Ka Nupepa Kuokoa, Volume LXI, Number 18, 4 May 1922 — Page 7

1Ka Nupepa Kuokoa

KE KILOHANA POOKELA NO KA LAHUI HAWAII.

 

MOOLELO O KA AHAHUI HOOIKAIKA O NA HANA KRISTIANO O NA C. E. O KA MOKUPUNI O OAHU, KAU O APERILA, 1922.

 

La Hana 1.

            @ ka halawai hana a ka Aha@ o na Hooikaika Kristiano o ka Mokupuni o Oahu, ma ka luakini o Central Union Church, Aperila 5, @ hora 3 p. m.

            Peresidena, Rev. H. K. Poepoe, ma @ nono. a hoomakaia na hana me ka himeni 27, L. H. ame ka pule a @ peresidena.

            Na ka peresidena i kauoha i ke @uolelo o hoomaopopoia na lala o eia aha a ua hookoia eliche me ia @ iho, penei:

            Na luna nui__Rev. H. K. Poepoe, @ Wm. K. Poai, Paalua D. Kel@ aloe i hiki mai; Jas. H. S. Ka@ J. K. Pa@le, L. K. Kupau, Ed@ Kahele, S. K. Kahele.

            Komi@e hoeueu__Jas. H. S. Kaleo.

            Komite kiai o na Kona__Mrs. Ju@a Smythe ame Mrs. A. J. Mawae; M@ R. L. Clark ame Mrs. M. Kuikahi ko na Koolau.

            Na peresidena ame na elele__Jas. H. S. Kaleo, pres. Kawaiahao Sr.; Mrs. Susan Kaahea, elele; Mr. Moses @a. pres Kawaiahao Opio, Miss @ @x, elele; Miss R. Akana, pres. Kawaiahao Kuwaena ame Pokii, me Miss Susie Hussey, elele, aloe i bi@ mai@ Miss Lydia K. Kawainui, a@kai, aloe i hiki mai; Mrs. Julia Smythe. pres. Kaumakapili Sr., Mrs. Maryann Apela, elele; Miss Lono, @ Kaumakapili Opio, Miss Ka@ha@imehewa, elele, aloe i hiki mai; Mrs. A. J. Mawae, pres. Kalihi me Moanalua Sr., Mrs. Agnes Spencer, elele. Miss Ane Kaulia, pres. Kalihi me Moanalua Kuwaena, Miss Amy Kauhi. elele; Miss Mary Keliikoa, pres. Kalihi me Moanalua Pokii, Miss Agnes Spencer, aloe. i hiki ma@ Mrs. Mary Kekai, alakai o na @. @. Haiia o Kalihi ame Moanalua; Mrs. J. Keala pres. Ewa Sr., Mrs. Kilipoae Smith. elele; Mrs S. W. Spencer, pres. Waianae Sr., Mrs. R. Kapela, elele: Fred Kaahaaina, pres. Waianae Opio, Miss Sarah Lopes, elele. aloe i hiki mai; Mrs. Lovell Kupau. alakai ma a Lovell Kupau, Mrs. Maryann Spencer, pres. Pohai@loha, aloe i hiki mai, aloe no he elele; Mrs. R. L. Clark, pres. Waial@ Sr., Mrs. L. K. Awai, elele; Miss Plemer, pres. Waialua Opio, Miss Daisy Clark, elele; Miss Hazel Anoholani, pres Waialua Pokii, Miss Gilman, elele; Mrs. Rose Aiau. alakai. Sam H. Kahele, pres. Hauula Sr., Mrs. Emily Kekua, elele; Battie Kekona, pres. Hauula Opia, Maraea Kekua, elele; Mrs. Kamaka, pres. Waikane Sr., aloe i hiki mai; Mrs. Mary Kalualii, elele; Mrs. M. Kaikahi, pres. Kaneohe Sr., Mrs. Jas. Hoapili, elele.

            Na lala mau__Rev. W. K. Poai, S. K. Oili. Wm. Kamau, Sol. D. Nuuhiwa. J. P. Erdman, H. P. Judd. J. K. Paele, J. K. Lota, S. K. Kamaiopili, Jas. H. S. Kaleo, Paalua D. Kellett. Na hoa, o ia na lala Aha Makua ame Kula Sabati.

            Na ka peresidena i hoomaopopo i ka moolelo o ke kau i ala, a ma ke noi @ Mrs. A. J. Mawae e hilinaiia ka moolelo o keia aha i ke kakauolelo, ua aponoia.

            Na ka peresidena e kauoha ana i ke kakauolelo e hoolaha ae i na komite kumau o ka aha, a hookoia e@k@ me ia malalo iho penci:

            Komite palapala__J. K. Paele, Mrs. Susam Kaahea me G. M| Kauaulalena.

            Komite han hou__W. K. Poai, Mrs. Julia Smythe ame Jas. H. S. Kaleo.

            Komite hoike peresidena__Mrs. A. J. Mawae, Mrs. Rose Kapela ame Mrs. Jas. Hoapili.

            Komite hoike elele__S. K. Kahele, Mrs. M. Kuikahi me Mrs. J. Keala.

            Komite hoalohaloha__Mrs. L. K. Awai, Mrs. Maryann Apela me Mrs. Agnes Spancer, a hooneeia na hana ima. ma ka hoike a ke komite hoeue@.

            Na Jas. H. S. Kaleo o ke komite i waiho mai i ka hoike, a aponoia.

            Hapaiia na hoike peresidena e hoomaka ana ma Kawaiahao:

            Na Jas. H. S. Kaleo i kana hoike; na Mrs. Julia Smith i kana; ua Mrs. A.J. Mawae i kana; na Moses Ina@ i kana: na Mary Keliikoa i kana. na Mrs. J. Keala i kana; na Mrs. S. W. Kekuewa i kana; na Lovell Kupau i kana; ua Mrs. R. J. Clark i kana; na Maryann Pleme@ i kanal na Miss Hazel Auololani i kana; na S. K. Kahele i kana; na Mrs. M. Kuikahi i kaua.

            Na ke kakauolelo i ko Kaumaka@ Opio, Waianae Opio ame ko Kalihi @ne Moanalua a waihoia na hoike apau maluna ae i ke komite,

            Na kapaeia ka hoike o Waikane S@ no ka hiki kino ole mai elike me ka hooholoia ana ma ke kau ma Waialua i hala,

            Hapaiia ka hoike a na elele, e hoomaka ana ma Kawaiahao.

            Na Mrs. Susan Kaahea i kana hoike; na Miss C. Cox i kana; na Mrs. Maryann Apela i kana; na Miss Martha Kapohakimohewa i kana; na Mrs. Agnes Spencer i kana; na Miss Any Kauhi i kana; na Mrs. Kilipehe Smith i kana; na Mrs. R@ Kapela i kana; na Mrs. L. K. Awai i kana; na Miss Daisy Clark i kana; na Mrs. Emily Kekua i kana; na Mrs. Mary Kalualii i kana.

            Na ke kakauolelo i ko Waianae Opio. Kalihi me Moanalua Pokii, a@ ko Waialua Pokii, a waihoia na hoike apau maluna ae i ke komite.

            Kumuhana i hoopaneeia mai kela k@ a i keia kau: 1. $25,000 no ke kukulu ana i Papa Hawaii no na Hawaii: 2. i kanalima keneka na kela ame keia lala o keia Aha o ka mahina no ke kokua ana i ka poe e hei ana iloko o ka aina hoopulapula.

            Ua hoopaneeia a waiho mai ke komite i waihoia alu ai o keia hana, Rev. A. Akana, Wm. Kamau, L. K. Kupau, J. K. Nakila ame M. K. Benjamin.

            Na W. K. Poai i waiho mai i hana hou ma ke kapaeia ana o na @uia. a aponoia, me ka noonoo pakahi ana ma ke noi a Mrs. A. J. Mawae.

            Hoike hookuku himeni i ka Paeaina: 2, ke ola o ka Aha Paeaina, ua hooholomua in penei:

            Na C. E. Makua. $25 a pii aku; na @. E. Opio he $10 a pii aku; na C. E. Kuwaena, $10 a pii aku; na C. E. Pokii. $5 a pii aku.

            @ Alahele o ka peresidena nui i @a C. E. o ke Ao nei__ua pau i ka maheleheleia.

            @ Hoike na na C. E. o keia aha no ka hoomahuahua ana i kona waihona, a aponoia, a waihoia i ke komite hoeueu ka manawa e malamaia ai na hoike.

            Kumuhana na David Kapohakimoh@wa i waiho mai: E kohoia i komite hoeueu no na Opio, Kuwaena ame Pokii e hui pu aku me ke komite hoeueu o na Makua.

            Ua laweia a nooonoo, a ma ka noonooia ana, aponoia; a kohoia na komite kiai__D. K. Kapohakimohewa ko na Kona; Jas. Awai ko na Koolau.

            Noho ka aka a hoolohe i ka haawina heluhelu mai ia S. H. Oni, a mahope o kana heluhelu ana, ua noiia e hoolaha ma Ka Hoaloha, aponoia.

            Lulu no ka aha, he $6.15.

            Hoopaneeia na hana a noho hou i ka manawa ma ka papa hana, me ka pule a ka peresidena.

            La Hana 2, Aperila 6, 1922.

            Noho hou ka halawai han a ka ahahui no na Hana Hooikaika Kristiano o ka Mokupuni o Oahu, eliche me ka hoopaneeia ana, ora 1:30 p. m.

            Peresidena, Rev. H. K. Poepoe, ma ka nono, a hoomakaia na hana me ka himeni30 L.H., ame ka pule a ka peresidena.

            Ma ke noi a W. K. Poai ua kapaeia ke kaheainoa ana, a heluheluia ka moolelo o ka halawai i hala, a aponoia me ka halawai i hala, a aponoia me ka hooponopono ma ke noi a Mrs. Susan Kaahea.

            Hapaiia ke kumuhana o $25,000 i waihona Papa Hawaii no na Hawaii, elike me ia i waihona ma ka lima o ke komite, Rev. A. Akana, Wm. Kamau, L. K. Kupau, J. K. Nakila ame M. K. Benjamin, a mamuli o ka hiki ole ana mai o ka lunahoomalu, ua hoopaneeia ahiki mai oia.

            Na W. K. Poai he hoike hapa a ke komite o n@ hana hou a aponoia me ka noonoo pakahi ana i na kumuhana, ma ke noi a Mrs. A. J. Mawae.

            Kumuhana 1. I haawina kokua na keia Aha no Makua. Ua aponoia, a waihoia i ke komite__W. K. Poai, L. K. Kupau, S. K. Kahele, Edward Kahele ame J. H. S. Kaleo, no ka hui pu ana aku me ke komite o na Ekalesia Pilikia, maluna o keia kumuhana.        Kumuhana 2. Noonoo ana i haawina kokua i ke keiki a keia Ahano ka hoonaauao ana. Ma ka noonooia ana, ua aponoia, e uku aku i $10 i kela ame keia mahina ahiki i keia kau ae.

            Na Mrs. A. J. Mawae i ka hoike papahelu a na peresidena, he 15 ka nui o na hoike, 2 hoike alakai, na lala 510; na hoa 83; na halawai hana, 86; na halawai haipule, 99; na halawai hoolaa, 59; averika helemau 269; okiia 1; make 3; na dalaloaa, $2484.76; na dala hoolilo, $980.99; na koena ma ka waihona, $1498.37; a aponoia ka hoike ma ke noi a Mrs. Julia Smythe.

            Na S. K. Kahele i ka hoike elele he 16 hoike elele, he 9 hoike C. E. Mahua, 4 Kuwaena ame 3 Pokii. He maikai a holomua na C. E. o ke kulanakauhale, a o na C. E. mawaho ae o ke kulanakauhale he o ia mau no ka nee malie. He mea maikai nae e loaa ona mau kahu mai nana e lawelawe elike me ko Kaneohe C. E. a aponoia ka hoike ma ke noi a Mrs. R. L. Clark.

            Lulu dala no ka aha he $5.65.

            Na Rev. A. Akana i ka hoike a ke komite no ka huina o $25,000 i Papa Hawaii no na Hawaii; ua apono ke komite i ke kumuhana.

            Na Mrs. A. J. Mawae he noi e laweia ka hoike a noonoo, aponoia.

            Ma ka noonooia ana, ua aponoia ka hoike a ko komite, waihoia a waiho mai ke komite o ka Aha Makua i kana hoike maluna o keia kumuhana.

            Kahi ame ka manawa o noho ai o ka aha. Ma ke noi, ua aponoia, e noho ma kahi e noho ai o ka Aha Makua.

            Na W. K. Poai he noi, na ke kaka@olelo e haawi aku i ka hoomaikai a keia aha i ka Ekalesia o Kaukeano ma o kona kahu la.

            Na Mrs. Julia Smythe he noi e hoala hou ia ka noonoo ana i ke kumuhana i hooholoia, no ka hoike o na C. E., aponoia.

            Ma ka noonooia ana, ua hooholoia i eha hoike ana o ka makahiki, i hookahi ana o ka hapaha, a o na loaa e mahelei penei: 1-3 no ka waihona o keia hana; aponoia.

            Hoopanee loa ka Aha me ka himeni 132, L. H., me ka pule a ka peresidena.

JAS. H. S. KALEO.

Hope Kakauolelo C. E. o Oahu.

 

IKE I KA NANI O PUUOHAWAII

 

            Solomon Hanohano, Lunahooponopono o ke Kuokoa, Aloha oe:__E oluolu mai i kahi kaawale o ka hiwahiwa a ka lahui, ina e loaa ana e hookomo iho i keia mau mea ano nui o ka manawa.

            Ma ke kakahiaka poniponi o ka la 19 o Aperila, ia'u i maalo ae ai ma ke kihi o ke alanui Moi ame Kekaulike, lohe ae la au i kekahi leo e kahea iho ana i ko'u inoa, a ia'u e nana ana ma o a i kai a iuka, ike aku la au i ke ani peahi o ka lina akau, e kuhi ana ka lima hema i ke komohana a e popohe ana hoi ka ula a ke lai ilima i ka ipu o ka papale lauhala.

            E nalu ana au iloko o'u owai la hoi kela lede hookolohe o keia kakahiaka, e kahea nei ia'u@ E hooko ana au i kela kahea. Ia'u i hookokoke aku ai, auwe, eia ka o kuu hoahamau no, ke alakai nui o na aoao kalaiaina ma na kihi alanui  o Moi ame Betela, o ia no ke keiki lalawai o Moanalua ha'i ke au, Mr. J. K. Mokumaia.

            "Good morning," wahi a kuu hoahanau, "aloha oe!" wahi a'u. Kuhi no kela a komo au iloko o ke kaa otomobile a kau mai la no hoi kela, kula'i ke ki, o ka oni aku la no ia o ka mikini, he owe ka'u e lohe la, ku ana i ka Makeke Aala.

            Kahea kela me ka leo nui, a hoea ana he kanaka nui pepeekue me ke kini, ku ana he Pake me na puolo, hoea ana he wahine me na puolo num@i, auwe, ke nalu ala au iloko o'u, he ahaaina ka keia kumu o'u e laeia nei.

            I ke komo ana o keia mau ukana iloko o ke kaa, o ka onu aku la no ia momua, ma ke alanui Moi. Minau aku la au i kuu hoahanau. aia ihea keia laua a kaua e hele nei!" "Aole o kana mai ka nui o keia mau meaai au o ke kaui ana," o ka'u pane ia.

            Pane no kela, "Brother, o ko'u ano ia, elua no la pau keia mau meaia au e' ike la."

            I hou aku la au: "Oiaiokela, ua hoike mai no ia ma kou kulana ola kino o ia hoi, nui no oa i ko ai pinepine, oi loa aku hoi ka wahine a kaua, ke pauhananuu loa iho la," a hu ae la ka maua aka.

            Mawaho ae o keia mau hookaauolelo ana a maua, ku iho la ko maua mikini mawaho o ka pukapa 'o ka ilina, kahi hoi a na ohana he lehulehu e moe la i ka moe hope loa ana o ke kanaka, kahi hoi a na kamaaina o Moanalua i hoomeia ai, kahi hoi a kuu hoahanau J. K. Mokumaia, i imi a hooikaika iho nei, e lilo mai i ilina no na hoaaina e noho nei me Moanalua.

            He oiaio, ma ia imi hana a hoomanawanui ana ua loaa i'o mai, aole no nae iloko o ka hamumu o ke aheahe malie, aka, iloko no o ka uluaoa o na like ole, pela kana ha'i mai ia'u; o ka'u puna i kuu hoahanau, ina e kukuluia na hana apau me ke Akua, e hiolo ana na manao kipi o na keiki a kanaka.

            Nana kaua ia Paulo ka lunaolelo, pilikia i na muliwai, na kahawai, na halepaahao, o ka oi aku o ka pilikia i na hoaloha. Imua e kuu hoahanau, ma kau hana ana me ka holopono, o ia mau mea maikai apau e hoolawa aku ia mau pono no kela mea keia mea e noho ana ma Moanalua.

            He nani maoli ka waiho ana e keia ilina. O ka inoa o keia ilina mai ka wa kahiko mai, o ia no o Puu o Hawaii; he nani kona i oi aku i ko na ilina apau o keia teritore; aia knoa alo i ke awawa o Kahauiki, he u'i me ka hanu ana aku i na ea oluolu mai ke kuahiwi mai, kona aoao ma Ewa, e kiei aku ana i ka uliuli o ka aina nani o Moanalua; o kona aoao makai, e huli pono ana i ka moana, e waiho wale ana mai ka Puu o Daimana Hila a iluna o kaupoku o Kaala, a ma ka aoao hikinahema e hoopuniia ana e na halo nani o ka oihana koa ina.

            O ke kiekie o ka pa e hoopuni ana he 3 kapuai, elua puka pa he apana aina hou i lilo mai ia J. K. Mokumaia, no ka pomaikai ia o ka ilina, nona ka nui aneane 1-8 eka, ua maheleia a kaawale ko na Pake, kaawale no ka na Hawaii; ua palauia ka aina, waeleia, a okiokiia na laau inoino apau; ua penaia ka pa, a ua komo ke paipuwai; hookahi kanaka hana paamau me ka ukuia ma ka mahina. Nui ka maikai o na mea i hanaia.

            He nani pu me ke alanui ma ke alo o keia ilina, ua hamo puna ia na kumu kiawe e hoomalumalu ana ma ka aoao o ke alanui, aia he mau pohaku i kukuluia me ka hookakaawale ia ana, ua homoia me ka puna a keokeo, he hoailona hoi no na kaa holo o ka po, oiai o ke alanui no ia e holo o ka po, oiai e ke alanui no ia e holo hio ana i ka hikina akau a iho ilalo o Moanalua.   

            Haalele iho la ka mikini o maua i ka pa-ilina e holo hio ana i ka hikina a e iho ana i ke alu, huli hou i ke komohana me ka pahee wale no ia, a ku ana ko maua mikini mawaho o keia hale.

            "O ko'u halekaa keia e brother, e komo kaua e makaikai." o ko maua komo aku la no ia, e kiei ana ma-o, mamua, mahope, maluna iho a malalo ae, o ka'u mea oi i ike ai, he pahuhae ua makaukau me kona mau pono apau; he pahu hae keia au. "Ae" wahi a J. K. Mokumaia. "E kukulu aku ana au i keia pahuhae iloko o ka ilina a kaua i makaikai mai nei a e hukiia ana ka hae ma ka la kaupua e hiki mai ana." Helu ekahi no!

            Haalele ilaila, oni aku la ka mikini imua he mau sekona no a ku iho la mawaho o ka home o kuu hoahanau. "O ko'u home keia," lele ilalo a komo aku la i ka olu o ua homa la.

            Ohi kela i na puolo, na kini apau iloko, ia wa ike iho la au i ka pololi o ko'u wahi opu; makaikai iho la ialoko, iwaho, kahi punee no hoi o brother e pupue ai, na kukui uwila, na hale moa, ka rumi aina, rumi kuke ne pu like ole, o ia hoi, pukuhiahi pu raifela, pu kimanu pu paea ame ka pu puhi o ke au kahiko.

            O keia mau mea apau a'u i ike ai, he ku i ka nani ame ka maikai, eia nae, ke pololi loa mai la e kali aku ana o ka i mai o brother e ai, aohe puai leo mai, aole ka lede o ka home ia la, ina paha oia ko ka hale ina ua makaukau kahi ai, ke hele mai la e pololi loa.

            Komo aku la ma na rumi moe "o ko'u moe keia, o ko ka wahine a kaua, o ia kela ma o." Ke pololi loa iho la. Aohe no he pane leo no ka ai. Puka ma ka puka mamua, no kahi o ke kaa, kau iluna, kuli'i ke ki, oni ka huila no ke alanui Kekaulike ka pahu hopu.

            He elua hora ame 45 minuke o keia huaka'i makaikai, he ku i ka nani ame ka maikai o na mea a'u i ike ai, ke alanui, ka pa ilina, kana hooponopono ia ana, na hana hou, kona moolelo, ka pahuhae i hoomakaukauia, ka hoomanawanui i ka pololei ka ike ana i ka home me na nani apau, ka ono o ka puu i ka ai, na kamailio ana he ku i ka nani.

            Aka o ka pololi aole puai leo mai o brother, hiki ma ke stand, lululima me brother me na hoomaikai nui a hookuu ae la maua, a mawaho ae o keia mau mea a'u e hoike nei, he mau alakai kupono keia no na kanaka Hawaii; he mau kupuna, mau makua a mau mea aloha, a moe mai la ma na ilina apau o keia Teritore e alakai ai.

            E kupaa, hana me ka hoomanawanui me na hooponopono kupono no ka pono o kela me keia ilina.

            Me keia mau manao, ke waiho aku nei imua o Mr. Lunahooponopono, me ka haahaa,

W. H. THORNTON.

 

KE KUAIIA NEI KA WAIU MA KA MAKEKE KALANA

 

            Ma ke kakahiaka o ka Poalima o ka pule aku la i hala he 17 keneka ke kumukuai o ke kuata waiu ma ka makeke kulanakauhale ame kalana ina e kuaiia ana malaila, a ina no ka laweia aku i kahi i makemakeia he 18 no ke kua ta, o ia hoi hookahi keneka ka pii hou ae no ka luhi o ka lawe ana aku i kahi i makemakeia mai ai o ka waiu.

            No ke paina waiu he 9 keneka a he 10 keneka ina no ka lawei aku i kahi i makemakeia, a no ka hapa paina he 5 keneka, a he 6 keneka ina no ka laweia aku no kekahi wahi.

            No ka waiubata (buttermilk) he 30 keneka no ke kuata, o ia hoi he ekolu kuata kilima awaawa a he 9 kuata waiu hou i wiliia, a ma ia ano i loaa ai ke ano o ka waiubata oiaio maikai.

           

HE HOALOHALOHA NO KE KULA SABATI ME EKALESIA O MAKUA.

 

            Mr. Sol. Hanohano; Aloha kaua:__E oluolu hoi oe, e hookomo iho i keia hoalohaloha no na makuahine o ka ekalasia o Makua, ma kahi kaawale o ka kaua hiwahiwa, no Mrs. Kuhi Palau ame Mrs. Kela Kaukini.

            O makou o na hoahanau ame na lala o ke Kula Sabati o ka Ekalesia o Makua, oiai ua oluolu i ka Makua Lani, i ka lawe ana aku i ka hanu ola o ko makou mau makuahina aloha a mau hoapaahana pu iloko o na hana o ko Iesu aupuni, a he mau makuahine hoomanawanui i na hana apau o ko laua ekalesia ame ke Kula Sabati.

            Ua haalele mai o Mrs. Kuhi Palau, i keia ola ana, i ka la 30 o Maraki 1922, ma Waianae, ma ka home o Mr. Harry G. Poi; he makuahina hoopono ma na ano apau iloko o na hana o kona ekalesia ame kona Kula Sabati; a he puuku oia no ke Kula Sabati o Makua, iloko o na makahiki he 11, o kona paa ana i keia kulana, aka mamuli o ka nawaliwali ma ke kino, ua waiho mai oia i kela hana;; me ka minamina nui i ka makuahine i haalele mai.

            Ma ka la 26 o Mar. 1922, i pauaho mao ai o Mrs. Kela Kaukini i keia ola ana. Hanauia ioa i Dec. 27, 1832.

            Nolaila ua piha iaia na makahiki he 90 a oi; a he kupa oia no keia aina; a he makuahine hooikaika i ka imi ana i na mea e holomua ai o Kona ekalesia, a he puuku oia no ko makou ekalesia, a ua paa oia ia kulana iloko o na kamahiki loihi, a na ka palupalu, ua waiho mai ioa ia kulana me ke maikai,

            Nolaila ua piha iaia na makahiki he 90 a oi; a he kupa oia no keia aina; a he makuahine hooikaika i ka imi ana i na mea e holomua ai o Kona ekalesia,  a he puuku oia no ko makou ekalesia, a ua paa oia ia kulana iloko o na makahiki loihi, a na ka palupalu, ua waiho mai oia ia kulana me ka maikai,

            Aka aole i poina na hana o  kona ekalesia aloha ana i hoomanawanui ai, a pela pu me na hana o ke Kula Sabati, aole loa ois i poina ahiki i kona haalele ana mai.

            He makuahina oluolu, a he makuahina hoopono e hookipa ana i ka poe kiekie ame ka poe haahaa.

            Nolaila me ka minamina nui ame ke aloha no ko makou mau makuahina i haalele mai i keia ola ana, ke komo pu aku nei makou me ke kaikamahine i hooneleia i ka makuahine i hooneleia i ka makuhina ame ke kane i honele ia i ka wahine, a na ke Akua no e hoomama mai i na kaumaha ame na luuluu.

            Ma o ko makou mau komite Ia.

Komite o ke Kula Sabati__

PETER ANDREWS,

GEO. W. KAIMIOLA,

Komite o ka Ekalesia__

JOS. KIA,

JAMES HELENIHI

 

HE KANAENAE ALOHA NO KO MAKOU HOAPILI.

 

            Pouli ka lewa nui,

            Ne i nakolo ke ku'i a ka Hekili pamalo,

            Ka ono@i-ula i ka piko hau o Maunakea,

            Pi'o ke anuenue nui akea,

            Ka-ua-koko-ula i ka lewa,

            Eo ia Hilo Hanakahi,

            Hele hookahi kupuohi,

            Enaena i Keahialapalapa,

            Anu maele-loko-i-ke-kapu-likoliko,

            Ua nalo, nalo na maka i Knopualani,

            Nou na waimaka aloha,

            Aloha wale oe__a!

            E ke Kuokoa aloha, ka elele ahai aloha a ke lahui, Aloha nui kawa:__ E oluolu mai oe i ke kauwahi rumi kaawale o ka kakou kilohana aloha i ko makou hoapili i aloha nui ia i haalele mai i keia ola ana.

            Ma ke kakahiaka hora 8 o ka Poaha hemolele, Aperila 18, me ka palanehe maile loa, i mio mai ai ka anela kiai o ka make, a hii aku la i ka uhane aloha o ko makou koapili i aloha nui ia, Malieokamalu Kekupuohi Keahikunialapalapaokeanumaeleokekapulikoliko Laura Makakuikalani, a hoihoi aku la aiai kahi o ka poe i hoomaha na luhi, a waiho iho la ia makou, i ka ukana luuluu he waimaka na ke aloha. Auwe ko makou aloha ai oe e!

            E uwe ae ana no makou i na wahi a kakou e pili aloha ai. Aloha ka huikaulua @ ke kaona, me na hoaloha he nui wale a kakou e hauoli pu ai. Aloha ka halepule o Maileokamalu, o ia wahi laahia a kakou e pipili ai ka pono no ka uhane. Aloha ae nei Hilo Hanakahi hele hookahi oe i kau huakai, wehe oe i ka pili aloha a kakou e mikiala ai no ka halepule, e au ae ana aole oe. us kuu ka luhi i o Kulu, ua pili me Mahealani i ka poli o Kalanikapunui ko aloha, Aloha wale oe__a!

            Me keia mau waimaka o ke aloha nona, ke haawi aku nei ko makou mahalo nui ia oe e ka hookele aloha o ke Kilohana, ame kau mau kaiki aloha.

            Ke noi ae nei i ka Makua Lani e hoomama ae i ko makou mau waimaka, e hoomama pu ae i na luuluu o kana kane aloha. E hoonani ia Kona inoa, Nana no i haawi mai, a Nana no i lawe aku.

            O makou iho no na hoaloha i Waiakea Homestead nei,

ELIKAPEKA K. GURRERO,

KELEKIA K. H. AKONA,

LIZZIE K. KAUHIKAHU,

Hilo, Hawaii, Aperila 24, 1922.

 

KE ANO O KE KALAIAINA

 

(Kakauia e Z. P. K. Kawaikaumiikamakaokaopua.

            1. Eia ka ha o na mea ikaika, ola ole i hoohana nui loa ia e ke kanaka, o ka mahu. Ua oi loa aku kona ikaika mamua o ka makani ame ka wai. Akahi no a hooanaia ka mahu, i keia mau makahiki wale no. Aole i ike ia mamua. He kanakolu no mau ka wa ma io ka hoomaka ana e hoohana i ka mahu, a i keia manawa ua laha loa. Na kekahi kanaka o Amerika i hana mua i ka mokumahu a maikai, a mai ia manawa mai, ua waiwai loa na aina ma ia mea.

            Eia kahi i oi aku ai ka maikai o ka mahu mamua o ka wai ame ka makani. Hiki no i ke kanaka ke hoemi, a ke hoonui hoi i ka mahu ma kona manao. Aole pela ka makani ame ka wai. Ua hiki pono no i ka mahu ke hoohanama kahi hookahi, a hiki no ke laweia maluna o ka moku, a maluna o ke kaa; nolaila. ua pono no ka mahu ma na wahi apau loa i loaa ai ka wahie. Eia nae kekahi mau mea hakalia i ka hoohana ana i ke mahu. He hana nui loa ka hana ana i ke kapuahi, a me na huila, ame ka oihana e pono ai. A he mea nui ka malama ana ia mau oihana, a i ka wa e ha'i ai hana hou, a nui ka waiwai lilo mlaila. He mea nui loa no hoi ka wahie, ina he uuku ka wahie, aole pono, aole hiki ka mahu, nolaila, aole i hoohanaia ka mahu ma kahi wahie ole. Ma Beritania, o ka lanahu ka wahie, a pela no ma kau wahi o Amerika. Ina manao ke kanaka e hana i huila hana, eia ka pono, e noonoo mua oia ika wai, i ka makani ame ka mahu.

            Ina i nui ka wai kahe ma kahi kokoke, aole hoi he wahie, aole mekani, alaila, ua maopopo, o ka huila wai ka pono a ina aole wai, aole hoi e pono ka makani a ua nui ka wahie, a ua ika na kanaka e hana i kapuahi mahu, i mea e kaa ai ka huila, alaila pono ka huila mahu.

            I keia manawa, ma Amerika, ua oleloia he hapa ka waiwai lilo ke hana i huila mahu a ua nui ka lilo i ka huila wai.

            Eia kahi i oi ai ka maikai o na mea ikaika ola ole, mamua o na mea ola: 1. Ua oi loa aku ka ikaika o na mea ola ole, ma kahi nuku. O ke kapuahi mahu, ua uuku, a pono ewaiho ia mea iloko o ke keena uuku, a kau na noi maluna o ke kaa, ua oi aku kona ikaika mamua o na lio hookahi haneri. Ina i manao ia na lio e kauo i ka moku, piha e ka moku, aole wahi kaawale no ka lio ma ka aina a kauo i ka moku lohi loa, aole elike me ka mahu, ua ikaika loa no ka mahu.

            2. Eia kakahi maikai o na mea ola ole, ua mau ko lakou ikaika, ua molowa ole, aole hoi i maloeloe. Ina hana na holoholona i ewlau hora i ka la hookahi, ua lohihi ia. Alaila pono iaia e hoomaha, a ai, a moe. A meloeloe lakou, alaila, oki ka hama. A ina ikaika ka hana ana, aole hiki i na hora ewalu. O na lio kauo kaa ma Anerika, ekolu hora wale mo e hana ai a elua kakahi.

            Ina loihi aku ka hana ana, nawaliwali koke, a make no. A nolaila, ina kauo na lio ekolu i ka waa, ekolu no hora e kauao ai a hoomaha, alaila komo hou mai na lio ekolu, a he iwakalua-kumamaha lio a hoonanaia i ka la hookahi. Aole pela ka makani, ame ka mahu, ame ka wai. Aole lakou e make, aole e maloeloe i ka hoohana nui ia.

            3. Eia kekahi maikai o na mea ikaika ola ole, he mea huai ole lakou, a ina he mea kuai, he mea kuai liilii. He mea kuai nui ka lio, ame ka bipi, ame na holoholona hana apau. He mea huai ole ka makani, a he mea kuai liilii paha ka wahie, a he mea kuai ole ka mahu. Lilo nae kekahi waiwai i ka hana ana. Aole nae i nui kela lilo. Ua nui loa ka lilo i ka hanai ana i na holoholona.

            Aole i hanaia na huila mahu. Ina a manaoia na na lio e kauo i kekahi mokumahu, eha haneri me kanalima lio, hiki paha. Aka, i ke kuai ana i kela mau lio, he kanaha-kumamaha tausani dala ka lilo. Ua nui loa ia lilo, he hapa ke kuai ana i kapuahi mahu. Ua nui loa no hoi uuku ka lilo i ka lanahu ame ka wahie e holo ai ka mokumahu.

            He mea nui loa keia ma na aina uuku, kahi i pilikia ai kanaka. Ma ia mau aina, pono loa na mea ikaika ola ole. Ma kahi aina e ola aika lio hookahi, ola na kanaka ewalu. Nolaila, pono loa ka haawi ana i ka hana a na holoholona na na mea ikaika ola ole. Alaila kaawale na aina kahi e hanaiia ai na holoholona, a nui na kanaka e ola malaila.

            4. Eia kekahi pono o na mea ikaika ola ole. He hapa ka make o na kanaka ma ia mau mea. I ka hooholo ana i na lio, a i ka hookana ana i na holoholona, ua make no kekahi kanaka. He mau mea huhu na holoholona, a holohe i kanaka Aole huhu ka wai, ame ka mahu, ame na mea ola ole. Nolaila, hiki no i ke kanaka ke hana ma kona manao, a i na hihia, no ke kanaka no ka hewa.

            Ua uuku ka make ma na kaaahi ame na moku ahi, ua nui ka make ma na kaa lio. He mea hou no hoi ke kaaahi, ame ka mokuahi. A ike nui na kanaka, a maa i ka malana ana i kela mau mea, alaila pau ka make, aole make iki ma ia holo ana.

            5. Eia kekahi maikai o na mea ikaika pia ole. Hana wale lakou me ka eha ole. Ina hoohanaia na holoholona ua eha lakou, a ina ikaika, a loihi ka hana ana, ua nui loa ka eha. Aole pela ka mahu, ame ka makani, ame ka wai; aole wha kela mau mea. Aole hiki i ke kanaka ke hana ino aku, a hoeha ia mau mea. Aole loihi ke ola ana o na holoholona i hoohana ikaikaia.

            6. Eia kekahi maikai o na mea ikaika ola ole. Ua oi mau ko lakou ikaika i ka wa e holo wikiwiki ana, a i ka wa lohi. Aole pela na mea ola, ina hele malie ka lio, elua mile i ka hora hookahi, ua oleloia, pono ia ia 200 paona ke halihali. Ina ekolu mile ka hele ana i ka hora hookahi, alaila pono ia ia 162 paona. Ina eha mile kona hele ana ika hora hookahi, pono ia ia 130 paona.

            Ina elima mile kona hele ana i ka hora hookahi, alaila pono iaia i 98 paona. Ina eono mile kona hele ana i ka hora hookai, alaila, pono iaia i 60 paona, a ina holokiki loa ka lio, aole pono iaia ke halihali ukana. Aole pela na mea ikaika ola ole. Ina holo loihi, a ina holo wikiwiki, ua pono like no ka ukana nui. Aole pela ka holo ana a ke kaaahi, ame na mea ikaika ola ole apau.

            No keia mau ano o na mea ikaika ola ole i keia manawa, ua hoohana nui loa ia lakou. No ko lakou ikaika, a no ko lakou wikiwiki, hikiwawe na hana, hikiwawe na kanaka ke hele i kahi e hele ai, a ua emi ka uku o ka lawe waiwai mauka. Ua kokoke like ke kuai mauka lilo, a ma kahakai, ua like hoi ka makemakeia o kahi mauka, me kahi e pili ana i kahi e noho ana.

(Aole i pau.)

 

KE KAKALI MAI NEI KA MEIA NO KE KII AKU I KANA DALA.

 

            Ma ka Poaha o ka pule aku nei i hala ua komo aku la kekahi kanaka i ke keena o ka Meia Wilson a ia kanaka i hoi aku ai ua haule iho la kakahi huina dala nui ma na dala pepa. O ka huina dala i loaa ai i ka Meia ua emi loa iho malalo o na lilo i hoolalaia no ka luawai hookio o Kuuanu, wahi a ka Meia, eia nae, ua manaoia he nuina dala nui no ia e nele ole iho ai ka minamina o ka ona nana ia mau dala.

            Maluana o ka papahele o ke keena o ka Meia i loaa iho ai ia huina dala, mahope koke iho o ke hora ekahi o ka awina la o kela Poaha. O ka makemake o ka Meia Wilson o ia ke hala aku o ka ona nona ia waiwai e kii me ka hooiaio pu aku nana ia waiwai.

           

TERITORE O HAWAII

 

Keena o ka Puuku, Honolulu, Oahu.

            Na hana o hoopau ana i ka MAUI PINEAPPLE COMPANY, LIMITED.

            OIAI, o ka MAUI PINEAPPLE COMPANY, LIMITED, he hui ia i kukuluia a e ku ana maialo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ka waawiia aku nei ka hoolaha i kekahi mea, a i na kanaka apau, he mau kuleana mamua a'e kuleana nei pha i keia manawa, ma kekahi ano iloko o ka hui i oleloia, e pono e waiho mai i na ku a ana no ka aeia aku o ka palapala noi i oleloia maloko o keia keena mamua ae o ka la 8 o Mei, 1922, a o kela ame keia mea e makemake ana e hooloheia aku maluna o ia mea, he pono @ hoea kino ae ma ka keena o ka @ea nona ka inoa malalo iho maloko o ka Hale Mana Hoolo, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

A. LEWIS, JR.,

Puuku, Teritore o Hawaii.

Honolulu, Maraki 1, 1922.

6493__Mar. 3, 10, 17, 24, 31; Apr. 7, 14, 21, 28; Mei 5, 1992.

 

TERITORE O HAWAII

 

Keena o ka Puuku, Honolulu, Oahu.

            Ma ka hana e @oopau ana i ka ASAHI THEATER COMPANY, LIMITED.

            OIAI, o ka ASAHI THEATER COMPANY, LIMITED, he hui i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka noopau ana i ka nui i oleloia, hui pu me kakahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiina aku nei ka hoolaha i kekahi mea, a i na kanaka apau, he mau kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka la 16 o mai, 1922, a o kela ame keia mea e makemake ana e hooloheia aku maluna e ia mea, he pono e hoea kino ae ma ke keena o ka mea @ona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala nui i oleloia.

A. LEWIS, JR.,

Puuku, Teritore o Hawaii.

Honolulu, Maraki 8, 1922.

64-94__Mar. 10, 17, 24, 31; Apr. 7, 14, 21, 28; Mei 5, 12, 1922.

 

HOOLAHA.

 

Ke hoike aku nei ka mea nona ka inoa malalo nei, ka lunahooponopono waiwai o Akit Alana o Pauoa i make, o ka poe apau i waiho ae i kekahi mau umeke laau i waiho ae i kekahi mau umeke laau, a mau puniu me Akit Alana i make, no ka hana a hoomaemae ana, e pono ia lakou e kii mai ia mau waiwai me na hooiaio kupono, o lakou ne one, a o ka poe i aie ia Akit Alana i olloia, no ka uku o ka hana ana, e uku mai, a, ina he mau koi ka kekahi poe i ka mea i make, e waiho mai ia mau koi me na hooiaio.

            Ina e kii ole ia mai ana kela mau waiwai iloko o 90 la e hoole mau ia aku no.

            MRS. MARAEA K. NAOPALA, Lunahooponopono Waiwai o Akit Alana i make.

            Hanaia ma Honolyly i keia la 21 o Aperila, 1922.

6450__Apr. 21, 28; Mei 5.

 

HOOLAHA HOOMAEMAE PA ILINA

 

            Ma keia ke hoopukaia aku nei ke kauoha i ka poe apau i kuleana i ka pa ilina o Kalaepohaku, e hele koke ae e hoomaemae i ko lakou mau pa, oiai ke hookokoke mau mai nei ka la kaupua; o ka poe hoolohe ole i keia kauoha, e nele ana lakou i ke kuleana pa ilina.

DANIEL K. MAUNAKEA,

Luna Pa Ilina.

6450__Apr. 21, 28; Mei 5.

 

T. O. MURATA FURNITURE STORE

(Na noho hoolimalima me lako pa maanei.)

Na Lako Hale Hou me Kahiko.

Hoolimalima me Kuai Hoolilo.

715 Alanui Hema, Honolulu, T. H.

Kelepona 1695.

 

He Apana Aina a he

Home Anei Kekahi

Ou, i Makemake Ai e Hoolilo no Kekahi

Kumukuai Kupono?

 

E HAAWI MAI NA'U E KUAI

HOOLILO NOU.

 

            He @ui ka poe i haawi mai i ka lakou kauoha ia'u no ka makemake i home no lakou, a eia lakou ke kali nei.

 

FRED K. MAKINO

Kelepona 3052.

Keena Pa'i o ka Hawaii Hochi

Alanui Moiwahine.

Mawaena o na Alanui Kaahumanu

ame Nuuanu.

 

LUAU             NA PA, NOHO, PAKAUKAU AME           LUAU

NA HALELOLE no ka Hoolimalima.

PEOPLE'S HARDWARE STORE

453 Alanui Moi Akau, Kokoke i Palama Settlement.

KELEPONA 3670.

 

CITY MILL CO.

KEKAHI O NA HUI KAHIKO LOA MA HONOLULU NEI.

 

            Poe kuai Papa, Pilihale, na lako Paipu, na Laau Puka Aniani me Panipuka, lako Pili Hao; na mea no a pau no ka home ma ke kumukuai oluolu loa.

            Kulukulu makou i na hale ma ka ukuliilii ana, me na hookaa liilii.

O KA OI LOA AKU NO KA POE HOOKUONOONO.

Mai Poina---Hele Mai Ia Makou

Kihi o na Alanui Moiwahine me Kekaulike. Honolulu, T. H.

 

HOOLAHA I KA POE PAA AIE.

 

            Mamuli o ka hookohu pono ia ana mai o na mea no laua na inoa malalo nei i ku i ke kanawai i mau kahuwaiwai no ka poe paa aie ame ka pee paa kuleana no ka HAWAII ICE COMPANY, LIMITED, he hui Hawaii i hoopauia mamuli o ke kauoha a ka Puuku o ke Teritore o Hawaii, i hanaia ma ka la 21 o Maraki, A. D. 1922, ma keia ke haawi aku nei i ka hoolaha i ka poe paa aie apau o ka hui i oleloia, e waiho mai i ka lakou mau koi ia laua, na kahuwaiwai i oleloia, ma ke keena oihana o ko laua mau loio, Watson, Clemons & Hite. Hale Kauikekeolani, 120 Alanui Moi, Honolulu, maloko o na la he 90 mai ka la aku o ka hoopuka mua ia ana o keia, a i ole pela e hoonele mau ia aku no.

Honolulu, Aperila 5, 1922.

T. IWANAGA,

M. KAWAHARA,

D. SUMIDA,

Na Kahuwaiwai no ka Poe Paa Aie

            ame ka Poe Paa Mahele o ka

            Hawaii Ice Company, Limited.

6498__Apr. 7, 14, 21, 28; Mei 5.

 

TERITORE O HAWAII.

 

Keena o ka Puuku, Honolulu, Oahu.

            Ma ka hana e hoopau ana i ka WAIPAHU LAND COMPANY, LIMITED.

            OIAI, o ka WAIPAHU LAND COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ane iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena mamua ae o ka la 1@ o Iune, 1922, a o kela ame keia mea e makemake ana e hooloheia aku lamuna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i olelo, a e hoike mai i ke kumu, ina he kumu kekahi i wahi e ae ole ia @ku ai ka palapala noi i oleloia.

            A. LEWIS, JR.,

Puuku, Teritore o Hawaii.

Honolulu, Aperila 3, 1922.

6498__Apr. 7, 14, 21, 28; Mei 5, 12, 19, 26; Iune 2, 9.

 

PAPA

NA LAKO

KUKULU

HALE

 

No ka hoahu ana

i kou wai ma na

Pahu Wai Papa

Ulaula o 5000 a

10000 Galani.

E hoolakoia aku

no na kumukuai

ame na hoakaka

ia oe ke noi mai.

 

ALLEN & ROBINSON, LTD.

HONOLULU, T. H.

 

Honolulu Planing Mill,

LIMITED.

 

POE HANA I NA PUKA LAAU

ANIANI, LAAU HALE, OLEPELELE,

MOLINA, WAHI KAU.

 

ALANUI PAPU, ESPLANADE

 

KA VICTROLA

-Ka Meakani Mele Kilakila-he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.

NA PIANO PAANI

NA ROLA PAANI

NA PEPAMELE HOU

NA PILA AHA

ame na mea apau pili i na mele.

 

Bergstrom Music Co.

1020 Alanui Papu                   Henelulu

 

Kakela & Kuke

(KAUPALENAIA)

 

Poe Agena no na Mahiko Lehulehu

 

He Pauolelo

Victrola Anei

Kau ma ka Home?

 

Ke kuai nei makou i na ana like ole o keia mau @ ikiai mai ka $25 a piii aku.

Maanei e loaa ai na Papa Lee Mele hou, na Mele Olelo ame na Pepa Leo Mele.

Ma ke ane nui, NOU KAMOU MA NA MEA PILI MELE.

 

Hawaii Sale Co., Ltd.

Nuuanu, kokoke i ke Alanui Mei.

 

Keena Hawaii

NO NA

Lako Hana Mahiko

 

Hapuku Kila Oliver

   Chilled ame na Palau

Na Katapila Cleveland

Na Katapila Fordson

Na Kaa Kalaka White

Na Kaa Klaka Ferdeal

Na Kaa Kalaka Ford

Na Hana Pili Amala

 

HANA I NA KINO O NA KAA

UKANA ME KALAKA ME

KA HANA HOU ANA

 

Schuman

Carriage Co., Ltd.

 

Na Paienia o na Hana Haliahli e

Hawaii nei

 

Nupepa Kuokoa

 

No ka makahiki (one year)….$2.50

  O na Dala ame na Hoolaha apau

e hoouna pololai mai i ka ADVERTISER

PUBLISHING CO., LTD.,

wale no, P. O. Box 208, Honolulu, T.H.

217 Alanui Moi, ma Waikiki e ke Alanui Moi, ma Waikiki @

            ke Alanui Alakea ; ka Nupepa Advertiser.

Entered a the Post Office at Honolulu, T. H., as Secon Class Matter.

            SOLOMON HANOHANO, Lunahooponopono.

CHARLES S. CRANE, Luna Nui.