Ka Nupepa Kuokoa, Volume LXI, Number 17, 28 April 1922 — Ka Hoopau Oihana a Kalauokalani [ARTICLE]

Ka Hoopau Oihana a Kalauokalani

Mamuli o ka lawe ana ae o ke Kakauolelo David Kalauokalani, o ke Kulanakauhale a Kalana o Honolulu nei, i ka mana iloko o kona lima, e hoopau aku ia James J. Jarrett, kona hope ma ka oihana, mai kona kulana kakauolelo aku, ma ka la hope o keia mahina, ua hoea mai i ka loaa ana aku o ka ike, i na mana koho o keia kalana, aole he lawelaweia o na hana o ka lehulehu me ke kupono a pololei, elike me ka uku e loaa ana iaia no ka mahina. O ka hele ole mai i ka hana, me ka hoike ole mai i kona poo ma ka oihana, no na manawa lehulehu; ka hoohemahema i na hana o kona keena, he mau kumu kupono loa kela e Hoopau aku ai o David Kalauokalani i kona hope, a ke manao nei ke Kuokoa, ua makaukau na mana koho baloka, e haawi i na apono ana no kela hana a Kalauokalani, malalo o kela mau kumu ae la, a e loaa hoi he haawina a'o maikai, i ka poe apau e lawelawe nei i na oihana o ke aupuni, aole i makemakeia na kanaka*hoopalaleha i ka lakou mau hana, e noho ma na kulana oihana ano nui iloko o ko kakou hookele aupuni kuloko ana. Ma ke kikoo ana aku nae a David Kalauokalani ia Leon K. Sterling, kekahi o na kanaka opio i paa i ke kulana kakauolelo poo oloko o ke keena o ke 'kakauolelo o Hawaii iiei, no kekahi mau makahiki lehulehu ae nei i hala, ua wae ae oia i hope kupono loa nona, a keia pepa e haawi aku nei i kona mahalo, no kela hapaiia ana ae la o Mr. Sterling, ma kekahi anuu kiekie ae, e hauoli ai kakou, no ke paniia ana aku la o ka makalua i hoohakahakaia me kekahi mea kupono loa, a i oi aku no paha kona makaukau.. E lilo angi nae ka hana a David Kalauokalani i hooko aku la maluna o james K. Jarrett, i kumu e hoalaia mai ai na ku-e pili kalaiaina nona ma keia #iua aku; ina nae ua hookahuaia kela hoopau ana aku a Kalauokalani, malalo o na kumu kupono loa, alaila e holo ana na mana koho o keia kulanakauhale, mahope o ka mea i pono, aole hoi mahope o ka njea i ake mai, e pana'i aku i ka ino no ka ino.