Ka Nupepa Kuokoa, Volume LXI, Number 14, 7 April 1922 — Ka Pilikia o ka Banako o Hilo [ARTICLE]

Ka Pilikia o ka Banako o Hilo

He keu no la, he wahi pilikia ae nei ko ka hanako o Hilo a uuku, elike me na mea i manao mua ia, mamuli o ka hemahema o na lawelawe ana, eia ka he pilikia ano nui maoli, ina rrei no ka hoea mai i ka hooiaioia ana o na kumu hoopii hoahewa, a ke kiure kiekie i hoihoi ae ai ma kana hoike, alaila, e hoeg. mai ana i ke kaula'iia ana ae o kekahi o na hana kolohe ino loa, ka mea i ike mua ole ia ma ka moolelo o na hana kukulu hanako ma Hawaii nei. Ua pono ko ke kiure kiekie, noii akahele loa ana aku, i na hana i lawelaweia, e na lunanui o kela hanako, pela no e ikeia ai na mea -oiaio, a e kau aku hoi na ahewa ana maluna o ka po6, i pili ma'oli i ke kolohe; a he kumu alakai kupono hoi, no kekahi poe € ae, e lawelawe nei i na 'hana banako, e konoia ai lakou, e hooko pono i na hana apau elike me ke kauoha a ke kanawai, a e malama i ka waiwai o ka lehulenu me ke kupono. Ma ka meahou, e pili ana i ka hopena o na hana noii a na kiure kiekie, e ike iho ai kakou, ua hookahua maoli ia ka manao kolohe»iloko o na lunanui o ka banako, me ka imi ana nia na ano epa apau, i wahi e ike ole ia ai kela mau hana kolohe; a ina nei no ke ahewaia o kela mau e na kanawai o ka aina, he pono no e auamo lakou i na hoopa'i a ke kanawai no ka hopena o ka lakou mau hana kolohe ino loa. « O ka mahina o Maraki i hala aku la, ka mahina kiekie loa o ka nui o na home i kukuluia ma keia kulanakauhale; he hoike ana mai keia, eia na kanaka ke alualu nei, e loaa he noho kuokoa ana ia lakou, ma ka loaa ana he home ponoi, a c pau hoi ka noho puukuuki ana'iloko nei o ke kulanakauhale. O keia ka hua o ka hoomakaulii; a ina e hoomaU ana na kanaka Hawaii, i ka hoomakaulii ana i ka lakou mau dala, loa he kanalua ke olelo ae, e hoea mai ana i ka manawa, e loaa ai he mau home ponoi no lakou, a i upu ae ka manao e hoi ma na aina hoopulapula, ua loaa kekahi mau makaukau e pilikia ole ai ka noho ana aku ma kela mau aina malihini. Ua loaa ka hoomaopopo ana i na Demokarata iloko o keia manawa; ina aole e kukulu hou ia ka aoao Demokarata maluna o ke kahuā onipaa, a e hoauhee loa ia aku na kuee ana iwaena o na pohai like ole; alaila e hoea mai ana i ka manawa, e kailiia ae ai ka hanohano a na Demokarata e paa nei i kekahi mau kulana oihana iloko o ko ' kakou hookele aupuni kuloko ana.