Ka Nupepa Kuokoa, Volume LXI, Number 16, 21 April 1922 — KU KE KENERALA SUMMERALL E LULULIMA [ARTICLE]

KU KE KENERALA SUMMERALL E LULULIMA

Ma ka Poakolu o ka pule aku la i hala oiai ka Mekia-Kenerala C. P. Summerall ma ko kaona nei, ua ku iho la kona kaa e kau ana oiai ka ua e helelei liilii iho ana, a haawi mai la i kona aloha ma 0 ka lululima ana me ka Makai David B. Haumea, kekahi o na makai kahiko loa iloko 0 ka oihana makai, no kona haawi ana mai i kana hoomaikai no ka piha ana iaia o na makahiki ho 52 o ke ola ana ma keia ao ma ia la. Aole oia wale ka mea i haawi ae i,kana hoomaikai amo kona aloha i ka Makai Haumea, he wahine haole kekahi i'hanau ma ka la 12 o Aperila, a i kona ike ana maloko o ka nupapa no ka piha ana ia Haumea o ke 52 o kona mau makahiki ma ia la, oiai o kona la hanau pu no ia, pela oia i hele ae ai e hoomaikai i ka mea nona ka la hauau i like loa me kena, koe wale no ka like ole.mawaena o laua, ua aoo loa ia wahine. haole, a ua oi loa aku kona mau makahiki mamua o ko Haumea.