Ka Nupepa Kuokoa, Volume LXI, Number 16, 21 April 1922 — KA POE HOOKUONOONO O WAIAKEA. [ARTICLE]

KA POE HOOKUONOONO O WAIAKEA.

Ma na hoike a ke komite i kohoia ai e ke kiaaina, no ka huli ame ka noii pono ana aku i ke kulana oiaio o ka poe hookuonoono o Waiakea, ua ikeia ka pilikia maoli i keia manawa, 0 ke komo kuhohonu iloko o ka aie; aole wale ma ka hookaa liilii ana, aka, ma ka noho aie ana aku kekahi malalo o ka mahiko, ame na wahi e ae, i kokua mai i ke dala ma ke ano hoaie Ile hookahi mea maopopo loa i ka naiia aku, mamuli o keia mau pilikia, i ike maka ia, o ia no ka hoea mai i ka wa e nele ai kekahi heluna nui o ka poe hookuonoono i na aina a lakou e paa nei i keia wa; ina e hiki ole ana ia lakou, ke hookaa aku 1 ko lakou mau. aie apau. 1-1 e nui no na kumu o ka pilikia ana o ka poe hookuonoono ma Waiakea, aole wale no, ma ka aoao o ka poe hookuonoono, aka ma ka aoao pu kekahi o ka mahiko o Waiakea;.o ka pilikia oi aku no nae, ma ka aoao o ka poe hookuonoono, i ko lakou lawe ole i ke kulana hoomakaulii i kinohi. Ma ka manawa e pii ana ke kumukuai o ke kopaa, ua nui maoli no ka pomaikai i loaa i ka poe hookuonoono, he pomaikai, e hiki ai ke uku piha ia aku ke kumukuai o ko lakou mau apana aina, ame kekahi mau aie okoa ae; ma kahi nae o ka hoopau ana aku i kela mau pilikia, a hoolilo aku kekahi huina dala mahuahua, no na lako ame na meapaahana, e hoomauia aku ai na hana o ko lakou mau aina kanu ko ua hooliloia aku la no kekahi mau hana, i pili ole mai i ke kulana hookuonoono, o ka hopena nae i ukali aku mahope o- ia mau hana naaupo, i ka wa i emi mai ai ke kumukuai o ke kopaa, o ia no ko lakou komo kuhohonu ana iloko o ka aie Aole no ke aupuni ka hewa, ina e kaili hou ia ana kela mau apana aina mai ka poe hookuonoono aku, no ka mea ua uhaki maoli ia no na kumu aelike, 1 pili i ke ano o ka hookaa ana i ke kumukuai 1 kela ame keia manawa, o ka mea minamina nae, 0 ia no ka lilo o na home nani i kukuluia ame kekahi mau hana i hoomanawanuiia, i niea poho wale; no ka poe nae 1 hiki ke hoopau ae ia mau pilikia i ka wa kupono, o lakou ke palekana ana.

Aole he manaolana i koe, no ka lanakila o kela poe hookuonoono mailoko mai o ka aie ina penei iho la ke emi mau o ke kumukuai o ke kopaa, o ka mea maopopo loa, ma kahi o ka huina aie o kelsr ame keia, e ku nei, e pii mahuahua ae ana ia, i kela ame keia makahiki, e hoomauia aku ai ke kanu ana i ke ko; o ka manaolana wale no, e loaa ai ka lanaikla maluna o na pilikia, ina e pii aku" ana ke kumukuai o ke kopaa, iloko o na makahiki pokole wale no, e hiki ana e hoopauia ae ia mau aie. He mea hookui-he keia i ko kakou noonoo, ko na Hawaii no ka holomua ole o ka hana hookuonoono ma Waiakea, o keia no ka haawina, i kau like aku maluna o ka poe hookuonoono ma Kapaa, Kauai, e loaa nae na haawina a'o maikai loa ia kakou mailoko mai o ka poe i koho i mau home hookuonoono no lakou, me ke akahele wale no e loaa «ai ka lanakila maluna o ka aie, a me ka lako no i kinohi, me na makaukau apau, no ka hoonee ana i na hana kanu ko imua, e kaa mau ai, ma ka aoao o ka i na manawa apau.