Ka Nupepa Kuokoa, Volume LXI, Number 17, 28 April 1922 — Hopuia Ae he Wiliki no ka Hoopae Rama Hoao e Pulapu i ke Kiai o ka Oihana Kukeawa Loaa Pono Nae Kana Hana Kolohe HOOKOMOIA KA RAMA MALOKO O NA PAIKI He Kanakolu-kumamaono Mau Omole Wisake o ka Hoaoia Ana e Hoopae Malu Mai [ARTICLE]

Hopuia Ae he Wiliki no ka Hoopae Rama

Hoao e Pulapu i ke Kiai o ka Oihana Kukeawa Loaa Pono Nae Kana Hana Kolohe

HOOKOMOIA KA RAMA MALOKO O NA PAIKI

He Kanakolu-kumamaono Mau Omole Wisake o ka Hoaoia Ana e Hoopae Malu Mai

Mamuli o ka hopuia ana o kekahi mau paiki elua i piha i na omole waiaeke, he'36 ka nui, i paa ae ai ka Wiliki E. H. Murray, oluna o ka mokuahi Radnor, i ka hopuia, ma ka Poakahi iho nei, no kona ku-e i ke kanawai hookapu waiona federala.

Ua loaa ka hoohuoi i ka Lunakukeawa Lino, no kekahi hana hoopae malu, i hoolalaia, i kona manawa i konoia mai ai e pii aku noluna o ka mokuahi, noloko o kekahi rumi, nolaila hooholo iho la oia i kona manao, e hoomakakiu ina paha he mau hana pulapu wale no kela, konoia ana mai ona e pii iluna o ka mokuahi, i hiki ai ke laweia mai kekahi mau waiwai hoopae malu iuka nei o ka aina.

Ua ike ka Lunakukeawa Lino, i ke ku o kekahi kaa otomobile ma ka uwapo, ma kahi kokoke i. ko alanuipii i ka mokuahi, a o kela no hoi ke kaa otomobile, nana i lawe i ka wiliki iuka nei o ke kulanakauhale, a hoihoi hou aku iaia noluna o ka mokuahi.

Ua ae aku la ka Lunakueawa Lino, i ke kono, me kona pii ana aku iluna o ka mokuahi, eia nae, tna kahi o.kona'hele pololei aku noloko o ka rumi, i kuhikuhiia mai ai iaia, hoolalau wale ajku la no kana hele ana a oili ae la ma kahi okoa, a ia manawa, i ike mai ai oia, i kekahi mea, i ka halihali ana # mai, a hookau he elua mau paiki 'lole, iluna o ke kaa otomobile, o kona manawa no ia i haalele aku ai i ka mokuahi, a iho mai la no kahi o ke kaa e ku ana, a kauoha aku la i ke kiakaa, o Caesar Lopes kona inoa, e ku malie kona kaa, o kona lalau aku lft no ia i kekahi paiki a wehe ae la, me ka loaa ana iho iaia o na omole wniseke, he hookahi kakini ka nui iloko. '

Weho aku la oia i ka paiki nui ae, a loaa aku la he elua kakini omole wiaake maloko olaila, aohe hana aku i koe, o ka lawe wale mai no i kela mau waiwai malalo o kona malu,. nolaila kauoha .aku la oia i ke kiakaa, e lawe iaia no ke keena o ke poo nui o na iunanana kukeawa, a mailaila ae, i lawe loa ia ai no ke keena o ka Lunakukeawa H. E, Murray.

Ara ka ninaninauia ana aku o kc Lopcs, i hoiko ao ai oia, ua noiia aku oia c ka wiliki oluna o ka mokuahi, e kii mai i kekahi mau pniki o na lole lepo, no ka lawe ana iuka nei o ke taona, e holoi ai, o ke kumu ia o kona hoea ana no ka uwapo, aole i maopopo iki iaia, he wisake ka ukana oloko o na paiki elua.

Ua hookolo mai la na kanaka o ke aupuni mahope mai a loaa ka Wiliki Murray, a lawoia aku imua o ka Lunakukeawa Murray, a ma kona ninauia ana aku no kela mau paiki, ua ao okoa ae oia no kona pili i ka hewa, me ka hoao ana nae e owili pu i ke kiakaa otomobile iloko o kela hewa hookahi, ua kupale nae ko kiakaa no kona pono iho, a oiai aole he mea e ae mawaho o laua, i maopopo i na n>ea i hanaia, aole he mea i maopopo no ka pili o ke kiakaa i ka hewa ame ka ole.

Ua kauohaia aku ka Wiliki Mufray, e hoea mai imua o ka aha federaīa, ka-hora eiwa o ke kakahiaka o ka Poalua ae, no ka hooloheia mai o kona hihia, hoopae malu i ka wiaake.