Ka Nupepa Kuokoa, Volume LXI, Number 13, 31 March 1922 — HE MANEWANEWA ALOHA NO KUU PIKII HELELOA. [ARTICLE]

HE MANEWANEWA ALOHA NO KUU POKII HELELOA.

E ka Lunahooponopono ahonui o ka ipukukui uwila, nana e poai nei na moku, mai ka la oili ae la i Kumukahi, a ka welona a ka la i Lehua; Aloha oe:—Oluolu mai hoi oe ia'u, e kaana pu aku me kuu pokii wahine, no ka maua mea aloha i haalele mai la i Puna na hoaloha; Aloha wale! Me ko'u haupu ole ae e, ua komo ae la ka anela o ka make a hookaawale ae la i ke kane me ka wahine, ke keiki hoi me ka makua, na moopuna i ke kupuna, ka makua i imi ai me na lako apau e pono ai. Na ka leta a kuu lei Mrs. Kamila, Jas. Kaopua, i ha'i mai la ia'u i na hora poniponi o ke kakahiaka Poaha nei, Maraki 23, o Uncle Tom, ua hala i ka la Sabati nei Maraki 19, a nalo aku la i ka la 21 nei ma ka ilina o Puuokamalii. Me na waimaka helelei au e heluhelu nei, no ke aloha i kuu pokii i haalele mai la, i ke aloha pilipaa i awaiauluia me ke kuio o ke aloha wahine, na keiki me na moopuna a makou, walohia wale hoi e! Aole ana keiki aole no ana moopuna, aka, na kuu pokii wahine na keiki me na moopuna lehulehu e ola nei, aka ua lilo lakou apau, imua ona i poe punahele nana, ma ka hoonaauao ana, iloko o ke kula ma Kawaiahao, me Maunaolu ma Maui, a mare i na kane, aia i Amerika, aole i ike iho la i ka makua a hala aku la, aia no hoi i Hilo, oia o Mrs. Malina Chas. Kaulukukui, a eia iho no i Honolulu, oia o Mrs. Akoni Kawaa, oia paha ka i ike i ka hanu hope o ka makua, nana i mailani ia lakou, a imi lakou i ka lakou loaa, a na lakou nei mai na moopuna lehulehu, e paiauma aku nei ma keia aoao, o ka muliwai eleele a ka make i hookaawale aku la. Kona moolelo i loaa ia'u, ame ka'u mea i ike ai nona, he haole Pelekane oia, a he kupa Amerika oiaio o Thomas McGiffin ko na inoa ponoi, a mamuli o ka paanaau mau i ka waha, kela mele hula kaulana kahiko, a ka Hawaii, penei: "He aloha kuu pua Mikinolia, I lohia i ka wai kuauhoe. No ia mea, ua kapaia aku oia ma ka inoa Hawaii, o Kuauhoe, a o ia kona inoa kanaka i kamaaina iwaena o ka poe i ike iaia. Ua mare oia me kuu pokii wahine, Mrs. E. Kaehuokekai McGiffin, ua noho iloko o na makahiki loihi me ka oluolu, iloko no o ka nele, a ua hoomanawanui iloko o na hale hoolimalima lehulehu o ke kaona ahiki i ka loaa ana he home, he aina, e waiho nei ma Ewa, noho malaila no kekahi mau makahiki, a loaa hou he mau apana aina ma ke alanui Colburn, ma Kalihi, me ka home maikai malaila, a haalele iho la i ka hoa hoomanawanui iloko o ka luuluu. He nui no kana mau hana like ole i hana ai, aka o kana hana hope loa, o ia ke kiai po o ke Dipo o ka hui alahao ma Kuwili; a i ku a paio no ka hoopakele ana i na poino i manaoia e hoopilikia i ke alahao, mai ka poe i olohani ai i kela mau makahiki aku nei i hala, a na kona nawaliwali i hookaawale aku mai iaia aku a hala wale aku la no. He lima mohala kona, i ka poe apau e kipa aku ana ma kona home, he umeke a he ipukai hamama no ka malihlni, me ka poipoi ole. Aloha ia mau la! Me keia mau kanaenae aloha, ke komo pu aku nei au me ka kaua keiki, me na moopuna imua o ka'u alo, e auamo a kaana pu i na luuluu apau, i kau mai maluna o kakou apau, a na Oia mau, e hoomama ae i na ehaeha o ke aloha, hiki ole ke mukuhia i na waikahe he nui, a Nana no i haawi mai, a Nana no i lawe aku, e hoomaikaiia no kona inoa, Amene. Owau no me ka waimaka luuluu, FRANK K. KALAMA, me ka Ohana.

lfa na minawa aka nei i hala ua lilo n& kula Hawaii i mea hoowahawaha a hoopailuaia, eia nae i keia maa I*, he lehalehu n& lahul e e hoomaimaa mai nei i ke a'o an& i ka hula olapa, a hulaku 'i & he elua manawa o ka pule e a'o mai nei kekahi mau pa-hula maloko o kek&hi mau home.