Ka Nupepa Kuokoa, Volume LXI, Number 21, 25 May 1922 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

HIKI OLE KE PAPALA KA WALAAUNUI MALOKO O KA AHA KAAPUNI

 

@ke me ka uina nakolokolo o @hi hekili pama-Io pela ka nui @kahi leo i wawalo hele ae ai @ko o na paia o ka Aha Kaa-@ @ma ka auwina la Poaha aku @ hala, a i ka huli pono ia ana @ o ke kumu o kela ala ana @ o keia walaau nui ana, eia ka o @ Loio Konela Hathaway, e hai-@ ana imua o ke kiure, maloko o @aha hookolokolo kaapuni e noho @kanawaiia nei e Lunakanawai @Banks.

Mahope koke iho o ka hala ana @ka hora elua o ua auwina la nei, @ oiai o Lunakanawai Andradee @ hoolohe ana i kekahi hihia ma-@ o kona aha, aia hoi, ua wawa-@ leae la kekahi leo nui, me he @ la e nuku ana kekahi mea i kekahi mawaho koke iho o kona @a, nolaila, mamuli o kela leo @i, ua hiki pono ole iaia ke lohe @ na mea e ninaninauia anae na @ maloko o kona aha, he mea @ nana i kono aku iaia e hoomalu @a aha ahiki i ka pau ana o ka @akuli a kela mea mawaho.

"He mea pono i keia aha e hoo-@aha iki; he nui maoli keia hana-@li, a aohe o‘u lohe pono i na @ea e walaauia nei maloko nei," @ahi a ua mea Hanohano nei i kau-@oha mai ai.

Ua Kaheaia o William Ayau, ka @makai o ka aha, e hele mai imua o @a aha, he kauoha hoi na ka makai @ hooko mai ai iloko o ka imo ana @ maka no ka mea he leo mana @ko ka lunakahawai.

"E ka makai o keia aha; e oluolu @ e puka aku iwaho, a e papa @ i kela mea leo nui e noke mai @ i ka nuku," i kauoha aku ai ka lunakanawai ia Ayau.

Ua hooko koke aku o William Ayau i kela kauoha mana a ka lunakanawai, a iloko o ka manawa @pokole loa, ua oili hou mai la ia, me ka hoike ana aku i ka lunakanawai penei:

"E ka Moa Hanohano, aole e hiki ia‘u ke hoopau i kela hana@uli." wahi ana me ke ku pololei ana imua o ka lunakanawai me he koa kiai la.

"Heaha ka kela hanakuli i hiki @le ai ia oe ka papa aku" wahi hou a ka ninau a ka Mea Hanohano.

"O Loio Konela Hathaway ka mea nona kela leo hanakuli," wahi a ka pane a ka makai o ka aha.

"Heaha ke kumu e hiki olo ai ia @ ke papa iaia mai ka hanakuli ana elike me keia ke ano, oiai au e hoolohe ana i kekahi hihia maloko o keia aha" i ninau hou mai ai no ka Lunakanawai Andrade.

"E haiolelo ana oia imua o ke kiure i keia wa e ka Mea Hanohano, maloko o ka Lunakanawai Banks aha," wahi a ka makai i pane mai ai.

"Ina pela, e hoonee aku na hana o keia aha imua," i pane mai ai ua Mea Hanohano nei, me na minoaka ma kona mau papalina.

He mea oiaio, e haiolelo ana o Loio Konela Hathaway maloko o ka aha kaapuni e noho lunakanawaiia ana e Lunakanawai Banks, imua o kekahi kiure. No ka hora a oi kona haiolelo ana me ke akakuu ole mai o kona leo, me ka loaa ole o ka hoomaopopo iloko on a, eia kona leo nui ke wawalo hele nei maloko o kela ame keia paia o kela mau keena ma ia papahele hookahi.

 

AHA‘I KE KULA O KAMEHAMEHA I KA LANAKILA

 

Ma ka hookuku hookahakaha paikau ame na hana hooikaika kino i malamaia ae ma ke kahua paani o ke kula o Punahou, ma ka Poaono aku la i hala, mawaena o na Kula Kamehameha, Punahou, ke Kula Kiekie o Hawaii ame ke Kula A‘o Koa o Honolulu nei, ua aha‘i ae ke Kula o Kamehameha i ka helu ekahi, ma o ke kaa ana o ka hapanui o ke eo i na keiki o kela kula, a aha‘i hou hoi i ke kiaha makana, i haawiia @ne e ka Ahahui Kalepa o Honolulu nei.

O ka huina o na helu i loaa ia Kamehameha, ma na hookuku apau o kela la, he 44; o Punahou aku ka ukali mahope, me na helu he 21; o ke Kula Kiekie aku o Hawaii me na helu he 19, a o ke Kula A‘o Koa aku hoi me na helu he 15.

O Keia iho la ka aha‘i ana o na keiki o ke Kula Kamehameha i ke eo ma ka hookuku ana, me ka paa anai ke kiaha makana no na makahiki elua.

Ma keia kahua hookahakaha ae o na keiki a‘o koa o na kula, ke Kenerala Charles P. Summerall ame Kiaaina Farrington, pela me na aliikoa o ka oihana koa ame ka oihana kaua, a ua hoopihaia na mea apau me na manao hauoli, no ke kulana makaukau maoli o na keiki o @na kula ma ka oihana koa.

O ka hana mua loa ma kela la, o @la no ka makaikai ana i ke kulana makaukau o na keiki o kela ame keia kula iho, alaila hoomaka na hana hookuku, ma o ka hookuuia ana o na puali o na kula pakahi e paikau hookahakaha.

Ma kela hookahakaha ana, ua haawi aku ka poe makaikai i na mahalo kiekie ana i na keiki o ke Kula Kamehameha, no ka mea me na pila lakou e paikau ai, me ka haawi ole ia o kekahi kauoha, ma ka leo, elike me kekahi mau kula e ae.

No ke koena aku o na hookuku ma na hana hooikaika kino, ua holo like na mahalo ana i na kula apau, me ke kaa nae i na keiki o Kamehameha ka hapanui o na eo ma na hookuku like ole.

Ma ka paikau hookahakaha pakahi, ua aha‘i o Clarence Hohu i ka helu ekahi ma kela hookuku, a o ka elua iho la ia o kona manawa i aha‘i ae ai i ke eo, me ke komo ole o ka hapanui ae o na keiki iloko o ka helu, koe wale no o Herbert Richard, o Punahou ka i ukali aku mahope on a, ma ka helu elua.

MA ke ano nui ke olelo ae, ua holopono na hana apau i hoikeikeia mai e na puali like ole o kela mau kula, a o ka mea wale no nana i hookahakaha mai i ka manao o kekahi poe, o ia no ka piha ole o kela kahua hookuku i ka poe makaikai elike me na mea i koho wale ia.

 

O JOSEPH P. KAUIMAKAOLE UA HALA

Iloko o na la kakaikahi wale no, a malalo hoi o ka lawelawe ahonui ana a na kauka, na kanaka i kauia aku ai ka manaolana no ka hiki e hoopakele ae i ke ola, eia nae i ka manawa hope loa ua hoike mai la laua i ka mea hoomokumokuahua i ka noonoo, ua oi aku ka ikaika ame ke kuonoono o ka ma‘i iloko o J.P. Kauimakaole e loaa ole ai he manaolana no ka hiki e hoopakele ae i kona ola, nolaila mahope iho o ka hoike ana ae o ke kauka ia lono kaumaha he manawa ia no ka pilihua loa, a ma ka hora 6 o ke ahiahi Poakolu, Mei 11, i haalele mai ai ka hanu hope loa i kona kino lepo maloko o ka home o kona kaikuahine, Mrs. Apikaka S. James, ma Kaimuki.

Ua hanauia oia ma Hamoa, Maui, i ka la 16 o Okatoba, 1875, ka la i hanauia ai ke Kamaliiwahine Kaiulani, mai ka puhaka mai o Elikapeka Kaluahinui ame Pilipo K. Kauimakaole, a iaia i hala aku la ua haalele iho oia mahope nei he mau hoahanau ekolu na ka makuakane me ka wahine mua, oia o Sam Kaili, G. K. Kauimakaole am G. P. Kauimakaole, lunakanawai apana o Hana, ame J. K. Nakila, he hoahanau hapa ame ke kaikuahine Mrs. Apikaka S. James, na keiki ame na moopuna he nui a lehulehu e hoomanao mau aku nona.

Ua hoonaauaoia oia ma na kula apana i na la mua o kona hoomaka ana e hele i ke kula, a mahope mai ua komo ae oia i ke Kula Kamehameha no kekahi mau makahiki.

He kanaka oluolu a ake hana oia, he akahai me ka makaala mau i na hana maloko o ka homo, a he kakaikahi loa kona mau manawa i kaawale aku ai mai k ahome ku.

Ma ka hora 3 o ka auwina la Poaha, Mei 12, i malamaia ai kona anaina haipule hoolewa maloko o ka home o na keiki, Mr. ame Mrs. Hanohao e R. K. Ahuna, a pela no hoi ma ka lua, a ma ka ilina o Kawaiahao i hoomoeia aku ai kona kino lepo.

No na hoaloha âme na makamaka i haawi mai i na makana pua i komo pu mai me ka ohana i hooluul uia ma ke kumakena pu ana, a i kai pu aku hoi ma ka huaka‘i hope loa no ka ilina na hoomaikaikai he nui.

 

NA KA OHANA,

IKE HOU LA ANA KA HOIKEIKE KAULIO MA AALA PAKA

 

E hoomaka ana mai ka la 3 aku o Iune, ma keia pule ae, a hoea i ka la 12 aku, e ike hou ana ka lehulehu i na hana kaulio ahiu ma ka hoikeike makahiki a ka Ahahui Malu a na Keiki o ka Ululaau ma Aala Paka. Ma ka weheia ana o ka hoikeike a ka Hui Malu Elks ma kela mau mahina aku nei, ua ikeia ke ohohia maoli o ka lehulehu i kela ano hoikeike, mamuli o ka piha mau ia o kela kahua i kela ame keia po, a i na manawa no apau e weheia ai o kela ano hoikeike malaila.

Ma ka wa e weheia ai o kela hoikeike ma keia pule ae, e ike ana ka lehulehu i kekahi keiki opiopio loa, nona na makahiki he 11 wale no, i kaua mau hana aiwaiwa ma kela hana he kaulio me bipi. Ua hoea mai nei kela keiki i keia pule iho la no ka hoikeike ana mai i kana mau hana aiwaiwa @aluna o ke kua o ka lio a ma ka mea i hoikeia mai e pili ana nona, aohe lua ma ka honua nei i hiki ko hahai aku mahope o keia opio, a ua kapaia oia Ka Hiena Kaulio o na Kualono o El Paso.

Mawaho ae o ka hoikeike kaulio, e ike ana ka lehulehu i kekahi mau mea hoikeike hoohauoli i ike mua ole ia ma keia kulanakauhale nei i na la i hala ae nei.

 

E HALAMA HOU ANA I NA HANA HOOHAUOLI.

 

Malalo ae nei o Aala Paka, e hoomaka ana mai ka la 3 aku o Iune ahiki i ka la 12, e malama hou ae ana na Keiki o ka Ululaau, Hui Lunalilo, i na hana hoohauoli me na hana hoikeike, elike me ia ma ka makahiki aku nei i hala.

Ma na mea i hoolalaia, he mau hoikeike o ke ano hou loa i kaokoa mai na hoikeike o ka makahiki aku nei i hala, ke waihoia mai ana imua o ka lehulehu.

O kekahi mau mea ano nui, ma na hoikeike o keia makahiki, o ia no ka haawi wale ia aku o kekahi kaa otomobile, ame kekahi piano, i ka poe e pololei ana ko lakou mau helu.

 

HULI HOI MAI KA WAAPA LAWAI‘A PALMYRA.

 

Ma ka hora 12:30 o ka auwina la Sabati iho nei ke ku ana mai o ka waapa lawai‘a Kepani nui "Palmyra" mai ka mokupuni Palmyra mai, a i kulike me ka John L. Padgett, ke poo o na enekinia o Puuloa o ka hoike ana ae o kekahi poe o lakou o ka holo pu ana oia o Lorrin A. Thurston, ka peresidena o ka Nupepa Advertiser ame kekahi poe e iho ua noho aku no lakou maluna o ka mokupuni Palmyra a maloko hoi o ka hale i kukuluia ai e Henry E. Cooper he mau makahiki lehulehu i hala he kowa mamao o 960 mile ma ka hema aku nei o Honolulu.

Mai ka haaele ana iho o ka waapa lawai‘a Palmyra ia Honolulu nei ahiki i ke ku hou ana mai ma ke Sabati iho nei ua piha iaia na la he 15 ame na hora oi; he elima la a oi no ka holo ana aku, he elima la no ka lawai‘a ana, a he elima la a oi ma ka huli hoi ana mai, a ma ka hoakaka a na kanaka o ia waapa o ka hoike ana ae he malie maikai ka moana ma kela holo ana ame ka hoi ana mai.

"Ua haalele aku no makou ia Mr. Thurston ame kona poe maluna o kela mokupuni Palmyra," wahi a Mr. Padgett o ka hoike ana e. "O ka hale a lakou i noho aku la he nui a akea, a he hale no hoi i kukuluia no ia wahi me ka maikai loa a i kupono hoi no ia mau mokupuni hapapapa. Ua nui a lawa ka ai na kela poe i noho aku la, a he kokoke no hoi ke kai malaila e hiki ai o loaa nui mai ka lakou i‘a i na manawo apau.

"He mokupuni nani ka Palmyra a he wahi oluolu a i kupono hoi no ke ola kino. O ka Mr. Thurston hana nui maluna o kela mokupuni o ia no ka ohi ana i na pupu. Ma na la mua elua o ko makou holo ana ua paa mau ole ka manawa ai aka mahope mai ua hoopaa mau ia ka manawa ai me na ku i hoomakaukauia a no ekolu a eha manawa o ka la e ai ai. O ke awa e hookomo aku ai he nui ka nalu mawaho mai o kuaau, a no ekolu mile okoa e hoe ai ahiki i ka pae ana aku i kahi maikai ma kahaone. No ke kaimake a papau i lilo ai i hana nui ka pae ana aku o ka waapa i kahaone, a maluna o kahi waapa uuku o ka Palmyra i aloaloia aku ai ka poe ame na ukana ahiki i ke kau ana aku i kahaone," wahi a Mr. Padgett.

Ma keia huli hoi ana mai la a ka Palmyra he ehiku tona i‘a i pau i ka hoomaemaeia, a ua manaoia o keia mau ia i laweia mai la ka oi aku o ka nui mamua o na i‘a mua i laweia mai ai, no ka mea, o ia mau i‘a mua i laweia mai ai aohe i pau i ka hoomaemaeia. O ka ulua, ke aku hiu lenalena, ke ono, ke kamano Hawaii ame ka lai na i‘a o ka laweia ana mai nei ma keia kalepa a ka Palmyra.

O H. C. Lemmel ka kapena o ka waapa lawai‘a, a o Padgett ka malama moku, no keia kalepa wale aku la no a o na luina oia na Kepani eono, na Kepani kahiko i kamaaina i na kuaau ame na wahi e hoopuni ana i ka mokupuni Palmyra.

Nui ka I‘a Maloko o ke Kai

Ma ka hoakaka a Mr. Pagett o ka hoike ana ae i kona manawa i ninauia aku ai no ka i‘a o kela mau kai e hoopuni ana i ka mokupuni, aole oia i ike wahi ana i kekahi wahi nui o ka i‘a elike me kela, ma kela wahi oia i ike ai i na ano i‘a like ole, a o kela no hoi ke kahua lawai‘a maikai loa ana i ike ai he 1000 mile wale no ka mamao mai Honolulu nei aku. He nui pu ka mano maloko o ia mau wahi, wahi ana, ame he mea la aole paha ia mau pihi manamana kauia o ka weli oloko o ke kai i hanu wahi io kanaka iki, eia nae, i ka manawa ka e paa ai kekahi ia i ka makau a ua kokoke ka mano malaila, e lilo ana ke kino holookoa o ia ia a koe mai ke poo, ua ike maka oia i ka paa ana o kekahi ulua o aneane he 18 iniha ke anawaena, a mamua o ke kau ana mai o ia i‘a iluna o ka waapa ua lilo aku la ke kino holookoa a koe mai o ke poo wale no.

O kekahi o ka poe o ka huakai makaikai o ka holo ana aku nei i ka mokupuni Palmyra i koe aku la oia o L. A. Thurston, D. D. Thaanum o ka Hilo Post-Herald, T. T. Dranga, O Hilo, ame Vasconcellos, he Pukiki no Honolulu nei i makemake e holo pu me Thurston.

 

HOOKOLOKOLOIA AKU ANA IMUA O KA AHA.

 

Fook Hing Tong, he haumana ame W. B. Coale, kekahi o na kumukula o ke kula kiekie Makinile, ua hoopiiia ae laua no ka hoea me ka mea eha ku i ka make. Victoria Baker, no ka moekolohe ame ke kuko ino me ka hoao e hoowalewale kona kumuhoopii; K. Arakaki, no ka maauhele i ko hai pahale i ka po kona kumuhoopii me ka loaa ole he kuleana iaia; Kang Choo T. Hill he hoeha me ka mea eha ku i ka make kona kumuhoopii; Y. Kido, he kalaiwa me ka mana ole i ko ha‘i pono kona kumuhoopii; Tung Wai, ua hoopiiia ae oia no ka hewa piliwaiwai; Ung Fun ame kekahi poe e ae ehiku, he piliwaiwai ko lakou kumuhoopii, a pela me Kim Tai Hu ame kekahi poe e ae he 18.

 

MAKEMAKE E HOONAAUAO I NA WAHINE KOHO BALOKA.

 

Ma keia ahiahi Poaha, e malama ae ana ka Ahahui o na Wahine Koho Baloka, he halawai, maloko o ka Hale Waiho buke, ka Library of Hawaii, no ka hoonaauao ana i na wahine, maluna o ke kumuhana, kukulu i na kalapu kalaiaina.

He malihini loa na hana kalaiaina i na wahine, aka nae, i wahi no lakou e ike ai, a e loaa ai ka naauao i na hana a na kalapu kalaiaina, pela iho la i makemakeia ai na wahine apau e hoea ae ma kela halawai.

O Mr. Fred D. Lowrey ame ka Meia John H. Wilson, na mea na laua e haawi mai ana i kekahi mau haiolelo, maluna o ke kumuhana, ke kukulu ana i na kalapu kalaiaina.

O Mr. Lowrey, ka mea e hoakaka mai ana i na ano apau i pili aku i ka aoao kalaiaina Repubalika, e laa ke kukulu ana i na kalapu kalaiaina ma kela ame keia mahele koho, pela na lala o ke kalapu, na lulu, na lunanui, ame na hana e lawelaweia ana e kela mau kalapu.

E hoakaka pu mai ana oia, i na ano o ka waiho ana i na inoa, no na lunanui o ke kalapu, pela ke ano o ke koho ana ia lakou, a pela no hoi me ka wae ame ke koho ana i na elele, e hele ae ai maloko o ka ahaelele, ame ka lakou mau hana.

Ma ka aoao hoi o ka Aoao Demokarata, o ka Meia Wilson, ka mea nana e hoakaka mai ana i na lawelawe hana ana a kela aoao kalaiaina, mai ke kukulu ana i na kalapu, ahiki aku i ke kohoia ana o na lunanui, na lakou e hookele i na hana o na kalapu, a pela hoi na hana o na kalapu, a pela hoi na hana, i ka wa e hoea mai ai ka wa hoouka kalaiaina.

O na wahine, i manao, e komo kino aku iloko o na hooikaika ana, no keia kau koho baloka ae e hoea mai ana, he mea pono ia lakou k@ hoea ae ma keia halawai i loaa aku ai ia lakou, na hoonaauao ana, no na mea pono e hana ai, ke hoea mai i ka wa kalaiaina.

O ka fini âme ka makemake iloko o ka Ahahui o na Wahine Koho Baloka, o ia no ka loaa aku o ka makaukau i na wahine apau, me ka nana ole ma ko lakou aoao kalaiaina, no ke ano o ke kalaiaina a oiai he halawai kela i makemakeia no na wahine, aka nae ua koiia no ka lehulehu apau e hele ae, a e hoo@auao ia lakou iho, me na hana apau i pili aku i na aoao kalaiaina kuloko.

 

APONO KA AHA KIEKIE I KA OLELO HOOHOLO.

 

Ua aponoia ka olelo hooholo a ka Lunakanawai William C. Achi Jr., o ka aha kaapuni o Kauai e ka aha kiekie o ke teritore maloko o ka olelo hooholo a ka aha kiekie o ka waiho ana ae ma ka hihia a ke Teritore e ku-e ana ia Gay &. Robinson; na ka aha kiekie maluna

 

Ka Pila

GRAFONOLA

COLUMBIA

Maopopo ka Wa e Pau Ai

Na ka mea hoopaa nona iho e makaala ia @ ea nou. Ua hiki ia oe ke hulahula ahiki i ka huaolelo @ope loa.

Uku Liilii ke Makemakeia

Thayer Piano Co.,

LIMITED

148-150 Alanui Hokele

 

HALE UWI WAIU

MAPULEHU

PUKOO, MOLOKAI

E Hooholo Ana i ka

MOKUKUNA GESOLINA

LELEIONA

Mawaena o na Awa o Honolulu me Molokai

Geo.P.Cooke,

ONA.

Poe Lawe Hau me Waiu

 

o keia hihia a apono lokahiia e na Lunakanawai William S. Edings ame John De Bolt, ka lunakanawai i pani ma kahi o Lunakanawai Antonio Perry i ku-eia kona noho ana e hoolohe ia hihia oiai oia kekahi o na loio ma ka aoao o na mea i hoopiiia.

Ma ka mahina o Augate o ka 1919 i hookomo ae ai ke Teritore i ka hoopii kipaku ia Gay &. Robinson, he mau hoahui kanu ko, o ka aina e paa kuleana ole ia ana e na mea i hoopiiai aia ma ke Awawa o Hanapepe a nona hoi ka ili he 720 eka, e koi ana ke Teritore e hoihoi hou la mai ia aina i ke aupuni, a ua kuleana ole ka paa ana o na mea i hoopiiia ia aina; he pono wai ko ia aina a ma ka oleloia he mau miliona dala ka waiwaiio. Ua koi pu ae ke Teritore i na poho no ka paa hewa ia ana o  ia aina i hiki aku ka huina i ka hapaha miliona dala e ukuia ae i ke aupuni.

Ua hookolokoloia keia hihia mamua o ka Lunakanawai William C. Achi Jr., ka lunakanawai kaapuni o Kauai, ma ka olelo hooholo a Lunakanawai Achi i ka manawa i hoopukaia ae ai ka palapala Sila 6998 no ia aina aole ia he aina leialii, aole no hoi kekahi hapa o ia aina i lilo i aina leialii mai Iune 7 mai o ka 1848, nolaila no ke Teritore ia aina.

Mamuli o keia olelo hooholo a ka aha kaapuni o Kauai i hapai ia mai ai keia hihia imua o ka aha kiekie teritore, a ma ka olelo hooholo a ka aha kiekie o ka waiho ana ae ma ka Poakahi nei e apono ana ia i ka olelo hooholo a Lunakanawai William C. Achi, ka mea nana ka olelo hooholo i hoohalahalaia  mai ai i ka aha kiekie.

Ma ka noho ana o ka aha kaapuni ma Kauai a pela hoi ma ka manawa o ka hooloheia ana o keia hihia mamua o ka aha kiekie o ka Hope Loio Kuhina Lightfoot ma ka aoao o ke aupuni, a o na loio ma ka aoao o Gay & Robinson oia ka Lunakanawai A. G. M. Robertson & Castle ame Perry ame Mathewman.

 

E HOEA MAI ANA KA MOKU A‘O KOA KEPANI LANEL

 

E hoea mai ana ianei mai Yokohama mai na mokukaua Kepani a‘okoa, ka Iwate, ka mokulawehae, ka Izumo ame ka Asama, me na haumana a‘o hou maluna o lakou; e holo loa aku ana lakou no Rio Janeiro, Berazilla, a e hoea aku ana ilaila ma ka la 3 o Sepatemaba, no ka akoakoa pu ana aku ma ka manawa e malamaia ai na hana hoomanao

 

E Hoomanao i Keia Mau La Hauoli e Hoea Mai Ana

Iune 3, 4, 5, 6, 7, 8, 9, 10, 11 ame 12

Ma ke Kahua o

Aala Paka

E HELE MAI E IKE IA

Buster Whelan

KA HIENA KAULIO AHIU O NA KUALONO HAULIULI O

EL PASO, TEXAS "BUSTER" WHELAN

HE OPIO UUKU LOA O 11 MAKAHIKI, EIA NAE UA HELE A LAEULA MA KE KAULIO AHIU

E ike hou ia ana na hoikeike kaulio ame bipi ahiu ma na la i hoikeia ae la maluna, aole wale o ia, aka, he nui na hoikeike o keia au hou i ike mua ole ia ma na hoikeike o na wa ae nei i hala.

HE UMI LA NO KOU HAUOLI ANA

E lawe mai i na keiki opio e holo wahi Merry-Go-Round

MA KA HOIKEIKE A NA

KEIKI O NA ULULAAU

MAI POINA I NA LA AME KAHI E WEHEIA ANA O KEIA HOIKEIKE

 

no ka piha ana o ka haneri makahiki o ke kukuluia ana o ke aupuni Berazila.

No elima mau la o ia mau mokukaua e noho iki iho ai ma Honolulu nei, a oiai ia mau moku e ku ana ma keia awa, e haawiia ana he mau anaina hoolaulea a hookipa no na kanaka o ia mau moku, na aliikoa ame na luina ame na haumana a‘o hou ke hoea mai.

Ma ka la 26 o Iune, elike me ia i hoikeia ae, e haalele aku ai ia mau mokukaua ia Yokohama, kekahi o na kahua hoolulu o na mokukaua Kepani o Iapana, a hoomaka ka holo ana mai malalo o ke alakai ana a ka Hope-Adimarala S. Taniguchi. He mau la laukanaka ana ia o ke kaona nei ke ku mai ia mau mokukaua.

 

NA LETA I KII OLE IA MAI E WAIHO ANA MA KA HALE LETA AHIKI I MEI 19, 1922

 

Haalilo, Mrs. Keahi, Mrs John

Kaowaka, I W Kealoha, Miss

Kaaihue, Miss Ha@tie Florence

Kekoolani, Nawai

Kauhane, Noa Keliikoa, Mrs Hannah

Kahaleanu, John

K Kua, Mr K

Kahui, Wm K Maii, Mrs Sa@

Kalauawa, Daniel Naiwi, Miss Agnes@

Nakea, Mrs Annie

Kamai, Miss Lei D

Kapoi, Sam (2) Papa, Daniel

Kaloio, Mrs. Joseph Pele, Mrs Esther

Perry, Marion

Keanu, Miss Annie@ Simeona, Ahoi

E ninau mai ma na leta i hoolahaia ke kii mai.

D. H. MacADAM,

Lunaleta.

 

HOOLAHA HOOKAPU.

 

E ike auanei na kanaka apau ke nana mai ma keia, o maua o na mea no laua na inoa malalo iho nei, ke hookapu a ke papa loa aku nei i na mea apau, aole e hele wale a komohewa maluna o ko maua aina e waiho la ma Keanae Maui, R. P. 3106, L. C. A. 4665-I Apana 1, ia Kauakahi; R. P. 3380, L. C. ia Kanehaku; R. P. 3106, L. C. A. 4665-1, Apana 2, ia Kauakahi; ame R. P. 3352, L. C. A. 4665-K, ia Kanuku; a pela hoi kela apana aina aupuni i lilo mai ia maua ma ka hoolimalima e pili pu la no me na apana aina i oleloia ae nei maluna, nona ka iliaina, o 9 ame 60-100 eka, oi aku a emi mai paha.

Ke hookapu pu ia aku nei no hoi aole e oki wale a luku wale i na laau e ulu ana maluna o ka aina, a hele paha i ka lawa‘ia ma na kai o na aina i oleloia ae nei, koe wale no a loaa na apono ana mai ia maua aku, a mai ko maua hope aku paha, David K. Turner. O ka poe apau e ku-e ana i keia hoolaha, e hoopiiia no ma ke kanawai.

MRS. A. A. CHAMBERLAIN,

JAMES E. CHAMBERLAIN

Honolulu Mei, 22, 1922.

6505-- Mei 25.

 

TERITORE O HAWAII

 

Keena o ka Puuku, Honolulu, Oahu.

Ma ka hana e hoopau ana i ka THE HOKUITSU MUTUAL SUPPLY COMPANY.

OIAI, o ka THE KOKUITSU MUTUAL SUPPLY COMPANY, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me k@ ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ano iloko o ka hui i oleloia, e waiho mai i na ku-e ana no ka aeia @ku o ka palapala noi i oleloia maloko o keia keena mamua ae o ka la 29 o Iulai, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahe @ ae ole ia aku ai ka palapala noi i oleloia.

HENRY C. HAPAI,

Hope Puuku Teritore o Hawaii.

Honolulu, Mei 19, 1922.

6505-- Mei 25; Iune 1, 8, 15, 22, 29;

Iulai 6, 13, 20, 1922.

 

HUAMOA KUAI

Na huamoa Minor@a eleele, $1.50 no 13.

HARRY ROBERTS,

1503 Alanui Houghtailing, Palama.

6505-- Mei 25.

 

He Laau Hooikaika i ke Aalolo ka

B. B. C.

He Laau Hooulu Kino-- no ka Op@ ke Akepaa, na Puupaa, ame ke Keko, ka Lepopaa ame ka Rum@

$1.00

Ka Laau Ku@ B. B. C.-- Hoopau @ ka na@, ke kunu hoho, ka hano, ka eha o ka puu, ka ha o ka leo ame na ma‘i haua@ o ka leo. $.@

Ka Laau Hamo B. B. C.-- He hikiwawe ka hoopau ana i ka hu‘i ame ke aki. $@

Ka Laau Hanupaa B. B. C.-- No ka punia, ke anu i ke poo, a pela aku. $@

Ka Laau Ham@ Kamahao B. B. C.-- No ka moku palahe, ka mokupahi ame ka ma‘ihehe. $@

Na Huale B. B. C.-- E hoopau koke ana i ka leopaa. $.25

Kona B. B. C. no ka L@-- No ka heleheleua, ka holoi ana i ka lauoho ame ke kahi umiumi ana. $.25

E loaa no ma ka halekuai laau e BENSON, SMITH & CO., LTD.

a maloko e na halekuai laau apau, na halekuai o na mahiko, a me @

Ki & Co., ma Ewa iho o ka Makeke Kuai I‘a.

 

E Hoahu me ka Banako Holomua!

O ka

The Liberty Bank of Honolulu

LIMITED.

He Banako ia i lawa pono me na loina hana holomua o keia au ne@ mua.

Ka Makaukau, ke Kamaaina ma ka Hana, ka Hilinaiia Ana, Ka Nui o na Loaa e Komo Nei, ame ka Lawelaweia o na Hana me ka Makaukau Maoli.

E Hoahu i Kau Mau Wahi Hunehune Liilii,

ae Nana Aku o na La Ua.

E nee aku ana makou no ko makou kahua hou ma ke kihi o n@ Alanui Maunakea ame Moi ma ka mahina o Iulai e hoea mai ana. I keia wa eia no makou ke lawelaw@ nei i ka makou mau hana ma ko makou keena kuikawa, ma ke Alanui Moi, mawaena o na Alanui Maunakea ame Kamika, he hookahi kuea me ka hapa mai ka Makeke Kuai I‘a mai.

E HOAHU MAI ME MAKOU

The Liberty Bank of Honolulu, Limited.

KUMUWAIWAI $200,000.00.