Ka Nupepa Kuokoa, Volume LXI, Number 20, 18 May 1922 — KUU MEA ALOHA UA HALA [ARTICLE]

KUU MEA ALOHA UA HALA

Mr. Solomon Hanohano, Aloha oe: E oluolu mai kou ahonui o hoike ae ma ka hiwahiwa a kaua, i ike mai ai ka ohana, na makamaka ame na hoaloha o kuu mea aloha, he wahine ua hala i ke ala polikua a Kane. Ua hanauia kuu mea aloha Mrs. Christina Kahawaii Keaunui mai ka puhaka mai o Kealiinui (k) ame Kahawaiinui (w) ma Kau, Hawaii, ma "ka la 27 o Sepatemaba, 1884, ua piha iaia na makahiki o ke ola honua ana he 37, 6 mhina, 21 la keu. Ua hoohuiia maua. ma ka berita laahia o ka mare e ka Makua Uhane Father Mathias, ma Marie o ka Malu, Boma, alanui Papu, i lanuari 13, 1901. Ua piba ia maua na makahiki he 23, 3 mahina, 8 la keu o ka noho aloha ana. Ua hoohuaia mai ko maua mau puhaka mai na hua ohaoha na keikikane eha ; amo na kaikamahine elua, me na ola kino maikai. Ua loāa i ka ma'i .ma ka po Poakahi, Apeiila 17, 1922; laweia ma ka Halema'i Moiwahine, Aperila 19, 1922, maealo o ka lawelawe ana a na kauka o ka halema'i; haalele mai i keia ola honua ana, Aperila 21, 1922. Laweia ma kahi hoomaemae kino 0 H. H. Williams e hooponopono ai, ma ke ahiahi o ia la, ma ka hora 10 ā. m., Aperila 22, 1922, hemo mai ke kino no ka ike aku o ka ohana, na ma'kamaka ame na hoaloha. Ma ka hapalua o ka hora ekolu i malamaia ai ke anaina haipule e Eev. D. K. Diamond me ka papa himeni ame ka hookani okana Miss Hana A. I. Bright, no ka hoomaikai aku i ka Makua lani kiekie loa. Hoolewaia ma ka hora 4 p. m., Aperila 22, 1922, ma ka ilina o Kawaiahao, me ka pule hoomaikai hoPe loa ma kona home lua mai ia Rev. H. Kaleo mai. Ua waiho iho lie puolo luuluu na'u ame na lei a maua e paiauma aku mahopo nei. Hookoia iho la ka olelo a ka Buke, aole puunui mawaena o 'ke kane, ame ka wahine i ko laua wa e ola ana, o ka make wale no. Maanei kakou e ike ai i ka hohonu o ia inea. Aole loa e moku koke ke kaula kaakolu, na ka mako wale no e hookaawale; ua hiki i'o mai ia mea. Hooiaio hou mai la ka olelo a ka Buke Nui, Nana no i haawi mai na'u, Nana no i lawe aku, hoomaikaiia no o Ichova o kaua, ma na lani Wie'kie loa. Amene. He makuahine hoonianawanui i ka malama keiki ana ame na hana apau o ka home, a he makuahine pu iloko o na hana a Kristo a lesu a moe. Ke hoomanao ae i keia mau mea, 1 na la o ka noho opiopio ana ma ko'u aina hanau ma Hauula, Koomalu o na Koolau e, ua pau loa kou lau, Oahu, lihaliha wale. E Hauula, kuu aina hanau i ka ike hou ana i na papalina o kuu mea aloha. E Waipuhi ame Meheiwi wai e, kahi a kuu mea aloha e hahaopae ai e, aole loa olua e ike hou i kona aka, e maalo ae ana i 0 olua la. I kuu poe makuakane me kuu poe makuahine e, aole loa oia e kiei hou 1 ko oukou mau home no ka manawa mau loa. I 'kuu poe pokii aloha, Mr. ame Mrs. Wm. Kualii, Mr. am e Mrs. E. Keaunui, Zachary Keaunui, Mr. ame Mrs. Agness Akina, aole loa oukou x» lohe hou i ka leo o ko oukou kaikuaana, ua kuu ka luhi, ua hoomaha no ka wa mau loa. Pela pu no hoi- me ia mau pokii kaikuahine o'u e noho mai la i ka aina, Emalia Kaheiau Kekai, Kaliko Graco ame Lu; aole oukou e lohe hou i ka leo, aole no hoi kona aka e maalo hou me oukou maluna o ka papa limu kohu o Wahiopua, aloha wale ia mau aekai e holoholo pu ai. Ko hoomaikai nei au i ka ohana, na makamaka ame na hoaloha i komo pu mai me a'u ilo'ko o ke aloha luuluu, a ke hoomaikai pu nei au i na makana bok e pua a ka ohana, na makamaka ame na hoaloha, na ke Akua e hoopomaikai ia oukou ame ko oukou ohana ame ko oukou hale apau, mo ka malu mai ke Akua mai. Me oe amo n* keiki o kou papapa'i ka welina o ke aloha nui. Owau o ke kane ame na keiki iloko o ka luuluu, ANDREW M. KEAUNUI. Hustac e St., Honolulu.