houpahi, no ka mea ua ikeia o Henry Philip. i ka oili ana mailoko «nai, o kela haleaina, me ka paa o na lima ma kona aoao hema. Maloko o kela haleaina, he mau koa luina lehulehu, me na kaikamahine opio, a .«a loaa aku hoi he mau omole, aole he wai oloko. e waiho ana maluna o ka papahele, a ua manaoia, he mau omole okolehao kela o ka inuia ana e kela poe. Ua hoihoi awiwiia aku o Henry Philip noloko o ka halema'i o na poino ulia, a malaila aku no ka Halema'i Moiwahine. me ka ikeia ana o ke kupilikii maoli o kona knlana. Ma ka olelo a Philip, o ka mea nana i hou iaia i ka pahi, na kekahi koa luina oluna o ka mokukaua Baltimore; a ma ka hoakaka hoi a ka wahine opio o ka hopuia ana e na makai, ua ala mai kela hana houpahi, mamuli o kekahi hoopaapaa kahiko, mawaena o na kanalea a elua. maloko o kekahi hale hula hula.