Ka Nupepa Kuokoa, Volume LXI, Number 12, 24 March 1922 — Hoohokaia Kekahi Mau Keiki me na Wahine Kepani [ARTICLE]

Hoohokaia Kekahi Mau Keiki me na Wahine Kepani

O ka poe i hoea ae i ka Pfka ma Kalihi-kai ma ka po Poakahi nei no ka hoolohe ana i ka haiolelo a Mrs. Mary Haaheo Atcherlcy he kanakolu mau keiki Kepani, eha mau wahine Kepani me na bebe e haawe ana mahope o ke kua, ekolu anau wahine Hawaii ame hookahi kane Hawaii. a eia nae no ka hora a oi ko lakou kakali ana aohe o Mrs. Atcherley i hoea iki aku ilaiīa, no ia kumu ua hoohokaia ia poe ame ka namunamu lakou o ka hoi ana aku i ko lakou mau halo no ka hoea ole ana aku o ka moho elele wahine. Oiai kela poe e kakali ana he paani ka hana a kamalii a he kamailio no hoi ka hana a na wahine, a o kahi kanaka Hawaii hookahi i hoea ae ai malaila, huli kona alo iluna a helu i na hoku o ka lani. Ma ka hora 8 o ia ahiaii e haiolelo ai o Mrs. Atcherley maloko o ia paika ma ia po, eia nae, mai ia hora mai ke kakali ana o kela poe nona me ka manao e lohe ana la hoi i kona leo ame kona mau manao. eia nae, aohe oia i hoea iki a hala ka hora 8:50 a kii okoa mai kanaka malama paka e kinai i na kukui a hoi aku la no kona hale. No ke kumu o ka hoea ole ana aku o ka moho elele kuokoa Demokarata no ia wahi ma ia po o Mrs. Atchērley wale no ke hiki e pane ia ninau. Malia paha ua paa 'kahi waa i ke au, o i hoe mai a o ka ikaika loa o ke au kau koke i Malelewaa. WARSAW, Pol«nd, Mar. 21.—He hana e hookapu loa ana i na hoikeike kii onioni mawaena iho o ka lahui ka i hookahuaia i keia la maanei no ka hoao ana e kinai i na hana karaima. Ma ka oleloia ua piha na halekeaka me na kii ino hoopihoihoi noonoo, j