Ka Nupepa Kuokoa, Volume LXI, Number 14, 7 April 1922 — UA HAALELE MAI KA MOKUKAUA PELEKANE. [ARTICLE]

UA HAALELE MAI KA MOKUKAUA PELEKANE.

Ma ke Sabati iho nei ka haalele ana mai o ka mokukaua holomama Pelekane €alcutta i na kaiaulu o Hawaii a holo aku no ka īpuka Gula o Kapalakiko mahope o kona hoohala ana i kekahi mau la ma na kai o Hawaii. He mau pule lehulehu kona ku ana ma Honolulu nei, o kona mau wāle no i kaawāle aku ai o ia ka mauawa pokole ana o ka holo ana aku no na Mokupuni Fanning, Washington, Chri«tmas ame Palmyra, ame ka manawa pokofo ana o ka holo ana i ke Kaikuono o Kealakekua ma Kona, n'o ka inakaikai ana i ke kiahoomanao o Kapena Kuke. Ma keia huakai aku la a ka mokukaua Calcutta no Kapalakiko o §ca makamua loa ia o kona hoea ana ilaila, oiai mai Bolboa kona holo pololei ana mai ahiki ia nei. Oiai ia mokukaua e ku ana maloko o keia awa ua lehulehu na papaaina i haawiia no na kanaka oluna o ia moku e na kanaka Pelekane ame na Amerika pu, a ua pii aku no hoi ko uka nei poe o ka aina iluna o ia moku e makaikai ai no kekahi manawa. Ua komo pu aku na kanaka oluna o ia moku me ka poe puni lealea o keia kulanakauhale i ka manawa a ia moku e ku ana ina keia awa.