Ka Nupepa Kuokoa, Volume LXI, Number 17, 28 April 1922 — Pepehiia He Makai a Nui ka Poina i Loaa Na Kekahi Kepani Kiakaa i Ike i ka Waiho o Harvey Holi ma ke Alanui ua Eha MANAO WALE IA NO I PEPEHIIA OIA Me ke Kulana Kupouli o ka Noonoo i Hoihoiia Aku Ai Oia no Kona Home [ARTICLE]

Pepehiia He Makai a Nui ka Poina i Loaa

Na Kekahi Kepani Kiakaa i Ike i ka Waiho o Harvey Holi ma ke Alanui ua Eha

MANAO WALE IA NO I PEPEHIIA OIA

Me ke Kulana Kupouli o ka Noonoo i Hoihoiia Aku Ai Oia no Kona Home

Ma ke kakahiaka nui o ko Sabati aku la i hala, i loaa aku ai ka Makai Harvcy Holi, iloko o ke kulana kupouli, i kekahi Kepani kiakaa, ma ke alanui ma kahi kokoke i Kahana, Koolauloa, me na hoailona maopopo loa. maluna o kona kino, no ka pepehiia ana e kekahi mea a eha loa.

Ma ka hoakaka a ke Kepani, nana i ike i ka waiho o ke kino o ka Makai Holi i ke alanui, iaia i holo aku ai ma ke alahelo e hoea ai no Kaneohe, ua loaa aku la ka Makai Harvey Holi, iwaena alanui, a e ku ana no kona lio malaila.

Ma ka nana ana a kela Kepani i ke kino o ka Makai Holi, ua ike oia, ua nahaehae kona lole, a ua hauka'e hoi i ke koko, a ua haki kona wawae, me ke kupouli nad o kona noonoo.

laia i nana aku ai i ka lio e ku ana ma ka aoao o ke alanui, e paa ana no ka noho iluna o ke kua o ka Ho, a e kau ana hoi ho galani okolehao, ma ka aoao o ka noho, 0 kela ka mea nana i hookomo mai 1 na manao hoohuoi, me he mea la, ua hele o Mr. Holi e hopuhopu i kekahi mea kuai okolehao, a oiai e hoihoi mai ana i kana lawehala, iio ka hoopaa ana iloko o ka halepaahao, o kona wa ia i pepehiia aku ai, ahiki i ka pouli ana o kona noonoo.

Ua hiiliia na pakeke o ka Allnkai Holi, e ka nioa powa, ua laweia kana pu panapana, pela mo kona pihi makai.

Ua hookau kela Kepani ia Harvey Holi maluna o kona kaa, a hoihoi loa aku no Kahana, a mahope mai, i hoihoi loa ia aku ai no kona home.

Mai keln manawa mai o kona loaa ana aku ahiki wale nq i ke ahiahi ana, he o ia mau ko kupouli o kona noonoo.

Aole he mea 1 hoikeia mai i ka oihana makai 0 Honolulu nei, aka ua lawe ae ka hope makai o ka apana o Koolauloa, i ka hana iloko 0 kona mau lima, ma ka noii ame ka huli pono ana aku, i ke kumu 1 halawai ai ka Makai Holi, me •kela poino.