Ka Nupepa Kuokoa, Volume LXI, Number 15, 14 April 1922 — HE ALOHA PAUOLE NO KUU KUPUNAWAHINE HELELOA [ARTICLE]

HE ALOHA PAUOLE NO KUU KUPUNAWAHINE HELELOA

I ko Kuokoa, ke Kilohana, ka hiwahiwa a ka lāhui, ka mea, nana e uwila aku ma na kihi eha o ka honua, e ha'i aku ana hoi i ka nui lehulehu o kuu kupunawahine aloha ua hala i ke ala hoi ole mai. Auwe kuu aloha pau ole ia oe e! Hiki mai ko aloha e uwe no au. Hoonana ue ana i ko aloha pehea la ia e p&u ai. * Uo hanauia kuu kuku ma Honolua, Maui, kona onehanau, mai ka puhaka mai o Kealalaina kona mama; ame Kalawaia kona papa. 1 kona moo ana aku ]a ua piha iaia na makahiki he 82 ame na la keu o kona hanu ana i na ea oluolu o keia .ola honua ana. Ua nui no kana mau keiki, ua lawe aku ka po, a koe hookahi keiki e ola nei me kana mau moopuua lehulehu he nui. £ na Hono a Piilani e, ua pau kou ike hou ana ia kuku ma kou mau Jtualono, ua nalo no ka wa mau loa. E Honokowai e, eia ka milimili a oukou ua hala; aloha no ia wahi a kakou e noho ai me o'u makua. Pohale e, kahi a kuku e hele ai e imi i ka pono o keia ola Jionua ana, aole oe e hoopulu hdu ana i "kou mau hunakai ma kona mau papalina lahilahi, ua nalo ua hala no k& wa mau loa. Walohia wale au i ko aloha el Hiki mai ko aloha e uwe no au. £ Molokai nui a Hina* e, ua pau kou iko hou ana ia Kaanaana K. Holualoa ma kou mau kuolono uliuli, aole hoi e hehi hou ana kona mau kapuaiwawae ma kou mau alanui; nau i au mai ke kai helo walo mai no makou mahope ou a noho aku kakou ia Molokai, aole no kakou i loihi ilaila au hou no oe i ke kai hiki 4 Honolulu nei, hele hou mai no makou mahopo ou. Auwe kuu hoomanao ae nou e kuku i kahi a kaua e pili ai. E ka huikau o ko kaona e, aole oe e ike hou ana ia kuku; aloha koia mau wahi a maua e noho ai, pehea la oe i haalele ai ia makou i keia aina malihini, eia ka i lawe mai oe ia makou a haalele iho oe ia makou mahope nei. Auwe kuu liliha i ko aloha e! Ia olua o kuu mau makua hoomanawanui e, o olua k& i ike iho i ka hanu hope o kuku, no olua au e uwe neL E Waianae e, kahi a kuu kuku i noho ai a hala wale aku la oia, ua pau kou ike hou ana tu kuku ma kou mau laekahakai, aolo hoi i na lau limu o kou mau kaha, ka mea haule ole iaia. E kn la ikiiki wela o Waianae e, ua pau kou ike hou ana ia kijku ma kou mau kualono; aloha ia wahi a kuu kuku e noho hoomanawanui ai, i laukanaka hoi i na holoholona, ka lehulehu koi o ia uka mehameha. Auwe kuu aloha pau I ole ia oe e!l Ia oe, hoi e kuu kupunakane i j hooneleia i ka hoapili e, aole oe o ike hou ana ia kuku, ua puanuanu ka homo ua hala ka makua o ku noho ana, o ia aina malihini. Ma ka la 10 o Maraki oia i haalele mai ai i k6ia ola ana, ma ko laua wahi noho ma Leohano, Waianae. E na makamaka ame na hoaloha i ukoakoa mai ai "me makou i ka hora hope loa o kuu kuku, ke haawi aku nei au i ko 'u hoomaikai ia ou- | kou apau loa, a> na ka Haku lesu Kristo e hoopomaikai mai ia oukou apau amene. Ke haawi aku nel au i ko'u lioomaikai' nui i ke kapena o keia moku, no kona He ana mai i ka*u wahi puolo waimaka nui e kau aku ma ka oneki o ke Kilohima. Owau iho no me ka luuluu. MES. ALIOE K. SUF„