Ka Nupepa Kuokoa, Volume LXI, Number 18, 4 May 1922 — KE KUAIIA NEI KA WAIU MA KA MAKEKE KALANA [ARTICLE]

KE KUAIIA NEI KA WAIU MA KA MAKEKE KALANA

Ma ke kakahiaka o ka Poalima o ka pulo aku la i hala he 17 kenjfka ko kumukuai o ke kuata waiu ma ka makeke kulanakauhale ame kalana ina e kuaiia ana malaila, a ina no ka laweia aku i kahi i makemakeia he 18 no ke kuata, o ia hoi hookahi keneka ka pii hou ae no ka luhi o ka lawe ana aku i kahi i makemakeia mai ai o ka waiu. No ke paina waiu he & keneka a he 10 keneka ina no -ka laweia aku i kalii i makemakeia, a no ka hapa paina he 5 keneka, a he 6 keneka īna no ka laweia aku no kekahi wahi. No ka waiubata (buttormilk) he 30 keneka no ke kuata, o ia hoi he ekolu kuata kilima awaawa a he 9 kuata waiu hou i wiliia, a ma ia ano i loaa ai ke ano o ka waiubata oiaio maikai.