Ka Nupepa Kuokoa, Volume LXI, Number 16, 21 April 1922 — Eha Mau Kepani i Hoole i ka Pili o ka Hewa ia Lakou [ARTICLE]

Eha Mau Kepani i Hoole i ka Pili o ka Hewa ia Lakou

Eha o na Kepani eiwa i hoopii hoaliewaia' ae ai e ke kiuro kiekie Teritore ma kekahi manawa kokoke aku nei i hala no ka hewa ohumu, ma ke degerc ekahi ma ka hihia e. pili ana i ka hoolala ana e hoopahu i ka hale o kekahi Kepani limahana ma Ewa, iloko o ka manawa i ala ae ai o ka olohani ma na mahiko i ka 1920, i waiho ae i ka lakou mau pane imua o ka Lunakanawai Andrade ma ka Poaha aku nei o ka pulo i hala, e hoole ana i ka pili o ka hewa ia lakou, a hoopaneeia aku ko lakou hookolokoloia ana no kekahi manawa ma nei mua aku. O na Kepani i waiho ae i ka lakou pane e hoole ana i ka pili o ka hewa ia lakou oia keia: Y. Mataumoto, E. Koorogi, S. Tomoda ame K. Takizawa. No na Kepani e ae hoi elima he elua o lakou i loli ae i mau hoike no ke aupuni, elua aia i lapana a hookahi i make. O ka liihia lawe i ka waiwai i h&awiia e malama a i hoopiia ae ai o Hennan Meles no ia hewa ua hoopau wale ia e ka aoao hoopii ma ia Poilua no, no ke kumu, o ka hoike e kue ana ia Hennan, "ua make ma kekahi manawa kokoke i hala aku nei ma Kapalakiko.