Ka Nupepa Kuokoa, Volume LXI, Number 16, 21 April 1922 — Hookauia ka Hoopa'ie Noho a Pau Kona Ola Pili ka Hewa Pepehikanaka ma ke Degere 2 i Kekahi Korea Hana Karaima PEPEHIIA KEKAHI WAHINE NO KA LILI Auamo Nae i na Haawina Ehaeha no ka Hopena o Kana Karaima o ka Hana Ana [ARTICLE]

Hookauia ka Hoopa'ie Noho a Pau Kona Ola

Pili ka Hewa Pepehikanaka ma ke Degere 2 i Kekahi Korea Hana Karaima

PEPEHIIA KEKAHI WAHINE NO KA LILI

Auamo Nae i na Haawina Ehaeha no ka Hopena o Kana Karaima o ka Hana Ana

Ma ka Poaha aku nei ka hoomaka ana o Yee Cl}ong Min, he Korea elemakule 0 hana 1 kona hoopa'i paahao, a ina no ke aloha ole aku 0 ke kiaaina iaia ma 0 ka hoemi ana mai i kona hoopa'i, e nolio mau aku ana oia maloko o ka halepaahao a pau kona ola. O keia ko Korea i pepehi ai ia Mrs. Toshi Fujikawa ma ka la 22 0 Maraki i hala ma Waialua, o keia mokupuni, mamuli 0 kona lili a i hooko aku ai hoi i kona manao lili ma o ka hou ana aku ia wahine me ka pahi a make, a i hoopiiia ae ai hoi e ke kiure kiekie teritore imua o ka aha ma ka la 29 0 Maraki. Mamuli o kekahi aelike i hanaia mawaena o Stafford, ka hope loio kukulanakauhale ame kalana ame Francis M. Brooks, ka loio a ka aha i koho ae. ai no ke kupale ana ia Yee Chong»Min, i aeia ai ka pane a Tee Min e ka aha e hooiaio ana i ka pili o ka hewa iaia ma ke degere elua, mamuli 0 ia kuniu i pakele ai kona kania-i i ke kaula a' ke kanaka likanaka, a th« ka mea, ina no kona hookolokoleia no ka hewa pepehikanaka ma ke degere ekahi, ina ua hiki ole i ka aha ke hoololi i kanjjt olelohooliolo o ke kau wale mai no i ka hoopa'i make maluna ona no ka hewa koikoi loa ana i hana ai. Ua ninauia mai oia e ka aha ina he (nanao kona e pane aku ai mamua o ke kau ia ana mai o ka hoopai maluna ona, aohe ana pano kulou kona poo ilalo no ka maopopo no o kona hewa, no ia pane ole aku ōiia i pane okoa mai ai kona loio imua o ka aha aoho pane a Ycc Chong Min, nolaila ua kau mai la ka aha i ka hoopa'i paahao maluna ona e noho oia maloko o ka halepaahao a pau na la o ke ola ana. I kulike me ka hoakaka a ka makai 0 Waialua imua o ka aha ma ka manawa e hooloheia ana o keia hihia, ua hoea ae 0 Yce Chong Min 1 ka hale 0 ka wahine ira Waialua aneane ma ka hora 9 0 ko ahiahi 0 ka la 22 o Maraki, i ka manawa o ke kane a ka wahine i kaawale aku ai no kekahi wahi okoa. laia i hoea aku ai, ua kipaku mai kela wahine iaia, a no ka piha inaina o Ycc Chong Min no kona kipakuia ana mai, hoomaka aku la e houhou i ka wahine mahope 0 ka a-i me ka pahi no na manawa lehulehu. Ia hoi ana mai o Fujikawa loaa iho la kana wahine iaia e waiho ana iluna o ka papahele a r kaheawai ana ke koko mai kona mau wahi aku 0 ka.hoūia ana, me ke kulana nawaliwali loa. Mamua iki iho *o ka lele loā ana* ae o ke aho 0 ka wahine aneane ma ka hora 3 o ka wanaao o ka la 23 0 Maraki, ia manawa oia i hoike ae ai i ka mea nanaoia i pepehi. Ua huli koke ia aku 0 Yee a hopuia oia 0 ka makai, a i kona manawa i ninauia aku ai ina nana i pepehi ia Mrs. Fujikawa ua hoike ae oia nana no i pepehi. "Ua make kuu mea i aloha ai i nei manawa," wahi ana i ka makai, "nolaila ke makemake .nei au e make pu«me ia."