Ka Nupepa Kuokoa, Volume LXI, Number 14, 7 April 1922 — Nuhou Kuloko [ARTICLE]

Nuhou Kuloko

Aohe lohe hou ia o ka hauwalaau 0 na Demokarata i keia mau la, o na Repubalika wale no ia e hauwawaia mai nei. Eia kekahi mau kumukula o na Kona i ke kulanakauhale nei no ka hoohala ana i ko lakou mau la hoomaha o ka Easter. Ma ka auwina la o ka Poakolu nei i weheia ai ka uwapo kumoku Mala, ma Lahaina, a he nui ka poe 1 hoea aku malaila. Ma ka Poakolu nti ka noho ana 0 ka Ahahui Euanelio Ahahuina o ka Mokupuni o Oahu maloko o ka halepulo o Kaukeano. Eia mai no ko Kuokoa ke oili aku la me na nuhou makamaka hou loa, no ka hoolawa ana i ka makemake o ka poe heluhelu. Ma ka Matsonia o ka Poakolu iho nei i haalele mai ai ka Elele ame Mrs. Baldwin ia Honolulu nei, ma ka laua huakai no ke Kapitala ma Wakinekona. * Ho kuai hooemi o na i'o hipa ko ke kakahiaka o ka la apopo ame keia Poakolu ae, ma ka Makeke Metropolitan; e aho ka naue malaila, i koe iki kahi kenikeni. Ekolu wale no mau hihia okimare 1 aponoia e ka aha a ka Lunakanawai John R. Desha ma ka noho ana a ia aha o hooloh'e i na hihia o ia ano ma ka Poalua nei. Ke neemua nei na hana o na alanui o ka apana o Kakaako i keia manawa, a ke holo nei na kaa otomobilo me ka pakika maoli, ma na alanui i pau i ka hanaia. O ka Banako Asano Chuya e ku nei ma ke alanui Moi mawaena o ka Makeke ame ke Alanui Muliwai • e hamama mau ana kona mau ipuka i na ahiahi apau mai ka Poakahi a ka Poaono, mai ka 6 a 8 p. m. * Me he mea la i ka riatia aku, e paniia ana kahi o ke alanui holopuni, e hanaia mai nei, no ka holo ana o na kaa, oiai ua waiho mai nei o Mr. Lord i kana noi i ka papa o na lunakiai, no ka aeia aku o kela manao pani i ke alanui. Mahope o ka hooloheia ana o ka hihia o Albion F. Clark i hoopiiia ae ai n<) ka holonui i kona kaa oto ma ke ano e lilo *ai i mea hoopoino i ke kino o Mrs. Mary K. Zane, ua hookuuia oia e ka papa kiurc a ka Lunakanawai De Bolt ma ka Poalua nei. Ma ka lono i loaa mai i Honolulu nei i kela mau la aku nei, eia o Lolena Analu, kahi loio poupou i noho lunamakaainana iho nei no ka ahaolelo, ke noho hana mai nei ma ke keena o ka Loio Kuhina ma Los Angeles ma ke ano he kokua loio kuhina. O na koho no ka hana ana i ka uwapo ma Hanal&i, Kauai, ma ka Poalua nei i weheia ai maloko o ke keena o ka lunahoohana o na hana hou o ke aupuni L. H. Bigelow. O Coney & Morris na mea koho haa•haa loa he $24,000. O Mahikoa kekahi mea i koho, o kana huahelu he $35,275. —*