Ka Nupepa Kuokoa, Volume LXI, Number 18, 4 May 1922 — Nee ke Keena o Ka Haleleka ma ke Kahua Hou Piha na Kanaka o ka Haleleka i ka Hana ma ka Po o ka Poaono me ke Sabati Nei MAKAUKAU NA HANA ELIKE NO ME KA MAA Ma ka Aoao ma Ewa o ka Hale Aupuni Federala e Loaa Ai ke Keena o ka Haleleka [ARTICLE]

Nee ke Keena o Ka Haleleka ma ke Kahua Hou

Piha na Kanaka o ka Haleleka i ka Hana ma ka Po o ka Poaono me ke Sabati Nei

MAKAUKAU NA HANA ELIKE NO ME KA MAA

Ma ka Aoao ma Ewa o ka Hale Aupuni Federala e Loaa Ai ke Keena o ka Haleleka

Ma ka po o ka Poaono aku la i hala ihalihaliia ae ai na ukanu o ka kahiko o Honolulu nei, noloko o kona hale oihana hou, maloko •o ka hale aupuni federala, e ku nei ma Ewa mai o ka hale aupuni, a iloko o na la o keia pule i weheia ai kona mau puka, no na hana maamau 0 kela oihana. j Ua hoolilo ka poe oka haleleka i ko laleou manawa ma kela po Poaono, a pela no hoi ma ke Sabati ae, i ma ka hooponopono ana i na ukana oloko o kela ame keia kena pakahi, a ma ko kakahiaka o ka Poakahi I ae, i nee aku ai na hana imua, me ka maalahi loa. | No keia manawa kinohi nae, ua ano malihini no i ka lehulehu, na wahi a lakou e ninau aku ai i na leka, ame na hana e ae i pili i ka oihana leka, aka ma keia hope aku nae, e hoopauia ai kela pilikia. Aia ke keena o ka oihana leka ma i ka aoao ma Ewa o ka hale, e huli ana i ke alanui Kalepa ame Moi. Ma ka aoao makai aku, kahi o ka puka aniani e kuai ai i na pooleka, pela me na puka aniani, o na puolo hoouna ame na puka aniani, o na leka, e laweia ai e ka poe laweleka. Ma.ka aoao hoi mauka, e huli ana 1 ke alanui Moi, kahi e ninau ai i na leka, ua hookaawaleia no kahi o kela ame keia lahui, e ninau ai i na leka. I Aia hoi ma kekahi keena nui maloko aku, kahi e hoopuka ai i na ki-. koo dala haleleka, ame na wahi e hiki ai ke aku, no na mea apau i makemakeia.