Ka Nupepa Kuokoa, Volume LXI, Number 18, 4 May 1922 — E Lawe i na Kulana Makaala! [ARTICLE]

E Lawe i na Kulana Makaala!

Eia ka ma'i "flu" ke pahola hou mai nei iloko o keia mau la, me ka nui o ka poe i loohia i ka ma'i mai ka poe nunui ahiki aku i ka poe liilii. O ke a'o a ke Kuokoa, o ia no ka lawe ana t na kulana makaala apau ma ko kakou aoao, no ke kinai ana aku i ka ikaika 0 keia ano ma'i aole e hoopalaleha, me ka hookuukuu malie ana, aia a nui ka ma'i, o ka manawa iho la ia e hoāo ai i na hana, e pale aku ai i ka ma'i. Ma ka manawa e pahola ikaika ana ka ma'i flu, ma o kakou nei, he makahiki i hala ae nei, ua kuhikuhi aku keia pepa, 1 kekahi mau alahele e palekana ai, mai ka lilo ana i luahi na keia ano ma'i, o ka poe i lawe aku ia mau a'o ana, a i holo koke i na kauka, iloko o ka manawa kupono, ua loaa ia lakou ka' palekana. 0 ke ano o keia ma'i, ua like no ia me na ano o kekahi mau ma'i i kamaaina ia kakou, o ia ka eha mai o ke poo, ka lia mai o ka ili, a poniuniu mai, i kēkahi manawa; mai ike nae i kela mau haawina, a hoopalāleha, he kumu hooi lōa aku ia i ka pilikia am'e ka oi loa mai o ka ikaika o ka ma'i. 1 ka wa e ikeia ai o keia mau haawina ae la, e lawe koke i na laau hoonaha, no ka hoomaemae ana i ka opu; a hoopulo'ulo'u, i kahe nui mai ka hou, a e auau aku me ka wai wela, a mawaho ae o kela mau hana, e hoomalu iloko o ka hale, me ka ai ana i kekahi mau meaai kupono. Ina e hookoia keia mau kuhikuhi ana, no na mea pili i keia ano ma'i, aole e lanakilā mai ia maluna o kakou; aka; ina e manao ana kakou, he wahi ma'i ano ole loa kela i loaa ai i kinohi, a hoomau no i ka hele ana, me ka hoomaloka, i ka hana ana aku i kekahi mea e pono ai, e ho&a mai auanei, i ka wa e aneane hiki ole ai na hoao ana aku, e lanakila. |No ka poe nae o kakou, i maopopo ole loa, i kekahi mau hana pono, e lawelawe aku ai, i ka manawa e hoea mai ai o keia ma'i he oi loa aku ka pono, o ka hele ana i na kauka, a lawe mai i ka laau, me ka hoohana aku, elike me na kuhikuhi, mai nana i ka lilo, no ak mea, he uuku ia lilo ke hookukuia ae, me na lilo, i ka wa e nui loa mai ai ka ma'i. He mau laau lehulehu no ka kakou, ka na Hawaii, i kupono loa no na ma'i o keia ano, a i oi aku paha, i na laau, a na kauka, 0 ko kakou hoomehameha ana nae ia.mau laau, ke kumu nana 1 hoolilo ia kakou i keia la, i poe naaupo, a nele maoli, i ka ike ame ka makaukau, e hoopakele ai ia kakou iho, iloko o ka manawa ma'i. E hoomaemae mau i ke kino i kela ame keia manawa, ma ka auau ana i na wai wela, a e komo i na lole maemae, mahope o ka wehe ana i na lole, i pulu ika hou, a i lepo paha. E hoololiloli i na haliimoe, a e makaala hoi i ka maemae o na kapa moe; a e ai i na meaai kupono, e loaa ai ka ikaika i ke kino, aole o na meaai o ke ano kahiko, a mau meaai kupono ole paha, e loaa ole ai ka ono ke ai aku. He ma'i lele ka flu, elike me ka hoakaka a na kauka naauao, ma Amerika, me ka pahola hikiwawe ana maluna o ka ohana. Aia iloko o ka mea ma'i na hunahuna ma'i, ma na ano lehulehu, e kauia ai ka weli, e ka poe i kāmaaina i keia ano ma'i, ma na wahi like ole o ka honua nei. Ina e loaa ka oluolu i ka mea ma'i, mhope iho o ka hbaoia ana o na lapaau ana a na kauka, a mau hana e e paha i ku i ka naauao, mai lilo ia oluolu ana, i kumu e hookanane'o ai, ma ka hele koke ana i na'wahi e loaa mai ai i ke anu, aka e hoomanawanui iki ahiki i tfa loaa maoli ana o ka oluolu maikai ; no ka mea ina e loaa hou ana i ka ma'i, no ka elua o ka manawa, e oi loa aku ana ka ikeika, a e nui aku ana no hoi na hana, e hooikaika ai, mamua o ka loaa ana o ka lanakila o ka mea ma'i. He ma'i pilikia ole ka flu, ke lawelaweia na kulana makaala apau ma ko kakou aoao; oke kumu no i ku a pilikia ai o kekahi poe o kakou i loohia i keia ano ma'i, o ka hoomali; ole no ia lakou iho, i ka manawa mua loa, i hoomaopopoia ai ka hoea ana mai oka ma'i flu, ma ke ano lahilahi loa. Ua kakali aku lakou, ahiki ole maoli ke hele i ka hana, o ka wa iho la ia e hana aku ai i na mea e pale aku ai i ka ma'i, ua lohi nae ia mau hoao ana; me ka hoomnawanui wale no, e loaa mai ai ka palekana, iloko o kekahi mau la lehulehu e noho ai malalo o ka hoomalu ana. Nolaila, e lilo kakou na Hawaii, i poe makaala !6a iloko o keia manawa e pahola nei o* ka ma i flu; a e hooikaika hp*» e .lanakila kakou maluna o keia ma'i, ma ka lawe ana mai i na loina naauao apau, no ka hoopakele ana ae i ke kino.