Ka Nupepa Kuokoa, Volume LXI, Number 14, 7 April 1922 — Loaa na Hoopii Hoahewa i na Kiure o Hawaii E Komo Okoa Ana na Lunanui o ka Banako o Hilo Iloko o Kekahi Poino Nui MIOIA KEKAHI MAU DALA NUI E.LAKOU Hooliloia na Waiwai o ka Lehulehu ma ke Ano Kolohe me ke Apuka Maoli Ia [ARTICLE]

Loaa na Hoopii Hoahewa i na Kiure o Hawaii

E Komo Okoa Ana na Lunanui o ka Banako o Hilo Iloko o Kekahi Poino Nui

MIOIA KEKAHI MAU DALA NUI E.LAKOU

Hooliloia na Waiwai o ka Lehulehu ma ke Ano Kolohe me ke Apuka Maoli Ia

O ka hopena o na hana noii a huli pono, a ko kiure kiekie o Hawaii, o ka noho ana mai nei, ma ka pule aku la i hala, no ke kulana o ka Peopie's Bank ame ke Security Trust Company o Hilo, o ia no ka loaa ana o na hoopii hoahewa e ku-e ana i na poo o kela mau hui, no ka hewa aihue i ka waiwai i haawiia aku na lakou e malamo, pela hoi me ka hewa apuka. He ekolu mau lune. nui o kela mau hui i loaa na hoopii honhewa i ke kiure kiekie, oia ke 6enatoa Rußsell H. A. Truslow amo Lcslie Forrest, he mau kumu 'ioopii ko'iko'i loa, ina e hiki ana ke noolaioia, ma ka manawa o h'ooloheia ai ko lakou mau hihia, e komo okoa aku ana kela poe iloko o ko anu o Alika, no ka lakou mau mea i hana aku ai i ka waiwai o ka lehulehu. Ho eono.mau knmu hoopii hoahewa e ku-e ana ia Mr. H. A. Truslow, ka hopo peresidcna a lunanui o ka hanako, i loaa i na Jfiurc kiekie, 0 ia kona lawo aihue ana i na waīwai i waihoia aku malalo o kaaa malama nna. No Mr. Lcslie Forrcst hoi, ka met uku dala, he mau kumu hoopii hoahewa ka i loan i na kiure e ku-e ana iaia, no ka hewa lawe aihue i ka waiwoi o ha'i, i hui pu ia me Beaatoa Bussell, a he mau kumu hoopii hoahewa kaokoa hof kekahi, no ka hewa npuka. No Senatoa Russcll hoi, ke poo o ka hui Soeurity Trust Company, a ke luna hooko no ka banako, ua loaa pu na hoopii hoahewa e ku*o ana iaia, i kulike aku me na hoopii ahewa i loaa ia Mr. Forrcst. Ua kauia ka bona o kela mau luna nui o na hui poino, ma kahi • ka elima kaukani dala pakahi. Na Kumu Hoopli O na kumu hoopii e ku-e ana ia Mr. Truslow, o ia no kona hoolilo ana aku i na mahelo iloko o ka hui aila, i onaia e William MeCallum, nona ka waiwaiio o $3250; pela ka hoolilo ana i mahele o Wm. MeCallum iloko o ka hui mokuahi Atla*»tic Gulf and Weat SteHm»hip Co., nona ka waiwaiio o $7350. Ma kekahi kumu hoopii hoahewu hoi, o ku-e ana iaia, no ka hoolilo ana i na mahele i onaia e Mrs. Hattio S. Lewis, he kanalima ka nui, iloko o ka hui Stcel Company, nona ka waiwaiio o $2787, pela pu hoi ka hoolilo ana no ka pono o ka hui Sccurity Trust Co. he 800 mahele iloko o ka mahiko o Olaa, i onaia e Manuel Branco, nona ka waiwaiio o $6900. Maloko hoi o kekahi mau kumu hoopii hoahewa, e hoakaka ana ia 1 ka lawe nna o Mr. Truslow, ma ke ano aihue, no kn pomaikai o K» Security Trust Co., i ka huina o $10,664. Ma kekahi kumu hoopii ako, o ahewa ana ia Mr. Truslow no k* hoolilo ana aku i ka huina o $1300, he waiwai no ka mahiko, no ka pono o' ka hui loio o Rus*cll ame Fred Pattcrson. Ua hoolilo pu aku oia tio ka pono o J. A. M. Onorio i ka huina o $1709, mn ke ano aihne, he waiwai hoi no ka mahiko. Ma kekahi kumu hoopii hou aku, 0 hoakaka ana ia i ka lawo aihuo ana o Mr. Truslow, ma ke ano kolohe, i ka huina o $20,000 mai ka Peoplo'* Bank aku, no ka pono o ke Security Trust Co., f na komo ptt aku o Scnatoa Russcll ma ke kokua ana i wahi e holopono ai kela ma* nao kolohe. Ma ke ano nui ke olelo ae, he umikumamalua ka nui o na kumu hoopli hoahewa i loaa ma ka noii pono ana a ke kiure kioiue, a ua hiki aku ka huina o na dala a ka lehulehu i koloheia e na lunanui o kela mau hui ma kahi o ka $200,000. Ma ka oleloia, aole e kala kahiko 1 ikeia ai ka pilikia, i|p ke ano o ka lawelaweia ana o na hana maloko o kela «nau hui, iloko o ka 1918, ka manawa no e noho kiaaina ana o Charlcs McCarthy, a ua haawi aku ke kiaaina i kana mau a'o ana i kela mau lunanui, e hooponopono ! ka lakou mau hana a pololei, akahi ne nao a hua'i maoli ia ae ka mea oiaio i ke akea.

No ka huna ana i ka epa i hanaia, e nalo ai me l«a iko ole ia no kekahi manawa, ua oleloia ae, e lilo ana kekahi hui i mea kokua aku i kekahi, ma ka hoolako ana mai i ko dala, i kela amo keia manawa, e huliia ai na buke, a ua hanaia hoi kekahi mau hana akamai loa i wahi e loaa ole aku ai ka pilikia i ka wa a ka papa hooko e huli ai i na buko oihana. Mahope iho o ka oili ana ae o na mea oiaio i k® akea, ua hookahahaia aku ka manao o koonei poe, no kela mau h&na kdlohe, a ina e ahewa ia ka poe i komo kino iloko o kela mau hana, alaila o ka hoea ana mai .ia i ka ulaaia ana ae o kekahi o na hana kolohe ino loa i lawelaweia maloko nei o keia Teritore. O kela poe ekolu no lakou na kumu hoopii hoahewa i loaa ai i ke kiure kiekie, he poe wale no i kamaaina i ko Hilo, a i ko Honolulu nei, me ka hilinaiia ana no ko lakou kulana makaukau a hoopono ma ka lakou mau hana, e pau ana nae ia hilina'i, ina e kau aku ana na ahewa ana a ko kanawai maluna o lakou. *-f-.