Ka Nupepa Kuokoa, Volume LXI, Number 16, 21 April 1922 — Ka Hanai Kao [ARTICLE]

Ka Hanai Kao

Ma ka halawai a ke Komiaina i ka la 7 o keia mahina i hala aku, ua heluheluia he leka mai ia Mr. Lyznan mai, e koi mai ana e kuaiia i mau kao Toggenburg no ka hoao ana, e hanai i keia holoholona ma Molokai, no na kanaka e hoi aku ana ma «a niau aina e noho ai. Ma na helu i hala aku o keia aoao, ua kalai nui ia aku ke ano o keia kao, ame kona waiwai nui, ke laweia a hoolahaia ma Molokai, no ke kumu, he maalahi kona hanaiia ana, ame kona haawi nui mai i ka waiu momona, ame ka luhi ole o ka hanai ana. Aole ma'i o ka waiu o keia holoholona, a ua ikeia kona lilo ana i ai maikai na na keiki liilii hanau hou, i oi ae hoi i ka waiu o ka bipi. O ka i'o o keia holoholona ua kamaaina kakou i ka ono, a mamuli o ka liilii o ke kino, aolo hoi i nui olike me ka bipi, e hiki ana e pau i ka aiia me ka nui ole o ke koena a hoomaunauna paha. Ua hiki no hoi e ola keia mau kao me ka nui ole o kou luhi, a ua hiki e moniona ma na wahi o wiwi ai. na bipi. He mau haawina maikai keia i loaa i keia holoholona, a e lilo ana kona hanaiia ana i mea kokua mai i na kanaka, e hoi ana maluna o na aina o Molokai. O na kao i kamaaina ia kakou, he uuku loa k*hi waiu o loaa mai, aole e hiki e hoohalikeia me keia mau kao, ,no ka mea, aia i ka 5 a 6 kuaka o ke kao hookahi, ke loaa ka hanau elua ana a oi aku paha. He kumuwaiwai nui keia ma ka kakou kaana ana iho i keia mau mea. Maīnuli o keia ikeia o ka waiwai nui o keiar mau kao, ua pii kona kumukuai, aka, ina e lawe ana na Komisina a e hoolaha i keia mau kao e lilo mai ana ia mau hana, i kumu e hoemi mai ai i ko kumukuai,.a e loaa ana mo ke kupukuai kupono no na kanaka ilihune.