Ka Nupepa Kuokoa, Volume LXI, Number 19, 11 May 1922 — E Hoopau i na Manao Kuhihewa [ARTICLE]

E Hoopau i na Manao Kuhihewa

I-īe nui wale o na Hawaii e noho mai nei, i loaa aku na manao kuhihewa no ka buro kinai ma'i akepau o ka papa ola, ma ke ano, o kekahi ia o na keena, a lakou i kau ai o ka weli. O ka mea oiaio loa, he keena kela, i kukuluia ae, no ka haawi ana aku i na kokua ana i na Hawaii nele a hiki ole ia lakou ke uku i na kauka, iloko o ka wa e loaa ai 'kekahi o ko lakou mau ohana i ka ma'i akepau. No ka poe i makaukau me ke dala, e hiki ana ia lakou ke kii i na kauka, no ka hele ana mai e nana i ka man&Wa; e loaa ai i ka "'ma'i 'akepau, a e uku aku hpi i na laau, no ka lapaau ana i ka poe ma'i. ? No ka poe nele a ilihune maoli, i hiki ole ke uku i kekahi kauka, a uku aku paha i ka laau e haawiia mai ana, ua hamama mau na ipuka o ka buro ki'nai ma'i akepau no lakou; no ka hele ana ae i kela keena, me ka uku ole i hookahi keneka i ke kauka, no ka nana ana mai ia lakou, a pela hoi me ole aku no ka laau e haawiia mai ana. V Ma na mea oiaio maoli i ikeia, ua ae wale mai no na kauka, e nana i na ma'i akepau i ka manawa e uku pono ia aku ai lakou, i kela ame keia manawa e kiiia aku ai; i ka wa e hoohemahemaia ai ka uku ana aku i ka lakoū naau bila, o ka pau mai la no ia o ko lakou makaala ana i na ma'i o kela ano, e hookuu mai ana no i na Hawaii, e hana aku no ko lakou pono, a ma kekahi olelo ana ae, ua ake wale mai no na kauka, no ke dala, e ukuia aku ana ia la'kou. Aia iloko o keia buro kinai ma'i akepau, ka makee, e lawe aku na Hawaii, i na a'o naauao ana, e haawiia mai ana ia lakou, no ke pale ana aku i keia alio ma'i, a ina e laweia na a'o ana me ka malama kupono ia o na kuhikuhiiiapau, e palaekna ai, aole loa he hopohopo ana, a he maka'ullna no keia ano ma'i, ma o kakou nei. Ma na mea i hoomaopopoia, a ikeia no hea; ma kā hapanui 0 na ma'i akepau, ina i ka wa kinohi loa o keia ma'i, e hoohanaia ai na lapaau ana, me ke akahele, a malamaia hoi na kuhikuhi me ke akahele, he hana maalahi loa ka hoola ana i ka ma'i, ua ikeia keia, mamuli o ka nui o ka poe i hoolaia o na manawa ae nei i hala. f J O ka huna ana me ka hookuukuu wale, mai ka manawa uUku mai o ka ma'i, ahiki i ka nui loa ana, he hana, paakiki loa ka hoola ana; nolaila ,e ike mai kakou, he ma'i hiki loa ke akepau ke hoolaia, ke hoopau loa kakou, na Hawaii i na noonoo kuhihewa, aka e lawe mai a hoohana aku i na alahele naauao apau, i ikeia e ka oihana lapaau, no ko kakou palekana •mai keia ano ma'i mai, i kauia ka weli e kekahi poe. O kekahi naauao, e hiki ai ke pale aku i keia ano ma-'i, mai ka laha ana aku maluna o ka ohana, o ia no ka malama ana i ke kulana maemae o ke kino, ka haawi i manawa nui no ke kino e hooluolu ai; a i ka hiamoe ana ma na home, e hoohamama i na puka aniani, i komo nui mai ai na ea olilolu lloko. » Ke olelo nei na kaukā naauao loa, he hookahi no alahele 1 hoea mai ai o keia ma'i, mai na anoano liilii mai no ia, i koino paha iloko o na meaai, a i ole, iloko o ka lepo paha, a ma ka hanu ana, ame ka ai ana i na meaai, i komo aku ai kela mau anoano iloko o ke kino; a o na hoailona ē maopopo ai ka loaa ana o kekahi mea i ke akepau, o ia no ke kunu, a kahe nui mai ka hou i kekahi manawa. O ka hana i 'ka wa e ikeia ai kela mau haawina, o ia no, ka hele koke ana i ke kauka no ka nana ana mai, a i ole, e hele ae ma ke keena kinai ma'i akepau, aole o- ka hookuukuu wale pela, ahiki i ka nui loa ana, o lilo i hana loa ka hoola ana aku*.