Ka Nupepa Kuokoa, Volume LXI, Number 20, 18 May 1922 — Mai Hoohemahema i na Hana Kalaiaina. [ARTICLE]

Mai Hoohemahema i na Hana Kalaiaina.

Ua hoopuka ae nei ke komite kuwaena o ka aoao Repubalika, i ke kuahaua, no ka noho mai o ka ahaelele teritore, hana kahuahana kalaiaina, no ka mahina ae nei o lulai e hoea mai ana, a pela hoi, ka wae ame ke koho ana aku i na lunanui o na kaalpu, no keia nee ana aku, iloko o Itme; nolaila mai hoohemahema e na Repubalika, mai na kane a na wahine, i ke komo ana ae iloko o ka hana a na kalapu. Iloko o na makahiki i kaahope ae nei, he mea maa i kekahi mahele nui o na Repubalika', ka hoohemahema ana .i na hana o na kalapu, aia nae, a kahi o ke noi oihana, a ake mai paha e loaa aku he mau pomaikai pili kino ia lakou, o ka wa iho la ia e awiwi ai i ke komo ma? i māu lala. Aole he pololei iki o na hana o keia ano; e hoike i ka Repubalika oiaio, ma ke komo kino ana e hooikaika no ka holomua o na kalapu. Ua makemakeia ka poe kupono a maikai i mau lunanui no na kalapu, i poe hiki ke hilinaiia, no ke kau aku o na manaolana o ka lehulehu, no ka hanaia aku o na mea ' e pono kaulike ai na mahele, kahi i ku ai o "ha kalapu, aole hoi o ke ake wale'no i na mea e pomaikai ai ka poe kakaikahi. O ke kalaiaina, ka hikimua o na hana a kakou e hooikaika ai, mailaila mai e oili mai ai na kanaka kupono, na lakou e lawelawe i na hana o ka lehulehu; a i wahi no kakou e mihi ole ai mahope aku; oke a'o ikaika a keia pepa ia kajcou e na Repubalika oiaio apau, a hoea mai i ka manawa no ka wae ame ke koho ana i na lunanui o na kalapu, pel"a hoi ke koho ana i na elele o ka ahaelele, e koho i ka poe kupono, a makaukau, no ka hana ana mai i na mea e haaheo ai ka aoao kalaiaina.