Ka Nupepa Kuokoa, Volume LXI, Number 17, 28 April 1922 — E Malama i ke Sabati a e Hoana ia la [ARTICLE]

E Malama i ke Sabati a e Hoana ia la

0 ke poomanao maluna ae., o kekahi ia o na kanawai he umi o ke Akua. Ke hoolilo nei ko ka honua nei i ka la Sabati, i la uhauha, i la no ka le'ale'a, a i la no na hana imi pomaikai. mawaho ae o na la eono o ka pule, i haawiia mai no ke kanaka e hana ai. 1 lawe mai la keia pepa i ke poomanao maluna ae, mamuli o ka hoomaopopo ana iloko o ka nee ana o ke au o ka manawa, i ka nui o ka poe -i make iloko o ke kai, ma na la Sabati, aole nae, ma ke ano he hoopa'i ko lakou make ana na ke Akua, aka he hoohuoi wale no, malia, no ke ku-eia o kela kanawai. Ma ke Sabati koke aku la no i hala, he Kepani ka i make iloko o k'e kai mawaho o Kaalawai, iaia e hele ana i k alawai'a; a ma Waikiki mai hoi, ma i la hookahi no, he mau w*a i piha i ka poe auaukai, ka i kahuli, a e ole wale no ka nui o ka poe hoopakele, pela i yalekana mai ai ko lakou mau ola. Aole ke Kuokoa e hooia aku ana, no ka hakWiakiia o ke Sabati e kela poe, ke kumu o ko lakou halawai ana me na aole pela, oiai he nui na hana hakihaki Sabati, i ikeia ma na wahi e ae, me ka loaa ole he pilikia ma kekahi ano; aka nae he hookahi mea'hiki ole ia kakou ke hoole ae, ua makemake ke Akua ia kakou e hoomanao i ke Sabati, ma ke ano he la hoano ia, a o ka poino ole ana o kekahi poe hakihaki Sabati, a poino hoi kekahi poe, no ke wale no ia kuleana. Ina he poe Kristiano i'o kakou, he poe e hoomana ana 1 ke Akua me ka oiaio, alaila e malamaia ka ihiihi ame ke kapukapu o ke Sabati, elike me ka hana a ko kakou poe kupuna hoomana Akua. i hala e aku i ka make!