Ka Nupepa Kuokoa, Volume LXI, Number 18, 4 May 1922 — Make Ekolu Mau Kepani Mamuli o ka Hua Kamano No Kauai Kela Poe Kepani i Make o ka Hoikeia Ana Mai i ka Papa Ola IKEIA KA POINO MA KA HULIIA ANA AKU Make na Iole Puaa Liilii Mahope Mai o ka Haawiia Ana Aku i Kela Huaai [ARTICLE]

Make Ekolu Mau Kepani Mamuli o ka Hua Kamano

No Kauai Kela Poe Kepani i Make o ka Hoikeia Ana Mai i ka Papa Ola

IKEIA KA POINO MA KA HULIIA ANA AKU

Make na Iole Puaa Liilii Mahope Mai o ka Haawiia Ana Aku i Kela Huaai

Mamuli o ka ai ana i na hua kamano, ma kekahi manawa o ka pule, aku nei i hala, i kulike ai me na hoike i loaa. mai i keia kulanakauhale, i halawai ae ai he ekolu mau Kepani o Kauai me ka inake. Ua loaa mai keia hoike i ke keena o ka papa ola, ma ka Poaono aku nei i hala ma o ka hoouna okoa ia ana mai o na hua kamano, a kela mau Kepani, o ka ai ana, me kekahi lioakaka ma ke kelekalapa uwea ole, mai ia Kauka J., M. Kuhns mai, no ka make ana o kela mau Kepani ekolu. Ua laweia kela mau hua kamano noloko o ka Halema'i Moiwahine, a nanaia, ina paha aia he mea hoomake iloko o kela mau hua kamano, malalo o na kuhikuhi ana a Kauka J. T. Wayson. Ua hanaiia kela mau hua kamano i ke'kahi maū iole puaa liilii, a iloko o na hora he 25 ua make kela mau iole. Ma ka manawa e hoounaia mai ai na hoakaka piha no ka make ana o kela mau Kepani ekolu, e hoounaia aku ai kekahi kauka no Kauai, no ka huli pono ana aku, a' no ka hooiaio ana hoi i na kumu mako o kela poe Kepani ekolu.