Ka Nupepa Kuokoa, Volume LXI, Number 21, 25 May 1922 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no NA PUUWAI ELUA

A I OLE

KA Hewa o ka Wahine---He Moolelo i Owiliina me na Haawina Hoopihoihoi Noonoo o ke Au o ka Manawa

MOKUNA XXII

 

 

            He la maikai ole ka Poaono, no ka hele ana e huli i kekahi hale hoolimalima, aka oiai nae, ua makemake loa o Mrs. Mebure ame Ela, e loaa he home no laua e noho ai me ka oluolu, ma kekahi wahi mamao mai ke kulanakauhale aku, hoomaka aku la laua e hele e nana i ke kahi mau hale, kokoke mai.

            Ua nui no na hale i loaa ia laua, o ka pilikia wale no nae, o ia ke kokoe loa i ke kaulanakauhale, a he pipii loa no hoi ka uku hoolimalima o ka mahina, in a no ko laua noho ma kekahi o kela mau hale, e puehu ana ka laua mau wahi dala, i ka manawa pokole loa, nolaila hooholo iho la laua, a huli hoi mai o Ivana, alaila kukakuka hou lakou, me ko laua hoakaka aku i ko laua manao imua on a, no ke ano o ka'laua wahi i makemake ai e hoi aku malaila, e noho ai.

            Hoopau loa ae la ko laua noonoo, no ka hele hou ana aku e huli i hale, a mahope o ko laua kukakuka ana, i hooholo iho ai ka makuahine, me kana kaikamahine, e hele laua e ninau i ka haku hale o Keaka Mebure, in a paha ua maopopo iaia, kahi i hele ai o Keaka.

            Ia laua nei i hoea aku ai no ka hale hoolimalima i noho ai o Keaka Mebure, hookipaia aku la laua nei me ka maikai, e ka wahine nona ka hale hoolimalima, oiai nae, aia ka manao hoowahawaha iloko o kela wahine no laua nei kahi i hoopu ai, a no ka pane ana mai i ka ninau a Ela i waiho aku ai imua on a, in a paha ua maopopo iaia kahi i hele ai o Keaka Mebure, kamailio mai la ua haku hale wahine nei:

            "Aole a'u mea i lohe hou no Mr. Mebure, mai kona wa i haalele mai ai i kuu hale nei, ahiki i ko olua hoea ana mai la, a aole no o'u wahi manao iki, e ike hou aku ana au iaia," wahi ana me ka luliluli ana ae o ke poo.

            "Aole oia i noho aie ia'u i ka hoolimalima o kona mau rumi, koe wale no ka uku o hookahi pule, no kona hoike mua ole ana mai, e hele ana oia; aole no nae o'u hopohopo iki no kela mau dala, oiai ua nui no kona mau ukana e waiho mai nei. i lawa loa no ka uku ana mai i kela mau dala."

            Ua hookahaha loa ia o Ela ame kona makuahine, i ka lohe ana aku i kela mau olelo a ka wahine nona ka hale hoolimalima. me ko laua pane ole aku nae, a o ia ka ua wahine haku hale la, i kamailio hou mai ai:

            "Ina e hiki ana ia olua e na lede ke uku mai i umi-kumamaluna kilina, alaila aole a'u mau koi wale ana aku no keia mau ukana e haiho mai nei. Ua paa loa kuu mana'o, ua holo aku no ke keiki, elike me ka hana a kona makuakane!"

            Ike iho la o Ela, he mea makehewa wale no ka paku'iku'i olelo ana aku me kela wahine, nolaila wehe ae la oia i kana eke dala iwaho, a pane aku la:

            "Ua hiki ia'u ke uku aku, i ka uku hoolimalima o na rumi o Keaka Mebure no hookahi pule, aka nae, ke kanalua loa nei au i ka haawi ana aku i ke dala, i kekahi wahine elike me kou ano. E haawi aku ana au i ke dala, ma ka lima o ke kanaka a'u e hoouna mai ai no ke kii ana i ua ukana o kuu kaikunane, mahope iho nae o kona ike ana, ua loaa aku iaia na ukana apau."

            Ua hoopukaia aku kela mau olelo e Ela, mamuli o kona piha, i ka huhu, no na olelo kikoola, a ka wahine nona ka hale hoolimalima; a ma kela wahi iho la o na mea i kamailioia, mawaena o na aoao a elua, i huli aku ai o Ela ame kona makuahine hele no kahi o ka puka, aia hoi ka wahine on a hale, ke hahai mai la mahope o laua, me ka noke mau ana i ka namunamu.

            Ia laua nei i hoea aku ai no ke alanui, ua kahea okoa mai la ua wahine on a hale hoolimalima nei, i ka i ana mai:

            "Aia ka wahine âme ke kaikamahine a Mebure ke hele la, kela kanaka nana i aihua i na dala a na wahine ame na kamalii. O na lole nani a laua e komo mai la, mai na dala mai ia o ka aihueia ana a na luahine ame na keiki makuaole.

            "Heaha la ko laua kumu o ka hele ole ana i ka hana? Ua oi aku ke kupopno, oloko o ka halepaahao ko laua wahi e noho ai, aole e hele lanakila ma na alanui!"

            Ua aneane e hiki ole ia laua nei ke hoomanawanui, i kela mau olelo ku i ka hoohilahila e kamailioia mai la e kela wahine, aohe no nae o laua nei huli aku ihope, ke awiwi la ka laua hele aha, aia ka pono o ka hoea aku i kahi o ke kaa uwila.

            No ka manawa mua loa, akahi no a loaa aku ka ike ia Mrs. Mebure, i ka nui maoli o ka pilikia ame ke kaumaha i kau aku maluna o kona ohana, mamuli o na hana i lawelaweia e kana kane. ka mea nae ana i manaoio ole ai mai kinohi mai, akahi nae a pau kona pohihihi, ua hele aku ke kolohe ame ka aihua o kana kane, i ka loa ame ka laula o ka aina.

            Ia laua i kaawale aku ai i kahi mamao, ua hookahe okoa aku la o Mrs. Mebure i kona mau kulu waimaka o ka ehaeha, me ke koi ana aku ia Ela, e hele laua no ke keena hana o Keaka Mebure, aole nae he wahi mea a ae iki aku o Ela, i kela manao o kona makuahine:

            "Aole e hiki ia'u ke ae aku i kena manao ou e mama no ko kaua hele aku e hui pu me na hoa hui o Keaka, he hana hoonui wale aku no ia i ko kaua hoohilahila mai."

            Hooholo iho la no hoi laua, he oi aku ka pono, e waiho maile no i na ukana o Keaka maloko o kona rumi hoolimalima, me ko laua hoonua ole aku i kekahi kaa e kii, malia e oili hou mai ana no oia, a nana ponoi no e hele aku e koi i kona mau ukana.

            I ko laua hoea ana aku i ke alanui o ke kaa uwila, o ko laua kau aku la no ia, aole nae me na manao hauoli, aka me ke kaumaha a ku no hoi i ka ehaeha o ko laua noonoo; eia nae, hookahi mea nana i hoomama mai ia Ela, o ia no ka loaa ana aku o ka ike i kona makuahine, no ka pilikia i ka'u mai maluna o iakou.

            Huki iho la ua o Ela, i kona uhimaka a paa ka helehelena, pela no hoi me kona makuahine, a oiai laua e noho kaawale ana mai ka nui mai o na ohua, kamailio mai la ka makuahine, i kana kaikamahine, i ka i ana mai:

            "Ua piha maoli no ko'u mau la apau o ke ola ana me ke kaumaha ame na pilikia he nui; a ua hana maoli mai no kuu kane ia'u. i kekahi hana aloha ole. Iloko o ka nui o na moolelo e pahola ana no ka nui o kana mau hana kolohe, a ua aneane aku oia ma ka'e o ka banakalupa, aohe on a wahi mea a ae iki mai, no kona pili i ka hewa. Pehea la oia i hoao mai ai e hoopunipuni ino loa ia'u ma keia ano?

            "Ua ku no paha oe e Ela i kou makuakane, aole no paha oe e kala i maopopo ai i keia pilikia, aohe nae ou wahi mea a kamailio iki mai ia'u? Heaha kou kumu o ka hoike ole ana mai ia'u, ua poho kana oihana e lawelawe mai nei ma ana aina mamao?"

            "Aole he kumu okoa ae o ko'u noho hamau loa ana no na mea e pili i ko kakou mau pilikia, mamuli wale mai no ia o kuu makee no kou pono, o lilo auanei kou lohe ana no na pilikia, i kumu e hooi loa ia aku ai kou kaumaha. E hoolana i ka manao e mama, a e kau aku i ko kaua manaolana malumea maikai ole apau i hookauia mai maluna o kakou.

            "O ka'u a'o wale no ia oe e mama, o ia ka hoao ana e hoauhee aku i na manao kaumaha apau, aole o kaua pilikia iki, e hooikaika aku ana au ma ka'u hana kahakii, a o ia ka'u e hoomaikai ae nei, no ka loaa ana okeia kalena ia'u."

            "Pehea e ae mai ia o Ivana ia oe e lawelawe i kela ano hana, in a ua aloha mai oia ia oe e Ela? Ua maopopo ia'u, he kanaka waiwai O Ivana, heaha kona kumu, o ka hoihoi ole ana ia kaua no Kanale Hale, e noho ai, aole hoi ma Ladana nei? Ke ole au e koho hewa, ua nana mai oia maluna o kaua, elike no me ka hana a ka nui ae o na kanaka; a ke ole no hoi au e koho hewa, me ha mea la, ua holo aku oia, me ka ae ole e hoi hou mai imua o ko kaua alo."

            "O e mama, e mama, pehea la oe i kamailio mai ai i kena mau olelo kupono ole, me ka ahewa wale ana aku no ia Ivana? Ua paa loa ka manao o Ivana e mare mai ia'u, i keia manawa no, aole nae au i ae aku i kona manao, no ko'u makemake ole, e hoopilikia wale aku iaia, ma ka hapala ana aku i kona inoa maemae, me ko kakou mau moolelo ku i ka hoohilahila."

            No ka hoea ana aku o ke kaa uwila, ma kahi kokoke i ka Hokele Kuini, na ia mea i hoopau ae i ka laua kamailio ana, me ka hoi pololei ana aku no ko laua mau rumi, a imua o Ema, ka laua kaikamahine lawelawe, i hoikeia aku ai ka holopono ole o ka laua huakai huli hale, ma kela la, nolaila hoolala iho la lakou, no ka hele hou aku e nana hale, ma ka Poakahi mai.

            Aia mau ka manaolana iloko o Ela, no ka huli hoi aku o Ivana ma kela po no Ladana, aka i ka hoea ana mai o ke kakahiaka Sabati, me kona hoea ole mai, a i ole, kakau mai paha i kekahi leka, ua lilo ia i kumu e hookaumahaia aku ai ko Ela manao, me kona noho kukule ma kela la ahiki i ka po ana.

            I ke ao ana ae ma ke kakahiaka mai o ka Poakahi, aole no i hoea mai ua o Ivana a aole no hoi he leka mai iaia mai, e hoakaka ana no ke kumu i hiki ole ai iaia ke hoi mai imua o kona mau hoa.

            "Ua haalele maoli mai o Ivana ia kaua e Ela," i kamailio mai ai o Mrs. Mebure i kana kaikamahine. "O keia no ka'u mea i hoohuoi mua ai, eia ka e hoea mai ana no i ka hooko ia ana."

            Ma kela kakahiaka Poakahi, hele hou laua e huli i hale, ma na wahi mamao mai ke kulanakauhale aku, ua nui na hale hoolimalima i loaa ia laua, he mau hale kupono maoli me ke emi o ka uku hoolimalima, a hooholo iho la ko laua manao, e lawe i kekahi hale, oiai he like wale no ke ano o na hale i kukuluia ai, e hiki ole ai ke ikeia aku ka like ole o kekahi mai kekahi mai.

            Ia laua i huli hoi aku ai no ka hokele ma kela auwina la, ua loaa mai la ka leka a ka Makaikiu Liki, e hoakaka mai ana no kona hoouna ana mai i ko laua mau ukana ma ke kaaahi no Ladana, me kona kakau pu ana i kekahi kauoha, e haawina mai kela mau ukana ia laua nei, i ka wa e kiiia aku ai.

            Ua lao pu aku la ia laua ka bila o ko laua noho ana ma ka hokele, i oi aku mamua o ka ekolu paona, ua lilo keia i mea hookahaha loa i ka manao o Ela, no ka mea o Ivana wale no ka mea i kuleana e hooponopono ai me ka ona nona ka hokele no ko laua nei mau lilo o ka noho ana malaila.

            Aole i loihi ko laua noho ana iho, hoea ana no ka on a o ka hokele, a koi koke aku la ia laua nei e ukuia aku ka huina maloko o ka bila, a o ia ka Ela o ka pane ana mai:

            "Ma ka'u mau mea e homaopopo nei, o Mr. Leonada, ka mea nana e uku i ka bila o ko maua noho ana maloko nei o keia hokele."

            Hoopinana wale ae la no ka on a o ka hokele, i kona mau poohiwi iluna, a i mai la: "Aole e hiki ia'u ke kakali aku i kela kanaka, no ka mea in a ua holo mahuka aku oia, aohe mea nana e uku mai i ko olua bila, pela au i manao ai, o olua ponoi no ke uku mai i ko olua aie, a ma keia hope aku, e ukuia ka bila i kela ame keia la, elike ma ka loihi o ko olua noho ana maloko nei o keia hokele."

            Aole mea hou ae a Ela e hana aku ai, o ka uku wale aku no i ka bila i waihoia mai imua on a, me ka lilo ole nae o ka hana a kela on a o ka hokele, i mea na Ela e kamailio aku ai i kona makuahine, he hooi wale ana aku no ia i ke kaumaha maluna o Mrs. Mebure.

            Ma ka Poalua ae, hoikeia mai la ka lohe, i ka akena nana e holimalima ana i kela mau hale, no ko laua nei hoi aku a noho ma kekahi hale, me ka hoololi ana ae o Mrs. Mebure i kona inoa, a kapa iho la iaia, ma ka inoa o kona makuakane oia o Kolakona.

            Aohe a ka akena ninau ana mai no ko laua nei moolelo, o kana wale no, o ia ka piha o na hale i ka poe hoolimalima, i loaa ai kona uku komisina. Nolaila ma ka Poaklu ae, ua hoi hoiia aku la na ukana o Ela ma, no ko laua home hou, me ko laua hoi pu ana aku no hoi e noho maloko olaila, me ka maha o ko laua noonoo, no ka loaa o ko laua hale kaokoa loa, aole hoi e hoouluhua mau ia e ka on a o ka hokele, me ka nana mai ia laua nei, me he mau mea hana karaima la.

            Ua aneane loa e pau ka Ela mau dala, iloko no nae o kona ike i ka hookokoke mau mai o ka pilikia, ke hoomanawanui la no oia, a i kona hoi ana aku maloko o kona rume, ma ia po ana iho, akahi no oia a hookahe maoli aku, i kona mau waimaka o ka ehaeha.

            Noonoo iho la oia, in a paha ua haalele mai o Ivana iaia in a o ka mea oiaio ia alaila, aole no ana mau hoahewa wale ana aku maluna o kana aloha; no ka mea aole oia i makemake iki, e hapala wale ia aku kona inoa hanohano, me na moolelo i pili i ka hana karima a ko ia nei makuakane. O kana wale no e hoahewa la ia Ivana, ina hoi ua pololei kana mea e noonoo la, no ka haalele o Ivana iaia, o ia ka hoike ole mai o kela kanaka i ka mea oiaio loa.

            "O, e Ivana, ua naha maoli kuu puuwai ke hoomanao ae aole oe imua o kuu alo, ka mea nana e hoomama mai i ko'u mau manao kaumaha!" i kaukau ae ai o Ela, iaia e hookahe la i kona mau waimaka.

            No kekahi mau minuke loihi kela uwe ana o Ela, holoi ae la i kona mau waimaka, me he mea la ua hooauheeia aku la kela mau manao kaumaha, mamuli o ka manaoio ana iho, e hoi hou aku ana no o Ivana imua on a, a pela no hoi me Keaka kona kaikunane.

 

MOKUNA XXIII

            Ma kela la hookahi a ka makuahine ame kana kaikamahine, i haalele iho ai i ka hokele Kuini, no ko laua home hou, hoea aku la kekahi leka i ka hokele, ma ka inoa o Kapena Ivana Sr. Leonada, a e kau ana ke kuni mawaho, no ka hoounaia ana mai o kela leka, mai ka aina mamao mai.

            I ka ike ana o ka on a o ka hokele, i kela leka, mihi loa iho la oia, no ke ano o kana mau hana maluna o na lede, aohe nae he mea hiki iaia ke hana aku. Aole no oia i kamaaina mua ia Kapena Ivana, o ka manawa mua loa ana i ike ai i kela keonimana, o ia no ka hoea ana aku no ka hokele a hoolimalima i kekahi mau rumi.

            He elua noonoo iloko o ka on a o ka hokele, e pili ana no Kapena Ivana, o ia hoi, he keonimana paha o ke kulana waiwai, a i ole, he koloka wale iho no ke kulana keonimana mawaho, a maloko aku, ua piha me ka epa ame ke kolohe, a o kela nalowale honua ana mai ka hokele aku, i holo maoli no oia, i kaawale ai oia mai ka uku ana i na hoolilo o ka wahine ame ke kaikamahine a Mebure.

 

He Moolelo no

PITA NIKOLA

A I OLE

Ke duke i Haalele Aku i Kona Kaulana Hanohano a Lawe Mai i ke Kaulana Makaainana

 

            "Aole o'u makemake, e mau loa ko'u ano elike me keia, me he ulu ana la na ke pu, ka nenee wale iho no ilalo, aole he ulu pololei ae iluna."

            Akaaka hou ae la o Nikola me ka leo nui, no keia mau olelo a Beka, me kona ike mai no nae, he mau olelo oiaio loa keia a kona hoa o ke kamailio ana aku iaia, a o ia kana o ka pane ana mai:

            Aole au piikoi hou ana aku, ua lawa iho la no oe me kena ano ou, malia paha i kou ake ana aku e lele ae i kaulana hou, e lilo, ana na mea maikai i loaa mua ia oe, i mau mea waiwai ole."

            "Aole loa pela e Mr. Nikola. Ua a'o mai oe ia'u i ka ike himeni, a ua a'o pu mai no hoi oe e loaa ia'u ka noonoo maikai, iloko o'u, i hoala mai i ka ike, aole pono ia'u ke noho mau i kahi hookahi me he pu la, aka e oni ae mai kekahi anuu a ikekahi."

            "Owai auanei ka mea nana e papa aku ia oe, ke manao oe e hoololi ae i kou ano, o oe wale no, nolaila mai hoopilikia i kou noonoo no keia kumuhana au e hapai mai nei."

            "E hoomanao hoi paha oe, ke noonoo mau nei no au no kela halehana, he mea pono e loaa nui ia'u ke dala ma ka hele ana e hana, i keia hooilo ae, aole e hiki ia'u ke kauka'i mau aku maluna o na dala a kuu makuahine, ke hooikaika kino nei no oia i wahi e pono ai ko maua noho ana; aka nae ia'u e noonoo ae ai no keia pomaikai nui e loaa wale nei ia'u mai ia oe mai, ke minamina loa nei au, i ke oki pu ia ae o ka'u mau haawina, a e hele aku i ka hana maloko o ka halehana omole."

            "Malia paha, aole no au noonoo hou ana aku e hele i ka hana."

            Nana pono loa aku la o Beka maluna o Nikola, alaila huli aku la kana nana ana i kahi e, a i kona nana hou ana mai ia Nikola, pane mai la:

            "Aole he maopopo iki ia'u o ka manao o kau mea i kamailio mai nei, no ko'u hoi hou ole e hana maloko o ka halehana omole."

            "Eia no ka manao, o ia ko kaua huli ana aku i kekahi alahele, e hoi hou ole aku ai oe i ka hana, aka e hoomau aku oe i ke a'o ana i ka ike himeni."

            "Ke pohihihi loa nei au i kekahi alahele; aole no hoi o'u makemake e kauka'i aku maluna o kekahi mea, no ke kokua ana mai ia'u. Alaila o kou manao maoli anei, e Nikola, o ia no kou uku ana me kau mau dala ponoi, no ko'u hoonaauaoia mai, i ka ike himeni?"

            "Aole na'u e kokua maoli aku ana ia oe me ka dala, aka e huli aku ana au i na kokua ana mai kekahi wahi okoa mai, a'u no e manaoio nei, aole e nele ana ka loaa ia'u me ka nui ole o ka hana," wahi a Nikola, me kona noonoo ana ae, i na dala a Beni Kamerona, e hoohanaia mai la e Mr. Makuaia ma ke ano kolohe, oiai hoi ke kaikamahine a Beni Kamerona, e noho aku ana me ka nele.

            "Aole loa au e ae ai oe e Nikola, e hana aku elike me kau e kamailio mai nei," i pane aku ai o Beka, me ka luliluli ana ae o kona poo.

            "Ua paa loa kuu manao e hoomau aku oe e Beka, i ke a'o ana i ka makaukau himeni. He keu aku kou aapo maoli, i na mea apau e a'oia aku nei ia oe; aole he loihi o ka manawa a'u e a'o aku ai, o ka pau no ia o ka'u mau mea apau, i ka loaa ia oe, a mahope aku o kela manawa, e waiho aku no au ia oe, o kekahi kumu akamai loa i ke a'o himeni, maloko o ke kulanakauhale o Nu Ikoa. Aole o'u wahi kanalua iki, iloko o ka makahiki hookahi au e noho a'o ai malalo o kela kumu, e hiki ana e loaa kekahi kulana ano nui ia oe, e ike maoli iho ai no ka maka i ka nui o na dala e komo mai ana iloko o kou mau lima."

            "O, aole e hiki ia'u ke ae aku ia oe e hana mai i keia mau mea au e hoakaka mai nei no ko'u pono, ua nui palena ole kou lokomaikai, i haawi wale mai ai i kou ike, ame kou manawa me ke kumukuai ole ia'u i keia wa, a ua noho aie maoli no au malalo ou, e hiki ole ai ia'u ke pana'i aku i kekahi mea ma ko'u aoao."

            "Aole a kaua kamailio ana no na mea pili dala; ua uku pono ia mai ko'u luhi e oe, mamuli o ka loaa ana o ka hauoli ia'u, ma ka haawi wale ana aku i ka mea i loaa ia'u ia oe e Beka."

            "No kela manao ou, e hoouna ia'u no Nu Ioka, aole e hiki ia'u ke ae aku. Aole e hiki ia'u ke lawe mai i hookahi keneka mai ia oe mai e Nikola, a mai kekahi kanaka okoa aku paha, mawaho ae ou. Ua hiki loa ia'u ke hele i ka hana i ka po, a i ke ao, e loaa ana he manawa no'u e a'o ai i ka ike himeni, aka no kuu hoi hou iloko o ka halehana omole, ke hoole loa nei au, ua lawa kela ano o ke ola ana, ua a'o mai oe e Nikola ia'u e lilo i wahine e makee ana i kona kulana iho, a e kikoo aku i na mea oi ae."

            "Ke haawi aku nei au i ko'u mahalo kiekie loa ia oe e Beka, o kena ke ano o ke kamailio ana, no ka mea pela iho la ka poe kaulana, i pii ae ai na anuu haahaa mai, ahiki ka lakou kau ana iluna o ka panepoo o ka hanohano, ka waiwai ame ke kulana. E hoolilo aku ana au ia oe i puukani kaulana ma Amerika nei!"

            "O kau mea i'o anei ia e hana aku ai no'u? Nani maoli ka hauoli, ke lilo aku au i puukani himeni. E hooikaika aku ana au e loaa ia'u ka ike i ka olelo Italia Palani ame Rukini. O, e kuu Akua, e hooko i'o ia ana anei ka iini a kuu puuwai? E Nikola, ua konoia mai au e ninau aku ai oe, heaha la ke kumu nui o kou ake ana mai e loaa ia'u ka ike himeni, a e lilo hoi i puukani kaulana."

            "He nani hoi ia ke ninau mai nei oe ia'u i ke kumu, o ko'u ake ana e lilo oe i lede oiaio, e haawi aku no au i ka'u pane me ka oiaio loa," wahi a Nikola, me ka waiho ana aku i kona ipupaka ilalo.

            "Ua hele mai au i keia aina malihini, ma kekahi hana, me ka nele i ka hoaloha. Ua loaa oe ia'u, a o ka mea pololei paha owau ka i loaa ia oe, ua nalowale iloko o ka ululaau, elike me kekahi bebe. Ua hoopahenehene mai oe ia'u, o oe wale no ka mea mua loa i hana mai ia'u pela, a ua lilo ia i mea maikai loa i ko'u manao. I ko'u lohe ana i kou leo himeni, ua komo koke ka manao hoohihi ia'u, no ka nani o kela leo ou, a koho maoli iho la no au iloko o'u, e kokua aku elike me ka hiki ia'u ke hana, i wahi e waiwai ai kela leo nani.

            "Ma kou loaa ana ia'u, ua oili mai la o Keka Wala; aole e hiki ia'u ke nanamaka wale aku i ke ano o ka hana a kela kanaka malune ou, me ka loaa ole iaia he kuleana ma kekahi ano, a mai kela manawa mai, i ike maoli iho ai no au, ua ili mai maluna o'u, ke ko'iko'i o ka makaala ana aku no kou pono, i ole ai oe e hoopilikia wale ia mai."

            "Alaila e olelo mai ana anei oe, mamuli o ko Keka hoopilikia ana mai ia'u, i komo mai la oe e kokua no ko'u pono?"

            "Aole pela ka mea oiaio e Beka?"

            "Eia no, ua makemake au e lilo kaua i mau hoaloha oiaio loa, ma ia ano hoaloha auanei e nana mau aku ai au no kou hauoli, i na wa apau. Ina he mau manao kekahi, a he mau hana paha e hopilikiaia ai ko kaua noonoo pakahi, o ka iini nui iloko o'u, aole e lilo ai mau mea, i kumu e hookaawale@@ ai kaua, mai ke a'o ana i ka ike himeni."

            Aole he pane iki mai o Beka, no kela mau olelo a Nikola i kamailio aku ai iaia, me he mea la ua piha paha oia i na noonoo like ole, aka nae, iloko o ko Nikola nanea, ua hookahaha loa ia aku kona manao, i ka noke ana ae o Beka i ka akaaka me ka leo nui, me ka pane ana mai:

            "Heaha no hoi kou kumu hoolalau i kau kamailio ana, he kamailio mai i ka mea pololei? Ke mihi nei anei oe no kou haulehia ole ana i ke aloha ia'u?" Ke mihi nei anei oe no kou haulehia ole ana i ke aloha ia'u?" Aole anei keia he mea anu e?" alaila noke hou ae la ua kaikamahine opio nei i ka akaaka me he mea la e hoopahenehene maoli ana oia ia Nikola.

            "Aole nae i lilo na olelo a Beka o ke kamailio ana @@@ mea no Nikola e komo pu aku ai iloko o ka akaaka ana kana e ike la, ua kikoo okoa ia aku ka meahuna iloko o kona puuwai, a huaiia ae iwaho, nolaila nana wale mai la no oia @@ Beka, me kona ike maoli iho no i ka hiki ole iaia ke pa@@ mai, ua like maoli oia me kekahi keiki uuku, imua o kela kaikamahine.

            NO kela pane ole aku o Nikola, kamailio hou mai la no o Beka, ma kela ano hoopahenehene no i ka i ana mai: "Ea he keu aku ka hoi koy noho kukule loa, no ko hopohopo paha, o haulehia aku au i ke aloha ia oe ea?" me ka noke hou ana ae no o ua o Beka i ka akaaka.

            "Aole au i noonoo mua, no kena mau mea au e houpuupu mai nei e Baka," wahi a Nikola, me kela kahaha mau no iloko on a.

            "Malia o ka mea oiaio no paha ia," i kamailio hoopaani hou aku ai no o Beka, "aka ma ko'u manao no nae, ua hopohopo loa oe i ka hoike okoa mai i kou manao, no kou haulehua i ke aloha ia'u," alaila ku ae la ua o Beka iluna, me ka lalau ana aku i kana pepa leo mele, a kamailio hou mai la: "Heaha kou manao maoli e Mr. Nikola?"

            "He keu aku oe a ka piha eu maoli, e Beka," wahi a Nikola, me kona ku ana ae no hoi iluna, a hoomaka mai la e hele, me ka manao e hopu aku i ka lima o Beka, me ka pane hou ana aku: "Ihea kahi au i huna ai i keia ano eu ou, me ka hoike ole mai, iloko o keia mau pule o ko kaua hui mau ana?"

            Ke holo hoopokakaa la o Beka ma ke pakaukau, me ka alualu no o Nikola mahope on a, ahiki i ka holo okoa ana aku o Beka, a hemo iwaho o ka hale, me ka holo ana aku a pee ae la mahope o kekahi o pu nahelehele.

            "E hoi hou mai oe e Beka, he mea ano nui kekahi a'u i makemake ai e kamailio aku ia oe?"

            "Nui i'o aku la ka hoi kena manao ou! Ea, aole anei ou maka'u no ko'u hili aku ia oe i ka pauku laau?"

            "Heaha auanei hoi, aia no ia i kau hana ana mai, in a no hoi paha no ko'u eha ia oe, nau no hoi paha au e lapaau mai!" i pane hoomakeaka aku ai o Nikola.

            Hopu wale aku la no o Beka i kekahi lala laau uuku, me ka lomilomi ana mai i na lau liilii iloko o kona lima, a i mai la:

            "Aole paha e pono ia'u ke hahau aku ia oe, i ka laau, akahi ae la ka hana nui o ko'u lapaau aku ia oe, a o kekahi kumu no hoi, mamuli lilo auanei ia, i wahi e hoopaneeia ai ka kaua mau hana himeni. E Nikola, ua maopopo no anei ia oe, aole he pupuka o kou helehelena?"

            "E hoopau koke oe e Beka, i kou noke ana mai i ke pahenehene ia'u?"

            "Aole au e hoopau ana, owau no ke kuleana maluna iho o'u, nolaila e hana ana no au elike me ko'u makemake!"

            "Ina oe e hookokoke mai ana ia'u e Nikola, aole au e hele hou mai ana no kou a'o mai ia'u i ka himeni."

            "O, mai hana oe e Beka pela!"

            "Peha, in a au e olelo aku ana ia oe e Nikola, eia ke aloha iloko o'u ke paila nei nou, e huhu mai ana anei oe ia'u? No'u iho, ua like loa au me kekahi kaikamahine a'u i ike ai maloko o ke kiionioni, i kona haulehia ana i ke aloha, me ke poho o na manaolana."

            Ke hoike okoa mai la o Beka, i ka meahuna i kokoke loa i ka puuwai o Nikola, nolaila hiki hou ole iho la ia Nikola ke ku maile i kahi hookahi aka hoomaka aku la oia e hele no kahi a Beka e ku mai ana, me ka hoomaopopo ana mai o ua kaikamahine nei, i ka manao o kela hele ana kau o Nikola, o kona hoomaka aku la no ia e holo ma ka moali alanui, @@ ka huli ana mai ihope e noke ai i ka akaaka.

            No Beka hoi ka holo, hoomaka aku la o Nikola e alualu mahope on a, eia nae he keu aku ka mama o Beka, aohe wahi mea a pilipili aku o Nikola mahope on a, a i ka hoea ana aku o ke kanaka opio no ke kahawai, aia o Beka ma kekahi aoao kahi i holo ai iloko o ka ululaau.

            Me he mea la, aia mau no kela leo akaaka pahenehene o Beka, ke o la ma kona mau pepeiao, nolaila hooholo iho la ua kanaka opio nei, e alualu no oia ahiki i ka loaa ana aku o Beka, in a no ia e hoea like ana laua no ka home o ke kaikamahine opio.

            Iloko nae o ka nanea o Nikola i ka holo, a no ka lilo paha hoi kekahi i ka nana ia Beka, i ole ai e nalowale mai iaia aku, hooku'i aku la kekahi o kona mau wawae, i ka pohaku, o kona haule aku la no ia iloko o ka wai.

            Ua ike mai o Beka i kela haule ana aku o Nikola iloko o ka wai, nolaila noke mai la oia i ka akaaka, me ka lohe pono loa aku o Nikola; nolaila ku ino ae la oia iluna, me ka noonoo ole ae no kela pulu ana on a i ka wai, o ka pinana ae la no ia iluna, a kau ma kapa o ke kahawai, hoomaka hou aku la ke alualu ana, a ke ike aku la oia ia Beka, e holo ana iwaena ka ululaau, aole no hoi i kana mai o kona mama.

            I kinohi o ko Nikola alualu ana mai ia Beka, he makemake kolohe wale no kona o ke ano hoohaehae iaia, aka no ke ku ole mai o Beka, nolaila hooholo iho la o Nikola, aole oia e haawipio ana, ahiki i ka loaa ana o kela kaikamahine iaia o kona kuupau aku la no ia i kona mama, a i ka ike ana mai o Beka, ua kokoke loa o Nikola mahope on a, pau iho la kona akaaka ana, alaila hopu okoa aku la o Nikola ma kekahi lima o ke kaikamahine opio, a pane aku la:

            "Manao paha oe i ko holo ana mai nei, e pakele oe mai ai'u aku! Owau ka mea nana e a'o aku ia oe i ke ano o ka akaaka ana, o ka'u mea makemake loa ia, ke akaaka mai oe imua ponoi o kuu alo, aole o ka holo a kahi mamao, alaila akaaka mai!"

            "E hookuu koke oe ia'u, e hoi au no ko'u wahi!"

            "Aole au e hookuu aku ana ia oe," me ka hopu hou ana mai o Nikola i kekahi lima o Beka, aia no hoi ua kaikamahine la ke hoao la e hemo mai ka paa ana aku a Nikola, aohe nae wahi mea a hookuu iki o ke kanaka opio, a ke ike mai la hoi o Beka i ke kuoo maoli iloko o Nikola.

            "Ea, e hookuu mai oe ia'u e hoi, he mau kamailio hoopaani wale aku nei no ka'u ia oe, a aole no au i akaaka aku nei m@ ke ano hoopahenehene."

            Aohe nae wahi mea a hookuu iki aku o Nikola ia Beka @oi loa mai la kona puliki, me ka hoopili ana mai imua o kona alo, me ka honi ana iho ma ka lae o ua kaikamahine nei, a ma na papalina, a i ka noho malie ana iho o Beka, honi okoa aka la o Nikola ma ka ihu, me ka hoomaumau ana iho, aohe no hoi he mea a kaili ao o Beka no ka ike maoli iho paha hoi kekahi, aohe mea hiki iaia ke hana ae, ua like oia me kekahi hioa keiki imua o ka mea nana e ako ana i kona hulu.