Ka Nupepa Kuokoa, Volume LXI, Number 16, 21 April 1922 — Halawai me ka Make ma Kekahi Ulia Kaaahi Hooku'iia he Kaa Otomobile e ke Kaaahi Mauka ae Nei o Kalihi a Loaa ka Poino HOOKAHI I MAKE A PAKELE MAI KA NUI O Mrs. Mary Andrade ka Mea i Make ma Kela Ulia Poino ma ka Poakolu Nei [ARTICLE]

Halawai me ka Make ma Kekahi Ulia Kaaahi

Hooku'iia he Kaa Otomobile e ke Kaaahi Mauka ae Nei o Kalihi a Loaa ka Poino

HOOKAHI I MAKE A PAKELE MAI KA NUI

O Mrs. Mary Andrade ka Mea i Make ma Kela Ulia Poino ma ka Poakolu Nei

Mahope koke iho o ka hora elima 0 ka auwina la o ka Poakolu aku la i hala, i halawai ae ai 0 Mrs. Mary Fcmandcs Andrade, mo ka make ulia, mamuli o ka hooku'iia ana aku o ke kaa otomobile ana e kau ana, 0 ke kaaahi, mauka ae nei o Kalihi, ma kahi e kokoke ana . 1 ka halepaahao hou. Ua halawai kelā wahine me ka make, i ka manawa pokole loa, mahope 0 ka loaa ana i kela ulia, n pakele aku hoi ke ola 0 ka nui ae 0 ka poe maluna 0 kela kaa otomobilc, me ka loaa no nae he mau pa-< lapu maluna 0 ko lakou mau kino. Mahope iho o ka loaa ana 0 kela ulia poino, ua huli hoi hou mai la ke kaaahi no Honolulu nei, me ke kino 0 ka mea poino, a mai ka hale hoolulu kaaahi aku i hoihoiia ai no ka halema'i, a mailaila loa ae no kalii waiho kino kupapau 0 Mr. Williams. 0 ka nea i make, oia ka wahine a Manuel Andrudc, ka hopo luna auhau, a 0 Mr. Andradc ponoi no ka mea nana e hookelo ana i ko kaa otomobile ,a mawaho ao o laua, he elua mau mea okoa, oia o Mra. J. Freitas, ka hoahanau o Mrs. Andradc ame George Frcitas, o elua makahiki. Ua lilo .ka iiakele ana 0 kela poe ekolu iho i koe i mea hookahaha i ka manao 0 ka lehulehu, no ka mea ua nahaha ke ka aotomobile a lakou e kau ana, a ua laweia aku hoi no kahi lie ekolu haneri kapuai ka mamao. . 1 Ua hoihoiia aku kela poe ekolu no ka lapaauia mai maloko o ka lialema'i o na poino ulia, a mailaila ae i hoihoi loa ia aku ai no ko Jakou mau home. Ma ka oleloia, no ke kumu 0 ka loaa ana 0 kela ulia poino, ua kuhihewa 0 Mr Andradc, i ka wa i hala mai ai ke kaaahi 0 Wahiawa no Honolulu nei, 0 ke kaa wale no ia o kela manawa, nolaila hoomau aku la no oia, i ka holo ana 0 kona kaa ot<omobile, ma ke alanui 0 Puuhale 1 ka hoea ana nae 0 ke kaa otomabile nowaena 0 •ke alahao kaaahi, 0 ka wa ia i oili aku ai ke kaaahi 0 Kahuku, mai Honolulu aku nei, a hooku'i aku la i ke kaa otomobile, me ka laweia ana aku no kekāhi mau kapuai mamao, mamua o ka paa ana 0 ka holo 0 ke kaaahi.