Ka Nupepa Kuokoa, Volume LXI, Number 15, 14 April 1922 — Pehea La e Hewa Mau Nei na Baloka? [ARTICLE]

Pehea La e Hewa Mau Nei na Baloka?

Ua hoouna aku nei ke kakauolelo 6 ke Teritore, he leka i na lunanana koho haloka apuni keia Teritore, e ninau aku ana i ko lakou mau manao, no na alahele e hoopauia ae ai ka pilikia, i ike mau ia ma na kau koho haloka apau, o ia no ke kaha hewa ia o ka baloka, a lilo i mea kiolaia. Ma ke kau koho baloka kuikawa aku nei i hala, ua hiki aku ma kahi o ka elima hanen baloka a oi i kiolaia, no ka hewa o kē kahaia ana, he hoike ana mai kela, 1 ka maopopo ole maoli no, i kekahi poe koho baloka, ke ano o ke kaha ana i ka baloka me ka pololei. I ka nana aku, ua aneane e hiki ole i na lunanana koho baloka, ke hoopau ae i keia pilikia. He oiaio, ua kauoha ke kanawai koho baloka ia lakou, e a'o aku i ke ano o ke kaha ana i ka baloka, i kela ame keia mea, e ninau mai ana; o ka poe e ninau ole mai ana, e manaoia, ua maopopo no ia lakou ke ano o ke kaha ana. He mea pohihihi no i ko kakou noonop ana ae, ke kumu o ka hewa mau ana o ke kaha ana o kekahi poe i kQ lakou mau baloka. Aia mawaho o na wahi kolio baloka, ua kauia na pepa hoakaka, no ke ano o ke kaha ana i ,ka baloka, a aia no hoi maloko o na keena liilii i hookaawaleia?, a aia pu no hoi maluna o ka baloka, o ka hiki ole ana i kek&hi mea ke kaha i kona baloka me ka pololei, iloko o kela nui o na wahi i kauia ai o na pepp. hoakaka, he hookahi no mea maopopo, o ia ka ike ole 'o kela mea koho ika heluhelu; e loaa ana keia poe ike ole i ka heluhelu, iwaena o na Pukiki ame kekahi poe Hawaii. O ka oi loa aku paha o ka pono, i wahi e hoopauia ae ai keia pilikia, o ia no ke kaa ana aku i hana na na luna hooikaika, o na aoao kalaiaina, ke a'o ana aku i na mana koho, me kekahi manawa nui kupono ,mawaho o kahi koho' baloka, e kuhikiihi ana i kahi e kaha ai, ame ka nui o na moho e kahaia ai, mamua aku o ko lakou mau inoa. I No ka poe ike ika heluhelu, aole loa he wahi kumu e hewa ai ka lakou kaha ana, oiai he moakaka maoli na mea i hoakakaia ma ke poo o ka baloka, ma ka olelo Beritania ame ka olelo Hawaii, me ia maopopo no nae, e loaa mau aku ana he mau baloka hewa, e laa ke kauia ana o ke kahape'a, ma kahi i kuhikuhi ole ia, ka nui o na kahape'a, a oi aku mamua o ka niea i makemakeia, pela hoi ke kau ana i kekahi hoailpna. Iloko o ka hapa loa o na moho ma ke koho baloka kuikawa aku nei i hala, pela hoi ke kau ana i hookahi wale no kahape'a, ma kahi i hookaawaleia, mamua pono aku o ka inoa o ka moho, he keu no a ka nui o na baloka hewa, aiwa paha a koho aku kakou iloko o ke koho baloka wae.moho, ame ke koho baloka laula, e hoomahuahuaia ae ana na baloka kiolaia. Ma keia pilikia, i ikeia ai ka naauao o ka hoala ana ae o na wahine i ka Ahahui o na Wahine Mana Kohp ,aole no kekahi kumu okoa ae, aka no ke kula ana no ia, ame ke a'o ana i na wahine, i ke kaha ana i ka baloka, a pela hoi ka hoomalamalama ana ia lakou, ma na ninau kalaiaina ma Hawaii nei, a ma na aina mamao.