Ka Nupepa Kuokoa, Volume LXI, Number 17, 28 April 1922 — Hoopauia Aku o Jarrett Mai Kona Kulana Lawe ke Kakauolelo Kalauokalani i Kona Mana a Hoopau Aku i Kona Hope HE HOOHEMAHEMA I KA HANA KE KUMU Hookohuia o Leon K. Sterling o ke Keena Kakauolelo o Hawaii ma ia Kulana [ARTICLE]

Hoopauia Aku o Jarrett Mai Kona Kulana

Lawe ke Kakauolelo Kalauokalani i Kona Mana a Hoopau Aku i Kona Hope

HE HOOHEMAHEMA I KA HANA KE KUMU

Hookohuia o Leon K. Sterling o ke Keena Kakauolelo o Hawaii ma ia Kulana

No ka hoohemahema i kana hana, ma ke ano he hopo'kakauolelo kalana, no ke kulanakauhale a kalana o Honolulu nei, i hoopau aku ai o David Kalauokaani, ke kakauoeo ia James K. Jarrett, kona hope, mai ka hoomau ana aku i kela kulana, ma ke kakahiaka o ka Poaha o ka pule aku la i hala, a iloko no lioi o ia manawa hookahi, i hookohll aku ai oia ia Leon K. Sterling, i pani ma kahi o Mr. Jarrett, o hoomaka aku ai kona lawelawe ana i na hana o kona kulana hou, ma ka la mua, o keia mahine ae.

O ka hoohemahema i kana mau hana me ka noho i ka hale, aole he hele ae i ka hana, na kumu o ka hoopau ana aku o David Kalauokalani, ia Jaines Jarrett, a ua hoouna pu aku no hoi oia, he leka na Jarrett, ma kela kakahiaka Poaha, e hoiko aku ana, ua lioopauia oia mai ke kulana hope kakauolelo aku, ma ka la liope o keia mahina.

Penei iho ke ano nui o ka leka a ke Kakauolelo Kalauokalani, o ka hoouna ana aku ia Mr. James K. Jarrett, no ka hoopau ana aku i kona noho hope kakauolelo kaInna ana:

"No na kumu i maopopo loa ia oe, a no ka pono o ka oihana, ua konoia mai au e hoopau aku ia oe, mai kou kulana aku he hope kakauolelq kulanakauhalo a Ikalana, e mana ana ma ka la 30 o keia mahiua." '

Ma ka hoakaka a ke Kakauolelo Kalauokalani, aole i hele iki mai o Mr. Jarrett i ka hana mai ka Poakahi mai, ahiki wale i kela lioouna okoa ia ana aku o ka leka hoopau iai», a hc hana mau no ka ia na . Jarrōtt, i na mannwa Jehulehu mamiia aku, me kona hoiko ole aku imua o ke poo o ke keena kakauolelo kalana.

I7a hookohuia o Mr. Jarrott, no ko kulana hope kakauolelo kalana, ma ka la 1 o lulai, 1919, no ka -uku mahina o $300. I kinohi, wahi hou a Kalauokalani, ua mau o Mr. Jarrett i na hana o ke keena, aka mahopo mai nei, ua hoohemahenia loa oia i kana mau liann, ahiki wale no i ke kono okoa ia ana mai o Kakauolelo Kalauokalani, e hoopau aku iaia.

O ka'mea hoi a Kakauolelo Kalauokalani i kikoo aku la, i pani ma kahi o Mr. Jarrett, oia o Leon K. Sterling, ke kakauolelo poo oloko o ke keena o ke kakauōlelo o Hawaii, kekahi o na opio kahiko loa, o ka noho hana ana maloko o kela keena a i kamaaina iwaena o ka pohai, o na luna oihana o ke Teritore ame kalana.

Ua haawi mai oia, i kona apono e l.awe i keia kulana hou, a e hoomaka aku ana kona hana ana, he hope. kakauolelo kalana, ma lea la 1 o ka mahina ae nei o Mei.