Ka Nupepa Kuokoa, Volume LXI, Number 15, 14 April 1922 — UA PAUAHO MAI O WM. PUNIKAIA I KEIA OLA ANA. [ARTICLE]

UA PAUAHO MAI O WM. PUNIKAIA I KEIA OLA ANA.

Mahope iho o 'ke kaama'i ana no kekahi mau la kakaikahi wale ae nei no i hala, i pauaho mai ai o William Napunawai Punikaia i keia ola ana, ka home o kana wahine aloha ma ko alanui ololi Parker, ma ka hora ewalu o ka po o ka Poalima o ka pule i hala, a waiho iho la i ka ukana luuluu a kaumaha, na e paiauma aku mahope nei. Ma ka aoao o kona moe make, kana wahine aloha, Mrs. Maryann Punikaia, kana mau moopuna ame ka lehulehu o kona ohana e noho ana ma Honolulu nei, iloko o na minuke hope loa o kona ola ana, a hoekuu aku la i kona uhane, e hoi me ka iMea Nana i hana, a waiho iho la i ke kino lepo, na ka ohana e hoomoe aku ma kahi mau 0 na mea apau. He kulana nawaliwali mau no kona, mamuli o ka elemakule, aole nae hoi i manaoia e lilo ana ia nawaliwali i kumu nana e hoopokole ae i kona mau la; o kona ma'i nana 1 hoohikiwawe loa i kona hopena, o ia ka hi, na ia ma'i i hoemi mau ir.ai i kona ikaika, ahiki i ka waiho ana iluna o kahi moe, pau ka hiki ana o hele, ahiki wale no i ko kikoo ana mai la o ka anel\ o ka make iaia. ' Ua kaa aku oia malalo o na lapaau ana mai a Kauka Hanchett, oia nae, lia hiki ole i ka ike ame ku naauao o ke kanaka ke hoopakele ae i kona ola, no ka mea ua palupalu ke kino, koe wale no ka hoao ana aku e hoomama ae i na manao pilihua iloko o ka wa o ka ehaeha. Ua kaa aku ka hoomaemae ana i kona kino malalo o ka hui hauu pahu a~ hoolewa o M. E. Silva, ma kela po Poalima no, a hoihoi hou ia mai, a ma ka auwina la ae o ka ' Poaono, i laweia aku ai kona kino | wailua, a hoomoeia ma ka ilina o Puuokamalii, ma ka ilina o kana keiki hanauna Mr. Maunakea. Na ka Rev. Bobert Ahuna, i malama i 'kona anaina haipule ma ka home, a na Mr. J. K. Nakila hoi i malama i ke anaina haipulo hope ma ka lua, a hoi aku ka lepo i ka lepo, a o ka uhane i ka Moa Nana i hana i ke kanaka. Ua hanauia o William Napunawaj Punikaia, ma Kealia, Kona, Hawaii, i ka 1838, na Punikaia (k) ame Pehu (w), a ma kona manawa i make aku la, ua piha iaia na makahiki he 84. He eono i hanauia mai e ko lakou makuahine, he elua kane, ame eha wahine, ua lawe aku ka make i ko lakou nui, a oia hoi keia i ukali aku la mahope, a koe wale no hookahi e ola nei, oia o B. K. Punikaia, e noho mai la ma.Lawai, Koloa, Kauai. Mailoko mai o keia mau 'kumu hoopulapula, na keiki he nui a lehulehu e ola nei; na moopuna kuakahi ame kualua, i ike ole i ka hanu hope loa o Mr. W. N. Punikaia, a maloko o ka nupepa e ike iho ai lakou, i ka nuhou kaumaha a hoolelehauli. Ma ka aoao o ka wahine k&nemake, na moopuna ame ka ohana 0 W. N. Punikaia i hala aku la ma ko ala hoi ole mai, ke haawi aku nei i na hoomaikai ame na mahalo ana he nui, i na makamaka ame na hoaloha, i komo pu mai me lakou iloko o ko lakou mau hora o ke kaumaha, ma ka uwe pu ana; pola hoi na makana bo-ke pua a lakou 1 hoohiwahiwa iho ai maluna o kona kino wailua; ame ka ukali pu ana aku ma kana huakai hoolewa no ka ilina.* E oluolu mai oukou apau, e lawe aku i ka makou mau hoomaikai, a na ke Akua ma 'ka lani, e haawi mai j na ho'omaikai oi ae; a Nana no iloko o Kona aloha palena ole e hoomama mai i na manao kaumaha a luuluu o ka ohana. 0 makou iho no iloko o ke kaumaha. KA OHANA,