Ka Nupepa Kuokoa, Volume LXI, Number 17, 28 April 1922 — Eia me Kakou Hawaii Na Kulana Maikai No Na Oihana Like Ole [ARTICLE]

Eia me Kakou Hawaii Na Kulana Maikai No Na Oihana Like Ole

E nana wale ae no kakou i ke kulana o kela ame keia lahui like ole, aole no e loaa mai ko kakou o na Hawaii. Ho kulana ikaika, aia me kakou; ko kulana hiehie, kulana holomua, ka eleu, ka mikimiki, a pela aku. Ma keia mau kulana, ina 1 hoohana pono ia ,aole e nele ka holomua; aka nae, ma kekahi mau mana hookahuli i na kulana hana, i iilo ae ai keia mau hiohiona mbikai i mea hoopomaikai ole mai; a ua manaoia no ka pai loa ia aku,i ka ikaika, hiehie, eleu a pela aku, ke kuma ano nui o ka hoohemahemaia o keia mau hiohiona maikai.

Ma ka ikaika hana o keia lahui kanaka, aole e hiki ke hooleia. Ua ikeonaka ia ia mea ma na uwapo o Honolulu nei. Ko hana mai i na hana me ka ikaika, hele pu no ka hiehie, ka eleu amo ka holomua i ka wa hookahi. Ma keia hana maauaua, ho nui ka laki o keia lahui, no ka naikimiki a ēleu. 0 keia mau kulana maiHai ua lilo i mea ole, a ua hoomaopopo ole ia. Ua kiola ke kanaka ikaika i kona ikaika i kahi kupono ole. Ua eleu ma kahi oka eleu ole aku. Ua hoao e hooholomua i na haja e hiki ole ko hooholomua ia, Ua mikimiki wale ma kahi o ka pono e mikimiki ole aku. Maluna o keia mau hiohiona apau ua ku ae ka naauao o keia lahui kanaka a pookela ma kekahi wa i hala, Ua hoolilo nae ia naauao i mea hoo* pilikia wale aku. Ina i alakai pono ia ua naauao la, ma na alahele kupono, ina aole e kau mai keia haulehia ana maluna o kakou. Ua lu wale ia ka naauao i na mea waiwai ole. Ano ka wa ua hiki mai, e hoihoi ae ai ia mau kulana maikai a hoohana E ike auanei kaua i ka pono nui. |