Ka Nupepa Kuokoa, Volume LXI, Number 17, 28 April 1922 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KUU LEI DAIMANA UA HALA, O MRS. KAHALEKI HAO.

 

K'a lain kuu home e mama mau ai; I okole paa ple kuu noho maanei, Mokeaha e ohumu ke kau paa pu mai,

Na eha na luhi na kaumaha e I eia mai na anela ke memele no'u, memele, memele, a hiki i o, ma ka puka mabela, e ku ka peo maikai,

A mele aloha no ko'u puka ana ao.

            Mr. Lunahooponopono o ka Nupepa Kuokoa, Aloha oe: E oluolu hoi oe ia'u in a he rumi kaawaie kekahi o kou moku Naukilo; no'u hoi ia rumi no kela mau hua e kau ae la maluna, a hana hoi ia e lawe akiu ma na kihi eha o ko kaua @ina aloha, mai ka la hiki ae ma Kuniukahi, ahiki loa aku i ka mole olu o Lehua; i ike mai ai na kini… akamaka o kuu niea aloha he wahine, e noho mai la na hiki eha o ko kaua aina aloha.

            Ma ka po o ak la 17 o Aperila, 1922, i pauaho mai ai o Mrs/ Kahaleki Hao, i kaia ola ana, a hoi aku la ka uhano me ke Mea Nana i bana mai. pela i ko ai ka mea i oleioia ma ka buke nui o lob. Mok. XIV:1-2. O ke kanaka i hauauia e ka wahine, he hapa kona mau la, a ua piha i ka popilikia. Puka mai no ia me he pua la, a ua okiia aku; @ole ia e mau.

            Ua hanauia mai oia mai ka puhaka mai o kona mau makua Mr. Mailou (k) ame kalua (w) i ka A. D. 1833, I ka mahina o Sepatemaba 17. Nolaila ua piha iaia na makahiki he 88, me 8 mahina o ka hanu ana i na ea o keia ola kino ana, a moe aku la, nui no ko ke Akua aloha i ka hooloihi ana mai i kona mau la a piha kela mau makahiki i hoikeia ae la maluna.

            Ua mareia maua i ka A. D. 1909, iloko o ka mahina o Iune 12, ua piha ia maua na makahiki 12 me na mahina he 10 me na la kei elima a hala wale aku la oia i ke ala mau o na mea apua; nolaila i hoonaniia ai ke Akua ma na lani kiekie loa, he malu ma ka honua, a he aloha no i kanaka.

            E Waialua e, ka aina Kupolua I ka la'i, aole oia' e hehi hou ana i kona mau kapuai maluna o kou mau alanu, ua pau, ua nalo loa oia. Aloha no.

            E ke kai leo nui o Puaena e, ua pau kou hoopulu hou ana I kona mau papalina, aole oia e maalo hou aku ana ma kou mau aekai, auwe aloha wale!

            E ka wai o Anahulu e, ua pau kou hoopulu ana i kona mau papalina, no ka mea, ua nalo aole oia e ike hou ia akn ana, auwe aloha no!

             E ka wai o Puakauila e, ua pau ka maalo hou ana aku o kuu aloha e hoopulu ana i kona kino ma ka lawai'i opae, ua nalo loa, auwe minamina wale!

            E ka wai o Kawelowai e, ua pau kou hoopulu ana aku iaia, no ka mea ua huna i na maka, ua nalo loa oia mai ia oe aku.

            E ku kula o Kemoo e, ua pau kona maalo hou ana ma kou mau kualono, no ka mea ua pe'a na lima ma hope, ua hala ke aloha, naue pu no me ka anoai e, auew aloha wale a!

            E ke kula o Halahape, aloha ia kula a kaua e hele ai, ua pau kou ike hou ana aku i ka nani o Leilehua, kahi hoi a ko Kahiki poe e hoonohonoho mai ana. Auew kuu aloha i kuu wahine e, kuu hoa pili e!

            E ke kula loa o Kipapa'e, kahi hoi a kuu aloha e hele ai, ua pau kona maalo hou ana maluna o kaou mau ala kikeekee, auwe kuu aloha e! E Ewa i ka i'a hamau leo e, ua pau kou lohe hou ana i kona mau kapuniwawae no ka mea ua hala ka puulena aia i Hilo, imi aku la ia papalauahi. Auwe kuu minamina pau ole!

            E ka ua Kukalahale e, eia mai ka ukana nui he aloha o Mrs. Kahaleki Hao, ua hala ua pau kou hoopulu hou ana i kona mau lihilihi. E ka wai o Kewalo e, e ualo ao ana au, he ole ka maliu mai, a no ka mea, ua hiki mai, la o H5ku ka wahine hele kualono. Auwe kuu wahine e, kuu hoapili hoi e!

            I ka A.D. 1913, oia nei kekahi mea hoopuka nane iwaena o na kane, an ia nei ka uku makana holo wale iluna o ke kaaahi a loaa ai ia J. W. K. Kakelamaluikaleo, i ka pale hope o Ianuari, I ka mahina ae o Feberuari 8, 1814, i hookoia ai ia mea a ka Lunahooponopono o ke Kuokoa, ua ike a hui kino laua, pela i kapaia ai kona inoa kapakapa, Home Lauiwaia.

            Nolaila ke mahalo aku nei au i ka poe apau i akoakoa mai e ike i kona helehelena hope loa, ame ka poe i ala pu mai me a'u ame ka maua mau keiki, Antone Kaoo, Mrs. Paahai Pine, ia po a ao.

            K noi Pu ae nei no hoi au i  ka'u leo pule i ka Makua ma ka lani, e hoomama mai i na kaumaha ame na luuluu o keia noho ana, ma ke kino, a Nana no e kau iho i na hoopomaikai ana maluna i ho o kakou, a pela e hoopaaia ai ke ola maluna o ko kakou mau kino, e hooloihi i ko kakou mau la, hoonui i na makahiki, o ia ka'u leo pule ma ka inoa o Iesu Kristo, Amene.

            Me na Keiki o kou papapa'i ka welina pau ole.

            J. H. Hao,

            me ka Ohana.

            Waialua, Oahu, Aperila 22, 1922.

 

KE HOONIIA NEI NA PAUMA UWILA HOOPII WAI O KA HUKU AINA LEWA.

 

            E Mr. Lunahooponopono, Aloha nui oe:-- Mamuli o ka manao kuhihewa o na wiliki e emi ido ana a maloo ka wai, a pela paha e emi pu iho ai o Kahuku aina ilalo, a a m@ma ke ano meouhano paha ia, a i ole ua hoololiia na pauma mai ka aile i ka uwila, a i ole no ia @a kaulana o Kahuku i ke kelehao, @ ke kele uaina mahiehie.

            E auhea oe e Mr. Lunahooponopono, e oluolu hou mai hoi oe penei: E kaomi iho oe i ke pihi Helu 1922 e kau ae la ma ka aoao  o Ehaiamoa itamu 8 o ka Nupepa Kuokoa o ka a. m., Poa lima o Aperila nei, a ma na hunahuna hoonee meahou o ka aina lewa nei, e oili pulelo aku ana ke kiheipili a Keaeloa,, i ka Helua 4004 o na apahu pou uwila o Kahuku aina e kuku laina like ana me he mau kona kiai naue ole 'a o Elenale, ma ka lihi alanui mauka, o ke alanui holokaapuni, ame na ipukuikui uwila pakahi maluna iho o na apahu apau, elike me ka imoimo ana mai o na hoku o ka lani pela no ka owaka owaka ana mai, o na ipukukui uwila iloko o na kemu apau, mauka, makai o ke alanui holouni a no ke mea no hoi ua uhi paa ia e ka ulupaina.

            O ka pa mai a ka makani, ua lilo ia i'mea nana e hoinoino mau ana i na lau paina, a lilo ka malamalama  o ka uwila i mea e u'i loa ai ke nana aku, i na ia he mau o pouli o Laau, a Kulua, a Laaupau.

            Ua u'i loa o Kahukulewa i ke kulanakauhale omaomao, i ka lau o na paina e paialewa mau i aana e ka makani kipu, o ke Koolauwahine.

            Ma keia wahi ka meakakau i hi ae ai ke aloha i na keiki hanau o ka aina nei, i hala aku mao , a koe kakaikahi o ua mau Koolauwahine nei o na pali.

            Mr. Lunahooponopono ka makua hooholomama i na hooholomama i ka nee mau ana i na hana hou o ke au o ka aina ka naauao, ka ike, ka mana o ia mea he naauao, na kelekalapa uwea ole, ame na mokulele, a me ka laka o ka huhu o ka uwila ame na pahu himeni, a ma na ano no apau ke holomama nei ka Nupepa Kuokoa apuni ka honua, e hoike aku ana i na meahou, i mea e hauoli mau ai ka lehulehu o ka poe lawe Nupepa.

            I ke au o na kupuna, ua lohe pi nephine au i ko lakou kamailio ana, o Kahuku he aina lewa oia i like me ka iana o Kanehunamoku, a kamailio, ana au maluna o keia aina, no Khuku aina lewa, i pomaikai no ka lehulehu o ka poe heluhelu a oiai, he nui ka poe i leta mai nei ia'u, a ua hele kino mai nei kakahi poe a hui kino pu, no ia moolelo kahiko.

            O Kahuku aina mua, ua uhiia e ka ulu hala he nui na kanaka, nani ke nana aku ia Kahuku e ku nei i keia la, hookahi wale no kupa i koe o Mr. Kaina Uha, nona na makahiki he 97, he mau keiki he au moopuna akahi a kualua kana, e laha nei he Uumle oia no'u, he maikai kona ola kino, aole he kina'una'u o kona kino he ikaika he malo'elo'e kupono kona hele ana, he hiki no iaia ke kahape'a i kona koho baloka ana.

            O Kahuku aina I keia la mamuli o ka mana hoonee o na mhiko, i hmoopiha pu ia mai ai ka aina e na lahui like ole, a ua nanai maoli o Kahuku aina I keia la ke nana aku.

            O ka aina keia o Keana I hooliloia o Kahuku Plantation a hoohuiia a nui a Kahuku lewa, a ke kamailio nio au i luna o Kahuku aina i huiia a maikai ka moolelo.

            Ua kukuluia na hale nunio nani ma na kii like ole, elike me ka-

            -makemake o Mr. Andrew Adam maluna o na opuupuu pohaku ahinahina, I penaia i na pena like ole o kela ame keia, mamuli o ka ike noeau o Mose Kaaipuaa i ka hoololi ana i na wai hooluu like ole o ka pena.

            I ka manawa i hoouluia ae ai keai mau i Kahuku nei me ko lakou mau ohana, a nolaila ua lilo ia i hana e homaikai kupono ole ia ai ko Mose Kaaipuaa noonoo, nolaila maloko ka hapa'a a koe owaho, a manhope hooponopono oiai, he uuku loa kona mau limahoohana.

            Nolaila, nani o Kahuku ain i keia la, Ua hiki i na kalahiwa otomobile ke holo a pii iluna o kahi eku nei ka pahuwai nui helu ekahi apuni o Oahu nei, a nana i ka puu malalo mai ka haukipila ame ko ke kauka hopaa, ame ko na kupakako, a malalo iho ko na luna lehulehu, ame ko ka poe wahine ole, malalo hou mai ko na wiliki, malao mai ka hale oihana o kamhiko ame ko A. Adam.

            O ia na hale kokoke iki mai, ame Kahuku Store, na kemu i ike ole ia e na malihini holopuni, o na hale pili alanio, o wale no ke ikeia aku, aole i laua aku ka nani o Kahuku ma keia hoike kiko kikoi nee ana mailuna mai o ka aina pii a iho ilalo me ka uhiia  na pua like ole.

            He pili ka'u ia oe e na hoopuukahua mai ana, a owai apuni e aa mai i keia ma ke ano hoookuku, a hoomana iwaena o na mahiko? A oino, he aina i nohoia e ke kupaianaha, ma keia wahi, a ma ka pule hope o keia mahina e hoopukaia aku ai ka moolelo ponoi a Kahuku aina lewa, ame ka wahine kau pali o Kalaeokahipa Nawaiulolwa, e lewa, ame ka wahine kau pali o Kalaeokahipa Nawaiuolewa, e lewa nei i ka makani, Kuniho o ke kaha nuli akau komohana.

            Me Mr. Lunahoponopono ka anoi

            Nipuu pu iho i na keiki hooni o kou papapa'i o ka misini uwila pu, lawa kupono.

            Aia a hiki ahiki hou aku.

            J. A. KAHIONA,

            Kahuku, Aina-lewa.

 

KA HALE ALOHA E KUKULUIA ANA MA LAIE.

(Kakauia e C. W. Kinney)

 

            Ma ka Hui Nui ma Laie i kuahahua mai ai ka Paeaina Peresidena E. W. Smith e kukuluia aku ana kekahi home maikai ma ka iliaina o Laie, no kahookipa a malama ana i ka poe palupalu, wahine kane-ma ke ame na keiki makuaole.

            Oiai he pilikia kumau keia mawaena o ka ekalesia, a he auaumo ko'iko'i no hoi na na hoanahau ame ka Hui Manawale'a e auamo ai, nolaila i mea e mama mai ai keia pilipkia, ua noonooia o keia ke ala e pau ae ai, a e maalahi ai na hano.

            O keia kekahi hemahema nui oiai oia kekahi poe iloko o na halo hoolimalima, kahi i noho ai, a i ka make ana o ke kane, a i ole o ka makuakane, me ka makuahine, a oki pu ia ae la kahi e loaa mai ai o pa pno o ka noho ana, nolaila ua kaa mai la ke ko'iko'i o ka malama ana i ka wahine me na keiki i ka Ekalesia, malalo o ka hoohana ana a ka Hui Manawale'a.

            Heaha ka ka Hui Manawale'a e hana ai? Ina aole e hiki ke hookipa, a malamaia keia ohana pilikia, e ko lakou ohana ponoi, a i ole e na hoaloha, a i ole, e ka poe opu aloha, alaila e lawe ana ka Hui Manawale'a i ke kaumaha ma ka hanai, a malama ana, a ma ka houlimalima ana i hale kukaokoa, a e ike mai oukou, he mau dala nunui ko ka hale hoolimalima.

            Nolaila ke iku keia Home Ma Laie alaila e hoopauia no Ka pilikia-

            -keia mau ano, E hoopauia no hoi ka noho hoope wale ana, aole hui a loaa ka mea kunukunuia, a nolaila aole e ala mai ia mau hewa mawaena o kakhi poe.

            O kakahi, i ka hoihoiia ana o keia poe ilalo olaila, e hoomaluia ana lakou malalo o kahookele ana a kekahi wahine kanaka makua a naauao, i kaa ai lakou me ka maluhia ame ke aloha. O na keika e hele ana lakou i ke kula o ka Ekalesia, a malaila lakou e a'oia ai i na naauao o keia ola net, ame ka euanelio, ke ala hoi e loaa ai ke ola. Ua hiki i keia mau keiki, in a ua nunui kupono ke hoohanaia ma na mala kanu meakanu, elike me ka uala, kapiki, akaakai, ame na meakanu e ae, o ia mau ano; a no ko lakou mau pono no ia o ka noho ana.

            O na wahine, ua hiki lakou ke humuhumu kapa apana, nala i na moena, eke lauhala, peahi, ie papale, ame na mea hanalima e ae; a oiaio he nui loa na kanaka me na haole makaikai, e kipa mau nei ma Laie, no ka makaikai ana i ka Halelaa, a he oiaio e kuai ana kekahi o lakou i keia mau mea, no ka nani o ia mau mea, no ka nani o ia mau mea, a no ke kokua ana i keia hana maikai, a o ke dala e loaa ana mai keia mau mea mai, e holo no ia no ka malama ana ia lakou iho ame ka Home.

            Ma kekahi olelo ana, e kokua ana lakou ia lakou iho, a e imi ana lakou i ka pono o ko lakou ola ana, me ka naauao ame ka ike, a ke Akua i haawi mai ai ia lakou.

            E kokua ana ka Ekalesia ia lakou i hiki ai ia lakou, ke kokua ia lakou iho, a o ia kekahi haawina nani loa o ke ola ana.

            O na kane e kokua ana lakou i ka malama ana i ka pa, i na mala uala, lo'i kalo, ame na hana kupono ia lakou. O kekahi o na kane ame na wahine, ua hiki ia lakou ka lawelawe iloko o ka Halelaa no ka poe make; A ma keia mau mea ua nui maoli na mea e hiki ana ia lakou ke hana malaila, i hiki ole ia lakou ke hana, oiai lakou ma ke kaona a ma na wahi e ae o ka Paeaina nei.

            Ma ka hoihoiia ana o keia poe pilikia ma kani hookahi, ua hiki ke hoemi loa ia ua hoolilo, a lawelaweia na hana me ka maalahi.

            Nolaila i ka hiki ana i na hoahanau kehoopakele, noo@a, a kokua i ka poe pilikia o ka lahui, alaila ke hana nei ka Ekalesia i ka hana o ke aloha, a n@a ke ku ana o keia Home aloha ma Laie, ua like no ia me ke kukuluia ana o ka Puuhonua malaila.

            O kekahi, ua hiki ke malama ia lakou mai ka loaa o ka Mohai Hookeai mai, o ia hoi ma ka Uapule @@@a o kela ame keia mahina wai ka la hookeai o na hoahanau apuni ka ao.

            O na lala apau o keia Paeaina, e hookeai ana lakou ma keia la. Aole hoi e ai i ka aina kakahiaka, ame ka aina awakea. Elua aina hookeai, aole hoi e kuai meaai, aole hoi e ai; a he kenikeni (.10c) ko ka ai hookahi ana, elua aina e ai ole ai, ua like ia me elua kenikeni (.20c), a o keia mau kenikeni a kela ame keia lala e haawiia i ka Ekalesia, a na ka Ekalesia e kaana like i keia loaa no ka ai, aahu, ame ka nohona olu ana, o ka poe palupalu, wahine kane-make, ame na keiki makuaole, mawaena o kakou; a he oiaaio e hookaawaleia ana kakahi o keia waihona no ka pono o keia Home aloha ma Laie.

            O ka hooponopono ana i keia, malalo no ia o ka Hui Manawale'a. O keia kekahi o na Hui nani loa mawaena o na Hawaii, oiaio o ka lakou misiona, aole e imi ana no ko lakou pono ponoi iho, aka no ka pono o ka poe polikoa mawaena o kakou me ka nana ole i ko lakou hoomana. O ke aloha ka mea nui. O ia ke aloha oiaio o ke kokua i ka mea pilikia i hiki ai lailai ke kokua iaia iho, aole o ka haawi wale.

            Nolaila in a e lokahi ana na Hawaii apau maluna o keia maumea, alaila e hiki koke mai no ka maluhia ame ka Milenio, O ka lokahi o na Hawaii ke ala e ola ai a e mau ai ke o ana o ka inoa maikai o Hawaii, e ola ai ke alahu, a e pahola ai ka maluhia mai o a o.

 

NA ONO HUIKAU O KA UANOE O KOLOA.

 

            Ma kela mahina i hala aku la, i hoololiia ae ai ke kuui o Makahuena mai ke kukui aila mahi, a ka aila ea, a eia keia kukui hou kea nei, me ka kiail ole ia, he nui na kukui o keia ano, i hanaia iho la i keia makahiki, no ka hoemi ana mai i na hoolilo.

            Ma ka Waiulailiahi, ke anaina hoolaulea, a na lala o ka hio Kaumualii, o ka apana o Koloa i kela pule aku  la, malalo o ke kono a Mr. W. O. Crowell, ke poo o ka Ahahui Kaumualii ma Waimea, maikai na himeni, ono no hoi ka ice crea, ame ka meanono, a he mau olelo paipai mai na hoahanau mai, a hookuuia na hana me ha maikai, a huli hoi mai la na keiki o ka Ua noe, i na hora o ke aumoe.

            Me ka la 30 o keia mahina, e kukuluia ai ka hui Hawaiian Civic Club, ma Waimea, mahalo o ka noho lunahoomalu ana a Mr. W. o. Corwell, us konoaia mai a mea apau, e hiki aku ma keia halawi, na kane ame na wahine, oiai, he anaina haipule ka mua, malalo o ke alakai ana a ka hoahanau Mr. J. K. Lota, o-

            -ka Uololoku o Hanalei, ame na haiolelo hoonioni puuwai mai iaia mai.

            I ka pau ana, he wahi paina luau e hoopiha ana kowaho ialoko a i ka hookuonoono pono ana iho o Keoni Bulu, o ia ka wa e noho ai keia ahahui hou, no ke komo ana mai o na mea apau.

            Ma ka la 6 o keia mahina ae, ma Koloa nei ke anaina hoeueu, a hoolaulea, a na keiki o Waimea, malalo o ke kono a Mr. Naleimaile, ke poo o ka Ahahui Kaumualii ma apana la, i keia mau hana maikai, pehea na keiki o ka Ua Kenikeni o Lihue, Kawaihau, ame Hanalei@

            Ma ka la 15 o keia mahina, ma Lihue, i hoohuiia ae ai o Mr. James Kimokeo, ame Miss Marie Costa, ma ka berita o ka mare, na ke  Kahu Chas. Keahi i hoohui ia laua a lilo i hookahi, he mea maikai ka mare no na mea apau, no ka Uanoe  o Koloa laua a elua, hanaio ke kaikamahine o Potugala, pilikia ana paha o balala,o ka hana ia a balala, "ka hapahapai kikala" a hu ae la ka aka, o kahi kaaka piha eu o Makahuena. Me ka Lunahooponopono ko'u mahalo nui, ame na keiki oniu hua kepau, o kou papapa'i ka welina pau ole. Owau no a mau,

            PETER KAMANO SR,

Koloa, Kauai.

 

EIA ME KAKOU HAWAII NA KULANA MAIKAI NO NA OIHANA LIKE OLE

 

            E nana wale ae no kakou i ke kulana o kela ame keia lahui like ole, aole no e loaa mai ko kakou o na Hawaii. He kulana ikaika, aia me kakou; ke kulana hiehie, kulana holomua, ke eleu, ka mikimiki, a pela aku.

            Ma keia mau kulana, in a i hoohana pono ia, aole e nele ka holomua; aka nae, ma kekahi mau mana hookahuli i na kulana hana, i lilo ae ai keia mau hiohiona maikai i mea hoopomaikai ole mai; a ua manaoia no ka pai loa ia aku i ka ikaika, hiehie, eleu a pela aku, ke kumu ano nui o ka hoohemahemaia o keia mau hiohiona maikai.

            Ma ka ikaika hano o keia lahui kanaka, aole e hiki ke hooleia. Ua ikemaka ia ia mea ma na uwapo o Honolulu nei. Ke hana mai i na hana me ka ikaika, hele pu no ka hiehie, ke eleu ame ka holomua i ka wa hookahi.

            Me keia hana maauauaua, he nui ka laki o keia lahui, no ka mikimiki a eleu.

            O keia mau kulana maikai ua lilo i mea ole, a ua hoomaopopo ole ia. Ua kiola ke kanaka ikaika i kona ikaika ikahi kupono ole. Ua eleu ma kahi o ka eleu ole aku. Ua hoao e hoomolomua ia. Ua mikimiki wale ma kahi o ka pono e mikimiki ole aku.

            Maluna o keia mau hiohiona apau ua ku ae ka naauao o keia lahui kanaka a pookela ma kekahi wa i hala. Ua hoolilo nae ia naauao i mea hoopilikia wale aku. Ina i alakai pono ia ua naauao la, ma na alahele kupono, in a aole e kau mai keia aulehia ana maluna o kakou. Ua lu wale ia ka naauao i na mea waiwai ole. Ano ka wa ua hiki mai, e hoihoi ae ai ia mau kulana maikai a hoohana E ike auanei kaua i ka pono nui.

 

E HAAWII KA HAUOLI I KAU ME KEIKI!!

No ka 5 Keneka wale no

JIGGS.

I na Sabati apau e loaa no ia oe ka NUPEPA ADVERTISER me na kii HOOMAKEAKA i pa'iia me na waihooluu like ole.

E hoomanao i kou mau la opio, o na kii hoonaauauo o kela ano na kii hialaaiia e na opio.

No ke kumukuai uuku loa, ua hiki ia oe ke hoolawa ia lakou me ia mau kii ame na nuhou makamaka hou loa o ke kulanakauhale nei.

E KUAI I KA NUPEPA O KE SABATI.

HONOLULU ADVERTISER

 

 

HE APANA AINA A HE HOME ANEI KEKAHI OU, I MAKEMAKE AI E HOOLILO NO KAKHI KUMYKUAI KUPONO?

E HAAWI MAY NAʻU E KUAI HOOLILO NOU.

He nui ka poe haawi mai i ka lakou kauoha ia'u no ka makemake i home no lakou, a eia lakou ke kali nei.

FRED K. MAKINO

Kelepona 3052.

Kaena Pa'i o ka Hawaii Hochi Alanhui Moiwahine.

Mawaena o na Alanui Kaahumanu ame Nuuanu.

 

 

KA PILA GRAFONOLA COLOMBIA

Moapopo ka Wa e Pau Ai

Na ka mea hoopaa nona iho e makaala ia ea nou. Ua hiki ia oe ke hulahula ahiki i ka huaolelo 'ope loa.

Uku Liilii ke Makemakeia

THAYER PIANO CO.,

Limited.

148-150 Alanui Hokele

 

 

HALE UWI WAIU

-o-

MAPULEHU

Pukoo, Molokai

 

E hooholo Ana i ka

MOKUKUNA GESOLINA

LELEIONA

Mawaena o na Awa o Honolulu me Molokai

GEO. P. COOKE,

Ona.

Poe Lawe Hau me Waiu

 

 

HAWAII BANK OF COMMERCE, LTD.

Limitied.

Alanui Moi, Mawaena o na Alanui Papu me Betela.

HA BANKO HOAHUA LIILII

UA HIKI IA OE KE HOAHU LIILII A MA KE KIKOO DALA OE E UNUHI AI ME KOU AUHAU HOU OLE IA. E HOOMAAMAA I KEIA ANO HOAHU LIILII HE MAALAHI LOA KEIA.

E hle mai e hui pu me Henry Asch, ke kaikaina o ka Hope Makai Kalana; he opio Hawaii, a he oluolu na kukai olelo ana.

 

 

KA BANAKO ASANO CHUYA,

He banko keia i hoalaia e na Kapani i ko'iko'i o ke Kulanakauhale nei, a i keia ka Banko Pacific mamua aku nei. He banko hoahu liiliino ka poe apau i makemakea e lawe i ke kulana hooakaulii.

No ke kokua ana i na limahana, eia na ipuka o keia banko ke hamana nei i na Poaono ame na poakahi apau mai ka hora 9 o ke kahahiaka ahiki i ka hora ewalu o ke ahiahi/

Ina i ka hora eha o ke ahiahi Poaono ka hora pau o kau hana, ua hiki ia oe ke hele aku no ia banko a hoahu i kau mau wahi hunahun liilii me ka paa ole o kona mau ipuke, oiai na ipuka o na banko e ae ua paa i ka hora 12 o ke awakea.

KOMO MAI E IKE IA MAKOU I PAU KUHIHEWA.

Keena: Alanui Moi, ma ka aoao Ewa o ka Makeke Kuai I'a a mawaena o na alanui Kukulike ame Muliwai.

 

 

O KA LIBERTY BANK O HONOLULU, LTD.,

he banko ia e pii mahumahu mau nei o ka holo mua. O na hoahu ke pii mau nei ia i kela ame keia manawa, n ke mea, eia koa poe kalepa ame na limahana ke momoku nei malaila.

O ka põe na lakou e hoohana nei i kela banko he poe wale no i kamaaina i ka lawelawe ana i kela ano oihana.

HE BANKO KEIA I KUKULUIA, AOLE NA KA POE OIHANA.

E hoahua i kau mau dala me makou a e pili mau auanei ka ukupanee. He 4% ka ukupanee, a e hoopaaia i kela ame keia hapaha makahiki.

E HOOMAIKAI I KAU HOAHU ANA ME KA $1.00

THE LIBERTY BANK OF HONOLULU

Limited/

Keena Kuikawa: Alanu Moi, mawaena o na Alanui Maunakea ame Kamika, me ka aoao makai o ke Alanui Moi, a he hookahi kuea me ka hapa mai ka makeke kuai i'a mai.

 

 

E HOOMAKUALII I KAU DALA MALUNA O NA MEAAI

Waia Kalima, Federala, (Kini nunui) no ke kakini……$1.25

Pia Hapuu Hawaii, 6 Puolo………1.00

Kopa Holoi Keokeo Crystal, 20 Auka i ka….1.00

Kopa Holoi Keokeo (Chunk), 10 Auka I ka….  .45

Kopaa Keokeo Helu 1,17 Paona I ka………1.00

Kini Kamano Nunui a Momona ( Hockeye), 2 kini….  .55

Kini Kamano Mauna Loa, 2 kini…..  .35

BAILEYʻS GROCETERIA

Alanui Moiwahine, Kihi o ka Makeke Aala.

 

 

 

O NA HAWAII

I makemake i ka pomaikai o ke Kanawai Hoopulapula o Molokai, e hoolako

Ia lakou iho no ka holomua ma ka loaa ana ia lakou o na Lako Mahiai me Hanai Holoholona ma keia hui kamaaina.

Ke malama nei makou i na Lako Hana Maikai Loa, pela hoi me ka PENA SHERWIN-WILIAMS, ka mikini Umi Waiu DE LEVAL ame na lako pili i ka home o na ano apau.

Maloko o ko makou Keena o na Lako Paani e loaa no he ahua o na pu liilii ame na raifla Maikai.

E.O. HALL & SON, LTD.