Ka Nupepa Kuokoa, Volume LXI, Number 19, 11 May 1922 — E MALAMAIA ANA HE HOIKE IKE E NA KULA. [ARTICLE]

E MALAMAIA ANA HE HOIKE IKE E NA KULA.

Ma ka Poaono, Mei 27, e malamaia ana he mau hana hoikeike e na kula like ole o keia kulanakauhale, ma ka hale o ka Y. M. <3. A. 0 ke alanui Nuuaīu; o keia ka mea 1 hooholoia, ma ka halawai a na kumukula, o ka noho ana ae, ma ka auwina la o ka Poalima aku nei i hala. I Ma ka oleloia, aia ma kahi o ke 40 a oi aku mau kula, mai na kula aupuni a na kula kuokoa, © komo ae ana iloko o kela hana hoikeike, a o kekahi mea i hooholoia, o ia no ke kuai hoolilo ana aku i na mea hoikeike, i ka wa o pau ai ka hoike-, ike ma kela la. ' I O ka manao nui o ka malama ana aku i kela hoikeike o na kula lehulehu, aol e wale no, no ka haawi ana aku i ka lehulehu i kekahi ike, no na hana like ole e a'oia mai nei i fta haumana, ma na kula, aka, no ke kokua pu ana aku, e loaa mai ikekahi waihona dala, i hiki ai ke hoouna i kekahi mau kumukula ame kekahi mau haumana, no ke a'o ana i ka ike mahiai maloko o ke Kula Kiekie o Hawaii, a o ka makaukau e loaa mai ana ia lakou, mai kela kula nui mai, o ka lakou ia e hoi mai ai a a'o aku maloko o na kula lehulehu. Ua loaa ka manao iloko o ka ahahui o na kumuknla, o ka loaa ana o ka ike ame ka makaukau i ka oi* hana mahi, o ka mea ia e hiki ai ke kokua nui ia aku na haumana ma ko kauka'i ana aku i na &ana pili loa i ka lepo o ka aina; he manao hoi i kokua nui ia aku e ka oihana hoonaauao. O na kumukuH ame na haumana 0 hele ana i ke Kula Kieki© o Hawaii, no ko a'o ana i ka ike mahiai, malalo o na hoolilo o ka ahahui i ko lakou wa e hookuu pono ia ai mai kela kula mai, e uku ae ana lakou 1 ka ahahui, ina paha ma ka lilo ana i mau kumukula, e a'o ana i na liaumana i kela ike, a iole me kekahi huina dala kupono. He nui na kula, i waiho ae i na inoa, no ke komo ana iloko o na hana hoikeike, no na mea i hana maoli ia maloko o kela ame keia kula; a o kekahi mea i hooholoia, o ia no ka malama ana i kekahi ahamele, a o na ukulele i hanaia maloko o ko Kula Kamehameha, a ma Pearl Gity, o na pila ia e hookaniia ana e kekahi mau kalapu hokani p^ila. He mau makana kekahi e haawiia ana i na hoikeike e kaa ai o na helu kiekie, ho mau makana nae, aole mo ke dala maoli, aka me na lipine, ma na waihooluu.