Ka Nupepa Kuokoa, Volume LXI, Number 15, 14 April 1922 — HOALOHALOHA NO JOSEPH KALUHIOKALANI. [ARTICLE]

HOALOHALOHA NO JOSEPH KALUHIOKALANI.

Mr. Lunahooponopono o ke Kuokoa, Aloha oe:—E oluolu mai kou ahonui ame kou lokomaikai e hookipa aku ma kou oneki o ke Kuokoa, i keia poomanao e kau ae la maluna. Elike me ka olapa ana o ka uwila, a ku'i nakolokolo ae la ka hekili ma na paia lewa o ka lani, pela iho la no ka puiwa hoolelehauli i loaa mai ia makou, i ka ike ana iho maloko o ka elele wahaole o ka nupepa, o Joßeph K. Kaluhiokalani uu haalele mai i keia ola ana. Walohia wale! Ma kona ano, oiaio kona h'iki malihini ana mai me kana kaikamahino Mrs. Ahia Loihana, a o ka lua hoi o 'kana hoea ana mai me kana mau moopuna Mr. &. Mrs. Loihana Jr., ka ohu hoi o na la kanikoo. He oluolu kona ano, he maikai no hoi kana mau hana, aole o ia wale, aka ua hoopili paa ia aku ko makou aloha nona o na a'o e pili ana i ko kakou Haku ,ia leau Kristo. Nolaila, i ka hala ana aku la o Joseph K. Kaluhiokalani, ua kau iho la i kaumaha luuluu maluna o oukou na keiki Mr. ame Mrs. David Kalani, Mr. ame Mrs. Loihana Sr., pela hoi na moopuna i hponeleia i ke kuku aloha, na hoaloha na i makamaka no hoi. Nolaila, e hooholoia o makou o nu lala o ka Hui Manawale o Hulaia, ' Apana o Lihue, Mokupuni o Kauai, | o ka Hoomana o lesu Kristo o ka poe«hoano o na la hope nei, ke ko:mo pu aku nei me oukou na keiki, na moopuna, na hoaloha na makamake, iloko o na kaumaha luuluu i no ka oukou mea aloha i hala aku. | E hooholo hou ia, e hoounaia i j hookahi kope o keia hoalohaloha i ka ohana, a i hookahi i ke Kufckoa, a malupa ae o na mea apau, ke i noi nei ka makou leo. pule i ka i Haku ia lesu Krista, nana no o holoi ae i ko oukou mau waimaka ame na kaumaha luuluu, a pela pu hoi me kakou ajpau. E hoomaikaiia no o lesova ko kakou Haku nana no i haawi mai a Nana no i lawe aku. Me ka Lunahooponopono amo na keiki o kou papapa'i ko makou adoiu. Makou iho no na komitc, MRS. C. MALINA, MRS. M. KANIKANEHIA, MRS MARY NAPOLIONA, MRS. LAIKA AUNA,