Ka Nupepa Kuokoa, Volume LXI, Number 13, 31 March 1922 — Ha Mau Kumu Ahewa Kahua Ole [ARTICLE]

Ha Mau Kumu Ahewa Kahua Ole

Hookahi olelo nui iwaena o na alakai L. L. McCandless, mahope iho o ka ike ana i ka haule ino loa o ka' moho elele lahui Demokarata, ma ke koho baloka kuikawa, o ka Poaono aku nei i hala, o ia no ke kuai'ana aku o na Rcpuba-J lika, i wahi e loaa mai ai o ka lanakila ia H. A. Baldwin. O na olelo o kela ano, no ka hookanaaho wale ana ae no ia, i wahi e manalo ai, ka anoano o na hana kinai i ko lakou ikaika iho. i luluia aku imua o na mana koho baloka o keia Teritore. O na hooiāio ma ka aoao o na Demokarata, no ka loaa ana mai o ka lanakila ia Mr. Baldwin, mamuli o.ke kuaiia ana aku, aole ia e hiki ke kukuluia mai fmua o ke*akea. He hoo-. kahi no kuai a na Rcpubalika i hana ai, o ia ka uku ana aku i, ka poe i hoohanaia e ka aoao, ame na hoolaha i hoOkomoia aku ma na nupepa; elike no me ia a na Demokarata i hana ai. Eia no kd mea oiaio, i hookahuaia ai kela mau olelo, ma ka aoao. o McCandless ame kona puulu; maipuli mai 110 ia o ka huina baloka kiekie loa i loaa ia Ba4dwin. Ina ua hawahawa na lima o na alakai Repubalika, i kekahi hana haahaa o keia ano, aQle loa e nele ana, ka loaa o na hoike ame na hooiaio ana mai na Demokarata mai; i ka neīe ana o kekahi hoike ma ko lakou aoao, malaila iho la no pau ka hiki ana e hilinaiia aku, na kumu pale kahua ole, no ka haule ana o ka Demokarafa. , . ' He hookahi kumu oiaio o ka lanakila haaheo loa, i loaa i ka moho a ka aoao Repubalika, o ia no ke kuikahi iloko o na alakai kalaiaina, ka ikaika liana iloko o na alakai kalaiaSia ame na no ko lakou' ukuia, a no ko lakou uku ol'e ia; hui pu ke kukuluia ana ae o na kalapu wahine ma na mahele koho lehulehu, ua lawa ia no ka lanakila o ka moho Repubalika; ua ike mua ia keia mamua o ka heluia ana o na baloka ma ka Poaono nei; aole elike me ke koho a na Demokarata, ua nana wale aku lakou ma ka helehelena mawaho o na kanaka, ka poe e aoaoa, ana, me he mau ilio liilii la, aia nae na Repubalika, ke noho malie mai la elike me na ilio bulu nunui, o ka nunulu wale iho no ka lakou, ma kahi nae a ka hana e oili mai ai he hua, malaila ka lakou i nana aku ai. Ua naauao kakou i na hana kalaiaina ma Hawaii nei i keia manawa, nolaila o ka imi ana ae i kekahi mau kumu kahua ole, no ka haulehia ana o kekahi moho ma ka pahu' baloka, aole ia mamuli o kekahi kumu e ae, aka no kona nele i na ano maikai a kupono, e umeia aku ai na manao o na mana koho, a haawi i ka lakou mau ana iaia.