Ka Nupepa Kuokoa, Volume LXI, Number 16, 21 April 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo Walohia

Ko Vekinia Waiwai Hooilina

Hoopuhiliia na Hana a ka Mea Manao

Ino---Kau i ke Aki i ka

Manawa Hope

NUPEPA KUOKOA HONOLULU, T. H., POLIMA, APERILA 21, 1992.

I ka hooki ana iho o ka Wiliama mau olelo aia na waimaka @ lihilihi o ka elemakule ma'i ia manwa, no kona ike @ mai i ka hilinai o ke kanaka opio maluna o kana mau mea @ hoakaka ana aku, a me koma hilinai a aloha pu hoi ia Wokinia e hiki ole ai ke makaala aku.

@ ke Akua e hoomaikai mai ia oe, e k@ kanaka puuwai @ama a i piha hoi i ke aloha, a ua hoike mai hoi oe i kou @ a i piha hoi ke aloha, a ua hoike mai hoi oe i kou puuwai alii oiaio," alaila hina aku la ka mea ma'i imua a hopu @ la i ka lima o ka barona opio a puliki iho la. "Ae ke olelo @ aku nei au na ke Akua e hoopomaikai mai ia oe i nei manawa no ka mea, ua ao mai la oe ia'u e manaoio aku aia no mawa no ka mea, @ Mana Loa, a e noi aku. ana lau iaia e kau mai kana @maiaki maluna ou.

No kau noi e lio aku o Veleinia, kuu mea aloha i hoapili @ u nou ke haawi aku nei au iaia mai ke poo a ka hiu, a ua @ loa ia iho la au me ka hauoli mamuli o kona hoopomaikaiia mai me ka waiwai loa no ka loaa ana o kekahi kane hanohano nana, a iau e make aku ai ahoe mea nana e hookaumaha i kou noonoo, no ka, mea ua loaa ka mea nana e malama maikai i kuu mea aloha he keiki, o oe."

Me ka mahalo nui, ua haawi mai la oe i ka waiwai kieko loa akuu puuwai i iini ai, nolaila, elike me ka maikai loa a hiki ana iau ke hana aku uona e hooko aku ana au, eia kau noi ia oe, mai lilo ka makoe i mea nui nau e weliweli a e kamailio a e noonoo nui ai hoi@ Ua maopopo iau in a no kou kolo aku ma kekahi huakai moana loihi e hooloihiia aku ana kou ola ana, pela ka paa okuu manao.

E ae mai oe i nei manawa e hoi pu kaua me a'u i Enelani, mahope iho o ko'u mare ana ia Vekinia, kahi e malama maikai ia mai ai oe, a e loaa pu nei no hoi ia oe na mea hooluolu a pau i kou noonoo, a o kou hooloi ana i kahi e noho ai he mea ia nou epono ai, a malia e loaa pu ana no ia oe ke ola a lihi aku no hoi na la e ola ai.

Pahola ae la ka nanaina minoaka ma na papalina o Mr. Abota a pane aku la: "Auhea oe, ua lohi loa, aole au e ola aku ana a hala kekahi mau mahina loihi hou aku; hookahi au mea hauoli e hoike aku ia oe, a oi keia, o ia kou loaa ana ame kou lilo ana i kane na ka'u kaikamahine, a iloko o na la pokole aku i koe o ko'u ola ana, he mau la hauoli loa nou e lilo ai paha ia kumakaena mau on a i kumu mai nona a lilo hoi i mea hoopoino i kooa ola hoopilikia pu aku ia oe."

Ua piha ko Sa Wilima naau i ka hauoli ma kekahi ano, oi hoi ma kahi o ko Mr. Abota ae maikai ana mai e lilo o Vekinia i wahine nana, a ma kekahi ano hoi ua hookaumaaia ola, no ka mean, ma kana nana io aku no i ka helehelena o ka mea ma'i he mau la pokole wale no kona e ola ai haalele mai  keai ola ana.

Ina no ko Vekinia ae mai e lilo oia nau aohe mea e ae nana e haawi mai iau i ka hauoli oi aku mamua o ka hooko ana aku i kou makemake, e Mr. Abota," wahi a Sa Wiliama @ ka pane ana mai.

Ma keia manawa lohe like aku la laua i na kaina wawae mama maloko aku o ka holo a he manwa pokole ma ia hope iho. hemo mai ana ka puka, a komo ana no o Vekinia a pane mai la me ka leo hoihoi:

"E papa âme Mr. Hita, u haele mai, ua makaukau ko kakou paina ahiahi; ua loaa mai nei kekahi kilima no ka ai pu ana me ka piki mai hea mai la ka Chi Lu o ka loaa ana mai nei aohe maopopo iau."

O ka eu like ae la no ia o na keonimana a u haele like aku la noloko o ka rumi aina, ka ahi e kuku mai ana ka mahu o na meaai i hoomakaukauia mai e vekinia ame Chi Lu ma ke pakaukau.

MOIKUNA VII.

Iloko o ia manwa like ike haohao nui la o Vekinia iloko on a no ke kumu o ko Mr. Hita mumule aole nui o kana mau olelo e kamailio mai ai, i like ole me kona ano mamua aku, me ka hookamailio mau wale aku no iaia e hiki ai ke hoomahuahua mai kana mau mea e kamailio mai ai, a no hookahi a elua manawa o kona kamailioi a ana aku mamua o ka pane ana mai i kekahi mea, aka nae, ke nana iki mai o Mr. Hita iaia e pii ae ana kona ula ma ke ano me he mea la he mea kana i makau ai, no ia kumu ua mau ka ula ma kona mau papalina no ke ano hilahila ahiki i ka pau ana o ka ai ana.

I ka pau ana o ko lal@ou paina ahiahi, oili like aku la laua Iwaho a ma ka lanai no ka nana ana aku i ka la e napoo aku ana, a ia Mr. Abota, hoi i hoi aku ai noloko o kona rumi, a malaila oia i hoomaka ai i ka nana ana ame ka hooponopono ana i na palapala e wai o ana maloko o kana pakaukau kakau.

Ia manwa aohe waiwai o kona hoouna ana aku i ka leku ana i kakau ai no ka hoouna ana aku i kona hoaloha ia Mr. Banekorofa, e noi aku ana iaia maloko o ia leka e malama mai oia ia Vekinia i ka manawa e hoi aku ai me ia.

Ia manawa aohe on a kanalua iki no ko Mr. Hita mare aku me Vekinia, no ka mea ua maopopo iaia ua aloha o Vekinia iaia, elike no hoi me ko Mr. hita aloha iaia, no laila ua hoopihaia oia me ka mano hauoli no ka malaelae o ke alahele e waiho mai ana ma@ua o ka opio wahine e hamama mai ana nona no ia mau aiku.

E hele aku ana oia no kekahi aupuni okoa, kahi o na mea hookaumaha i ko laua noonoo o ka wa i hala e hoopilikia ole mai ai iaia, a e ka poe kiekie o ia aupuni, a e hoomaluia ai hoi oia e ke aloha ame ka malama kupono ana a kana kane, me ka loaa pu o kekahi kulana kiekie iaia iwaena o ka poe koikoi a hanohano o ia aupuni, me kona hoopuniia e na mea nani e hiki ana i ka waiwai ke hoolako mai iaia, a elike ana kona ola ana me kekahi mau la loloa o ka makalii iloko o ka maluhia ame ka hauoli.

Oiai laua e ku ana maluna o ka lani, no kekahi manawa ko laua kamailio ole ana ae kekkahi i kekahi, eia nae, i ka hala ana o kekahi mau minuke o ke keonimana ka mea mua o laua o ke kamailio ana ae i ka i ana:

"He ahia hi pumehana maoli ka hoi keia!"

"Ae no hoi, he la wela maoli no keia ahiki i ka po ana,"

wahi a Vekinia o ka pane ana ae.

"E hele kaua malalo o ke kumulaau paina, kahi au e hele mau ai e hoomaha," wahi a ka baroneta Hita, a me kona kali ole iho no ka Vekinia pane aku, o kona iho aku la no ia ma ke alauipii a nana mai la o Vekinia mahope on a.

O kela ano no o ko Mr. Hita helehelena i ka manawa a lakou e ai nui ana oia mau no ia a Vekinia e ika aku ana. O ia mau no kona haohao no ia ano hoihoi a ohaoha ole mai o Mr. Hita i ke kamailio o oiai aohe me ahiki iaia ke hoike ae i ke kumu o ke ano e ana o ka baroneta nona iho, ke pana la kona puuwai me ka pinapinai loa.

I ko laua hoea ana aku i kahi a Mr. Hita i makemake ai, kela wahi no i punahele mau ia Vekina malalo o ka umalupali, a malolo iho hoi o ke kumulaau paina, hoonoho mua iho la o Mr. hita i kona hoa maluna o ka noho laau, a ku iho la e nana ia Vekinia no kekahi manawa me ke kamailio ole iho. Ua phia oi i ka manao ia manawa e noi iho ia Vekinia e mare me ia, eia nae, iloko okea ikaika o ka manao iloko on a, ke lelele wale la no kona houpo no ko Vekinia hoole ae a o ke poho ana no hoi ia o kona manaolana.

Alaila pane iho la me ka leo oluolu a haahaa loa, ke ano o ka mea e kamailio iho ana ma ke ano kanalua  a i piha hoi i ka hilahila.

"E Vekinia, ua hoohuoi iki no anei oe i ke kumu o ko'u makemake ana e noho ma keia wahi mehameha waonahele a e hoolilo ia'u i kanaka eli gula?"

Huli koke ae la o Vekinia iluna e nana iaia i kona manawa i lohe iho ai i kona inoa ma ke ano ana i lohe mua ole ai iaia mamua aku, a i kona ike ana ae i ka nana ponon iho o Mr. Hita iaia, pawea iho la kona mau maka, kela ano hilahila wale i maa i kekahi poe kaikaahine a pane ae la:

"Ae, ua loaa no ia manao ia'u; ua olelo iho no kekahi manawa i ke kupanaha o kou makemake ana e noho ma koia wahi a o ka eli gula kau hana."

"E hoike aku anei au i ke kumu o ko'u makemake ana?"

alaila noho iho la oia ilalo ma ka aoao o Vekinia a hopu iho la i ka lima o Vekinia.

"Pela no hoi paha i loheia aku hoi kou kumu o kamakemake ana," wahi a ka Vekinia pane.

"A eia no; maanei i loaa ai ka wahine opio mua loa a'u i kike ai i ko'u aloha, a o ka wahine mua loa no hoi e hiki ai ia'u ke aloha aku. Oia wahine aole he mea okoa aku, aka o oe no ia e Vekinia; i ka manawa mua loa i kau aku ai ka ike a ko'u mau maka maluna ou ma kela ahiahi ua, a i pulupe hoi au i kipa mai ai i ko olua home, a hookipaia ai au me ke aloha, a i hoopiha ia ai hoi ko'u opu pololi, me na mea mikai ua ike kokoe ko'u puuwai ia mea he aloha ia oe, a mai ia manawa mai ua hooholo paa au i kuu manao e lilo oe na'u i kekahi la.

"No ia kumu i noonoo nui ai au no kekahi hana e hiki ai iau ke noho maanei a i ka manawa mua loa i loaa ai iau o kekahi kumu e noho ai au, oia hoi ka hooholo ana o ko makukane e kuai i kela mau lua maina ana, ua hooholo koke au e kuai me ke kali hou ole aku, a he kumu kupono no hoi ia a'u e hoike aku ai i ko'u ohana mahope no ko'u noho ana ma keia wahi.

"I kekahi manawa ua loaa he manolana iau e ike iho ana no eo i kou aloha iau ke liuliu ihoo kou noho ana maanei a e panai mai ana no oe i kou aloha; i kekahi manawa au e haupu ae ai no ke noi ana aku ia oe ua loaa iau ka manao hopohopo no kou ae mai ke noi aku au, oiai o oe, a o oe wale no ka mea nui hookahi iloko o kuu puuwai, o kou lilo mai nau o ia ka maha o kuu uhane.

"Ma keia ahiahi i hoo holo ai au i kuu manao e hoao au i kou laki ame kou nele, a o ia kau e noi aku nei ia oe i nei manawa, e ae maikai mai ana anei oe e lilo nau no na manawa apau o ko kaua ola ana e  kuu moiwahine o na pae mauna o Nevada nei? He aloha no anei kekahi ilokoo kou puuwai nou a e ae ana no anei oe e hookomo mai i kou lima iloko o kou a e hoike mai ana anei oe i kou ae no kou hele pu aku me au ma na wahi apau au e makemake ai e hele aku ma ke ano he wahine mare nau i hiipoi a i alohaia e au?

Aloha pane a vekinia no kei mau ninau a Wiliama Hita a hala kekahi manawa loihi. Ua ike no kone puuwai ia mea he aloha i ke kanaka malihini, aka ua maopopo iaia me ke kanalua ole o kana hana mua loa oia no ka hoolohe i ka leo o kona makuakane; aohe hiki iaia ke ae koke a e haawi koke paha i kana olelo hooholo me ke kue i ka makemake o kona makuakane. He hana nui kana ia manawa ana i aie ai oia hoi ka malama ana i kona makuakane mai me ka hoolohe a haawi aku i na kokua a pau e hiki ana iaia no ka hooluolu ana aku i kona manao.

No ka loaa ole mai o ka Vekinia pane, alaila i hou ae la kona hoakamailio:

"E Vekinia, ke manaolana nei au aole no oe e kinai ana i ka iini o kuu puuwai i hookawowo a i kolo hoi ke aa iloko lilo, iloko o keia mau mahina lehulehu au o ka noho ana i ho nei maanei me olua. Ua manao wale iho no au mamuli o kou mau ano ame ke ano o kau mau hana aia no he aloha iloko ou nou a ua hoike mau mai no hoi kou helehelena pela i kela ame keia manawa a kaua e hui ae ai, no ia hiohione ou i loaa ai iau ka manaolana e hookoia ana no kou makemake Ea, e Vekinia, mai haawi mai oe i kekahi pane e hoopunipuni ana au iau iho ma o kou koho wale ana aku no i ka mea iloko ou. E kuu ipo aloha, in a no kou ae mai e lilo oe nau e hoao no au ma na ano apau e hiki ana iau e hoolilo i na la o kou ola ana i mau la hauoli loa."

Ia manawa nana ae la o Vekinia iluna, me ka mau no ka ula ma kona mau papalina, a pane ae la:

"E Mr. Hita, ua maopopo no ia oe ua nawaliwali kuu makuakane a aole hiki iau ke haalele iaia me ia nawaliwali onea," wahi ana me ka leo haalulu.

"Ua maopopo no iau ia mea," wahi a ka Wiliama Hita pane, me ka lamalama ae la o kona mau maka. "Aole no au e noi aku ana ia oe e hele oe me au a e haalele i ko makuakane; o kau wale no e noi aku nei ia oe, e ae ana anei oe e lilo i wahinemare nau a nau e malama aku ia oe, a i manawa e haawi like aku ai kaua i ko kaua manawa ame ko kaua mau noonoo apua nona oiai oia e ola ana? O, e Vekinia hoi, ku aloha, e haawi mai ana anei oe ia oe iho nau a malalo hoi i kau hoomalu ana?-- ke ike aku nei au ua aloha no oe iau, oia anei? "Ae". ua aloha no au ia oe, aka--" me ka nui o ka hanu, akulou iho la kona mau maka ilalo, a ia manawa i hopu aku ai o Wiliama Hita iaia a hoopili mai la i kona umauma.

(Aole i pau)

UA HALA O JOSEPH K. KAHEE.

--------

E oluolu mai e ke kapena o ka elele a ka lahui, in a he wahi kankuawale, e komo iho ai keia wahi puolo waimaka a ke aloha, a nau hoi ia e hoopae aku ma na aekai aloha o na aina, i ike mai na kini makamaka ame na honolohe o kuu lei aloha he keiki.

Ae ua eha au, ua pulu i ka ua o ka aina; ua naha mai la ka manowai ua o Pueo, i ka makuni, ua lilo mai la na Kalihi a elua, o a'u pua rose i Mahamokua, ua lilo i ka wai.

Ua moku ke kaula gula a ke aloha; aloha ino ke kino wailua o kuu keiki, e ku kohana la i ka luna o Hihimanu, ke keehi la i ka piko o Kaukaopua, ke aahu la i ka ehuwai o Namolokamu; ke hoomamala in Mamalahoa, i hoa hele no ke Kula o Holomanienie, ke kahiko la i na hala o Luia e Aloha wale!

He mea hoolele ia i ka hauli, i ka hoea ana mai o ka louo kaumaha me ka luuluu, ua hala, ua moe aku la o

Ku me he pokii makani la Kaula

Me he keiki alo makani ka noho a Maaawalua.

Ke alo la i ka ino a na makani,

Makani ke puka kakaniaka mai nei ke ao,

Ke hanai la i ka poli o Keau,

Maona Kahalnuaola i ke @o opio,

Ua noho mua no o Kaneneneo ke kumu o ka makani,

Makani ua hoea ke kai a luna o Palepalemoana,

Pale ka ike i ka ino a ka makani,

I kui hoomauia ka pali o Pohakupio,

I waiho na na hua a  ku manu,

Me he uhakea la ka Unu o nalii,

O ka lawelawe a ke kupa i ke kaula,

Me he eheu la no ka manu ka halalo ilalo o Kaimano,

Kuli ka leo o ka manu o Kaula,

O kahi manu iki hoala hiamoe o Keawanui,

O ka manu noho i ka papa o Kahaulauola la e o ola!

E ola Namakaolaa, na maka o Kukona, na maka o wela i ka la, i wela ka la i ke pili. I pili ka manu i ke kepau. Puiwa ka mau lele i ke aka o ke kunak@, ahai ke kupu i ka manu a uku; mai kai ka hoina a ka manu, he ai la i ka pua lahaole ka manu, pua o ke ka wau pua o ke aeae pua  ke kanaka i kui a paa he aloha. O ka mea konakona o ke aloha, o ka hoole aole hoi e ua, ua ua hoi ua pulu ka hulu ua ka ka manu o Haleana, a ua ka ua i Kaeo ihe oe?

Aloha ino no hoi au keiki, na hoa hele o na wahi apau. a laa nae hoi ko hele hookahi i ke ala koa, i ke ala mehameha a ka lokoino aloha wale kuu keiki.

Ua hanauia kuu keiki @ Anini Hanalei Kauai, i ka la 12 o Sepatemaba 1880, a ua haalele mai i keia ola ana ma ka la 10 o Maraki, 1922, ua piha iaia na makahiki he 41, elima mahina ame 10 la o kona ola ana. Aloha  wale!

He ekolu keiki mai ko maua mau puhaka mai, he elua i hoi aku la i ka aoao mau o ke kanaka, a he hookahi e ola mauleule nei.

Ua mare oia i ka wahine, a nano mai he eono mau keiki, ua lawe aku ka make, a koe hookahi, a he umikumamakolu makahiki i hala ne nui, i haalele mai ai kona mama i keia ola ana, me ke aloha!

He kanaka oluolu a heahea oia, a he nui kona mau hoaloha, he imi i na pono o keia noho ana, a ua oi aku ka lokomaikai i ka mea kupono, aohe hipuu i nallo iho.

Ma Hanapepe kona wahi i hnoho ai, ahiki i kona moe ana aku la, a no ka loihi o kona noho ana mainila ua lilo i kupa ma ka noho loihi ana. Ma ia kumu ua loaa iaia ma ka noho loihi ana he wahi apana aina, a he elua apana aina aupuni ma ka hoolimalima loihi.

Ua hoonaauaoia oia ma Honolulu, a mahope iho ma ke kula o Kamehameha, a no kona loaa ana i ka nawaliwali ua waiho oia i ke kula a noho ahana me na mahiko ame na hana o ke aupuni kalana, aka mamuli o ka ike a ke kauka, ua okiia oia, a hookahi makahiki o kona waiho ana ia eha a hula aku la, me ke aloha pau ole.

Owau iho no,

CHAS. K. KAHEE,

Honolulu, Aperila 11, 1922.

-------------------------------------------

HOOHENO MAI ANA.

-----------

Akahi ka wela o kuu umauma,

I ka puama ae a ka manao.

Me he wai puna e pipii nei,

E konikoni nei i kuu houpo.

Ka haupu ka halia ka i hiki mua,

O ka eha lima ole a ke aloha,

E lalawe hele nei i kuu nui kino.

E kaomiia nei e ke kehau.

Ke au ae nei kou manao,

Nana i hookohu a kohu pono, E ike i ka nani o Kaala,

Kuahiwi kaulana i kau ike,

Kahikoia ana e ka uanoe, Noe mai ke aloha o na lani,

Kiai maluhia o kaua.

Kainiki i nei kalana,

Aneane au a e hookohu,

Oke kau a na manu o Kaula,

Hea aku no au o mai oe,

Kuu lei i ka luna o Malama.

Malamaia iho ka ini,

I hoapili mau me oe.

Haina ka pua i onaia,

O ka heke no oe o na pua.

HOOLAHA

----------

Ke hoike aku anei ka mea nona ka inoa malalo nei, ka lunahooponopono waiwai o Akit Alana o Pauoa i make, o ka poe apau i waiho ae i kekahi mau umeke laau, a mau puniu me Akit Alana i make, no ka hana a hoomaemae ana, e pono ia lakou e kii maiia mau waiwai me na hooiaio kupono, o lakou na on a a o ka poe i aie ia Akit Alana i oleloia, no ka uku o ka hana ana, e k=uku mai, a in a he mau koi ka kekahi poe i ka mea i make, e waiho mai ia mau koi me na hooiaio.

I na e kii ole ia mai ana kela mau waiwai iloko o 90 la e hoole mau ia aku no.

MRS. MARAE K. NAOPALA,

lunahooponopono Waiwai o Akit

Alana i make.

Hanaia ma Honolulu i keia la 21 o Aperila, 1922.

6450-- Ap. 21, 28; Mei 5.

Mau Apana Aina Kuai

Choice lots near  end of Kaimuki car line:

$375 Lot 50x 100, Noeau ave., nr. 15th ; $20 down. $10 per month.

$750 Lot 75x 150. 10th ave., just above Leahi ave.; $50 down, $20 per month.

$550 Lots 50x150 on 15th and on 16th aves., respectively; $25 down, $10 per month.

KALIHI

$675 Lot 45x138 6246 sq. ft., Myers St. ; $25 down, $10 per month.

$525 Lot 45x117, 5277 sq. f.; $20 down; $10 per month.

$500 Lot 50x100, Kalihi; $20 down, $10 per month.

PAULO KALAUKA

(P.E.R. Strauch)

Alanui Moi, Helu 74, Mawaena o na Alanui Papu ame Betela.

Mikini Holoi

--------

He Kopa maikai loa i hiki ke hoohanaia no na ano hana apau i pili i ka home. Hiki ke holoi i na lole nahenahe loa me ka pilikia ole. O kona oi loa aku o ka maikai no na mikini holoi-- No ka holoi i na pa ame holoi hale.

______

KUAI I PUOLO MAI KOU HALEKUAI MEAAI MAI

_____

T. H. DAVIES & CO., Ltd.

Na Akena Wale no no ka Paeaina Hawaii

E ka Pe Hookuonoono

Ke Makemakemake Oukou i na Lako----

NO KA HOME A NO KA AINA MAHIAI PAHEA E KIPA

AE MA KE KEENA O NA LAKO PILI HAO O KA

AMERICAN FACTORS, LIMITED

Kapuahi.

Lako Mahiai.

Lako Halekuai me Pa.

No na mea elike me keia:

Meahana Mahiai

Meahana Kamana.

Pili Hao a Ano e Ae.

Uwea Pa Moa me Pa.

Pena me na Palaki.

Aila me Vaniki.

 

O ke Kanaka Kuai i na Lako Hana Maikai ua Lanakila e no Oia i ka Hapa o ka Hakaka

Aole hiki ia oe eke lawelawe i na hana maikai me na meahana inoino. O ke kanaka e hoao ana e hana me na meahana inoino, e hoea mai ana i kona wa e kiola ai, a kuai i na mea kupono, in a he noonoo oia. Aka nae ua poho wale ka manawa ame ke dala ma ka hana ana pela. Ke kuai nei o Lweres & Cooke, Lt., i na lako hana maikai wale no.

KE MALAMA NEI MAKOU HE AHUA PIHA PONO LAULA O NA

LAKO MAHIAI AME NA LAKO KUKULU HALE

He makemake Paha Kou i

KO'I, KIPIKUA, KOPALA, HO, HAMARE, PAHIOLO, KO@LII, NA LAKO KAMANA PIHA PONO, HOANA HOOKALA, PAKEKE.

Papa o Kela ame Kia Ano, na Lako Hao, Pena, Aniani

Kakau mai a i ole kipa mai no na hoakaka. E hookoia no na kauoha apau ma ka leka me ke akahele ame ka hikiwawe loa.

Lewers & Cooke, Limited

Honolulu

Na I'o Pipi Momona Waeia Mai na Aina Hanai Pipi Like Ole Mai o Hawaii Nei

O keia i'i pipi momona, ka papa maikai hookahi ma ka makeke, a ke kuai hoolilo nei makou, ma ke kumukuai haahaa, me ka hoopno maoli.

Eia keia mau kumukuai malalo loa iho o ko na makeke e ae, a hui pu iho me na kulana maemae e hoohanaia nei e makou ma ka lawelawe ame ka hoahu ana i na io pipi, he mea pono e lilo ko makou makeke i makeke nou.

Pipi Ku Mokupuni………………………..15c o ka lb.

Kulana Aoao o ka Pipi………………………..15c o ka lb

Kuekue Pipi………………………..12 1/2 o ka lb.

Pipi Palai Iwi Hoehoe………………………..15c o ka lb.

Pipi Palai Uha………………………..15c o ka lb.

Kulana Aoao Koala………………………..15 1/2c o ka lb.

I'o HIpa Ku……………………….. 10c o ka lb.

I'o Umauma o ka HIpa………………………..10c o ka lb.

io hoehoe Palupalu………………………..12 1/2c o ka lb.

WAIUBAKA MAILE………………………..50C o ka lb.

METROPOLITAN MEAT MARKET

E ninau no LUI; he oluolu na kukai ana ma ka kaua olelo makuahine.

Hele mai, mai hilahila!