Ka Nupepa Kuokoa, Volume LXI, Number 15, 14 April 1922 — UA HALA O MRS. ROSIE P. KALUNA. [ARTICLE]

UA HALA O MRS. ROSIE P. KALUNA.

Mr. Solomon Hanohano ame na i keiki o kou keena pa'i aloha nui:— E ae oluolu mai kou ahonui no 'u kauwahi kaawale 0 ke kino lahilahi 0 ka nunu ha'i meahou a ka lehulehu no ka 'u wahi puolo waimaka e kau ae la maluna. Ua ko eiike me ka ka Buke Nui 1 olelo ai e hoi kela ame keia mea ma kona wahi i hoomakaukauia pela no i haalele mai ai kuu kaikamahine Bosie 'P. Kaluna. Oiai he elua wale no maua mai ko maua papa ame ko mama mai, a ua lilo kona haalele ana, mai i mea kaumaha a luuluu ia'u kona kaikunane, na makua, kana kane ame ka ohana. I He kaikamahine maikai oia n(a na ano apau, iloko o kona mau la ho puuwai hamama oia, hookipa i na kamahele a pela wale aku. Na ke kelekalapa i ha'i mai ia makou ka ohana i kona haalele ana mai i keia ola ana ma ka la 12 o Maraki, 1922. Ua kau aku ko maua papa ame ko maua mama ma ka Maunaloa no ka ike hope ana i kona kinowailua ma Honolulu. Ua hoonaauaoia oia ma ke Kula Kaikamahine o Kohala, a ua loaa iaia na ike hanalima apau. ' Ua mare oia i ke kane, i mea e pono ai keia noho ana, a ua aneane e piha na makahiki ekolu o ko laua noho maro ana, a haalele iho la i ke kane Peter Kaluna e uwe a 0 kanikau aku nona. Ua hanauia kuu kaikuahine aloha ma ka aina makani apaapaa 0 Kohala, ma ka la 6 o Mei, 1896, a ua piha iaia na makahiki he 25, 10 mahina me 6 la. Ua hoomoeia aku kona kino lepo ma ka ilina 0 Kawaiahao; na ka Makua Lani e hoomama mai i kana kane, ka ohana ame a'u kona kaikunane. Me ka Lunahooponopono ko'u welina. Me ka haahaa, WM. JB. ,» k m