Ka Nupepa Kuokoa, Volume LXI, Number 20, 18 May 1922 — HE HOALOHALOHA NO JOHN K KOMAIA [ARTICLE]

HE HOALOHALOHA NO JOHN K KOMAIA

Mr. Lunahooponopono o ka Nupepa Kuokoa, Aloha auanei a nui loa: —E ae mUi kou hanohano i kauwahi kaawale o ke kino lahilahi o kau nupepa no kela poomanao e kau ae la maluna, a nau hoi ia e aha'i mama aku, a loaa kona ohana ame ka lehulehu e noho ana me ka nanea mai ka la puka ae ma Kumukahi, a ka la koili o Lehua, no nei haawe kaumaha i hekau iho maluna o makou kona mau hoapaahana iloko o ka Haku. Elike me ka olapa ana o ka uwila a ku'i nakolokolo ae la ka hekili 0 ka hooilo ma na paia lani, pela no ka puiwa hoolelehauli i pahola ae ma na hora poniponi o ke kakahiaka nui Poa a, Mei 4, e ha'i mai ana ia makou kona mau hoapaahana, o ka Lunakahiko John K. Komaia, ua hala i kahi mau o na mea apau, i na hora o ke aumoe o ka Poakolu, la 3 ma kona home. Ma kona ano oiaio o kona hiki malihiūi ana mai me kana 'wahine i hala mua ame kana keiki i hala mua *me na moopuna, he aloha, ho oluolu ma na ano apau, he kauwa hoi e hapai ana i ke ke'a.o kona Haku me ka hoomanawanui me ke kaniuhu ole. Nolaila i ka hala ana aku la o John K. Komaia, ua kau iho Ia ka haawe kaumaha a luuluu maluna o kona hanaumua e noho mai la i ka ainahanau o Maui, oia hoi o Mr. Kila ame ka pokii, e noho mai la 1 Kahana ame na moopuna i nele i ko kupuna aloha, na hoaloha he nui. Luuluu wale hoi! Nolaila e hooholoia, o makou o na luna ame na hoahanau, ke Kula Sabati, ka Hui Manawalea o ka Ekalesia o lesu Kristo o ka Poe Hoano o na La Hope'Nei, o Kokoiki Homestead, Kohala Akau, Mokupuni o Hav/aii, ma o ko makou mau komite la, ke komo pu aku nei me oukou kona mau ohana, na pokii, na keiki, na moopuna lehulehu e auamo pu i neia ukana e haawe nei maluna o kakou apau. no ka mea i haalele mai ia kakou, ma keia aoao o ka muliwai eleel e o ka make. E hooholoia, o John K. Komaia i hala aku ]a, ho lunakahiko a he hoakuka mua no ka apana ah 0 hoakuka mua pu hoi 110 ke Kula Sabati, ua paa ia hoi ia mau kulana eia me ke kaniuhu ole, aole ka inaina ameka huhu iloko ona, aka o ke aloha ! ame ka oluolu kana o haawi mai ai ia makou kona mau hoapaahana i kela amo keia manawa, a na ka make i wehe ia pili ana o makou, oiai ua kahea mai la «kona Haku aioha e hoi aku ma kona wahi i hoomakaukauia no ka maha mau loa ko ae la ka mea i palapalaia o ke kanaka i hanauia e ka wahine, he hapa kona mau la, ua piha nae i na poi pilikia o keia ao, a e hoi ka lepo i ka lepo, no ka mea mailaila mai kakou i puka mai ai, a o ka uhane e hoi no ia me ka mea nana i hana. E hooholoia e hoounaia hookahi kope o keia hoalohaloha i ka Nupepa Kuokoa, hookahi i kona mau pokii, a ke noi a e nei ka makou leo I pule i ka Haku, ka Makua mana I loa, Nana e lawe aku i na kaumaha me na luuluu mai o kakou ae apau, a Nana e hoomaha mai ia kakou apau, iloko o ka inoa o ka Makua, jke Keiki, ka Uhane Hemolele, ame!ne. Me oo e Mr. Lunahooponopono ka makou hoomaikai nui, ame na keiki o kou papapa'i ko makou anoai. 0 makou iho no me, ka luuluu pauniako, ma o ko makou mau komite la. W. M. KAMAKAOKALANI, Peresidena Apana; JOHN KAILIKINI, Peresidena Kula Sabati; FRANK K. KALAMA, Hoakuka Eljia, Kula Sabati; MRS. L. AILIINI, Peresidcna Hui Manawalea; LAU K. KUHINAPULE, Lunahoomalu o ke Komite. Kokoiki Homēstead, Kohala, Hawaii, Mei 11, 1922. +++