Ka Nupepa Kuokoa, Volume LXI, Number 17, 28 April 1922 — Lehulehu na Poe i Hopuia ma ka Huli Koolau [ARTICLE]

Lehulehu na Poe i Hopuia ma ka Huli Koolau

Ma kela huli Koolau na kanaka hooko kanawai waiona kahi i holapu ai i na kauhale o ka poe puhi rama ma ka Poalua nei a ua lehulehu na kauhale a lakou o ke kipa ana aku ma Kaneohe ae nei, a ua komo mai k-ekahi mau i'a iloko o ka lakou mau upena. Eha mau Kepani i paa ae ia lakou i ka hopuia me 44 mau galani lemuhao, 350 galani rama i hoawaawaia ame elua mau ipuhao puhi rama o 50 ame 60 galani pakahi. Ma kekahi hale ma kekahi wahi kokoke i ka halepule- ma Kaneohe i 'paa ai o K. Kaga, h£ Kepani i ka hopuia, me 12 galani okolehao ma kona wahi noho. Maloko mai o na kauhale o ka poo limahana ma Luluku he Kepani 0 M. Fujinaka ka i paa i ka hopuia me 50 galaai rama i hoawaawaia ame hookahi ipuhao puhi rama o 60 galani. Ma kahi o K. Mataunaga, kokoke 1 ko Kihapai Akoakoa (Coral Gardens) ma ke Kaikuono o Kaneohe, he 32 galani okolehao i paa malaila i ka hopuia.e Colburn nme kona mau kanaka, me hookahi ipuhao puhi rama o 50 galani ame 100 galani rama i hoawaawaia. Ma kahi o K. Tamada maloko o ke Camp 36 ma ka Pali hookahi ipuhao puhi iama i paa malaila i ka hopuia me 200 galani rama i iioawaawaia. O keia niau Kepani haihai kanawai waiona a pau ma ke kakahiaka o ka nei lakou o ka hookolokoloia ana maloko o ka aha federala.