Ka Nupepa Kuokoa, Volume LXI, Number 15, 14 April 1922 — E KIAIIA ANA KE ALANUI E PII AI I PUOWAINA [ARTICLE]

E KIAIIA ANA KE ALANUI E PII AI I PUOWAINA

Ma ke Sabati iho e malama hou ia ana ke anaina haipule maluna 0 kaPuu o Puowaina eliko me ia i nialamaia ai i na makahiki aku nei i hala, a ua manaoia e oi aku ana ka nui o na kanaka e hiki ana iluna 0 Puowaina ma ia kakahiaka mamua o. na makahiki i hala. He anaina haipule Puka ana o ka la Eftster ia, ka la i alahou mai ai ka Haku. Ma keia pulo iho la ka hana a hoomaemaeia ana 0 ke alanui no | na kaa oto e.holo ai iluna o Puowaina, a malalo o ka Samuel Roblcy hookele a hooponopono ana na kaa otomobile, a e kokua aku ana kekahi o na makai iaia ma ia hana. Ma ko alanui e pii la i ka puu 0 Puowaina o na makai ke honohoia aku ana mal£ila no ka makaala ana i na kaa i ole e huikau e lilo ai i mea hoopoino i ke ola o ka lehulehu, o na lala o ka hui kaa otomobile pu kekahi e hoea ae ana ma j ia wahi no ka makaala ana i na kaa. No ke ohohia nui 0 ka Makai Nui Jarrett, ka Makai Nui Kalana Rose, ka Hope Makai Nui Asch ame kekahi poe e ae no kela anaina haipulo e malamaia ana a i malama mau ia hoi, i haawi ae ai lakou i ka lakou mau kokua i ke komite nana e hookele mai nei i ia hana. He mau paahao ka i hoounaia ae e ka Makai Nui Jarrett no ka hooana i ke alanui e moe la ahiki i ka piko o Puowaina, a no ka hoomaemao ana hoi i kahi o na kaa 6 ku ai maluna 0 ka piko 0 Puowaina. . Ma ka hora 6:30. 0 ke 1 kakahiaka e hoomaka ai ka bana e paani a ua manaoia e piha mua ae ana oluna o ka piko i na kanaka mamua 0 ia manawa, ke ae maikai mai nae na lani. ; •