Ka Nupepa Kuokoa, Volume LXI, Number 18, 4 May 1922 — O NA KINI AILA MAHU KAHI KO EA IPUHAO PUHI RAMA. [ARTICLE]

O NA KINI AILA MAHU KAHI KO EA IPUHAO PUHI RAMA.

Aoho nana o kekahi poe e puhi okolehao mai nei i ke ano o ka lakou ipuhao e puhi lama ai, elike ine ia a na kanaka hooko kanawai hookapu waiona o ka hoike ana ao ma ka auwina la o ka Poaha aku nei o ka pule i hala ma ka manawa a lakou o ak hopu ana i kekahi ipuhao puhi okolehao, he kini aila mahu ma Halawa, Ewa. Ua loaa pu aku ia lakou malaila he ipuhao elima galani he mea kaomi sake, a ma kekahi wahi kokoke mai no malaila i paa pu ai he ipu keleawe puhi rama o 20 galani, aohe nae he kanaka nana ia ipuhao keleawe i loaa mai ma kahi o ia ipu keleawe. Maloko mai o kekahi o na hale 0 na limahana ma kahi kokoke mai 1 Ewa he ipuhao ka i loaa mai ma kahi o kekahi Kepani o K. Imoji ka inoa, a no ia wahi mea hana okolehao walo no i. paa ae ai oia i ka hopuia. Ma ka hale o kekahi Kepani o K. Ikemi ka inoa, he ipuhao 20 galani ka i loaa aku ma kona wahi me 50 galani rama i hoawaawaia, he Kepani okoa mai o Shimabuku ka inoa, o ia ke kolu o na' Kepani i paa ae i ka hopuia he ipuhao puhi rama o 10 galani ka i loaa mai ma kona wahi. O ka ha o na Kepani i paa ae i ka hopuia ma ka apana o Ewa, o Oshira ka inoa, ma kona wahi i loaa aku ai he ipuhao puhi rama 50 galani, me 100 galani i hoawa—iia;