Ka Nupepa Kuokoa, Volume LXI, Number 19, 11 May 1922 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

He Aoao Keia i Hookaawaleia no naManao o ke Komisina o na Home Hawaii Hoopulapula Lahui

Ke Ola Mamua, Mahope ka Hoopukapuka

 

NA KOMISINA

W.R. Farrington, Lunahoomalu;

Elizabeth K. Kalanianaole, Lala;        Rudolph M. Duncan, Lala;

Akaiko Akana, Lala;            Geo. P. Cooke, Kakaulelo.

Meakakau Nupepa, malalo o ke Kakauolelo,

JOHN H. WISE

            Malalo o ka lokomaikai o ka on a o keia Nupepa Kuokoa, L. A. Thurston (Kakina), ua haawiia mai keia aoao no na manao pili i na hana a ke Komiaina Hoopulapula Lahui Hawaii. Nolaila e loaa ana he mau manao pili i ka hana a ke Komiaina ma keia aoao.

            Ma keia aoao e ike ai ka poe heluholu i na hana, na makemake, ame ka hoolala ana no ka hoomaka ana o na hapa maluna o ka Mokupuni o Molokai.

            Ua hamama no koi keia aoao n@na ninau pili i keia hana mai na Hawaii mai, e makemake ana e ui i ko Komiaina no na mea like ol@ i makemakeia e ninau mai.

 

Mai Pono Hana, Ai a Hele me ka Hookaawale Ole Ae i na La Hoomaikai i ke Akua

            O kekahi hemahema nui keia e ikeia nei iwa@na o kakou, o ia k@ ai ku, a hele ku, ma na pomaikai i loaa ia kakou, mai ke aloha mai o ke Akua.

            I ka loaa ana o kekahi pomaikai ano nui i kekahi kanaka, i noho iloko o ka u ana, e poina ole ia ana ka mea nana mai ia mau hoopomaikai. O na hana au e ike aku ai e hanaia mai ana, o ia na hana hoopilikia iho i ke kino ame ka poe e kaukai ana i ke ola i ka ai mai ia@a ae.

            O na mea maikai apau noluna mai ia. E hoomanao kakou i keia. E nana ne kakou i keia bila hoopulapula, he maikai; e hoihoi mai ana i pono nou e Hawaii ma ke alakai a ke Akua i na kanaka ana i wae ae ai. Elike no me ka Iehova hoouna papalua ana ia Mose amo Aarona e ku ae a alakai aku i ka lahui i ka aina o Kan@aa@, pela no ka ka Haku hoouna ana i Kana mau haumana he umi-kumamalua, ma ka palua, e houluulu mai i na kanaka, i lohe i na olelo o ke ola.

            Pela no ua Akua nei i hoouna papalua a@ ai i ko kakou mau alakai, e alakai i keia lahui ma ka aina e kah@ ana o ka waiu ame ka meli. Aia ma Molokai na aina i piha i ka waiu ame ka meli e kahe nei i Honolulu i keia mau la a kahi moku aila ea o Cooke e halihali nei.

            I keia mau mea a elua walo no @ loaa ana ka lako i na kilu. E nana ae kakou i ko ka meli mahele; meli loaa o momona huai o momona mai kona haka mai, kaawale o momona (he mea da@a) mai ia kukaonalu mai (ho mea dala). A no pipi, mai iaia mai loaa o waiu (he moa dala), hookawale ae i bata (he mea dala) mai ia waiu mai; a loaa o bata, loaa o waiu paa (he mea dala); a pono ole mai o pipi waiu, komo i ka hale pepehi no ka makeke (he mea dala nui).

            Aole ou wahi e alo ae ai i keia mau pomaikai, ma ko alakai a k@ Akua i keia mau kanaka aloha kanaka. Ua moe kekahi a hookahi i k@@ no ke alakai ana aku i na kanaka, a am ka aina i hookaawaleia, a hoomaikai aku i ke AKua no kona aloha ame kona lokomaikai.

            He mea pono no @ malamaia kela la mua o ke komo ana o na ohana ma keia aina hoopulapula. E lilo ia i la nui no na kanaka Hawaii kuauli apau e noho ana ma Hawaii nei. Aole ma ke ano hookapukapu, aka, ma ke ano hoonani i ke Akua ma na aha anaina apau, me ka ai ame ka inu ana me ka hoomanao aku Iaia.

            E nana ae i na lahui like ole e hoopuni nei ia kakou, aia he mau la hoomanao kekahi o lakou i ke Akua; a o kakou hoi, na oiwi o ka aina, aole loa. He elua no mau la ano nui iwaena o na kanaka i keia mau la, o ke Karisimaka no ame ka Makahiki HOu. Ua hemahema kakou ikeia mahele hana o keia ola ana.

            E hoolele aku ka ike o ko lakou mau waihona noonoo ihope, i ka wa o Kamehameha III ke alii. Ma o ka laweia ana aku o ka lepa o Hawaii nei, ua kuahaua ae oia i na makaainana, e noho ana mai kela pe'a ame keia pe'a o ka aina, e pelu na kuli a noi aku i ke Akua mana, e hoihoi hou mai i ka pono o Hawaii. Ua hookaawaleia ia la.

            I ka pau ana o ka lakou hana hoa@ohloha, i ke Akua, ua kakali aku @akou no ka hopena. He oiaio, ua hoea mai ia mea, me ka hoohikilele nui ia o na kanaka mai o a o. Mai nahea mai keia hoi hou ana mai, oiai he lahui palupalu keia, e hiki ole aku ai e hoonuinui aku i ke aupuni o Beritania. No ko kakou @ako anei i na mea kaua, o ko ke ao nei, o ka papa ekahi. Aole, no ka palupalu o ko na kupuna mau naau imua o ke Akua: i ka lakou nei ana ua hoolohe mai kela.

            Ua hoopoina anei lakou ia la ano nui o ka ke Akua hoopomaikai ana mai. Aole. He la ano nui loa ia iloko o ka aina i na la o ka noho alii. A hala aku la lakou, koe iho la kakou, e ai ku, a e hele ku ana, maluna o ke aloha o ke Akua. Aole no he mau leo pule i ke Akua, e noi ana i ke Akua, e hooloihi i na la o ke ola ana o na alakai o ka lahu, elike me na la o na alii. Aia he mau leo pule, e i ana, "E hooloihi i na la o ke alii a kanikoo a palalauhala."

            Nolaila au e paipai ae nei, he mea pono e lawelawe aku kakou i keia hana, ma o ko kakou lawe ana no i kela la mua, o ke komo ana i ka aina, i la Sabati nui no kakou, maiuna o ko kakou aina; a ke aupuni makua o Amerika i ho'iho'i hou mai ai no kakou.

            Ma keia mahele hana o ke ola lahui ana, aia ana no he lehulehu o na manao like ole, i ke kupono ame ke kupono ole; aka, heaha ana ka kakou kiahoomanao no ia hana maikai a ke Akua, ma o ko kakou mau alakai la.

            O ka hoi aku anei a noho ma ka aina, a hana, a ai, a i iho, "Na'u na ka'u."

            E hooakea aku ko kakou mau noonoo. a no ka mea, ua ike no au, aia no ia kakou ia mea he akea o ka noonoo, e makemake iho e hana pela.             

 

Li'a Wale Ae Au e Hoohalike me na Nu Kilani

            Ma kela mau la aku nei i kipa hou mai ai ka mokuahi Niagara, mai na paemoku mai o ka Hema, me kekahi piha ohua nui hewahewa i ike ole ia no kekahi mau malama lehulehu, i kaahope ae nei. A ma ia la i kau aku ai o ko'u mau maka maluna o kekahi mau ohua, ua kauna a oi, he ano like me ka Hawaii.

            No keia, ua noho paa loa iho la au ahiki wale i ko lakou hemo ana mai iwaho o ka uwapo. Neenee loa au a kokoke e kilo ana i ko lakou ano, a pili au mahope o ke kane iwaena o lakou. Huli mai la kela a walaau ia'u, no na mea e pili ana i na lei pepa na wahine kaulei. Ua hoakaka aku au he pepa wale no ia. Ninau mai la kela, in a paha he loaa ka lei hulu. Ua ae aku la au

            Ma keia wa apau a maua kamailio nei, ke kilo la au i ke kino ame na lima. O ka lima ma ka'u nana aku, aole he lima nohowale a palaualelo; he lima hana maoli o ka papa ekahi. O kona kino, he ola maikai a kihikihi oluna, he like loa me ke ano o na Hawaii o ka wa i hala ae nei.

            He oiaio no na mea a kakou i lohe ai, e pili ana no na Nu Kilani. he poe hana no lakou iho, a ua ike kumaka au ma ke kulana o keia Nu Kilani. Aole kulana pilipe; he kulana kuokoa o ke ano lako, i loaa on ileawHaiaom@wyshrdl shrluun d

            No keia mea lana wale ao la no kahi manao, a kau mai la no imua o ka maka keia mau hiohiona maikai, e loaa aku ana ia kakou maluna o ko kakou mau aina hoopulapula.

            E loaa ana ke ola kino maikai a lako ma ko ke eke, elike ae la me ka'u i ike ma ka uwapo i kela mau la aku nei.

            Ike aku la au, elike me ka hiki ana ia lakou, e haalele aku i ko lakou aina, a holo makaikai mai i Hawaii nei no kekahi mau malama o elua a ekolu; pela ana ko kakou ano o keia mua aku, i ka hiki ke haalele iho i ka aina, a holo makaikai aku i na aina o ka hema me ka hoohala ana i kekahi mau malama lehuelehu.

            Aia nae a manoanoa ka lima maluna o ka aina, i ka hana mau i na hana e ku ana i ka wa. A ina aole e hoopau e ae no au i ko kakou mau kikiki moku, no Nu Kilani, i hoopaaia no ka makahiki 1930.

            I keia wa e nee nei, aia na bata o Nu Kilani ma na halekuai, i kapaia, MAILE bata. Ua kupono ka lakou hole ana mai he ukana ka lakou o nei.

            O ka kakou hoi, aia ihea. O ka hele oloholohe wale aku i Nu Kilani, ua like ia me ka poe kuewa hele wale. E hooikaika kakou ma ko kakou mau aina hoopulapula, a ku ka hana, a lako i ka bata, hoouna aku ilaila no ke kuai ana, i ike mai lakou, ke hana bata nei kakou, a o na kuni ua like no a like, ma ka aina wale no ke ano e. MAILE BATA     MAILE BATA

                                                                                    HAWAII          NU KILANI

 

NO 20 MAKAHIKI KA NOHO ANA MA KA OIHANA.

            He iwakalua makahiki a oi i noho ai maloko o kekahi keena hoolimalima he manawa loihi maoli kela, eia nae, o ia ka loihi o ko Wade Warren Thayer manawa o ka noho ana maloko o kona rumi hoolimalima, ma ke ano he keena loio nona, maloko o ka Hale Stangewald. He loio o Thayer a ho kakauolelo hoi no ke Terotore o Hawaii no hookahi kau, o kana hana mua loa i kona manawa o ka hoea ana mai i Hawaii nei he kakau meahou oia kekahi o na kanaka hanu meahou no ka Nupepa Ka Advertiser.

            Ma ka manawa o ka Hale Stangenwald o ka paa ana ae ua hoolimalima oia i kekahi o na rumi maluna loa o ia hale i rumi oihana nona, a mai ia manawa mai no kona noho ana maloko o ia rumi ahiki i ka piha ana iho la o ka iwakalua makahiki, a ma ka Poakahi o ka pule aku la i hala kona kulaia a hoomanao ana, he kakaikahi loa ka poe i like me ia ka noho maloko o ka rumi hana hookahi a piha ia manawa.

           

            UNIONTOWN Pa., Apr. 29. - Mahope iho o kekahi haunaele o ke ala ana ae i keia la a ua hoohua mai hoi ia haunaele i ka hopuia ana he 50 mau kanaka ma ka maina Tower Hill, kokoke i keia kulana kauhale, ua noi ae ka Makai Nui i ke kiaaina no ka hoolakoia mai o kekahi mau pu mikini hou ame 10,000 poka. Ua hoopuka pu ae oia i kekahi kauoha e hookapu loa ana i ka hoakoakoa ana o ka lehulehu ma na wahi apau. Eha mau makai o ka oihana makai o Penikelevenia, eono mau kanaka i huipu aku me ka poe olohani, a he keiki o elua makahiki ka i hoehaia iloko o ka manawa o ka haunaele, he hana i ala ae mahope o kela olohani ana a ak poe i huli aku ma ka aoao o ka poe olohani, ka poe i hoao mai e akeakea i  ke komo ana aku o na kanaka wawahi olohani mai ka hana ana aku ma na maina

 

He Wahi Moolelo o na Kona o Molokai, i ke Au o Kamehameha I, ka Na'i Aupuni

            Ma ka wa kahiko, ka wa o Kamehameha I e na'i ana i keia paemoku o Hawaii nei, ua maopopo lea ia kakou, aia no he mau hoalauna punahele, a ano e ae, ko ke alii. I ka lanakila ana o na hana a keia alii kaulana nui wale, ma kana hana na'i aina, ua hoomanao ae no oia i kona mau hoa ma o kona ninau hele ana, a kahi i loaa aku ai, m@ ka manao e hana aku i kekahi mau hana maikai, a ku i ke aloha hoahele a hoalauna o kona aina hanau, o ia o Hawaii.

            Ma kekahi mau makahiki mahope mai o ka 1795, o ia ka makahiki o ke kaua ma Nuuanu, Oahu, ua hoi aku oia no Kohala. @ kona hookuonoono pono ana iho ma ka aina, ua huli hele aku oia i na hoa on a, a loaa kekahi ma ka aina o Kiholo, nona ka inoa o Hoolopaakua. Ma ka nana iho i keia inoa he ano inoa no ka papa kahuna, pela paha i huli ai ke alii.

            Eia nae, ma ko laua halawai ana, ua ninau aku ke alii ia Hoolepanui i keia ninau: "Ohea o Hawaii aina kau wahi makemake e hoi ai a no hoi" Pane keia: Aohe wahi o Hawaii aina." Ninau hou ke alii: "Aia ihea kau aina i makemake ai e hoi aku a noho!" Pane hou keia: "Aia i Molokai, o kahi nui o ka i'a, o ia o Kalamaula, Piliwale, Palaau Hoolehua, Holi, a hala i o i ka lae."

            No keia olelo a Hoolepanui, ua kauoha ae la ke alii iaia e hoomakaukau, a e ohi i mau ohana nona no ka noho ana o ia Kona o Molokai. Ua ala ae na kanaka ma keia kuahau a ke alii, ma o Hoolepanui la, mai na kanaka mai o noho ana ma Kainaliu, Kona Hwaii, a komo iloko o Kohala Hema. Ua oleloia, ua hele na waa nui ame na waa iki i piha i na kanaka mai Hawaii mai a noho ma keia mau aina hoopulapula o Molokai. Ma keia, e ike kakou o keia ka hoopulapula a hoolaupa'i mua ma keia aina o Molokai. No Hawaii mai nae na kanaka me Hoolepanui k@ konohiki aina.

            I ka hoea ana o keia pukui o na kanaka ma Molokai, ua kauohiaia na kanaka o Molokai e noho ana ma ia mau wahi, e nee ihope iloko o ka aina, a i ole, ma ka aoao hikina o keia mau aina i hokaawaleia.

            Ike ae la na kanaka o Hawaii mai i ka pilikia i ka ai, no ia mea, ua alu like ae la lakou a hana i na lo'i ai, ma ke kauoha a Hoolepanui, ke konohiki aina, i wahi e kanu ai o na huli kalo i loaa ka ai a na Hawaii ma Molokai.

            He nui hewahewa na loi ai o ka hanaia ana. Ua oleloia, ke pii kekahi a kau iluna o Kaana, a alawa iho na maka a nana aku ilalo o Palaau i ka po la'i, ua like ke kinikini o na lo'i me na hoku. Pela i puka ae ai o keia olelo, "Kinikini wale na lo'i ai o Palaau, ua like me na hoku o ka lani."

            He inca ko cela âme keia lo'i i hanaia e ua poe nei o Hawaii mai; a o ka inoa o ka lo'i nui hookahi iwaena o ua mau lo'i kinikini wale nei, o ia o Pehu. He wahi moolelo no ko keia inoa, a o na huli punahele a kupono no keia mau lo'i, o ia ke Piko, ka Haokea, Ka-i, Nohu ame ke Owene. He mau kalo paakiki a huluhulu nui keia i kupono loa no ia mau lo'i, no ka hui o ke kai me ka wai, a o ke ku'i ana o keia ai, he anai; aole hoolele o ka pohaku.

            I'au keia, huli aku la na Hawaii a nana i ka waiho mai o ke kai, na olaelae ame na kuokuono, a ike aku la na kanaka enekinia a Hoolepanui, he mea pono @ paniia kekahi o ia mau kaikuono, mai kekahi lae a i kekahi, i lokoi'a.

            He mau hana liilii keia i ko Hawaii poe. Ke nana aku no ma na moolelo, o ka hapanui o na kanaka kaulana o keia mau paemoku, he poe Hawaii wale no o Hawaii moku aina mai.

            Ua ala ae la na kanaka ma ke kauoha a Hoolepanui, a hoomoe i ka pae pohaku e moe la ma ke kai, mai Puuapoo ahiki i Puhaka ma Hoolehua; kapaia aku la ka inoa o ia loko o Pohoele. Ka loko kaulana keia o Palaau nona na pukawai i hanaia me ka noeau. He loaa na i'a like ole iloko o keia loko ia wa e hoomaopopoia ana.

            He uni i'o no ka ike o na Hawaii i ka hana. E nana kakou i keia, ua oleloia o kahi hohonu loa o keia loko i paeia me ka pohaku he 5 anana, ua like no me kekahi mau wahi o ke awa o Kou ae nei ka hohonu. He nui maoli ka ike ame ka makaukau o na kanaka ma keia hana, i loaa ole aku i ko keia au. Ano wale ae nei no kekahi mau pae pohaku o ka hanaia ana, e ko keia au poe loea, pau nae i ka hiolo.

            Ke nana aku i ka loko ma Kiholo, i uhiia e ka pele; ua hookumuia ia mai ka papaku ae o ka moana. He kai lipolipo a he ala au no hoi a na Kohola, wahi a ka olelo a na kupuna.

            O lalau loa auanei kaua mai na loko i'a aku o na aina hoopulapula, e kuu mea heluhelu, a na lokoi'a maluna aku o keia loko o Palaau, i kapaia o Pohoele, o ia ka loko o Ooia makai, o Piliwale ka aina mauka; a maluna aku o keia o ia ka loko o Ohaipilo makai, o Ohalpilo ka aina.

            O keia mau loko apau, ma ka'u hele ana aku nei, ua piha i ka lepo i hoonuaia e ka makani ame ka wai o na wa ino o ka aina.

            O ka makani halihali lepo, aole he ikeia i keia wa; malia paha, no ka paa o ia mau aina i keia wa i ka ulu kiawe i puehu ole ai, o ka leop. I kaulana no ka hoi ia makani i ka puehu o ka lepo, pela i paa ai o ke mele.

            Nolaila, in a o keia mau hana ano nui i hanaia @ na kupuna me ka holopono, pehea, aole anei e hiki i ka lakou mau mamo ke hana i mau hana ano nui ma ia mau aina! Ke manao nei au e hiki ana no, a oi wale aku, me ka maalahi mai o na hana.

            Eia keia mau aina hou, a ka makani hoonua lepo i hana ai ke waiho mai nei, mai o mai o ka uluniu a ke alii i kanu ai me na kanaka, nona ka inoa i kapaia aku o Kulil@l@, (no ka lole ana paha o na kuli o na kanaka i ke kanu niu) ahiki ia nei o Puhaka ma HOolehua. Aole loa he wa kai nui i a'e ae maluna o keia mau aina hou. E lilo aku ana keia mau wahi i aina waiwai loa ma keia mua koke iho no.

            Ma ka'u nana aku o kekahi mea pono paha e hanaia no na kumu kiawe e kuku la ma ia mau aina, o ia no ke oki ana i kekahi i mea wahie, a hookoe no kekahi i mau laau e malumalu ai a palulu i ka makani hoonua lepo. Ko'u manao koho wale ae la no keia. He hookahi no makani kamaaina ia'u oia no ke apaapaa o Kohala.

            Ma ka nana iho i keia wahi moolelo o ka hoolaupa'iia ana o kiea aina o Molokai, ma ke kauoha a ke Alii Kamehameha I, e ikeia ana, aia he oiaio iloko o keia olelo, "Aole he mau mea hou, he mau mea kahiko wale no," a me keia manao, he ala mau mai na hana ano nui i hanaia ma kela ame keia kenetu@ia, ma ka hookuku ana ma na moolelo o ke ao nei.

            He oiaio ma kela keneturia aku la no ke kauoha a ke alii ia HOolepanui, e hoolaupa'i i keia mau aina hopulapula i hemo ae la, a komo koke mai la no i keia keneturia, aia hou no ia hana hookahi, mai kekahi, Kohala ae no. He oiaio no, a ano kupanaha e hoopahaohao ana i ka noonoo.

            Eia keia, he kupanaha keia hemo mua ana o na aina'o Molokai, aole hoi o na aina e ae o na paemoku o Hawaii nei. O Molokai ka aina o ka pule oo; he aina i nohoia e na kahuna. He oiaio o na kahuna mamua, o ka ke Akua hookumu ana i na hana kukulu aupuni o ka honua nei, a mahope aku na alii. Na na kahuna @ hoomaikai a poni i na alii. E nana ia Samuela, oia ka mea mua a ke Akua i kukulu ae ai a nan@i poni aku ia Saula i ali no ka Isaraela.

            Na oukou ana e hooponopono mua keia noho aupuni ana, o na noho aina hoopulapula mua o na aina o Molokai, a na oukou aku auanei no e hooalii aku i ka poe e hoi ae ana ma na aina @ ae e hemo ae ana ma keia paeaina o Hawaii.

            E oi aku ana ko lakou maalahi, mamuli o ko oukou holomua ana ma ke aloha o ke Akua, i ke kokua ana iho i ka poe kokua ia lakou iho.

 

Na Anoai

            I Molokai aku nei o Mr. Edmunds, ke alakai o ka Hoomana Naauao malalo iho nei o ka Kekipi alakai ana. Oia kekahi mea i ku e i keia kanawai hoopulapula, a i keia la, mahope o kona ike maopopo ana i na aina ame na hoolala e lawelaweia nei, ua hoopau oia i kona ku-e, a ke kokua nei e holopono keia mau hana.

 

            Ke anaia mai la na apana aina no ka hoomaka ana e haawi mai. He 25 eka o ka mea hookahi. Iloko o keia 25 eka e loaa ana he 6 ahiki i ka 9 eka aina kanu me ka lawa pu i ka wai no ka hoopulu ana. O na eka ae mawaho o keia, maluna olaila e kukulu ai na hale ame na pa puaa, moa, a pipi paha. Ua hiki ke kanuia na laau huaai maluna o keia mau ika, a ua paa no hoi ka aina holookoa i ke kiawe. E kuaiia ana nae he hookahi eka a hoomaemaeia no ka hoomakau i wahi kanu no na kanaka.

           

            Aia pu no hoi he mau haneri moa keiki i hookikoia mai na huamoa mai a Mr. Fisher o Keaau, Puna, Hawaii, ame Miss M@Farlane o Honolulu nei. He elima a eono haneri moa keiki. I keia mau la aku e kuaiia aku ana na moa i nui kupono no ka hanau kua, mai keia mau mea hanai moa mai, no ka hoomakaukau ana no na kanaka hoi aku ai i Molokai.

            Aole keia o na moa, hanau mau wahi kakini hua wale no o ka makahiki, aka, o na moa e hanau ana mai ka elua haneri hua o ka makahiki a pii aku ahiki i ka elua haneri me kanalima o ka makahiki.

           

            Nani wale ko ke Akua malama ana i na waipuna o Molokai, a i ka la o ka hoopulapula hou ana i keia lahui, hoike mai i kona aloha mamuli o ka hoikeia ana mai i na keiki a kanaka. Ke hu la ka wai ma Kalamaula-kai, a ma ka nana aku, e lawe ana keia wai no na apana aina e okiokiia aku ana. He eha kapuai ka hohonu o ka lepo ma keia aina, a ua hoike mai o Cooke, aia ka waiwailo o keia mau eka mahi, ma kahi o $400 o ka eka hookahi. Aole mea kanu e nele ka ulu maluna o keia mau apana aina.

 

Aia i ka Hele Ana

                                                                                                        Aku a Aneane no

                                                                                                            Kakou e Haulehia

                                                                                                              ma na Hana Apau

            O ko kakou holomua o keia noe ana omua aku nei, aia no ia i ka hoomaopopoia o na hana i hala ae nei. Iloko o na hana apau i hanaia aia no ke waiho la na meheu like ole; a ma ka hoomaopopo pono ana i ke au nui ame ke au iki, na olaelae ame na kuokuono e ahuwale ae ai o ke kumu ano nui o ko kakou haulehia ma na hana apau.

            Ka pilikia nui ma ka'u ike, o ia no ka paupauaho ana i ka wa kupono loa e kula'i pau aku ai o ka ikaika. No keia paupauaho e ana, haulehia iho la iloko o ka hana a lilo ka luhi i mea ole.

            E hooikaika wale ana no kakou, e olelo ae i keia mea o ka lawai'a, a makaukau i ka upena ame na waa, a ma kahi o ke kuli'i pau iho ka ikaika e hoohana 'aku ia mau mea i wahi e loaa mai ai o ka i'a, muekekei ae la na mea apau, a kuhi aku a kuhi mai i ka mea nana e hana. He poo lawai'a ae la na mea apau ia wa. E ku ana keia mau pono lawai'a o ka hooikaika ana a popopo. O ka haulehia iho la no ia.

            Eia no ia hana o ke kukulu ahahui hoopukapuka dala. E ikaika ana i ka hoohuihui ana i ua wahi kenikeni me na hoaloha, a ma kahi o ka hoomaopopo ana i ka luna hoohana, pale ka pono; pau e no ke pono ame ke kupono ole o ia luna hoohana i makemakeia. Ina oe e hookolo aku e ike auanei oe, he makamake iloko o keia ame keia lala e lilo i luna hoohana nui.

            He ikaika nui ko keia lahui, ma kahi o ke ko'iko'i o na hana, a ma kahi mama aku o na hana, he hoopalaleha, malaila mai nae ka hua pono.

            Eia keia mea o ka bila hoopulapula i hooikaika nui ia me ka lokahi o na kanaka. Hala aku la @a wa hana nui, ua ku a ua kaa mai i kahi mama loa o na hana, o ia ka waiho ae i na palapala noi aina a hoi ae a noho ma ka aina i hookaawaleia, ke ikeia aku nei ke ano hiohiona o Kunana (Kao). Nohea mai keia kunana ana! Ua loaa ka aina, ua lako i ka wai a he $3000 a ke komiaina e hookaawale ae ma kou inoa ma ko lakou lima, no ka hoolako ana mai ia oe i hale ame na mea hana nau e ka noho aina e hoohana aku ai.

            Uoki keia ano hana a kakou! E ala ua mea apau i kukulu i na hana, a e hoopau aku ia mau hana me kela manao hana oiaio, mai kauka'i aku na ha'i e hoopau pono aku i kau hana. He nui na pomaikai e loaa mai ma keia mea he hoomau ma ka hana. Ekahi: E ike ana oe i ka hua o ia hana, elike me kau hana ana. Elua: E loaa ana ia oe ka ike amo ka naauao ma ia hana ana; a no ka mea, nau no i hookahua a ku, a ike i ka hua ana, a ai.

            Ina kakou apau e ala, @ @ hana like, me ka manao lokahi oiaio, e hiki ana no ke ku kekahi hana ano nui a kakou e manao ae ai e hana, me ka like o ia hana i kiahoomanao no ia hanauna aku a i hanauna aku e hoonaauaoia ai.

            E nana i ka heiau o Mookini, mai Pololu mai ka pohaku i ku ai ia. Mamuli o ka like o ka manao ame ka ikaika hana i paa ai ia mea nui iloko o hookahi wale no la. O ia mea, ua ku mai i kumu alakai na kakou e hahai aku ai; aole no ke kukulu i heiau o ia ano, aka, e hahai aku i ke alahele a na kupuna i hana ai i ku ai o Mookini, o ia ka lokahi me ka hana.

            Malia paha, aole keia o ka wa kupono loa e hoomaopopo ae ai i keia manao ano nui, aka, eia ka wa e hoomaamaa aku. I hiki mai no ia o ka wa pono ua maamaa kakou; i ku mai ia o ka ninau, Pehea oukou i hana iho nei i keai hana ano nui! E loaa ana ka kakou pane, penei: No ko makou maa no i keia ano hana he LOKAHI.

 

Aohe Hoomaikai a Kanaka no Kekahi Kanaka e Ola Ana; Na ke Akua Wale No

            Ma ka nana aku i ko kanaka ano, ma ka olelo a ma ka hana, aole loa e loaa ia mea he hoomaikai mailaila mai. O na hana apau a kekahi e hana ai no ka pono o kela ame keia iloko o ka aina, e lilo ana ia mau hana pono i mea e ala ae ai o ka hoino, aole maluna o ka hana i hanaia, aka, maluna o ka mea nana ka hana pono i hana. He hookahi wale no hoomaikai a na kanaka i manao ai he hoomaikai, o ia no ka pai ana.

            Aia he ano e nui mawaena o ka hoomaikai oiaio ame ka pai; o ka hoomaikai he mea hemolele ia; he mea mau a he mea kaili ole ia mai kahi ae o ka hoomaikai e kau ana. Aka o ka pai, he wahi mea maka'u keia i ka hele hookahi; aia me ia e hele pu ana o maalea ame poholalo.

            Ma kela helu aku la i hala o keia nupepa, i hoopuka ae ai au i kekahi mau mamalaolelo, i ku i ke aloha a ano haahaa maoli ma ka naau, a ko kakou Alii Kuhio i moe; he olelo i puanaia i ka wa kupono loa, a o ia olelo o ia keia, "Ke kauka'i aku nei au a na ke Akua e hoomaikai mai ia'u no ka'u mau hana."

            O keia olelo a ke alii, ma ka nana aku, aole ia nana; aka, na ka hemolele e waiho ana maloko on a. He oiaio, mai kinohi ahiki wale i kela hoikeana, a oiai no hoi e kakau ana oia maluna o ka aoao hope loa o ka buke o kona ola ana, aole loa he wa i pio ai o na olelo hoino iaia-ina e ha'o ma ke kuahiwi, e loheia ana ma na kualono; a ina e loheia ma na puu, alaila, e ha'o ana ma na awawa o ko kakou aina aloha.

            Iloko nae o keia mau ino apau, aole loa oia i ekemu ae. He ano like mo Iosepa ma Aigupita, am@ ka Haku ma Kalavari @ hana ana i na hana e kalaia ai o ka pilikia o ka puulu. He oiaio, ua ike oia i ka hopena o kela manao nui e waiho ana maloko o kona waihona ike, ke holopono a puka ae i ke akea.

            No umi-kumamaono makahiki o kona hapapa hele ana me kona hoapilipaa, e ohumuhumu ana ma na hana e loaa ai he pono ma ka noho ana no keia lahui kuauli, a ikelia aku la, ma ia mau la he wahi olino o ka malamalama, i o lilo loa. Ua hookoloia aku ua wahi olino nei a loaa aku la ma kela makahiki aku nei he alaula; a o ua alaula nei, ua puka maoli ae he malamalama e ike maka ia nei. O ua malamalama la o ia ka bila hoopulapula a ke Alii Kuhio ame J. H. Wise.

            Ua ku ae me ke pihoihoi ke alii i moe me ka loaa ole he wa e komo pu ae ai a noho me kona mau kanaka maluna o ia mau aina o Molokai. Mahope iho o kona moe ana, ua ala ao na hoomaikai oiaio maoli i kupono ole no ke kino lepo, a paholaia maluna iho o Kuhio ma na aoao apau. I loaa mua keia ano maikai me na hoomaikai i ko ia la wa e ola ana, ina paha o kala lilo loa ko kakou hoi ana ma na aina hoopulapula.

            He mea pono ia kakou e hoomaopopo pono i ka kakou hoomakai a kau aku maluna o ka mea nona ka hoomaikai i ka wa e ola ana. He mea i'o no paha keia i kuluma i na kanaka o ka hoino wale aku no, a moe kela, puka na hoomaikai.

            Ua oiaio ka ke Alii Kuhio; holowawe aku la oia mai o kakou aku nei iluna lilo loa i ke Akua mana: no Kana hoomaikai mai. O kau wahi hoomaikai wale no e hiki ia kakou i keia wa, o ia no ko kakou hoi aku a noho maluna o ka aina, a malama me ka hooko pono i na kauoha a ke aupuni ma o na kauawai hoopulapula la, i lilo ai keia luhi ana a keia mau alakai o ka lehulehu, i mea e hoopomaikai aku ai i ka lehulehu o na hanauna o keia mua aku.

 

 

            HOOPANEEIA KA HOAKEA ANA I KE ALANU MOI

            Ua hoopaneeia ka noonoo a hooholo ana maluna o ka ninau e pili ana i ka hoakea ana i ke alanui Moi ma ka noho ana o ka halawai a ka papa o na lunakiai kula@akau hale ma ka po o ka Poalua iho nei, a ua kauohaia ka enekinia kulana kauhale e hoomakaukau i mau hana hou no keia alanui mawaena o ke alanui Alapai ame Punahou. E hoakakaia ae ana keia mau hana hou e hoolalaia ana i ka Hui Kaa Uwila me ke noi pu ia ae o hoopanee ka noonoo a hooholo ana a ia hui ma ka mea e pili ana i ka hoakea ana i ke alanui Moi.

            Ma ka halawai a ka papa o na lunakiai o ka noho ana ma keia pule aku nei ua kamailio nui ia ka hoakea ana i ke alanui, Moi mai ke alanui Alapai aku ahiki i ke alanui Punahou i 20 kapuai hou, makai a mauka o ke alanui Moi, o ia hoi i 10 kapuai e laweia mai na apana aina ae makai a i 10 kapuai ma ka aoao mauka. Ma ia halawai i hoakakaia ae ai ka ae ana o ka poe no lakou na apana aina pili i ke alanui Moi no ka uku ana i na auhau i kauia aku no ka hana hou ana ia alanui elike me ia i hoolalaia ai i kinohi, o ka hoakea ana ae i ke alanui i nei manawa he hoomahuahua ko'iko'i loa ana aku ia i na auhau a ia poe a mau ono aina hoi e auamo ai, elike me ia o ka hoikeia ana ae.

            "Ina e hoopauia ana ka hana i hoolalaia ai i kinohi no ka hoakea ana i ke alanui Moi o ka manao o ia e hoomahuahua loa ia ae ana na hoolilo i $160,000 a he haawe kaumaha loa ia maluna o na on a aina ma ke alanui Moi. He hana maikai ole ka homahuahua hou ana aku i na hoolilo maluna o ka poe on a aina e noho nei ma ke alanui Moi, oiai o na makaainana e noho ana ma Kaimuki a ma Waikiki a ma Manoa o lakou ko hoopomaikai ia aku ana mamuli o ka hoakeaia ana o keia alanui," wahi a ka Enekinia Ohrt o ka hoakaka ana ae.

            Ua kokua koke mai ka Lunakiai Pacheco i ka hoopau ana i ka hana i hoolala hou ia ai no ka hoakea ana i ke alanui Moi a e apono ana hoi i ka hana hou ana ae ia alanui elike me ia i hoalalaia ai i kinohi.

            Mahope iho o keia ua hapalia ae ke kumuhana e pili ana i ka hoakea ana i ke alanui Hokele a ua waihoia aku ia kumuhana malalo o ka noonoo hou ana, aohe mau hoohalahala mai ka poe i kuleana ma ia alanui i komo ae i ka papa.

            Ma ka manawa o ka noonoo hou ia ana maluna o na hana o pili ana i ka makeke kulanakauhale he olelo hooholo ka Lunalilo Low o ka waiho ana ae e noi ana i $350 no ka hana hou ana ae i kekahi wahi o ka hale, o ia hoi kela hana e ku mai la o ka pahu a hale waiho hau no ka hoohu'ihu'i ana in a mea kuai. Ma ko Pacheco manao o ka hoolimalima o kela halo i nei manawa he $60, e pono e hoopii hou ia ae; a ua hoakaka ae ka Lunakiai Low o ia ano hana he keehina hana hikiwawe loa ia e panikuia ai ia hale, oiai nae, he hale kokua a hoopomaikai nui aku ia i ka poe mahiai ame ka poe kuai waiu, loaa kahi o ka waiu ame na mea e ae e hoahu aku ai no ke kuai hou ana aku ma kekahi la ae ma ke kumukuai i emi iho malalo o ke kumukuai i ka wa hou loa o ia mau waiwai. Mahope o keia mau hoakaka manao ana o na lunakiai ua hooholoia e hoopanae ka hooholo ana i ka olelo hooholo a kahi wa aku.

            He olelo hooholo e kauoha ana no ka hana hou i manaoia ma ka apana Binamu ka i hookomoia ae a hooholoia. He olelo hooholo hou no a i hooholoia e noi ana e hookaawaleia i $17,000 mai na bona mai o ka oihana wai e kuaiia aku ana no ka uku ana aku i na hoolilo no na paipuwai nui no ia apana.

            He palapala ka i loaa ae i ka papa mai ka lunawai nui ae W. A. Wall, e noi ana i $5000 no na mita, i $30,500 no na hana hou ame ka hoonui ana ae i ka wai ma ka apana o Palolo, a i $14,250 no ia hana like no no ka apana o Nuuanau.

            Ua heikeia ae i ka papa he elua mau kahua no ka paka ma Waialae i hiki e loaa i ka papa no $6000 ame I6500 pakahi.

            He mau palapala noi ka i hoea ao imua o ka papa e noi ana po ka hoomae @eia alanui 8 mai ke alanui Waialae aku ahiki i Kaau ame kekahi hapa o ke alanui Pehu, a no ka hookumu ana i kekahi wahi no na hana kalepa maloko o ka apana o Kalihi kokoke i ka Papu Kahauiki. Ua waihoia aku keia mau palapala, noi i ka lunanana hele Cain.

 

APONOIA E KOMO I KE KULA

A'O KOA WEST POINT.

            I kulike me ka lono o ka loaa ana mai Wakinekena mai, mahope iho o ka ninaninauia ana o Samuel Poepoe ke kekikane a Rev. Henry K. Poepoe, o Kaumakapili, e hou kaka ana hoi i ka ninaninauia ana mai la on a me ka holopono loa a aponoia kona komo ana aku i ke kula a'o koa o West Point. He lono hauoli keia i loaa mai e pili ana no kekahi keiki Hawaii i oni aku la o loaa keakhi kulana ma ka oihana koa.

            O keia keiki opio i hoikela mai la a ikoia kona makaukau o kekahi oia o na keiki hope loa a ka Elele Kalanianaole o ka hooia ana aku no ka hookomoia ana aku i ke kula a'o koa ahiki i ka manawa o kona make ana iloko aku nei o ka mahina o Ianuari.

            Na ka Prof. Harry Blackman, ka mea nana i a'o i kekahi kula ma ka halepule St. Clement i a'o mua no ka hoomakaukau ana ia Poepoe opio no kona koikeia mai no kona makaukau. O keia Prof. Blackman hookahi no ka mea nana i ao ia Charles Chillingworth Jr., no ka hoomakaukau ana i@ia no ke komo ana aku i ke kula a'ol koa ma Anapolis, o keia iho la ka lua o kana mau keiki o ke a'o ana a i komo aku la hoi i na kula a'o koa. He lala o Chillingworth no ka puali o na koa a'o hou ma Annapolis i nei manawa. E puka pono mai keia mau keiki Hawaii o pono ai e lilo laua i mau alakai no na Hawaii ma nei mua aku.

 

            Ua hoopanee hou ia aku ka manawa e pau ai ke komo ana mai o na palapala noi mai ka la hope iho ia o Aperila, ahiki i ka la 15 o Mei, keia mahina. I hanaia keia no ka mea, aole no i lawa pono ka manawano ka poe e hookomo mai ai i ka lakou mau palapala noi aina.

           

            Ma ka la 23 o Mei nei, e lawela aku ana he 12 poe mai na mokupuni like ole mai, no ka nana ana i na aina e weheia aku ana, a e koiia aku ana keia poe e hoike mai i ka lakou mau hoolaha, i manao ai ua kupono no ka laweia mai e na Komisina a noonoo. He 4 no Hawaii, 2 no Maui, 2 no Kauai a he 4 no Oahu nei.

 

            TERITORE O HAWAII

Keena o ka Puuku, Honolulu, Oahu

            Ma ka hana o hoopau ana i k@ HAWAIIAN FERTILIZER COMPANY, LIMITED.

            OIAI. o ka  HAWAIIAN FERTILIZER COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koila ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleanan nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka la 17 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.

HENRY C. HAPAI,

Hope Puuku, Teritore o Hawaii

Honolulu, Mei 9, 1922.

6503--Mei 11, 18, 25; Iune 1, 8, 15

22, 29; Iulai 6, 13, 1922.

 

 

TERITORE O HAWAII

Keena o ka Puuku, Honolulu, Oahu

            Ma ka hana o hoopau ana i ka AHUIMANU PINEAPPLE AND RANCH COMPANY, LIMITED.

            OIAI. o ka  AHUIMANU PINEAPPLE AND RANCH COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koila ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleanan nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka la 17 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.

HENRY C. HAPAI,

Hope Puuku, Teritore o Hawaii

Honolulu, Mei 9, 1922.

6503--Mei 11, 18, 25; Iune 1, 8, 15

22, 29; Iulai 6, 13, 1922.

 

 

TERITORE O HAWAII

Keena o ka Puuku, Honolulu, Oahu

            Ma ka hana o hoopau ana i k@ KAHALUU PINEAPPLE AND RANCH COMPANY, LIMITED.

            OIAI. o ka  KAHALUU PINEAPPLE AND RANCH COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koila ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleanan nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka la 17 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.

HENRY C. HAPAI,

Hope Puuku, Teritore o Hawaii

Honolulu, Mei 9, 1922.

6503--Mei 11, 18, 25; Iune 1, 8, 15

22, 29; Iulai 6, 13, 1922.

 

 

TERITORE O HAWAII

Keena o ka Puuku, Honolulu, Oahu

            Ma ka hana o hoopau ana i k@ KOOLAU FRUIT COMPANY, LIMITED.

            OIAI. o ka  KOOLAU FRUIT COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koila ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleanan nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka la 17 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.

HENRY C. HAPAI,

Hope Puuku, Teritore o Hawaii

Honolulu, Mei 9, 1922.

6503--Mei 11, 18, 25; Iune 1, 8, 15

22, 29; Iulai 6, 13, 1922.

 

 

TERITORE O HAWAII

Keena o ka Puuku, Honolulu, Oahu

            Ma ka hana o hoopau ana i k@ HONOLULU PINEAPPLE COMPANY, LIMITED.

            OIAI. o ka HONOLULU PINEAPPLE COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koila ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleanan nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka la 17 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.

HENRY C. HAPAI,

Hope Puuku, Teritore o Hawaii

Honolulu, Mei 9, 1922.

6503--Mei 11, 18, 25; Iune 1, 8, 15

22, 29; Iulai 6, 13, 1922.

 

 

TERITORE O HAWAII

Keena o ka Puuku, Honolulu, Oahu

            Ma ka hana o hoopau ana i k@ THE THOMAS PINEAPPLE , LIMITED.

            OIAI. o ka THE THOMAS PINEAPPLE COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koila ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleanan nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka la 17 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.

HENRY C. HAPAI,

Hope Puuku, Teritore o Hawaii

Honolulu, Mei 9, 1922.

6503--Mei 11, 18, 25; Iune 1, 8, 15

22, 29; Iulai 6, 13, 1922.